Arxiv
AQSh endi o‘zbek paxtasini majburiy mehnat mahsuli deb hisoblamaydi
AQSh o‘zbek paxtasini bolalar va majburiy mehnat orqali ishlab chiqarilgan tovarlar ro‘yxatidan chiqardi. Buning natijasida AQShga paxta eksporti uchun yangi imkoniyatlar yaratishi kutilmoqda. Biroq, mamlakatda ipak pilla yetishtirishda hamon majburiy mehnat qo‘llaniladi, deya xabar beradi AQSh mehnat vazirligi.
Toshkentga yil yakuniga qadar 190 ta katta sig‘imli avtobuslar keltiriladi
Toshkent shahriga 2022 yil oxirigacha 190 dona MAN rusumli avtobuslar olib kelinadi. Sotib olingan avtobuslar ishlab turgan avtobuslar qatoriga kiritiladi va kam sig‘imli ISUZU larning o‘rnini egallaydi.
Bosh prokuror o‘rinbosari Shavkatjon Raximov lavozimidan ozod etildi
Bosh prokurorning o‘rinbosari Shavkatjon Raximov boshqa ishga o‘tishi munosabati bilan ishdan olindi.
Mo‘ynoqda «Orol baliqlaridan 99 tur taomlar» gastronomik festivali bo‘lib o‘tdi (foto)
Qoraqalpog‘istonning Mo‘ynoq tumanida «Orol baliqlaridan 99 tur taomlar» gastronomik festivali bo‘lib o‘tdi. Unda Orolbo‘yi suv havzalarida uchraydigan baliqlardan tayyorlangan 120 dan ortiq taomlar namoyish etildi (foto).
Qirg‘iziston ta’lim va fan vaziri pora olayotgan paytda qo‘lga tushdi
Qirg‘iziston ta’lim va fan vaziri Almazbek Beyshenaliyev yirik miqdorda — $110 ming pora olayotgan vaqtida qo‘lga tushdi, deb xabar berdi mamlakat IIV. Qirg‘iziston prezidenti matbuot kotibi mazkur ish yuzasidan keng qamrovli tergov o‘tkazilishini ma’lum qildi.
O‘zbekiston va BMT Pokistonga gumanitar yordam jo‘natadi
Pokistondagi kuchli suv toshqini jabrlanuvchilarga vaqtincha yashash uchun mo‘ljallangan turar-joy modullari bo‘lgan samolyot Termizdan Karachiga uchdi. Yordam O‘zbekiston hukumati va Birlashgan Millatlar Tashkilotining Qochqinlar bo‘yicha Oliy komissari boshqarmasi tomonidan yuborildi.
AQSh davlat kotibi yordamchisi v.b. O‘zbekistonga keladi
AQSh davlat kotibi yordamchisi vazifasini bajaruvchi, Davlat departamentining Xalqaro jamoatchilik bilan aloqalar byurosi rahbari Elizabet Tryudo 3−6 oktabr kunlari O‘zbekistonga keladi. U rasmiylar va nodavlat tashkilotlar vakillari bilan uchrashadi.
29-sentabrda tijorat banklari tomonidan belgilangan dollar kursi
Markaziy bank dollar kursini pastlab, 10 999,78 so‘m etib belgiladi. Tijorat banklari ham dollarning sotish va sotib olish bo‘yicha yangi qiymatini e’lon qildi.
Sirdaryoda nikohdan o‘tish va ajrashish uchun arizalarni DXM orqali topshirish bo‘yicha eksperiment o‘tkaziladi
Hukumat qarori bilan 1 noyabrdan 1 iyulgacha nikoh tuzish va ajratishni qayd etish uchun arizalarni DXM orqali qabul qilish bo‘yicha eksperiment o‘tkaziladi. Shuningdek, tug‘ilganlikni shifoxona orqali FHDYO bo‘limlarida qayd etish tartibi 1 yanvardan Toshkentda, 1 iyundan esa butun respublika hududida joriy etiladi.
15-dekabrdan Qozog‘iston va O‘zbekiston bojxonalarida oldindan axborot almashish tizimi ishga tushadi
Chimkentda O‘zbekiston va Qozog‘iston bojxona xizmati rahbarlari uchrashdi. Unda bojxona chegaralari orqali tranzit tarzda harakatlanayotgan tovar va transpor vositalari haqida oldindan axborot almashish tizimini 15-dekabrdan boshlab ishga tushirishga kelishib olindi.
Prezident transport sohasiga bag‘ishlangan navbatdagi yig‘ilish o‘tkazdi
Shavkat Mirziyoyev transport sohasidagi islohotlarni jadallashtirishga bag‘ishlangan navbatdagi yig‘ilish o‘tkazdi. «Agar biz transport va logistikani yangi bosqichga olib chiqmasak, iqtisodiyotning barqaror rivojlanishini ta’minlay olmaymiz», — dedi u.
Senat: Bir yilda go‘daklar o‘limi 7214 tani tashkil etdi
Senat Kengashining reproduktiv salomatlikni saqlash, onalik va bolalikni muhofaza qilish bo‘yicha majlisida 2021 yilda 7214 ta go‘dak vafot etgani ma’lum qilindi. Bolalarda tug‘ma va irsiy kasalliklarni barvaqt aniqlash bo‘yicha qator kamchiliklar mavjudligi qayd etildi.
Samarqandda 5 tup eldor qarag‘ayi noqonuniy kesilgani aniqlandi
Samarqandda fuqaro 5 tup eldor qarag‘ayi daraxtini noqonuniy kesib ketgani aniqlandi. Ekologiya qo‘mitasi buning oqibatida o‘simlik dunyosiga 86,4 mln so‘m miqdorda zarar yetganini ma’lum qildi. Hozirda hujjatlar sud organlariga taqdim etish uchun tayyorlanmoqda.
Xo‘jalikda ommaviy ravishda nobud bo‘lgan baliqlar Chirchiq daryosiga oqizib yuborildi
Chirchiq daryosida baliqlarning ommaviy nobud bo‘lgani aytilgan video e’lon qilindi. Davlat ekologiya qo‘mitasi tomonidan o‘rganish ishlari olib borildi. Baliqlar Yangiyo‘l tumanidagi baliqchilik xo‘jaligida nobud bo‘lgani va Chirchiq daryosiga oqizib yuborilgani aniqlandi.
O‘zbekiston bosh gematologi — onkogematologik kasalliklarni davolashdagi yutuq va kamchiliklar haqida
Har yili 2500 ga yaqin o‘zbekistonliklarda onkogematologik kasalliklar aniqlanadi. Davolashdagi ba’zi yutuqlarga qaramay, suyak iligi transplantatsiyasi yo‘lga qo‘yilmagan va ayrim dorilar bilan terapiya mavjud emas. Bosh gematolog Eldor Ishoqov bemorlarga yordam berish, vaziyatni yaxshilash yo‘llari haqida so‘zladi.
Qoraqalpog‘istonda “Borsakelmas” davlat buyurtma qo‘riqxonasi tashkil etiladi
Hukumat qarori bilan Qo‘ng‘irot tumanida umumiy maydoni 280 ming gektar bo‘lgan “Borsakelmas” davlat buyurtma qo‘riqxonasi tashkil etiladi. Qo‘riqxona Davlat ekologiya qo‘mitasi tuzilmasiga kiradi.
«Shimoliy oqim» gaz quvurlaridagi portlashlarga diversiya sababchi ekani ma’lum qilindi
Rossiyaning Yevropaga gaz yetkazib beradigan quvuri — «Shimoliy oqim»ning ikkala tarmog‘ida birdaniga uchta joydan gaz sizib chiqqan. Daniya, Shvetsiya va Polsha hukumatlari bunga oldindan o‘ylangan harakatlar natijasi hisoblangan portlashlar sabab bo‘lgan degan fikrda.
28 sentabr kuni O‘zbekistonda sodir bo‘lgan eng muhim xabarlar dayjesti
«Prezident komandasini obro‘sizlantirishga olib kelgan» hokimlarni ishdan olgan Sardor Umurzakov, O‘zbekistondagi OTM va litseylar reytingi, Farg‘onada fuqaroni bo‘g‘ib, kaltaklagan IIO xodimlari, Qarshida kanaldan topilgan yosh bolaning jasadi, yangi tayinlovlar va boshqalar — «Gazeta.uz»ning kun dayjestida.
Haj va umra narxini arzonlashtirish muhokama etildi
Saudiya Arabistoni haj va umra ishlari vaziri Tavfiq bin Favzon ar-Rabia boshchiligidagi delegatsiya O‘zbekistonga tashrif buyurdi. Din ishlari qo‘mitasi va Musulmonlar idorasi rahbarlari bilan uchrashuvda haj va umra xizmati sifatini oshirish, ziyorat narxini arzonlashtirish muhokama etildi.
Denovdagi maktab hovlisida 3-sinf o‘quvchisi o‘lik holda topildi
Surxondaryoning Denov tumanidagi maktab hovlisida 3-sinfda o‘qiydigan qiz o‘lik holda topildi. Prokuratura tomonidan «Odam o‘limiga sabab bo‘lgan xavf ostida qoldirish» moddasi bo‘yicha jinoyat ishi qo‘zg‘atilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting