Arxiv
YHQga yana qanday o‘zgartishlar kiritildi?
Yuk mashinalari faqat chetki o‘ng qatorda harakatlanishi mumkin, piyodalar o‘tish joylariga 10 metrdan kam masofada to‘xtash taqiqlanadi, velosipedchilar tungi vaqtda nur qaytaruvchi jilet kiyishlari kerak — YHQga yana qanday o‘zgartirishlar kiritilgan.
Qirg‘iziston va O‘zbekiston chegaradosh hududida savdo-logistika markazi quriladi
Bishkekda O‘zbekiston-Qirg‘iziston taraqqiyot jamg‘armasining rasmiy ochilish marosimi bo‘lib o‘tdi. Jamg‘armaning ustav kapitali 50 mln dollarni tashkil etadi. Kelgusida bu summani 200 mln dollarga yetkazish rejalashtirilgan. Qirg‘iziston va O‘zbekiston chegaradosh hududida logistika markazini qurish loyihasi faol bosqichda ekani ham ma’lum qilindi.
Suv tanqisligi oqibatlarini yumshatish bo‘yicha dastur qabul qilinadi — prezident
Bir hafta ichida O‘zbekistonda suv tanqisligi oqibatlarini yumshatish bo‘yicha alohida dastur qabul qilinadi. 1 oktabrga qadar 4,5 ming km sug‘orish tarmoqlarini tozalash va 231 kmni betonlash, 3 mingta gidrotexnik inshoot va 490 km nasos quvurlarini ta’mirlash, 3,5 mingta nasos o‘rnatish, 281 ta quduq qazish reja qilingan. Prezident buning uchun 300 mlrd so‘m mablag‘ ajratilishini ma’lum qildi.
«Saylov kodeksiga zidligini bilamiz». Navoiyda hokim o‘rinbosari deputatlik qilayotganiga izoh berildi
Karmana tumani hokimining birinchi o‘rinbosari Tohir O‘rinov hamda Navoiy viloyati hokimligi kotibiyat mudiri Maqsud Nurullayev bir vaqtning o‘zida xalq deputatlari viloyat kengashida deputatlik qiladi. Ularning deputatlikdan ketish bo‘yicha arizasi olingan bo‘lsa-da, hanuz kengashga a’zoligicha qolmoqda. Buni «saylov kodeksiga zidligini bilamiz», deya izohladi hokimiyat matbuot xizmati rahbari Bektemir Pirnafasov. Uning so‘zlariga ko‘ra, «bu holat faqat Navoiy viloyatida emas, balki har bitta viloyatda kamida 2−3 tadan bor».
Dilshod Kenjayev prezident maslahatchisi o‘rinbosari lavozimidan ozod etildi
2021 yildan beri prezident maslahatchisiga o‘rinbosar bo‘lib ishlagan Dilshod Kenjayev boshqa ishga o‘tishi munosabati bilan lavozimidan ozod qilindi. Uning o‘rnini O‘zbekiston Yozuvchilar uyushmasi raisining birinchi o‘rinbosari Nodirjon Xalbutayev egalladi.
Toshkentning qayerida maysazorda dam olish mumkin? — qo‘llanma
Toshkentda chim ustida yurish va maysalar ustida dam olishga haligacha sovetcha ruhda javob beriladi: “Mumkin emas”. Lekin baribir shaharda bunga ruxsat berilgan joylar paydo bo‘lmoqda. “Gazeta.uz” maysa ustida dam olish mumkin bo‘lgan joylarni qidirib, poytaxtni aylanib chiqdi. Biz o‘zimiz bilan mashhur arxitektor Kristofer Aleksandrning “Shablonlar tili” kitobini ham oldik — undagi g‘oyalar rasmiylar odamlarga maysazorda dam olishni nima uchun taqiqlamasligi kerakligini tushunishga yordam beradi.
1 mln nafarga yaqin xotin-qizning muammolari hal etildi — Tanzila Narbayeva
Senat raisi Tanzila Narbayeva 2018−2021 yillarda «Ayollar daftari»ga kiritilgan 1 mln nafarga yaqin xotin-qizlarning muammolari hal etilganini ma’lum qildi. Jumladan, xotin-qizlarning 2730 nafari uy-joy, 590 mingga yaqini esa doimiy ish bilan ta’minlangan. So‘nggi 3 yilda 208,5 ming ayolga 7,7 trln so‘mdan ortiq kredit ham berilgan.
5 yil ichida Qoraqalpog‘istonda YAIM 1,5 baravarga o‘sishi kerak
Hukumat Qoraqalpog‘istonni 2026 yilgacha ijtimoiy-iqtisodiy rivojlantirish dasturini tasdiqlandi. Hujjatda hududni rivojlantirishning «o‘sish nuqta» lari va drayver sohalari belgilangan bo‘lib, unga ko‘ra 5 yil ichida yalpi ichki mahsulot va sanoat ishlab chiqarishini 1,5 baravarga oshirish vazifasi qo‘yilgan.
18−20 aprel kunlari ba’zi joylarda kuchli yomg‘ir va do‘l yog‘ishi kutilmoqda
O‘zgidromet 18−20 aprel kunlari O‘zbekiston hududiga Turkmaniston orqali Erondan nam havo, so‘ngra Volga bo‘yi hududlaridan nisbatan salqin havo massasi kirib kelishini ma’lum qildi. Natijada ba’zi hududlarda kuchli yomg‘ir va do‘l yog‘ishi, momaqaldiroq bo‘lishi kutilmoqda.
Sitorai Mohi Xossa saroyining bir qismi noto‘g‘ri restavratsiya sababli tarixiy qiymatini yo‘qotdi
Buxoro amirining Sitorai Mohi Xossa yozgi saroyida noto‘g‘ri restavratsiya ishlari olib borilishi natijasida majmuaning bir qismi tarixiy va badiiy qiymatini yo‘qotdi. Madaniy meros agentligi o‘rganish ishlarini Bosh prokuraturaga yubordi.
Toshkentning asosiy ko‘chalarida chuqurliklarni bartaraf etish ishlari boshlandi. Qaysi ko‘chalar asosiy hisoblanadi?
Toshkent hokimi 10 kun ichida poytaxtning asosiy ko‘chalaridagi barcha chuqurlarni to‘liq bartaraf etish yuzasidan topshiriq berdi. Shaharda jami 76 ta shunday ko‘cha bor — ta’mirlash jarayonida ustuvorlik dastavval aynan shu ko‘chalarga beriladi. Raqamli rivojlanish departamentining ma’lum qilishicha, «Xalq nazorati» portaliga ariza topshirish orqali ta’mirlash ishlarini tezlashtirishga yordam berish mumkin.
Dam olish kunlari issiq bo‘ladi
Dam olish kunlari havo harorati kun davomida +35 darajagacha ko‘tariladi, bu aprel oyining o‘rtalaridagi me’yordan 6−8 darajaga yuqori. Yog‘ingarchilik kutilmaydi, faqat shimoliy hududlarda vaqti-vaqti bilan yomg‘ir yog‘ib, momaqaldiroq bo‘lishi mumkin.
Toshkentdan Bishkekka avtobus qatnovi qayta yo‘lga qo‘yilmoqda
15 apreldan Toshkent va Bishkek o‘rtasida avtobus qatnovi qayta tiklanmoqda.
Yerni o‘zboshimchalik bilan egallab olish haqida xabar berganlar rag‘batlantiriladi
Hukumat qarori bilan yerni o‘zboshimchalik bilan egallab olish haqida xabar berganlar BHMning 10 foizi (27 ming so‘m) miqdorida rag‘batlantiriladi.
Toshkentda badiiy gimnastika bo‘yicha jahon kubogi o‘tkaziladi
15 aprel kuni Toshkentda badiiy gimnastika bo‘yicha jahon kubogi bosqichi start oladi. Rossiya, Belarus va Ukraina gimnastikachilari uzoq yillar davomida birinchi marta Toshkent turnirida qatnashmaydi. Tomoshabinlar uchun musobaqalarga kirish bepul.
Uzbekistan Airports boshqaruv raisiga ikki o‘rinbosar tayinlandi
Sardor Abdullayev Uzbekistan Airports boshqaruv raisining axborot texnologiyalari bo‘yicha o‘rinbosari bo‘ldi. U bungacha Toshkent shahar hokimining o‘rinbosari edi. Avval prezident devonida ishlagan Boxodir Mirusmanov esa personal bo‘yicha rais o‘rinbosari lavozimiga tayinlandi.
«Pushkin» bekatida yigit o‘zini metro poyezdi ostiga tashladi
22 yoshli yigit qasddan o‘zini metro poyezdi ostiga tashladi. Mashinist poyezdni tezkor to‘xtatishi natijasida u omon qoldi.
14 aprel kuni O‘zbekistonda sodir bo‘lgan eng muhim xabarlar dayjesti
BMT komissiyasi a’zosi etib saylangan O‘zbekiston, mamlakatni mintaqaviy IT markaziga aylantirishga ko‘rsatma bergan prezident, tahdidlar tufayli maqolasini o‘chirishga majbur bo‘lgan Rost24 bosh muharriri, metro jetonlarining qayta sotib olinishi, O‘zbekistonda rahbarlik lavozimlarini egallab turgan 27% ayollar va boshqalar — «Gazeta.uz» ning 14 apreldagi eng muhim xabarlari dayjestida.
Endi jismoniy shaxslar ham bankrot deb topilishi mumkin
Prezident to‘lovga qobiliyatsizlik to‘g‘risidagi qonunni imzoladi. Unga ko‘ra, jismoniy shaxslar ham bankrot deb topilishi mumkin, ilgari bunday tartib mavjud emas edi. To‘lovga qobiliyatsizik holati sud tomonidan ko‘rib chiqiladi va sud qarorisiz undiruvni mol-mulkka qaratishga yo‘l qo‘yilmaydi. Bundan tashqari, «Bankrotlik to‘g‘risida»gi qonun ham o‘z kuchini yo‘qotdi.
Yaponiya TIV rahbari aprel oxirida O‘zbekistonga kelishni rejalashtirmoqda — OAV
Yaponiya tashqi ishlar vaziri Yosimasa Xayasi aprel oxirida O‘zbekiston va Qozog‘istonga tashrif buyurishi kutilmoqda. Shuningdek, Yaponiya TIV rahbari iyun oyi oxirigacha Markaziy Osiyoning beshta davlati tashqi ishlar vazirlari yig‘ilishini o‘tkazish va Xitoy kreditlari xavfi haqida ogohlantirishni rejalashtirmoqda.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting