Vengriya Kartoshkachilik ilmiy markazi direktori Polgar Szolt O‘zbekiston kartoshka urug‘ini import qilishni to‘xtatishi kerakligi, Vengriya va O‘zbekiston mutaxassislari import o‘rnini bosish maqsadida mahalliy kartoshka urug‘chiligini yo‘lga qo‘ymoqchiligini ma’lum qildi.
Facebook va Instagram`ga egalik qiluvchi Meta kompaniyasi Twitter bilan to‘g‘ridan-to‘g‘ri raqobatlashishi kutilayotgan Threads platformasini ishga tushirdi.
“Yangi O‘zbekiston: taraqqiyot, innovatsiya va ma’rifat” xalqaro sheriklik tashabbuslari haftaligi doirasida “O‘zmilliybank” Buyuk Britaniyaning Standard Chartered banki bilan 100 mln dollarlik shartnoma imzoladi.
O‘zbekiston prezidenti “muntazam ravishda yuzaga keladigan tirbandliklarni bartaraf etish uchun” Bunyodkor shoh ko‘chasi va 2-Qatartol ko‘chasi chorrahasida yangi yo‘l o‘tkazgich qurilishini tasdiqladi.
Tibbiyot yo‘nalishidagi “superkontrakt” masalasida fikrim ijobiy emas, dedi sog‘liqni saqlash vaziri Amrillo Inoyatov. Uning so‘zlariga ko‘ra, tibbiyot sohasiga kirishda “superkontrakt”ni butunlay yo‘qotish bo‘yicha hukumatga taklif kiritilgan. Qolaversa, sirtqi ta’limni ochish ham rejalashtirilmayapti.
Aziz Abduhakimov “Yashil makon” loyihasi doirasida 2 milliondan ortiq ko‘chat ekildi deb hisobotga qo‘shib yozilgani, sug‘orish tizimlari bo‘lmagan hududlarga 7,3 million tup ko‘chat ekilishiga yo‘l qo‘yilgani kabi kamchiliklar haqida ma’lum qilgandi. Shu bo‘yicha prokuratura o‘rganish ishlarini boshladi.
O‘zbekiston Korrupsiyaga qarshi kurashish agentligi direktori Akmal Burxanov qaynotasi unga 1,5 mln dollarga uy olib bergani haqidagi xabarni yolg‘on deb atadi. “[Bu haqdagi xabarni] qaynotamga yuborib qo‘ydim”, — deya hazil qildi u Twitter`da.
Milliy gvardiya Qo‘riqlash bosh boshqarmasi huzurida qo‘riqlash va patrul xizmati tashkil etilishi rejalashtirilmoqda. U qo‘riqlash xizmatlari uchun olinadigan mablag‘lar hisobidan o‘zini o‘zi moliyalashtirish tamoyili asosida ishlaydi.
Sukut saqlama (Nemolchi.uz) loyihasiga may oyida qo‘shnisining tanishi tomonidan zo‘rlangan 13 yoshli qizchaning onasi murojaat qildi. Bu ishni Toshkent shahri Yashnobod tumanida faoliyat olib boruvchi profilaktika inspektori qilgani aytilmoqda.
3-iyul kuni erta tongda havo ifloslanishi bo‘yicha Toshkent yana dunyoda yetakchilardan biri bo‘ldi. 6-iyulga o‘tar kechasi esa shaharni tutun va kuyindi hidi qamrab oldi, havo sifati yana “zararli” darajaga chiqdi. Toshkent hokimligi va O‘zbekiston hukumati namoyishkorona sukut saqlamoqda.
Toshkent−Xiva−Toshkent yo‘nalishida 7−10-iyul kunlari qo‘shimcha poyezd qatnovlari yo‘lga qo‘yildi.
Tijorat banklari 6-iyul kuni aholidan 1 AQSh dollarini 11 475−11 530 so‘mdan sotib olmoqda, sotuv kursi esa 11 560−11 600 so‘m.
Payshanba kunidan boshlab Toshkent shahridagi 130-sonli avtobus yo‘nalishida YUTONG CNG rusumli avtobuslar harakatlanadi. Shu turdagi avtobuslar qo‘shimcha tarzda 99 va 146-avtobus yo‘nalishlariga ham biriktiriladi.
Urganch shahrining sobiq hokimi Shuhrat Abdullayev mansab soxtakorligi va yer berish tartibini buzish bilan aybdor deb topilib, 3 yilga ozodlikdan mahrum qilindi.
90 yil avval Sovet-Amerika munosabatlarini o‘rganish uchun nega alohida qo‘mita tuzilgandi? 60 yil avval O‘zbekiston qo‘shnilari bilan nimalarni tayyorlash bo‘yicha musobaqalashgan? 30 yil avval “O‘zdavneftmahsulot” rahbarlari nega qamoqqa olingandi? Bu haqda “Gazeta.uz”ning “Eski gazetalar sharhi” ruknida o‘qing.
Chorshanba oqshomida Toshkentni tutun va kuchli kuyindi hidi qamrab oldi. Rasmiylar hozircha vaziyatga izoh bergani yo‘q. Aholining taxminicha, tutun shahar tashqarisidagi dalalardan bostirib kelmoqda.
BMT ma’lumotlariga ko‘ra, Belarusda inson huquqlari bilan bog‘liq “halokatli” vaziyat yuzaga kelgan va jazosizlik tufayli mamlakatda “qo‘rquv muhiti” hukm surmoqda. 1500 dan ortiq odam siyosiy ayblovlar bilan hibsda saqlanmoqda.
Urushni qo‘llovchi rus san’atkorlarining O‘zbekistondagi konsertlari haqida gapirgan Ukraina elchixonasi, Shvetsiyada Qur’on yoqib yuborilganini yovuz harakat deb atagan Shavkat Mirziyoyev, banklarda omonatlar hajmi kamaygani, shakarning chakana narxi pasaygani va boshqalar — “Gazeta.uz”ning kun dayjestida.
Prezident “Bunyodkor” stadionining 5,5 gektar maydondagi avtoturargohi o‘rnida kamida 200 mln dollarlik biznes markazi qurish loyihasini tasdiqladi. Markaz tarkibida savdo markazi, mehmonxona, biznes markaz, IT-markaz, ko‘p qavatli avtoturargoh va turar-joy majmuasi bo‘ladi.
Prezidentlikka nomzodlarni taniysizmi? Nomzodlarning saylovoldi dasturi bilan tanishib chiqdingizmi? Bo‘lajak prezidentdan nimalar kutayapsiz? “Gazeta.uz” shu va boshqa savollar bilan Toshkent aholisiga mikrofon tutdi. Video.
Qo‘shimcha imkoniyatlarga ega bulish uchun saytda ro‘yxatdan o‘ting