Arxiv
O‘zbekiston va Ozarbayjon tijoriy onlayn platformani yaratmoqchi — Laziz Kudratov
O‘zbekiston va Ozarbayjon hukumati tadbirkorlar uchun onlayn-tijorat platformasini yaratish va 1 mlrd dollarlik savdo aylanmasiga erishishni rejalashtirmoqda, dedi investitsiyalar vaziri Laziz Kudratov. U, shuningdek, Ozarbayjon rahbarining avgust oyida Toshkentga tashrifi reja qilinganini aytdi.
Toshkent viloyatida mahkumni boshqa koloniyaga ko‘chirishni va’da qilganlar ushlandi
Ichki ishlar vazirligi xodimlari 1000 dollar olayotgan ikki shaxsni qo‘lga oldi. Ular mahkumni tanishi orqali Bo‘ka tumanidagi 43-sonli manzil koloniyadan Ohangaron yoki Olmaliqdagi koloniyaga ko‘chirishni va’da qilgan.
O‘zbekiston Kaspiy dengizida gaz qazib olish bo‘yicha Ozarbayjon loyihasiga qo‘shilishi mumkin
“O‘zbekneftgaz” kompaniyasi Ozarbayjonda gaz qazib olish loyihasiga qo‘shilishi mumkin, deya ma’lum qildi O‘zbekiston investitsiyalar, sanoat va savdo vaziri Laziz Kudratov. Gap Kaspiy dengizidagi “Shah-Deniz” loyihasi haqida ketmoqda.
Farruh Mirazizov tibbiyotda innovatsiyalarning muhim roli haqida gapirdi
Farmatsevtika sohasining yetakchi mutaxassislaridan biri Farruh Mirazizov ma’lumotlarni tahlil qilish, yangi dori vositalarini izlash va tadqiqot jarayonlarini optimallashtirish loyihasini joriy etdi.
1,5 mlrd dollar: O‘zbekiston jahon moliya bozorlariga navbatdagi suveren xalqaro obligatsiyalarni chiqardi
O‘zbekistonning umumiy qiymati qariyb 1,5 mlrd dollarga teng navbatdagi suveren xalqaro obligatsiyalari 3 ta valyutada jahon moliya bozorlarida joylashtirildi. Obligatsiyalardan tushgan mablag‘ Davlat budjeti taqchilligini qoplash va Barqaror rivojlanish maqsadlarini moliyalashtirish uchun yo‘naltiriladi.
“Toza havo sari” shiori ostida IT ECO FEST bo‘lib o‘tdi
4−5-may kuni Toshkentda an’anaviy bahorgi IT ECO FEST 2024 eko-festivali bo‘lib o‘tdi. Festival “Toza havo qani?” va “Toza havo sari” shiorlari ostida tashkil etildi.
Norvegiya, Irlandiya va Ispaniya Falastinni mustaqil davlat sifatida tan oldi
Norvegiya, Irlandiya va Ispaniya Falastinni mustaqil davlat sifatida tan olganini e’lon qildi. Bu bilan Yevropa Ittifoqining Falastinni tan olgan davlatlari soni 13 taga yetdi. Qaror ortidan Isroil Norvegiya va Irlandiyadan elchilarini chaqirib olishi aytildi.
O‘zbekistonda mahallalar faoliyatini rag‘batlantirish jamg‘armasi tashkil etilmoqda
O‘zbekiston mahallalari uyushmasi huzurida Mahallalar faoliyatini rag‘batlantirish jamg‘armasi tashkil etilmoqda. Uyushmaga mahallalar faoliyatini takomillashtirish bo‘yicha aholining murojaatlari uchun call-markaz ochish topshirildi.
DXX fuqarolarni Hajga noqonuniy yuborishga uringanlarni qo‘lga oldi
Davlat xavfsizlik xizmati xodimlari Toshkent shahri va Farg‘ona viloyatida fuqarolarni Haj safariga noqonuniy yuborishga uringanlarni qo‘lga oldi.
Toshkentda transport vaznini 2 tonna ko‘p yozib, 791 mln so‘mlik imtiyozni o‘zlashtirmoqchi bo‘lganlar aniqlandi
Bojxona xodimlari yoqilg‘i tashish mashinasini hujjatlarda vazni 18 tonnadan 20,6 tonnaga o‘zgartirib yozib, 791 million so‘mlik bojxona imtiyozlarini o‘zlashtirishga uringan shaxslarni aniqladi. 2025-yil 1-yanvargacha 20 tonnadan oshadigan maxsus va yuk transport vositalari bojxona to‘lovlaridan ozod etiladi.
Toshkentda tunda daraxt qo‘porib olgan shaxslar 5 sutkaga qamaldi
Yunusobod tumanida tunda ekskavator yordamida bir tup daraxtni qo‘porib olgan ikki shaxsga sud hukmi o‘qildi. Ularga 5 sutka qamoq va jarima jazosi tayinlandi, 27,8 mln so‘m zarar undirib olindi.
Toshqinlar munosabati bilan O‘zbekiston Afg‘onistonga insonparvarlik yordamini yubordi
O‘zbekiston suv toshqinlaridan jabr ko‘rgan Afg‘oniston xalqiga navbatdagi insonparvarlik yordamini yubordi. Yordam tarkibida chodirlar, shuningdek, un, guruch, konserva, makaron, yog‘ va boshqa mahsulotlar bor.
“Vazirlikning 2 mlrd so‘m tikkani hammaning ko‘ziga ko‘rinyapti”. Ozodbek Nazarbekov — “Ovoz” loyihasi haqida
Madaniyat vaziri Ozodbek Nazarbekov budjet taqchilligi sharoitida “Ovoz” teleloyihasi uchun salkam 2 mlrd so‘m, “Bobolarim” kino-klipiga esa 2,7 mlrd so‘m ajratilganiga munosabat bildirdi. Uning aytishicha, boshqa sohalarni bo‘lgani kabi san’at va madaniyatni ham qo‘llab-quvvatlash kerak.
O‘zbekistonda 2023-yilda muzeylarga 5,7 mln kishi tashrif buyurgan
2023-yilda O‘zbekistondagi 140 ta muzeyga 5,7 mln kishi tashrif buyurgan. Registon ansambli va Samarqand davlat muzey qo‘riqxonasining har biriga milliondan ortiq odam kelgan.
Toshkent xalqaro aeroportida avtomobillarni ijaraga olish nuqtasi ochildi
Toshkent xalqaro aeroportida 20-maydan Europcar brendi ostidagi avtomobillarni ijaraga olish imkoniyati yaratildi. U yerda ishlab chiqarilgan yili 4 yildan, yurgan masofasi 80 ming kilometrdan oshmaydigan avtomobillar ijaraga beriladi.
Chery 2024 Fortune China ESG Impact List`ga kiritildi
13-mayda e’lon qilingan 2024 Fortune China ESG Impact List ro‘yxatida Chery kompaniyasining ESG sohasida erishgan yutuqlari e’tirof etildi.
World2Fly aviakompaniyasi O‘zbekistonga yo‘lovchi reyslarini yo‘lga qo‘yadi
Ispaniyaning World2Fly aviakompaniyasi Urganch va Toshkent shaharlaridan Madridga charter reyslarni yo‘lga qo‘yadi. Ilk parvoz 23-mayda amalga oshiriladi.
Farg‘onada gaz “zapravka” 1,1 mlrd so‘mlik tabiiy gazdan noqonuniy foydalangani aniqlandi
Farg‘ona tumanida joylashgan AGTKSH tabiiy gazdan noqonuniy foydalanish oqibatida davlatga 1 mlrd 136 mln so‘mlik zarar yetkazgani ma’lum bo‘ldi. Qoidabuzar iste’molchiga chora ko‘rish uchun hujjatlar tegishli organlarga taqdim qilindi.
21-may kuni e’lon qilingan eng muhim yangiliklar dayjesti
Davlat tashrifi bilan Toshkentga keladigan Putin, Ibrohim Raisiy bilan vidolashuv marosimida ishtirok etadigan O‘zbekiston delegatsiyasi, Qibraydagi 6 gektar maydonda quriladigan chiqindi poligoni, Parijdagi olimpiya o‘yinlariga tayyorgarlik uchun 73,3 mlrd so‘m va boshqalar — “Gazeta.uz"ning kunlik dayjestida.
Tibbiy sug‘urta tizimida odamlardan qo‘shimcha badallar undirilmaydi — prezident
Prezident Sog‘liqni saqlash loyihalari markazi faoliyatiga doir yig‘ilishda dorilar xaridini tartibga solish, tez tibbiy yordam tizimini takomillashtirish, sohani raqamlashtirish bo‘yicha ko‘rsatmalar berdi. Tibbiy sug‘urta tizimi soliqlar hisobidan bo‘ladi va qo‘shimcha badallar undirilmaydi, dedi u.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting