Arxiv
Uzbekistan Airways Qanot Sharq aviakompaniyasidan ikkita A330 samolyotini ijaraga oldi
Uzbekistan Airways Qanot Sharq xususiy aviakompaniyasidan ikkita Airbus A330 samolyotini ekipajlar bilan ijaraga oldi. Bitim bir yil muddatga imzolandi.
Umra tadbirlarini tashkil etish bo‘yicha litsenziyalanadigan faoliyat turi joriy etiladi
Umra tadbirlarini tashkil etish va o‘tkazish bo‘yicha litsenziyalanadigan faoliyat turi joriy etilmoqda. Litsenziyani olish uchun BHMning 10 baravarida boj belgilanmoqda. Shuningdek, endilikda Umra tadbirlarini litsenziyasiz amalga oshirish yoki litsenziyani qalbakilashtirish BHMning 200 baravarida jarimaga sabab bo‘ladi.
Sportdagi korrupsiyaviy holatlar uchun alohida jinoiy javobgarliklar belgilanmoqda
Sport musobaqalari ishtirokchilari va tashkilotchilarining qonunga xilof ravishda moddiy qimmatliklar olishi yoki ularni pora evaziga og‘dirib olish uchun jinoiy javobgarlik belgilanmoqda. Senat tegishli qonunni ma’qulladi.
“Boxo zavxoz” laqabi bilan tanilgan Bahodir Sultonov 10 yilga, Niyoz Ibodov esa 4 yilga qamaldi
2023-yil dekabr oyida o‘tkazilgan reyd chog‘ida qo‘lga olingan Bahodir Sultonov va Niyoz Ibodovga sud hukmi o‘qildi. Ular juda ko‘p miqdorda tovlamachilik qilganlikda aybdor deb topilgan.
Kuchli yomg‘ir va shamol oqibatida 6 ta hududdagi qariyb 67 ming iste’molchi elektrsiz qoldi
Qoraqalpog‘iston va 5 ta viloyatda 66 ming 750 ta iste’molchi elektr ta’minotidan vaqtinchalik uzildi. Bunga joylarda kuzatilayotgan kuchli yomg‘ir va shamol oqibatida 6−10 kVli 190 ta fider 274 MVt quvvat bilan avariyaviy o‘chib qolishi sabab bo‘lgan.
Senat Soliq kodeksining 227−1-moddasi bo‘yicha jarimani 98 foizga kamaytirish to‘g‘risidagi qonunni ma’qulladi
Senatorlar Soliq kodeksining 227−1-moddasini o‘zgartirish bo‘yicha qonunni ma’qulladi. Bu modda yuzasidan jarima chorakdagi sof daromadning 100 foizidan 2 foizigacha kamayadi. Ma’lum bo‘lishicha, modda bo‘yicha 1,5 mingdan ortiq tadbirkor jarimaga tortilgan va 735 mlrd so‘m jarima solingan.
Xodimlarini haqorat qilgan Farg‘ona viloyati kadastr boshlig‘i hayfsan oldi
Zoom orqali o‘tkazilgan majlisda xodimlarini haqorat qilgan Farg‘ona viloyati kadastr boshqarmasi boshlig‘i Nodir Mashrapovga hayfsan berildi. U yig‘ilish davomida xodimlar tomonidan yo‘l qo‘yilgan kamchiliklarni tahlil qilish vaqtida asablarini jilovlay olmagan.
17-may kuni e’lon qilingan eng muhim yangiliklar dayjesti
Markaziy Osiyoning tashqi dushmanlari haqida gapirgan Toqayev, Toshkentga kelgan Malayziya bosh vaziri, Ai-80 benzini ishlab chiqarishni to‘xtatadigan BNQIZ, bir yil avvalgidan ko‘proq Shengen viza olgan o‘zbekistonliklar va boshqalar — “Gazeta.uz"ning kunlik dayjestida.
Farg‘onada qo‘rqitib qo‘yish uchun yosh bolani mashina yukxonasiga qamab qo‘ygan shaxsga jinoyat ishi qo‘zg‘atildi
Farg‘ona viloyati Qo‘qon shahrida uyi derazasini tosh otib sindirgan qo‘shni bolani qo‘rqitib qo‘yish uchun mashinasi yukxonasiga solib harakatlangan fuqaroga jinoyat ishi qo‘zg‘atildi.
Tabiiy chang — Toshkent havosi ifloslanishining asosiy sababi — Ekologiya vazirligi
Ekologiya vazirligi Toshkent atmosferasida PM2,5 zarrachalari ko‘payishining sabablarini sanadi. JB hamkorligidagi o‘rganishlarda havo ifloslanishi asosan tabiiy chang (36 foiz) tufayli yuzaga kelayotgani aniqlangan. Bundan tashqari, issiqlik ta’minoti, transportlar va sanoat korxonalari ham o‘z ulushiga ega.
Qozog‘istonda Rossiya qonunchiligini buzgan O‘zbekiston fuqarolarini hibsga olish boshlandi
Qozog‘iston hukumati Rossiya qonunchiligini buzgan yoki jarima to‘lamagan O‘zbekiston fuqarolarini hibsga olishni boshladi. Avvalroq TIV Qozog‘iston va Rossiya ma’muriy va jinoiy ishlar bo‘yicha qarorlarni o‘zaro tan olish va ijro etishga kelishib olgani haqida ogohlantirgan edi.
“Qancha emas, qanday yashash muhim”. To‘quvchi Feruza Shodjonova hikoyasi
U opasi kabi orqa mushak atrofiyasi tashxisi bilan tug‘ilgan. Shu kasallik sabab 12 yoshida opasidan ayrilgan — shifokorlar uning ham ko‘p yashamasligini aytgan. Ammo u hayotga tashnaligi sabab, to‘qish bahona, o‘z o‘rnini topishga muvaffaq bo‘ldi. Bu hikoya — “Iroda” loyihasining ilk qahramoni Feruza Shodjonova haqida.
Ziyorat turizmi, islom moliyasi, “Halol” sertifikatlashtirish — O‘zbekiston va Malayziya o‘rtasida qo‘shma bayonot imzolandi
O‘zbekiston prezidenti va Malayziya bosh vaziri islom moliyasi, “Halol” sertifikatlashtirish, sun’iy intellekt, turizm sohalarida hamkorlikni kengaytirishga kelishib oldi. Ziyorat turizmi bo‘yicha “Umra plyus” dasturi yo‘lga qo‘yiladi. Prezident O‘zbekiston-Malayziya sanoat zonasini tashkil etishga tayyorligini aytdi.
Ukraina Rossiyaning Xarkov viloyatidagi hujumini barqarorlashtirishga muvaffaq bo‘ldi
Ukraina qo‘shinlari Xarkov viloyatining shimolida Rossiya armiyasining hujumi bilan bog‘liq vaziyatni barqarorlashtirdi, dedi Ukraina prezidenti Vladimir Zelenskiy. Rossiya prezidenti Vladimir Putin “bugungi kunda” Rossiyaning Xarkovni olish rejasi yo‘qligini ma’lum qildi.
“Iste’molchilarning ichimlik suvidan 1 trln so‘m qarzi mavjud” — “O‘zsuvta’minot”
O‘zbekistonda iste’molchilarning ichimlik suvidan qarzdorligi 1 trln so‘mni tashkil etmoqda. Shundan 740,5 mlrd so‘mi jismoniy, qolgani esa yuridik iste’molchilar hissasiga to‘g‘ri kelmoqda. “O‘zsuvta’minot” vakiliga ko‘ra, eng ko‘p qarzdor hududlar Toshkent shahri, Andijon va Toshkent viloyatlari hisoblanadi.
Senatning ellik ikkinchi yalpi majlisi 18-may kuni chaqiriladi
Senatning ellik ikkinchi yalpi majlisi 18-may kuni o‘tkaziladi. Unda Soliq kodeksining 227−1-moddasiga o‘zgartirish kiritish, davlat mulkini ijaraga berishda ma’muriy javobgarlikni kuchaytirish va boshqa qonunlarga o‘zgartirishlar kiritish muhokama qilinadi. Markaziy bankining 2023-yildagi hisoboti eshitiladi.
O‘zbekiston fuqarolari 2023-yilda avvalgi yilga nisbatan 16,7 foiz ko‘proq Shengen vizalarini oldi
Yevrokomissiya ma’lumotlariga ko‘ra, 2023-yilda O‘zbekiston fuqarolari Shengen vizasini olish uchun 46,5 mingta ariza topshirdi (+17,7 foiz), shundan 38,33 ming nafar murojaatchi ijobiy javob oldi, bu 2022-yilgi ko‘rsatkichdan 16,7 foizga ko‘proq. Shuningdek, rad etilgan arizalar ulushi biroz oshgan.
“Bu — ham bolalikdan qiziqish, ham ota kasb”. 22 yoshli traktorchi qiz bilan suhbat
Soyibobodlik 22 yashar Ziyoda Jo‘raboyevani Guliston tumanida ko‘pchilik taniydi. U besh yildan beri traktor haydaydi. “Odam hayotga bir marta keladi, shu bois o‘z qiziqishi bilan yashashi kerak”, — deydi u. “Gazeta.uz” muxbiri Sirdaryoga borib, traktorchi qiz bilan suhbatlashdi.
Dam olish kunlari Toshkentda qayerlarga borish mumkin? (18−19-may)
To‘qqizta kinopremyera, “Teplo” yarmarkasi, Tohir Sodiqov, “Yulduzli oqshom” konsertlari, ijodiy mahorat darslari, spektakllar, “Yevropa kuni” festivali va dam olish kunlaridagi boshqa qiziqarli tadbirlar — Afisha.uz jamlanmasida.
Rossiyada ota-ona qaramog‘isiz qolgan ikki yoshli qizcha O‘zbekistonga qaytarildi
Rossiyada ota-ona qaramog‘isiz qolgan o‘zbekistonlik ikki yoshli qiz vataniga qaytarildi. U yordam so‘rab bolalar ombudsmaniga murojaat qilgan buvisining qaramog‘iga topshirildi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting