Arxiv
San’at va madaniyat instituti bo‘lim boshlig‘i $4800 olayotganda ushlandi
O‘zbekiston davlat san’at va madaniyat institutiga o‘qishga kiritib qo‘yish uchun 5000 dollar talab qilgan oliygoh bo‘lim boshlig‘i aniqlandi. U mablag‘dan 4800 dollarini olayotganda ushlandi.
O‘zbekistonda joriy yilgi davlat budjeti defitsiti chegarasi oshirilishi mumkin
Prezident qarori loyihasi bilan 2023-yilda konsolidatsiyalashgan budjet defitsitini YAIMga nisbatan 3 foizdan 5 foizgacha yoki 53,4 trln so‘mgacha oshirish taklif etilmoqda. Agar hukumat yana xarajatlar chegarasidan o‘tib ketsa, bu davlat xarajatlarining 1,8 mlrd dollarga oshishiga olib keladi.
Samarqanddagi mehmonxonalarning birida 30 yoshli ayolning jasadi topildi
Samarqand shahridagi mehmonxonalarning birida 30 yoshli ayolning jasadi bo‘yin sohasidan bo‘g‘ilgan holatda topildi. Holat yuzasidan jinoyat ishi qo‘zg‘atilib, tergov olib borilmoqda. Gumonlanuvchi protsessual tartibda ushlangan.
Kegeyli tumaniga yangi hokim tayinlandi
Aybek Kamalov Qoraqalpog‘istonning Kegeyli tumani hokimi etib tayinlandi. U shu paytga qadar biznes-ombudsman devonining Qoraqalpog‘iston sho‘'basi bosh inspektori lavozimida faoliyat yuritgan.
Iyul oyida yillik inflyatsiya 9 foizdan pastga tushdi. Bu deyarli 7 yildagi eng past ko‘rsatkich
Iyul oyi yakuniga ko‘ra, O‘zbekistonda 0,2 foizlik deflyatsiya qayd etildi va yillik inflyatsiya 9 foizdan pastga tushdi, bu 2016-yil avgustidan beri eng past ko‘rsatkich hisoblanadi. Oxirgi oyda guruch va go‘sht qimmatladi, un, tuxum, sariyog‘, sut va shakar arzonladi. Benzin narxi ko‘tarilishda davom etmoqda.
Maxsus davlat korxonasi Toshkent shahar hokimligi va biznes o‘rtasida “ko‘prik” bo‘ladi
AJ shaklida Toshkent shahar hokimligi va biznes o‘rtasida “ko‘prik” bo‘lishi rejalashtirilgan “Toshkent invest” davlat kompaniyasi tashkil etilmoqda. U tadbirkorlar bilan birgalikda poytaxt infratuzilmasini rivojlantirishga oid loyihalarni amalga oshiradi. Kompaniya Toshkent taraqqiyot jamg‘armasini ham boshqaradi.
Video, foto: OTMlarga kirish test sinovlari
1-avgust erta tongdan talabalar qatoridan joy olishga oshiqqan abituriyentlar OTMlarga kirish uchun test sinovlaridan o‘tishni boshladi. “Gazeta.uz” muxbirlari poytaxtdagi imtihon olinayotgan ikkita hududdan fotoreportaj tayyorladi. Video, foto.
2030-yilga borib jiddiy YTHlar sonini 50 foizga kamaytirish reja qilinmoqda
2030-yilgacha jiddiy YTHlar sonini kamida 50 foizga kamaytirish, kengligi 2 va undan ortiq polosali piyodalar o‘tish joylarini svetofor bilan jihozlash rejalashtirilmoqda. YHXXning yilning birinchi yarmida raqamlarni kamaytirish bo‘yicha rejalariga qaramay, YTHlar va og‘ir oqibatlar ko‘paydi.
Prokuror Abduqodir Mo‘minovga nisbatan 11 yilga ozodlikdan mahrum etish jazosi berilishini so‘radi
Abduqodir Mo‘minov ishi yuzasidan prokuror sudyadan sudlanuvchiga nisbatan uzil-kesil 11 yil ozodlikdan mahrum etish, 3 yil davomida jurnalistik faoliyatni cheklash va BHMning 400 barobari miqdorida jarima jazosini tayinlashni so‘radi.
1-avgustdan nimalar o‘zgaradi?
Stajga ega bo‘lmaganlar uchun nafaqa miqdori 33 ming so‘mga oshadi, ota-onalarning farzandi ta’limi uchun to‘lagan puli daromad solig‘idan ozod qilinadi, rahbarlar raqamli texnologiyalar bo‘yicha qisqa muddatli kurslarda o‘qiydi, isitish tizimlarini modernizatsiya qilish boshlanadi — 1-avgustdan nimalar o‘zgaradi?
O‘zbekistonlik og‘ir atletikachilar OCHda 11 ta medalni qo‘lga kiritdi
Hindistonda o‘smirlar va yoshlar o‘rtasida o‘tkazilayotgan og‘ir atletika bo‘yicha Osiyo chempionatida O‘zbekiston terma jamoasi 11 ta medalni qo‘lga kiritdi. Musobaqa 5-avgustga qadar davom etadi.
Narx pufaklari salbiy ta’sirining oldini olish uchun ipoteka kreditlariga maksimal chegara qo‘yganmiz — MB raisi
Markaziy bank raisi narx pufaklari yorilayotgan vaqtida banklarga bo‘ladigan salbiy ta’sirning oldini olish uchun ipoteka kreditlari ajratishda maksimal chegaralar belgilanganini aytdi. Avvalroq Toshkent shahridagi uy-joy narxlarining bozor va fundamental qiymatlari o‘rtasidagi farq 210 mln so‘mga yetgandi.
Kattaqo‘rg‘on tumani Elektr tarmoqlari korxonasi rahbari 5 mln so‘m pora olishda gumonlanib, ushlandi
Samarqand viloyati Kattaqo‘rg‘on tumani Elektr tarmoqlari korxonasi rahbari tarmoqdan uzilgan fuqaroni unga qayta ulab berish evaziga 5 mln so‘m talab qilib, pullarni olayotgan vaqtda qo‘lga olindi.
“O‘zatom” va “O‘zneftgazinspeksiya"ga rahbarlar tayinlandi
Baxram Mansurov “O‘zatom” agentligi direktori, Ilxom Nimatullayev esa “O‘zneftgazinspeksiya” rahbari etib tayinlandi.
Banklarda dollar kursi 11 675 so‘mgacha ko‘tarildi
Tijorat banklari 1-avgust kuni aholidan 1 AQSh dollarini 11 560−11 615 so‘mdan sotib olmoqda, sotuv kursi esa 11 650−11 675 so‘m.
Buxorodagi 23 ta savdo do‘koni yonib ketdi
Tunda Buxoro shahridagi ikki qavatli savdo majmuasida sodir bo‘lgan yong‘in sabab 15 ta do‘kon va majmua yaqinidagi bozorning 8 ta do‘koni yonib ketdi. Hodisa oqibatida jabrlanganlar yo‘q.
Qishloq xo‘jaligi vaziriga yangi o‘rinbosarlar tayinlandi
Qamashi tumani hokimi Botir Tog‘ayev qishloq xo‘jaligi vazirining birinchi o‘rinbosari, Alisher Shukurov esa vazir o‘rinbosari etib tayinlandi.
31-iyul kuni O‘zbekistonda sodir bo‘lgan eng muhim voqealar dayjesti
Imtihon sabab Toshkentdagi ayrim avtobuslar erta ish boshlashi, chaqalog‘ini $10 mingga sotmoqchi bo‘lgan farg‘onalik ayol, Toshkentda o‘zini 5-qavatdan tashlagan hujra o‘quvchisi, “O‘zbekiston-2030” strategiyasi, dollar kursiga bosim o‘tkazayotgan importning o‘sishi va boshqalar — “Gazeta.uz"ning kun dayjestida.
IIO xodimlari bolalarga ma’ruza o‘qigan bog‘cha mudirasi va uslubchisiga intizomiy chora qo‘llanildi
Toshkentda IIO xodimlari bolalarga “oq bilan qorani ajrata olish” haqida gapirib, ma’ruza o‘qigan bog‘cha mudirasi va uslubchisiga intizomiy chora qo‘llanildi. Maktabgacha ta’lim agentligiga ko‘ra, bolalar bilan mashg‘ulotlar maydonchada o‘tkazilmay, guruhda tashkil etilgani noto‘g‘ri bo‘lgan.
Uzcard va Humo bankomatlarini integratsiyalash tugadi
Endilikda O‘zbekistondagi barcha bankomatlar ham Uzcard, ham Humo kartalarini qabul qiladi. To‘lov terminallarini integratsiyalashni yil oxirigacha yakunlash rejalashtirilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting