Arxiv
Nukus IIBning sobiq boshlig‘i Nukus tumaniga hokim bo‘ldi
Ziyauatdin Zaitov Nukus tumani hokimi etib tasdiqlandi. U bungacha Chimboy tumani IIB boshlig‘i, Qo‘ng‘irot tumani hokimi, Vazirlar Kengashi raisining birinchi o‘rinbosari lavozimlarida ishlagan. O‘tgan yilning iyul voqealari vaqtida Nukus shahri IIBni boshqargan.
Otorinolaringologiya ilmiy-amaliy tibbiyot markazi tashkil etiladi
1-sentabrdan yuridik shaxs maqomiga ega bo‘lgan Respublika ixtisoslashtirilgan otorinolaringologiya va bosh-bo‘yin kasalliklari ilmiy-amaliy tibbiyot markazi tashkil qilinadi. 2024/2025 o‘quv yilidan markazda otorinolaringologiya ixtisosligi bo‘yicha kadrlarni klinik ordinatura orqali tayyorlash tashkil qilinadi.
Dunyoda har yili 1,3 millionga yaqin odam tamaki tutunidan vafot etmoqda — JSST
Tamaki nazorati sohasida ijobiy o‘zgarishlar bor, ammo uning iste’moli “jamoat salomatligi uchun asosiy tahdidlardan biri” bo‘lib qolmoqda, deyiladi JSST hisobotida. Har yili dunyoda 1,3 millionga yaqin odam passiv chekish (tamaki tutuni) qurboni bo‘lyapti.
Farg‘onada erkak telefoniga javob bermagan Yandex haydovchisining mashinasini shikastladi
Farg‘ona shahrida erkak telefoniga javob bermagan Yandex haydovchisi mashinasining oynalarini tosh bilan sindirdi. 22 yoshli haydovchi buyurtmachining manziliga kelganida telefoni o‘chib qolgan va u bilan bog‘lanolmagan. Mashinaga yetkazilgan moddiy zarar miqdorini aniqlash bo‘yicha ekspertiza tayinlandi.
Tashlandiq joyda qanday qilib yashil bog‘ barpo etish mumkin? Reportaj
Yashnobod tumani Alimkent ko‘chasidagi sobiq tramvay yo‘llari o‘rni ko‘plab yillar mobaynida tashlandiq holatga kelib qoldi. Hozir esa bu yerda — daraxtlar, butalar va uzumlar ekilgan. Biz unga kim g‘amxo‘rlik qilayotgani va odamlar toshga aylangan shahardagi yangi oazis haqida qanday fikrdaligini o‘rgandik.
Banklarda dollar kursi 11 690 so‘mga yetdi
Tijorat banklari 2-avgust kuni aholidan 1 AQSh dollarini 11 575−11 630 so‘mdan sotib olmoqda, sotuv kursi esa 11 670−11 690 so‘m.
“Turkmaniston” aviakompaniyasi dronlar hujumidan so‘ng Moskvaga parvozlarni to‘xtatdi
Moskvaga dronlar hujumidan so‘ng “Turkmaniston” aviakompaniyasi Rossiya poytaxtiga parvozlarni to‘xtatdi. Qaror “parvoz xavfsizligini ta’minlash maqsadida xavfni baholash” asosida qabul qilingan.
UNG Petro shoxobchalarida Ai-92 benzini narxi oshdi
“O‘zbekneftgaz” AJga qarashli UNG Petro yonilg‘i quyish shoxobchalarida Ai-92 benziniga chegirmalar yakunlandi. Uning bir litri endi 7500 so‘m emas, 8600 so‘mni tashkil etmoqda.
Senat qator qonunlarga o‘zgartish va qo‘shimchalar kiritish masalasini ko‘rib chiqadi
Senatning 4-avgustdagi yalpi majlisida “Advokatura to‘g‘risida”, “Volontyorlik faoliyati to‘g‘risida”, “Hayvonot dunyosini muhofaza qilish va undan foydalanish to‘g‘risida”gi hamda kripto-aktivlar aylanmasi sohasida litsenziyalash va ruxsat berish tizimini yaxshilashga oid qonunlarga o‘zgartirish kiritish ko‘rib chiqiladi.
1-avgust kuni O‘zbekistonda sodir bo‘lgan eng muhim voqealar dayjesti
1-avgustdan kuchga kiradigan o‘zgarishlar, test sinovlaridan chiqqan abituriyentlar, pora bilan ushlangan san’at va madaniyat instituti bo‘lim boshlig‘i, bloger Abduqodir Mo‘minovning sud ishi tafsilotlari, iyul oyida 9 foizdan pastga tushgan yillik inflyatsiya va boshqalar — “Gazeta.uz"ning kun dayjestida.
Energetika vazirligi O‘zbekistonda elektr energiyasi uzilishi sabablarini sanab o‘tdi
O‘zbekiston yoqilg‘i-energetika kompleksidagi “og‘ir vaziyat” tufayli deyarli barcha hududlarda kunning ma’lum vaqtlarida elektr energiyasini uzishga to‘g‘ri kelmoqda, deyab xabar qildi Energetika vazirligi. Cheklovlar ta’mirlash ishlari, yirik avariyalarning oldini olish va boshqa omillar bilan izohlandi.
Rublning qadrsizlanishi O‘zbekiston iqtisodiyotiga qanday ta’sir qiladi?
Rossiya rublining qadrsizlanishi Rossiyadan O‘zbekistonga pul o‘tkazmalari hajmiga, shuningdek, o‘zbekistonlik eksportyorlar daromadiga salbiy ta’sir qiladi, deya ma’lum qildi Markaziy bank rahbari Mamarizo Nurmuratov.
O‘zbekiston xalq artisti Nuriddin Hamroqulov 77 yoshida vafot etdi
O‘zbekiston xalq artisti Nuriddin Hamroqulov 77 yoshida vafot etdi. “Olamni asrang”, “Ra'no”, “Soy ko‘rdim”, “Ajab sirlar” singari yuzlab qo‘shiqlar ijrochisi bo‘lgan san’atkor 1987-yilda “O‘zbekiston xalq artisti” unvoni, 2020-yilda “Do‘stlik” ordeni bilan taqdirlangan.
Avtomobilsozlikmi yo boshqami, himoyadagi sohaning befoydaligi aholiga vaqt o‘tib seziladi — Mirkomil Xolboyev
Iqtisodchi Mirkomil Xolboyev “Mifonomika” podkastining proteksionizmga bag‘ishlangan sonida qaysidir soha uzoq vaqt himoya qilinsa, vaqt o‘tishi bilan aholi uning foydasizligini sezishini ta’kidladi. “Masalan, 2000-yilda odamlarimizda bizga avtomobil zavodi kerakmi, degan savol bo‘lmagan”, — dedi u.
Rasul Kusherbayev nima uchun O‘zLiDePdan ketishga qaror qilganini aytdi
Rasul Kusherbayev O‘zLiDeP partiyasidan “o‘z o‘rnini ko‘rmayotgani uchun” ketishga qaror qilganini aytdi. U buni uzoq vaqtdan beri rejalashtirganini bildirdi. Internetda taxmin qilinganidek, uning boshqa partiyaga a’zo bo‘lish rejasi hozircha yo‘q.
O‘zbekiston va Janubiy Koreya mudofaa vazirlari hamkorlikni muhokama qildi
O‘zbekiston Mudofaa vaziri Bahodir Qurbonov Toshkentda janubiy koreyalik hamkasbi Li Jong Sup bilan uchrashdi. The Korea Herald nashri uchrashuvdan mudofaa va qurol-yarog‘ sanoati sohasidagi hamkorlikni rivojlantirish maqsad qilingani haqida yozdi.
Qonunchilik palatasi tomonidan “Pedagogning maqomi to‘g‘risida”gi qonun loyihasi qabul qilindi
“Pedagogning maqomi to‘g‘risida”gi qonun loyihasi Qonunchilik palatasi deputatlari tomonidan qabul qilindi. May oyida ushbu qonun loyihasi “yana ham takomillashtirish kerakligi” sabab faqatgina konseptual tartibda qabul qilingandi.
AQSh “Tolibon”ni inson huquqlarini hurmat qilishga chaqirdi
AQSh “Tolibon” harakatini “inson huquqlari bilan bog‘liq vaziyatning yomonlashishiga olib keluvchi siyosatini, ayniqsa, ayollarga nisbatan qayta ko‘rib chiqishga” chaqirdi. “Tolibon”, o‘z navbatida, Afg‘oniston Markaziy bankining muzlatilgan aktivlarini qaytarishni so‘radi.
To‘ra Bobolov Oqqo‘rg‘on tumani hokimi v.b. etib tayinlandi
To‘ra Bobolov Toshkent viloyatining Oqqo‘rg‘on tumani hokimi vazifasini bajaruvchi lavozimiga tayinlandi. U bunga qadar Savdo-sanoat palatasi raisining birinchi o‘rinbosari sifatida ishlab kelayotgandi.
Qashqadaryoda shifoxonadagi 17 tup daraxt noqonuniy kesilgani aniqlandi
Qashqadaryoda xususiy korxona viloyat bolalar shifoxonasi maydonidagi 17 tup manzarali daraxtni noqonuniy kesib tashlagani aniqlandi. Holat huquqni muhofaza qilish idoralari tomonidan o‘rganilmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting