Arxiv
O‘zbekiston taekvondo terma jamoasi Olimpiadada ilk bor 5 sportchi bilan qatnashadi
O‘zbekistonlik taekvondochilar Parijdagi Olimpiada o‘yinlarida 5 kishi bo‘lib qatnashadi — Nikita Rafalovich so‘nggi yo‘llanmaga ega chiqdi. Bu XOQning neytral maqomdagi rossiyalik sportchilar ro‘yxatida taekvondochilar qayd etilmagani bilan bog‘liq. Shu vaqtgacha O‘zbekistonda 4 dan ortiq yo‘llanma bo‘lmagan.
O‘zbekiston terma jamoasi FIFA reytingida 62-o‘ringa chiqdi
Futbol bo‘yicha O‘zbekiston milliy terma jamoasi FIFA reytingida 2 pog‘ona yuqorilab, 62-o‘rinni egalladi. Osiyoda esa hamon 8-o‘rinda.
Toshkentda 20 yoshli yigit Bo‘rijar kanalida cho‘kib vafot etdi
Jahon tillari universitetining 20 yoshli talabasi Bo‘rijar kanalida cho‘kib vafot etdi. U kursdoshlari bilan cho‘milmoqchi bo‘lgan, biroq suv oqimi tezligi hamda sovuq bo‘lgani oqibatida oqib ketgan.
Yaponiya Qashqadaryodagi tibbiyot tashkilotlariga 195 ming dollarlik jihozlarni topshirdi
Yaponiya hukumati dasturi doirasida Qashqadaryo viloyatidagi tibbiyot tashkilotlariga 195 ming dollarlik tibbiyot jihozlari topshirildi. Ko‘z jarrohligi uchun fakoemulsifikator, ultratovush diagnostik uskunasi, videoendoskop, jarrohlik aspiratori shular jumlasidan.
Chirchiq daryosida hushsiz holda oqib ketayotgan erkak qutqarildi
FVV xodimlari poytaxtning Yangihayot tumanidan o‘tgan Chirchiq daryosida hushsiz holda oqib ketayotgan erkakni qutqardi. U baliq oviga borgach, suvga tushib ketgan oyoq kiyimini olmoqchi bo‘lgan va muvozanatni yo‘qotib, o‘zi ham oqib ketgan.
Toshkent viloyatida chegaradan salkam 2 mlrd so‘mlik zargarlik buyumlarini olib o‘tmoqchi bo‘lganlar ushlandi
Toshkent viloyati bojxonachilari tomonidan chegarada umumiy qiymati salkam 2 mlrd so‘mlik 1696 gramm zargarlik buyumlarini noqonuniy ravishda olib o‘tmoqchi bo‘lgan ikki shaxs ushlandi.
AQShdagi yuz minglab hujjatsiz immigrantlar mamlakat fuqaroligiga qabul qilinishi kutilmoqda
AQSh fuqarolari bilan oila qurgan hamda mamlakatda kamida 10 yil yashagan noqonuniy immigrantlar mamlakat fuqaroligini olish uchun ariza topshirishi mumkin. Yangi dastur 500 mingdan ortiq kishini qamrab olishi kutilmoqda.
Ayni vaqtda O‘zbekistonda notkoin bilan qonuniy savdo qilish imkonsiz — ILMA
Istiqbolli loyihalar milliy agentligi O‘zbekistonda ayni vaqtda notkoin kriptoaktivi bilan qonuniy tarzda savdo qilish imkoniyati yo‘qligini ma’lum qildi. Agentlik litsenziyaga ega xizmat provayderlariga o‘z savdo savatlariga yangi chiqqan, ommalashayotgan kriptoaktivlarni ham qo‘shish bo‘yicha taklif bergan.
Davlat mulkini ijaraga berish tartibini buzganlar jarimaga tortiladi
Endi davlat mulkini ijaraga berish bo‘yicha qonunchilikni buzganlik uchun jarima belgilandi. Ijaraga berish shartnomasini buzgan mansabdor shaxslar 3,4 mln so‘mgacha jarima to‘laydi. Holat bir yil ichida yana takrorlansa, jarima summasi 5,1 mln so‘mgacha oshadi.
Nvidia dunyodagi eng qimmat kompaniyaga aylandi
Nvidia Microsoft va Apple`ni ortda qoldirib, dunyodagi eng qimmat kompaniyaga aylandi. Uning bozor qiymati rekord daraja — 3,335 trln dollargacha ko‘tarildi. Nvidia qiymatining tez o‘sishi investorlarning sun’iy intellekt texnologiyalari rivojlanishi bo‘yicha optimizmi bilan bog‘liqligi aytilmoqda.
Toshkent viloyati tog‘larida adashib qolgan 4 nafar fuqaro qutqarildi
Toshkent viloyati Favqulodda vaziyatlar boshqarmasi qutqaruvchilari Bo‘stonliq tumanidagi tog‘larda adashib qolgan to‘rt nafar fuqaroni pastga tushirishga yordam berdi.
Toshkentda yuzini aniqlab bo‘lmas darajada yopib yurgan yigit ushlandi
Toshkentdagi “Chorsu” bozori oldida qora ro‘mol kiygan, shaxsini identifikatsiya qilish imkonini bermaydigan darajada yuzini to‘sib yurgan 22 yoshli yigit ushlandi. Unga nisbatan ma’muriy huquqbuzarlik rasmiylashtirildi.
UzAuto Motors 21-iyun kuni Cobalt uchun kontraktatsiyani ochadi
UzAuto Motors 21-iyun kuni soat 10:00 da 25 ming dona Cobalt uchun kontraktatsiyani ochadi. Kompaniya shartnomalar bo‘yicha to‘lov 7 kalendar kunida amalga oshirilishi lozimligini eslatib o‘tdi.
O‘zbekistonning sakkizta viloyatida sel kelishi xavfi e’lon qilindi
O‘zbekistonning 8 ta viloyatidagi tog‘li joylarda 20−24-iyun kunlari sel-suv toshqini hodisalari yuzaga kelishi mumkin. Shuningdek, yomg‘ir suvlari to‘planishi oqibatida hududlarni suv bosishi ehtimoli bor.
Mirzo Ulug‘bek tumanining bir qismi elektr ta’minotidan vaqtincha uziladi
Toshkent shahrining Mirzo Ulug‘bek tumanidagi sakkizta mahalla payshanba kuni soat 9:00 dan 17:00 gacha elektr ta’minotisiz qoladi.
19-iyun kuni e’lon qilingan eng muhim yangiliklar dayjesti
Pedagoglar malakasi va maoshini oshirish bo‘yicha takliflar, Rossiyaga kirishda qiyinchilikka uchrayotgan o‘zbekistonliklar, Haj vaqtida vafot etgan ziyoratchilar, O‘zbekiston orqali afg‘onlarni deportatsiya qilmoqchi bo‘layotgan Germaniya va boshqalar — “Gazeta.uz"ning kunlik dayjestida.
Toshkent viloyatida erkak besh yoshli qizchaga tegajog‘lik qildi
Nemolchi.uz loyihasiga murojaat qilgan ayol qo‘shnisi besh yoshli qiziga nisbatan uyatsiz harakatlar qilgani, ammo profilaktika inspektori uning arizasini qabul qilmaganini aytdi. BP erkakka nisbatan jinoyat ishi qo‘zg‘atilgani va xodimning xatti-harakatlari ustidan ichki tekshiruv o‘tkazilishini ma’lum qildi.
O‘zbekistonning tez rivojlanayotgan 38 ta tumanida uy-joy, ijtimoiy obyektlar va istirohat bog‘lari yetarli emas
O‘zbekistonning tez rivojlanayotgan 38 ta tumanida yetarli miqdorda uy-joy, ijtimoiy muassasalar, istirohat bog‘lari qurish zarur. Prezident 14 ta tuman va shahar bosh rejalari taqdimotida buni alohida ta’kidladi. Davlat rahbari qulay infratuzilma yaratishni jadallashtirish zarurligini ta’kidladi.
O‘zbekistonda zargarlik sanoati uskunalariga bojxona boji va QQSning nol stavkasi belgilanishi mumkin
Prezidentga O‘zbekiston zargarlik sanoatini rivojlantirish, jumladan, hunarmandlar uchun imtiyozlarni YATTlarga ham qo‘llash, asbob-uskunalar uchun bojxona bojini nol qiymatda belgilash, shuningdek, zargarlik buyumlarini AQShga GSP tizimi asosida eksport qilish bo‘yicha takliflar taqdim etildi.
RFga kirish va “Sheremetevo” orqali tranzit o‘tishda o‘zbekistonliklar uzoq tekshiruvlarga duch kelmoqda — elchixona
O‘zbekistonning Rossiyadagi elchixonasi RFga kirishda yoki Moskvaning “Sheremetevo” aeroporti orqali tranzit o‘tishda ko‘pga cho‘zilayotgan tekshiruvlar tufayli fuqarolardan qiyinchiliklar yuzaga kelayotganiga doir murojaatlar ko‘payganini bildirdi. Elchixona vaziyatga oydinlik kiritish uchun RF TIVga murojaat yubordi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting