Arxiv
O‘zbekiston TIV rossiyalik siyosatchining respublikani Rossiyaga qo‘shib olish haqidagi so‘zlari ortidan Rossiya elchisini taklif qildi
Rossiyalik siyosatchi Zaxar Prilepinning O‘zbekistonni Rossiyaga qo‘shib olish haqidagi bayonotidan so‘ng Rossiya elchisi Oleg Malginov O‘zbekiston TIVga taklif etildi. Unga bu kabi chiqishlar provokatsion bo‘lib, ikki xalq o‘rtasidagi munosabatlarga salbiy ta’sir ko‘rsatishi mumkinligi bildirildi.
Kolorado sudi Donald Trampga shtatda prezidentlikka nomzodini qo‘yishni taqiqladi
AQShning Kolorado shtati sudi 2021-yilda Kapitoliyga bostirib kirganlikda ayblab sobiq prezident Donald Trampga bo‘lajak saylovlarning ushbu shtatdagi jarayonlarida qatnashishni taqiqladi. Bu shu turdagi ilk sud qarori bo‘lib, saylovoldi poygasiga ta’sir qilishi mumkin, deydi OAV va tahlilchilar.
O‘zbekiston oltin eksportini rekord daraja — 8,1 mlrd dollarga yetkazdi
2023-yilning 11 oyida O‘zbekistonning tashqi savdo aylanmasi 57,3 mlrd dollarga (+26,2 foiz) yetdi. Import eksportdan qariyb 11 mlrd dollarga oshdi. Oltin eksporti 2,3 baravar ko‘payib, rekord daraja — 8,1 mlrd dollarni tashkil etdi. Samolyotlar, avtomobillar, neft va boshqa resurslar importi yuqoriladi.
“Bu O‘zbekistonga tajovuz qilishdek gap”. Jamoatchilik — rossiyalik siyosatchining SSSR hududlarini qayta tiklash taklifi haqida
Rossiyalik siyosatchi Zaxar Prilepin SSSRga tegishli bo‘lgan barcha hududlarni tiklash taklifi bilan chiqdi. U misol sifatida O‘zbekistonni qo‘shib olib, u yerda rus tilini o‘rgatish kerakligini aytdi. Jamoatchilik taklifni mustaqillikka tajovuz sifatida baholab, TIV rasmiy nota yuborishi kerakligini ta’kidladi.
Shavkat Mirziyoyev Abdulfattoh as-Sisini Misr prezidentligiga qayta saylangani bilan tabrikladi
O‘zbekiston prezidenti Shavkat Mirziyoyev Misr prezidenti Abdulfattoh as-Sisini saylovdagi “ishonchli g‘alabasi” bilan tabrikladi. 10−12-dekabr kunlari o‘tkazilgan saylovlarda 89,6 foiz ovoz yig‘gan as-Sisi ketma-ket uchinchi muddatga Misr prezidenti etib saylandi.
Senator tanqididan so‘ng yetim bolalarga uy uchun budjetdan ajratiladigan mablag‘lar qayta ko‘rib chiqiladigan bo‘ldi
2024-yilgi davlat budjetidan har bir yetim bolaga sotib olinadigan bir xonali kvartira uchun 137,5 mln so‘m ajratilishi belgilangan. Senator bu pulga hatto chekka hududlarda ham kvartira topish qiyinligini aytdi. Vazir Jamshid Qo‘shqorov bu masala ko‘rib chiqilib, o‘zgartirish kiritilishini ta’kidladi.
Rossiyadan gaz import qilish faqatgina iqtisodiy talabdan kelib chiqib amalga oshirilmoqda — energetika vaziri
Jo‘rabek Mirzamahmudov nega O‘zbekiston oktabr oyida Rossiyadan ham gaz import qilishni boshlaganiga izoh berdi. “Asosiy sabab — ortib borayotgan talab, o‘sib borayotgan iste’mol”, — dedi energetika vaziri. U, shuningdek, Rossiyadan gaz olib kelish uchun tayyor infrastruktura bo‘lganini qayd etdi.
Bojxona qo‘mitasi xodimi sug‘urta kompaniyasi bilan til biriktirganlikda gumonlanib hibsga olindi
Bojxona qo‘mitasi xodimi sug‘urta kompaniyasi bilan til biriktirib, 145 mlrd so‘mni o‘zlashtirganlikda gumonlanib ushlandi. Qo‘mita raisining o‘rinbosari u oylab kuzatilgani va noyabr oxirida ishdan bo‘shatilganini ma’lum qildi. Jinoiy guruhning bir necha a’zolari chet elga qochib ketgani aytilmoqda.
Oliy sudga 3 nafar sudya saylandi
Senatning 48-yalpi majlisida Elza Shamsutdinova va Baxodir Ergashev 10 yil muddatga, Anvar Elmuradov esa muddatsiz davrga Oliy sud sudyasi etib saylandi. 8 nafar sudya lavozimidan ozod etildi.
Senat daraxt va butalarni noqonuniy kesganlik uchun jazoni kuchaytirish bo‘yicha o‘zgartirishlarni ma’qulladi
Senatda ma’qullangan qonunga ko‘ra, daraxtlarni noqonuniy kesgan fuqarolar 8,5 million so‘mdan 25,5 million so‘mgacha, mansabdorlar esa 17 million so‘mdan 34 million so‘mgacha jarima yoki 15 sutkalik qamoq jazosi bilan jazolanadi. 1 tup daraxt kesgan shaxs uning o‘rniga 100 tup daraxt ekishi belgilanmoqda.
Kimyo universiteti rektori Janpolat Kudaybergenov vafot etdi
O‘zbekistondagi birinchi xususiy oliy o‘quv yurti bo‘lgan Toshkent Kimyo xalqaro universiteti rektori Janpolat Kudaybergenov 45 yoshida vafot etdi.
“Buni bajarolmasak, ishlashga noloyiqmiz”. Energetika vaziri — 2024-yildan energoresurslarga bo‘lgan ichki talabni 100 foiz qondirish vazifasi haqida
Energetika vaziri Jo‘rabek Mirzamahmudov YouTube`dagi “O‘zi nima gap?” loyihasiga bergan intervyusida 2024-yildan energoresurslarga bo‘lgan ichki ehtiyojni 100 foiz qoplash vazifasi qo‘yilganini bildirdi. “Agar buni bajarolmasak, nafaqat men, balki tizimdagi barcha mas’ullar ishlashga noloyiqmiz”, — dedi u.
RABAD qurilish savdo markazi biznes egalari va ijarachilarga istiqbolli savdo binolarini taklif etadi
Uch qavatli ko‘p funksiyali savdo markazidagi chakana savdo maydoni tadbirkorlar va do‘kon egalari uchun ko‘chmas mulk sifatida va tijorat bilan shug‘ullanish uchun foydali sarmoyadir.
AQShga noqonuniy yo‘llar bilan ketgan 119 nafar o‘zbekistonlik vatanga qaytarildi
AQShga noqonuniy kirishga uringan 120 ga yaqin O‘zbekiston fuqarosi vataniga qaytarildi. Fuqarolarning aksariyati Meksika orqali chegarani kesib o‘tishga harakat qilgan. “Ikki−uch yilda topganimizni 3 oyda berib keldik”, — deydi ulardan biri.
Fariddin Nasriyev O‘zbekistonning Erondagi elchisi bo‘ldi
Fariddin Nasriyev O‘zbekistonning Erondagi elchisi bo‘ldi. U shu paytgacha Qozon shahridagi bosh konsullikni boshqarib kelayotgandi.
11 oyda 5,5 mingta kiberjinoyat sodir etildi, ularning 70 foizi bank kartalari bilan bog‘liq
O‘zbekistonda 2023-yilning 11 oyida 5,5 mingta kiberjinoyat sodir etildi, shundan 70 foizi bank kartalari bilan bog‘liq firibgarlik va o‘g‘rilik jinoyatlaridir. Prezident barcha elektron to‘lov tizimlari uchun yagona kiberxavfsizlik talablarini ishlab chiqish topshirig‘ini berdi.
Qirg‘iziston parlamenti davlat bayrog‘ini o‘zgartirish to‘g‘risidagi qonunni qabul qildi
Qirg‘iziston parlamenti davlat bayrog‘ini o‘zgartirish haqidagi qonunni muhokamalarsiz qabul qildi. Rasmiylar bayroqdagi quyosh nurlari shaklini ba’zilar kungaboqarga o‘xshatgani sababli o‘zgartirmoqchi. Prezident bu uning tashabbusi ekanini tan olib, o‘zgarishlar uchun “ko‘p mablag‘ kerak emasligini” aytdi.
Toshkentda harakatlanib ketayotgan avtobusda yong‘in chiqdi
Mirzo Ulug‘bek tumanida 151-sonli Mercedes-Benz avtobusida yuqori bosimli havo quvurining yorilishi tufayli qisqa tutashuv, uning ortidan yong‘in yuz berdi. “Toshshahartransxizmat”ga ko‘ra, hodisa oqibatida hech kim jarohat olmagan, avtobus dvigateliga zarar yetgan.
Mahallalar raqamlashtirilib, “Xalq nazorati” platformasiga e’tibor kuchaytiriladi
Prezident IT sohasiga doir yig‘ilishda mahalla qo‘mitalari xodimlari planshet va kompyuterlar bilan ta’minlansa ham, raqamli yechimlardan to‘liq foydalanilmayotganini tanqid qildi. “Raqamli mahalla” tizimini ishga tushirish, “Xalq nazorati” platformasini takomillashtirish bo‘yicha ko‘rsatmalar berildi.
Toshkentda yana 5 kishi jinoiy faoliyatda gumonlanib qo‘lga olindi
Poytaxt IIBB tovlamachilik, bezorilik va giyohvandlik vositalarini noqonuniy sotishda gumonlanayotgan yana besh nafar shaxs qo‘lga olinganini ma’lum qildi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting