Prezident matbuot kotibi Sherzod Asadov O‘zbekistonda so‘z erkinligi darajasini izohlab, 2016-yil oxiridan buyon bu boradagi islohotlar natijalariga adekvat baho berish kerakligini aytdi. Komil Allamjonov esa so‘z erkinligi darajasini 5,5 balga baholab, hali qilinadigan ishlar ko‘pligini aytdi.
18−19-may kunlari Sian shahrida “Xitoy-Markaziy Osiyo” birinchi sammiti bo‘lib o‘tadi. Unda O‘zbekiston, Qozog‘iston, Qirg‘iziston, Tojikiston va Turkmaniston rahbarlari ishtirok etadi.
Markaziy bank “Tartibga solish qumdoni” maxsus huquqiy rejimi joriy etilgan Korzinka supermarketlar tarmog‘i kassalarida bank kartalaridan naqd pul yechish xizmati yo‘lga qo‘yilganini ma’lum qildi. Sinov joriy yil 1-noyabriga qadar davom etadi.
18-may — Xalqaro muzeylar kuni munosabati bilan O‘zbekiston davlat muzeylari tashrif buyuruvchilarni bepul qabul qiladi. Davlat san’at muzeyida Bahodir Jalolning “Mangulikdagi chiziq” ko‘rgazmasi ochiladi va rassom bilan uchrashuv o‘tkaziladi, Miniatyura muzeyida xattotlik bo‘yicha mahorat saboqlari o‘tkaziladi.
12-may kuni Toshkent shahrida metro vagoni ichida yosh qizga shahvoniy shilqimlik qilgan yigitga nisbatan sud hukmi o‘qildi. Uning avval ham ma’muriy javobgarlikka tortilgani sabab jazo yengillashtirilmadi. Yigit 5 sutkaga qamaldi.
Nukus voqealari bo‘yicha apellyatsiyani ko‘rib chiqayotgan sud Dauletmurat Tajimuratovning advokati Sergey Mayorov iltimosiga ko‘ra ekspertlarni so‘roqqa taklif qildi. Himoyachi ularning javoblariga qo‘shilmasligini aytdi. U sudda qo‘yilgan 1−2-iyul voqealariga oid videoni “jurnalistlik hissiyotli xabar” deb atadi.
O‘zbekiston musulmonlari idorasi Toshloq tumani bosh imomi Shukrullo Egamberdiyevni lavozimidan ozod qildi. Idoraning “Gazeta.uz”ga ma’lum qilishicha, bunga uning so‘nggi 6 oy davomida aholining noroziligiga uchragan videolari sabab bo‘lgan.
Markaziy Osiyo davlatlari noqulay geosiyosiy vaziyatga chidamlilik ko‘rsatmoqda. YeTTB prognoziga ko‘ra, mintaqa iqtisodiyoti 2023-yilda 5,2 foizga o‘sadi va kelgusi yilda ham o‘sishda davom etadi.
Endi Uzum foydalanuvchilari o‘zlarining sevimli muassasalaridan taom buyurtma qilish imkoniyatiga ega. Tez orada do‘konlardan oziq-ovqat mahsulotlariga buyurtma berish ham mumkin bo‘ladi.
Xitoy tajribasi asosida kambag‘allikdan chiqarish dasturi (yo‘l-transport va boshqa infratuzilmani yaxshilash bo‘yicha) O‘zbekistonning 14 tumanida, jumladan, Toshkentning Chilonzor tumanida ham amalga oshiriladi. 2024-yildan boshlab ushbu dastur butun respublika bo‘ylab joriy etilishi mumkin.
O‘zbekistonda erkaklar va ayollar o‘rtasida velosportning shosse turi bo‘yicha “Oqtosh-Chorvoq Mountain” ko‘p kunlik musobaqasi o‘tkazildi. Unda qatnashgan milliy terma jamoa Xalqaro velosipedchilar ittifoqi reytingida bir necha pog‘onaga ko‘tarildi.
Mastercard O‘zbekistonda birinchi rasmiy vakolatxonasini ochadi. Shuningdek, kompaniya YeTTB bilan kichik biznes egalari, ayniqsa, ayollar uchun raqamli imkoniyatlarni kengaytirish bo‘yicha o‘zaro anglashuv memorandumini imzoladi.
IIV Kiberxavfsizlik markazi Telegram`da xotin-qizlarning behayo suratlarini tarqatishda gumonlangan fuqarolarni qo‘lga oldi. Ular tasvirlarni ko‘rish yoki o‘chirtirish uchun pul talab qilgan. Vazirlik ushbu holatdan jabrlanganlardan 102 raqamiga xabar berishlarini so‘radi.
Bola tarbiyasi nozik masala — go‘yoki bir umrlik imtihon. Musofirchilikda, begona muhit va o‘zga madaniyat ichida farzand tarbiyalash esa ikki karra mashaqqat. “Gazeta.uz” ko‘p yillardan beri xorijda yashab, bolalarini hayotga tayyorlayotgan o‘zbekistonlik ota-onalar tajribasini jamladi.
Namangan shahridagi istirohat bog‘ida 12 yoshli bola attraksionda aylangan vaqtida boshidan jarohat olib vafot etdi. Holat yuzasidan jinoyat ishi qo‘zg‘atildi. Tarqalgan videolarga ko‘ra, voqea 30 ga yaqin o‘quvchi maktab jamoasi bilan aylanishga chiqqanda sodir bo‘lgan.
Jizzax viloyati prokuraturasi bo‘lim prokurori jinoyat ishi qo‘zg‘atishni rad etganini iddao qilib, “xizmati” uchun tadbirkordan 1300 dollar so‘raganlikda gumonlanmoqda, u pullarni olgan vaqtida ushlandi. Shuningdek, DXX Andijon viloyatida ham pora olganlikda gumonlanayotgan mansabdorlarni qo‘lga oldi.
O‘zbekistonda 2023-yilning o‘tgan davrida 107 nafar fuqaro ovqatdan zaharlangan (22 nafari bolalar), 2 bemor vafot etgan. Zaharlanishlar eng ko‘p uy sharoitida tayyorlangan konserva mahsulotlarini iste’mol qilish oqibatida kelib chiqqan.
Tijorat banklari 16-may kuni aholidan 1 AQSh dollarini 11 360 — 11 410 so‘mdan sotib olmoqda, sotuv kursi esa 11 420 — 11 475 so‘m.
Jurnalistika sohasidagi “Oltin qalam” XVII Milliy mukofoti uchun g‘olib va sovrindorlar taqdirlandi. Bosh milliy mukofot g‘olibi — O‘zMUning Jurnalistika fakulteti jamoasiga Gentra avtomobili topshirildi.
Tarmoqlarda Shayxontohur tumanida fuqaroning IIO xodimlari bilan janjallashayotgani aks etgan video tarqaldi. Poytaxt IIBBning ma’lum qilishicha, fuqaroning mashinasi jarima maydonchasiga joylashtirilgan. Biroq hujjatlashtirish jarayonida u IIO xodimlarining talablarini bajarmay, qarshilik ko‘rsatgan.
Qo‘shimcha imkoniyatlarga ega bulish uchun saytda ro‘yxatdan o‘ting