22 noyabr kuni Farg‘ona tumanida ayol uyidan chiqib ketib, bedarak yo‘qoldi. Oradan ikki kun o‘tib, uning murdasi Qirg‘izistonning Batken viloyatidagi ariqdan topildi. Hozirda holat yuzasidan tergovga qadar tekshiruv harakatlari olib borilmoqda.
Uzbekistan Airways Konstitutsiya kuni munosabati bilan barcha aviaqatnovlar uchun 8% chegirma e’lon qildi. Chegirma 25 noyabrdan 8 dekabrgacha bo‘lgan sotuv davrida amal qiladi.
G va H guruhlaridan joy olgan ikkala o‘yinda ham favorit deb aytilayotgan terma jamoalarning qo‘li baland keldi. Portugaliya — Gana bahsida 3:2 hisobi, Braziliya — Serbiya uchrashuvida esa 2:0 hisobi qayd etildi. Ronaldu penaltidan gol kiritib yana bir rekordni qayd etdi. Risharlison esa dublga erishdi.
Nozima Davletova Milliy mass-mediani qo‘llab-quvvatlash va rivojlantirish jamoat fondi Vasiylik kengashiga rahbar bo‘ldi. Bungacha u jamg‘arma direktori bo‘lgan. Mazkur lavozimda avvalroq Komil Allamjonov ishlagan edi.
O‘zbekistonda mahalliy elektromobillarni utilizatsiya yig‘imi, butlovchi, ehtiyot qismlar, asbob-uskunalar va xomashyoni esa bojxona to‘lovlaridan ozod qilish rejalashtirilmoqda. Shuningdek, investorlarga ma’lum miqdordagi elektromobillarni imtiyozli shartlar asosida olib kirishga ruxsat berilishi mumkin.
«Gazeta.uz» 25 noyabr — «Xalqaro ayollarga nisbatan zo‘ravonlikka barham berish kuni» munosabati bilan turkum materiallarni e’lon qiladi. Birinchisi — himoya orderi haqida. Unda orderni qayerdan va qanday olish, jabrlanuvchi qay tartibda himoya qilinishi va zo‘ravonga ko‘riladigan choralar haqida bilib olasiz.
Davlat geologiya qo‘mitasi, «Navoiyuran» va Fransiyaning Orano kompaniyasi o‘rtasida uran qazib olish hamda qayta ishlashni kengaytirish bo‘yicha uch tomonlama shartnoma imzolandi. Orano «bir necha yuz million yevro» miqdorida sarmoya kiritishni rejalashtirmoqda.
Dekabrda Qirg‘izistonga boradigan Shavkat Mirziyoyev, Toshkentda ayolni majburan mashinaga solib, uyiga olib ketgan ota-o‘g‘il, yana ortgan kovid statistikasi, IIV rahbari iste’fosini talab qilib, piket uyushtirgan bloger, AQShda olinayotgan Abdulla Oripov haqida film va boshqalar — «Gazeta.uz»ning kun dayjestida.
Sirdaryo viloyati hokimi lavozimida ishlab kelayotgan G‘ofurjon Mirzayev prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari bo‘yicha maslahatchisi lavozimiga tayinlandi.
Toshkent xalqaro aeroportining jo‘nash terminali oldida O‘zbekistonda birinchi to‘liq avtomatlashtirilgan avtoturargoh ish boshladi. To‘lovni parkomat orqali naqd pulda yoki QR-kod bilan to‘lash mumkin. Parkomat qaytim ham qaytara oladi. Yaqin kunlarda kelish terminali oldida ham xuddi shunday avtoturargoh ochiladi.
«O‘zbekiston vohalari xazinalari. Karvon yo‘llari chorrahasida» Luvrdagi Markaziy Osiyo tarixiga oid birinchi ko‘rgazma bo‘ldi. Tashkilotchilar uning tashrif buyuruvchilarda mamlakatga qiziqish uyg‘otishiga ishonch bildirmoqda. «Gazeta.uz» muxbiri ko‘rgazmani birinchi bo‘lib tomosha qilgan jurnalistlardan biri bo‘ldi.
G va H guruhlaridan joy olgan Shveysariya — Kamerun va Urugvay — Janubiy Koreya bahslarida o‘yin teng suratlarda o‘tdi. Biroq birinchi o‘yin Shveysariyaning 1:0 hisobidagi g‘alabasi bilan yakunlangan bo‘lsa, ikkinchi o‘yinda jamoalar nursiz durang qayd etishdi — 0:0.
Deputatlar Konstitutsiyaga o‘zgartishlar kiritishni davom ettirishga qaror qildi. Faqat birgina deputat (ehtimol, Alisher Qodirov) qarshi ovoz berdi. Prezident taklifiga ko‘ra, loyiha 8 dekabr — Konstitutsiyaning 30 yilligida qabul qilinishi kerak edi. Endi referendumni ushbu sanagacha o‘tkazishga ulgurishmaydi.
Social Progress kompaniyasi yo‘l harakati qoidalarini nazorat qilish tizimlari, shuningdek, qoidabuzish holatlarini foto va video qayd etish vositalarini ishlab chiqadi hamda joriy qiladi.
Iqtisodiy taraqqiyot va kambag‘allikni qisqartirish vazirligi huzuridagi agentlik «Onlayn mahalla» platformasini ishlab chiqish uchun 8,4 mlrd so‘m (755 ming dollar) sarfladi. U hokim yordamchilarining samarali faoliyat yuritishi va boshqa maqsadlarda foydalanish uchun mo‘ljallangan.
Toshkentga otasi bilan kelgan erkak o‘z ayolini majburan mashinaga solib olib ketdi. IIBB bunga oilaviy kelishmovchilik sabab bo‘lganini aytdi. Aniqlanishicha, ayol farzandini otasida qoldirib, Qashqadaryodan Toshkentga ketib qolgan. Ular ayolni Uchtepa tumanidan topgan va uyga olib ketgan.
Xonobod shahridan o‘tuvchi «Xonobod-Turkobod» avtomobil yo‘lining 7 km qismidagi asfaltbetonni me’yordan kam yotqizilganiga ijobiy xulosa bergan pudratchi tashkilot davlatga qariyb $87 minglik zarar yetkazgani aniqlandi. Hozirda boshqarma hodimlariga nisbatan jinoyat ishi ochildi.
Shavkat Mirziyoyev Koreya Respublikasi, Qirg‘iziston, Jazoir, Qozog‘iston va AQSh davlatlarining yangi elchilarini qabul qildi. Prezident O‘zbekistondagi «keng ko‘lamli va muqarrar islohotlar» haqida so‘zlab, elchilarni aloqalarni yanada rivojlantirishda «bor bilim va kuch-g‘ayratini safarbar etishga» chaqirdi.
Shavkat Mirziyoyev kelgusi oyda Qirg‘izistonga tashrif buyuradi. Prezident matbuot xizmati qayd etishicha, «erishilgan kelishuvlar asosida chegara masalalari hal qilingani misli ko‘rilmagan yutug‘ bo‘ldi».
Prezident qaroriga ko‘ra, 1 dekabrdan haydovchilar qoidabuzarligi uchun jarima ballarni hisoblash boshlanadi. Haydovchi tezlikni oshirsa 1 ball, qizil chiroqda o‘tsa 3 ball jarima yoziladi. Bir yilda qoidabuzarliklari 12 balldan oshgan haydovchi ma’lum muddatga avtomobil boshqarish huquqidan mahrum bo‘ladi.
Qo‘shimcha imkoniyatlarga ega bulish uchun saytda ro‘yxatdan o‘ting