Arxiv
Dollarning rasmiy kursi to‘rt kunlik pasayishdan so‘ng ko‘tarildi
Dollarning so‘mga nisbatan rasmiy kursi 9,59 so‘mga ko‘tarilib, 11 404,61 so‘mni tashkil qildi. Yevro va rubl kurslari esa pasaydi.
O‘zbekiston Afg‘oniston muvaqqat hukumatini xalqaro miqyosda tan olish mexanizmlarini ishlab chiqishni taklif qildi
O‘zbekiston bosh vazir o‘rinbosari — investitsiyalar va tashqi savdo vaziri Sardor Umurzakov Xitoyda bo‘lib o‘tgan Afg‘onistonga qo‘shni davlatlar vazirlar konferensiyasida Afg‘oniston muvaqqat hukumatini xalqaro tan olish mexanizmlari va mezonlarini ishlab chiqishni taklif qildi.
10-apreldan respublika bo‘ylab ommaviy sport tadbirlari o‘tkaziladi
Juma kungi yig‘ilishda Shavkat Mirziyoyev 6 mln nafar yoshlar ishtirokida 10-apreldan mahalla, tuman, viloyat va respublika bosqichlaridan iborat ommaviy sport tadbirlarini o‘tkazish yuzasidan topshiriq berdi. Buning uchun har bir viloyatga 100 mln so‘mgacha, g‘olib va sovrindorlarni taqdirlash uchun 1 mlrd so‘mgacha mablag‘ ajratiladi.
Afg‘on masalasi diqqat markazida qolishi kerak — Norov
Dunyodagi hodisalar munosabati bilan afg‘on masalasi jahon siyosatida ikkinchi darajaga tushib ketdi. «Bunga yo‘l qo‘yib bo‘lmaydi. Xalqaro hamjamiyat ushbu mamlakatning buguni va ertasi uchun javobgarlikni zimmasiga olishi kerak», — deya ma’lum qildi tashqi ishlar vaziri o‘rinbosari Vladimir Norov BMT vazirlar anjumanida.
«Samir Rahmonovning o‘limida Bosh prokuraturaning aybi yo‘q» — Svetlana Artikova
Payshanba kuni Svetlana Artikova Bosh prokuratura ishda vafot etgan xodimi oilasiga nafaqa va ma’naviy zararni to‘lashi masalasiga munosabat bildirdi. Uning fikricha, sudning 971 mln so‘mni to‘lash to‘g‘risidagi qarorida qonun talablari buzilgan. «Milliard u yoqqa, milliard bu yoqqa qilsak, unda shifokorlarga, o‘qituvchilarga ustamalarni, oylikni, nafaqani kim to‘laydi?.. Kerak bo‘lsa, Oliy sudgacha ham bosh prokuror o‘rinbosari tarzida takroran kassatsiya keltirishga tayyorman», — dedi u.
O‘zbekistonning BAAdagi elchisi tayinlandi
Turizm va sport vaziri o‘rinbosari bo‘lib ishlagan Abdulaziz Oqqulov O‘zbekistonning BAAdagi elchisi lavozimiga tayinlandi.
Bosh vazir Abdulla Aripov amaliy tashrif bilan Qirg‘izistonga bordi
Bosh vazir Abdulla Aripov amaliy tashrif bilan Qirg‘izistonga bordi. Tashrif doirasida u ikki davlat chegaradosh viloyatlari hokimlari kengashining to‘rtinchi yig‘ilishida ishtirok etadi.
2023 yildan fuqarolarni tekshirish uchun IIBga olib borish tartibidan voz kechilishi mumkin
Jamoatchilik muhokamasiga qo‘yilgan hukumat qarori loyihasiga muvofiq, 2023 yildan boshlab fuqaroni ichki ishlar bo‘limiga olib borish amaliyotidan voz kechish rejalashtirilmoqda. Bunda «E-patrul» tizimi joriy etilib, barcha ma’lumotlar hodisa joyida planshet orqali tekshiriladi.
2022-yil uchun fitr sadaqa va fidya miqdori e’lon qilindi
O‘zbekiston musulmonlari idorasi 2022-yil uchun zakot nisobi, fitr sadaqa va fidya miqdorini e’lon qildi.
Ramazon oyida sog‘lom ovqatlanish bo‘yicha JSST tavsiyalari
Ramazon paytida haddan tashqari ko‘p ovqat yeyish yoki noto‘g‘ri ovqatlanish inson salomatligiga zarar yetkazishi mumkin. Jahon sog‘liqni saqlash tashkiloti ro‘za paytida sog‘lom ovqatlanish bo‘yicha maslahatlar bilan bo‘lishdi. «Gazeta.uz» ularni taqdim etadi.
Dam olish kunlari harorat ko‘p yillik qiymatlardan 4−6 daraja yuqori bo‘lishi kutilmoqda
Dam olish kunlari respublikaning katta qismida iliq va quruq ob-havo bo‘lishi kutilmoqda. Havo harorati ayrim joylarda 28 darajaga yetadi.
Foto: Quyoshning insoniyat tarixidagi eng yaqin tasvirlari e’lon qilindi
ESA va NASA hamkorligida amalga oshirilayotgan missiya — Solar Orbiter avtomatik kosmik apparati quyoshning kuzatuvlar tarixidagi eng yaqin tasvirlarini taqdim etdi. Suratlar quyosh orbitasidan taxminan 75 mln km uzoqlikda, ya’ni qurilma Yer sayyorasi va Quyosh o‘rtasidagi masofaga yetganida olingan.
Ramazon oyida 2085 masjidda taroveh, 1525 jomeda xatmi Qur’on o‘qiladi
O‘zbekiston musulmonlari idorasi raisi, muftiy Nuriddin Xoliqnazarov Ramazon oyida O‘zbekistondagi 2085 masjidda taroveh, 1525 jomeda xatmi Qur’on o‘qilishini ma’lum qildi.
Samarqand, Termiz va Denovdan Tojikiston shaharlariga avtobus qatnovlari yo‘lga qo‘yiladi
2 apreldan tajriba-sinov tariqasida Samarqand, Termiz va Denovdan Tojikistonning Dushanbe va Panjikent shaharlariga avtobus qatnovlari amalga oshiriladi. Chipta narxlari somoniyda ko‘rsatilgan.
O‘zbekistonga qaytgan mehnat migrantlari qurilish ishlariga jalb qilinadi
Payshanba kungi videoselektorda prezident viloyat hokimlariga vatanga qaytgan mehnat migrantlarini qurilish ishlariga jalb qilish bo‘yicha topshiriq berdi. Ularga asbob-uskunalar xarid qilish uchun subsidiya ham ajratiladi. Qolaversa, Sirdaryo viloyati hokimi o‘z hududida qariyb 2 ming, Namangan viloyati hokimi esa 17 ming migrant qaytib kelganini ma’lum qildi.
Urganchda reklama monitorida pornografik mazmundagi videolavha namoyish etildi
Urganchda chorrahaga o‘rnatilgan reklama monitorida pornografik mazmundagi videolavha namoyish qilindi. Dastlabki tezkor-surishtiruv ishlarida uni monitorga egalik qiluvchi xususiy firma ishchisi «ehtiyotsizlik oqibatida» monitor xotirasiga yuklagani ma’lum bo‘ldi.
Toshkentda taqiqda bo‘lgan 2 gektar yerni $800 mingga sotmoqchi bo‘lgan shaxs ushlandi
Bektemir tumanida taqiqda bo‘lgan 2 gektar yerni 800 ming dollarga sotmoqchi bo‘lgan shaxs oldindan 80 ming dollarni olgan vaqtida ushlandi. Uning taqiqni tegishli organlar orqali yechishi va qurilish uchun hujjatlarni rasmiylashtirib berishiga ishontirgani aytilmoqda. Unga nisbatan jinoyat ishi qo‘zg‘atildi.
YeTTB: Ukrainadagi urush tufayli O‘zbekistonda YAIM o‘sish sur’atining pasayishi kutilmoqda
YeTTB Ukrainadagi urush Markaziy Osiyo mamlakatlari iqtisodiyotiga jiddiy salbiy ta’sir ko‘rsatishini prognoz qilmoqda. Bankning mintaqa mamlakatlari bo‘yicha qayta ko‘rib chiqilgan prognozlariga ko‘ra, 2022 yilda O‘zbekiston YAIM 6 foizga emas, 4 foizga o‘sishi kutilmoqda. Rossiya iqtisodiyotida yuzaga keladigan turg‘unlikning mintaqa mamlakatlari iqtisodiyotiga ta’siri 2023 yilda ham saqlanib qoladi.
31 mart kuni O‘zbekistonda sodir bo‘lgan eng muhim xabarlar dayjesti
O‘zbekiston iqtisodiyotini qo‘llab-quvvatlash va tashqi xatarlarni yumshatish choralari, YPX xodimini suratga olishga qarshiligini aytgan Svetlana Artikova, Ramazon oyining boshlanishi, Urganchda quriladigan Al-Xorazmiy shaharchasi, valyuta bozorida keskin tebranishlarning oldini olish uchun zaxiralar yetarli ekanini ta’kidlagan Shavkat Mirziyoyev, tibbiyot xodimlarining hijob kiyishi bo‘yicha taqiq olib tashlangani va boshqalar — «Gazeta.uz» ning 31 martdagi eng muhim xabarlari dayjestida.
O‘zbekistonda Ramazon oyi 2 apreldan boshlanadi
O‘zbekiston musulmonlari idorasi ma’lumotiga ko‘ra, Ramazon oyining boshlanishi 2 aprel kuniga to‘g‘ri keladi. Prezident muborak Ramazon oyini munosib tarzda o‘tkazish to‘g‘risidagi qarorni imzoladi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting