Arxiv
NYT: Rossiya va Ukrainaning urushdagi yo‘qotishlari qariyb 500 ming kishiga yetdi
2022-yil fevral oyida Rossiyaning Ukrainaga keng ko‘lamli bostirib kirishi boshlanganidan buyon har ikki tomondan 500 mingga yaqin askar frontda halok bo‘ldi yoki yaralandi, deb yozmoqda The New York Times.
Farg‘onada 20 yoshli kelinchak o‘zini osib o‘ldirgani aytilmoqda. Yaqinlari uning kaltaklanganini bildirdi
O‘zbekiston tumanida turmush qurganiga hali bir oy ham bo‘lmagan 20 yoshli kelinchak o‘zini osib o‘ldirgani aytilmoqda. Marhumaning yaqinlariga ko‘ra, kelinchak turmush o‘rtog‘i kaltaklayotganini aytib, oila a’zolaridan uni olib ketishlarini so‘ragan. Kelinning qarindoshlari o‘lim sababiga shubha bildirmoqda.
“O‘zbekneftgaz” 2023-yilda 32,3 mlrd kub metr gaz qazib olishni rejalashtirmoqda.
O‘zbekistondagi eng yirik gaz ishlab chiqaruvchi “O‘zbekneftgaz” 2023-yil uchun gaz qazib olish prognozini pasaytirish bo‘yicha o‘z prognozlarini qayta ko‘rib chiqdi. Zaxiralarning qisqarishi hisobiga ishlab chiqario‘ hajmi 32,3 mlrd kub metrga yetishi kutilmoqda.
O‘zbekistondan Vengriyaga to‘g‘ridan-to‘g‘ri aviaqatnovlar yo‘lga qo‘yildi
20-avgustdan O‘zbekiston va Vengriya o‘rtasida haftada bir marotaba amalga oshiriladigan to‘g‘ridan-to‘g‘ri aviaqatnovlar yo‘lga qo‘yildi. Toshkent — Budapesht yo‘nalishidagi reyslar Airbus A-320 havo kemasida bajariladi.
Hafta davomida o‘rtacha issiq havo kuzatiladi
21−25-avgust kunlari O‘zbekistonda havo harorati kechalari +18…+23 daraja, kunduzi +34…+39 daraja bo‘ladi. Juma kuni Volgabo‘yi hududlaridan salqin havo massasi kirib kela boshlaydi.
Prezident qonunchilikni JST kelishuvlariga uyg‘unlashtirishga qaratilgan o‘zgartirishlarni tasdiqladi
O‘zbekiston qonunchiligi JST kelishuvlariga muvofiqlashtirilmoqda. Prezident 2025-yildan import dorilar va tibbiy buyumlarni bojxona rasmiylashtiruvidan o‘tkazishda yig‘imlarni bekor qilish, tovarlarni davlat tilida markirovkalash tartibiga o‘zgartirish kiritish va boshqalarni nazarda tutuvchi farmonni imzoladi.
Shavkat Mirziyoyev 22-avgust kuni Ozarbayjonga boradi
O‘zbekiston prezidenti 22−23-avgust kunlari davlat tashrifi bilan Ozarbayjonda bo‘ladi. Muzokaralar yakunida ikki tomonlama bitimlar qabul qilinishi rejalashtirilgan.
O‘zbekistonlik erkak Janubiy Koreyadagi terror tashkilotni moliyalashtirishda gumonlanmoqda
Janubiy Koreyada 29 yoshli o‘zbekistonlik erkak “Imom al-Buxoriy katibasi” terrorchilik tashkiloti bilan aloqa o‘rnatib, uni moliyalashtirib kelganlikda gumon qilinmoqda. IIV tergov harakatlarini olib bormoqda.
“O‘ztransgaz”ga boshqaruv raisi v.v.b. tayinlandi
“O‘zneftgazinspeksiya” rahbari o‘rinbosari sifatida ishlab kelgan Askar Isakov “O‘ztransgaz” boshqaruvi raisi vazifasini vaqtincha bajaruvchi etib tayinlandi. “Gazeta.uz”ning aniqlashicha, kompaniyaning avvalgi rahbari Behzot Normatov 6 oycha oldin lavozimini tark etgan, biroq bu haqda rasman xabar berilmagan.
Prezident Budapeshtdagi yengil atletika bo‘yicha JCHga tashrif buyurdi va qator uchrashuvlar o‘tkazdi
Shavkat Mirziyoyev Budapeshtda bir qator davlat rahbarlari bilan uchrashdi, yengil atletika bo‘yicha jahon chempionatiga tashrif buyurdi, avliyo Ishtvan kuni munosabati bilan o‘tkazilgan tadbirlarda ishtirok etdi.
Uzbekistan Airways kompaniyasi raisiga o‘rinbosarlar tayinlandi
Alisher Sattarov Uzbekistan Airways boshqaruv raisining birinchi o‘rinbosari, Shaxzod Ikramov va Shuxratillo Yadgarovlar rais o‘rinbosarlari lavozimlariga tayinlandi.
Shavkat Mirziyoyev tadbirkorlar bilan muloqotda eng ko‘p qaysi so‘zlardan foydalandi?
Iqtisodiy tadqiqotlar va islohotlar markazi ekspertlari tahliliga ko‘ra, Shavkat Mirziyoyev 18-avgust kuni tadbirkorlar bilan uchrashuvda eng ko‘p “tadbirkor”, “biznes”, “soliq” so‘zlarini ishlatdi. Tahlil tadbirkorlarning eng dolzarb muammolari soliqlar va kreditlar ekanligini ko‘rsatmoqda.
Prezident administratsiyasining yangi tuzilmasi tasdiqlandi
Shavkat Mirziyoyev Prezident administratsiyasining yangi tuzilmasini tasdiqladi. Unga ko‘ra, PA rahbari lavozimi tugatildi, yana ikkita prezident yordamchisi lavozimi joriy etildi, maslahatchilar soni 9 nafardan 11 nafarga oshirildi.
Shavkat Mirziyoyev Vengriya bosh vaziri bilan uchrashdi
Budapeshtga amaliy tashrif bilan borgan prezident Shavkat Mirziyoyev Vengriya bosh vaziri Viktor Orban bilan uchrashdi.
Click BYD avtomobili hamda ko‘plab boshqa sovrinlar bilan yutuqli o‘yin o‘tkazmoqda
16-avgustdan 5-oktabrgacha Click asosiy sovg‘asi BYD Song Plus avtomobili bo‘lgan yutuqli o‘yin o‘tkazmoqda. Aksiya davomida yana ko‘plab boshqa qimmatli sovg‘alar ham o‘ynaladi.
Toshkentda elektrobus haydovchilari quvvatlashdagi muammolardan shikoyat qilmoqda
Internetda elektrobus haydovchilarining mashinalarni quvvatlashdagi muammolardan shikoyat qilgan videomurojaati tarqaldi. Ularning so‘zlariga ko‘ra, kechikishlar tufayli rejani bajarib bo‘lmayapti, shuningdek, harakat muntazamligi buzilgan.
Video, foto: O‘zbekiston Havo floti kuni munosabati bilan aviashou bo‘lib o‘tdi
O‘zbekiston Havo floti kuni munosabati bilan “Chirchiq” poligonida aviashou bo‘lib o‘tdi. Jangovar va harbiy samolyotlar hamda vertolyotlar uchuvchilari o‘z mahoratlarini namoyish etdi. Shou doirasida ilk bor samolyotlar O‘zbekiston bayrog‘ini “osmonga chizishdi”. “Gazeta.uz” fotoreportaji.
Yoshlar ishlari agentligi volontyorlik sohasida maxsus vakolatli organ etib belgilandi
Prezident Yoshlar ishlari agentligini volontyorlik sohasidagi maxsus vakolatli organ etib belgilashni nazarda tutuvchi qonunni imzoladi. Tashkilot sohada normativ-huquqiy hujjatlar loyihalarini ishlab chiqadi, shuningdek, qonunchilikni takomillashtirish bo‘yicha takliflar kiritadi.
“Yunusobod” va “Turkiston” metro bekatlari 4 oyga yopiladi
Toshkent metropolitenining “Yunusobod” va “Turkiston” bekatlari 26-avgustdan boshlab 4 oyga profilaktik ishlar sababli yopiladi. Bekatlar o‘rtasida bepul harakatlanadigan avtobuslar qatnovi amalga oshiriladi.
O‘zbekistondan Ukrainaga 10,5 tonna gumanitar yordam jo‘natildi
O‘zbekistondagi jamoat tashkilotlari va o‘zbek ishbilarmonlari tomonidan yig‘ilgan 10,5 tonna gumanitar yuk Ukrainaga yetkazildi. Ulardan kiyim-kechak hamda tibbiy buyumlar o‘rin olgan. Avvalroq Ukrainadan dam olish va reabilitatsiya uchun 45 nafar boladan iborat guruh Toshkentga yetib kelgandi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting