Arxiv
Tergov vaqtida shaxs qiynoqqa solinsa, unga yetkazilgan zararni davlat to‘lab beradi
Tergov va surishtiruv vaqtida shaxsga nisbatan har qanday qiynoqqa solish va boshqa shafqatsiz, g‘ayriinsoniy muomala hamda jazo turlarini qo‘llash natijasida yetkazilgan zararni davlat to‘lab beradi. Fuqarolik kodeksiga bu borada tegishli qo‘shimcha kiritildi.
Urgutda 3,6 sotix yerni 40 mln so‘mga sotmoqchi bo‘lgan MTP rahbari qo‘lga olindi
Bosh prokuratura huzuridagi Departament, DXX va IIB xodimlari tomonidan o‘tkazilgan tezkor tadbirlarda Samarqand va Farg‘ona viloyatlarida firibgarlik yo‘li bilan yer sotmoqchi bo‘lgan shaxslar qo‘lga olindi. Jumladan, Urgutda MTP rahbari 3,6 sotix yerni 40 mln so‘mga sotmoqchi bo‘lib, 30,4 mln so‘mni kombaynchisi orqali olayotganda ushlandi.
Toshkent viloyatida yangi IES ishga tushirildi, Sirdaryoda esa yana bir IES qurilishi boshlandi
Turkiyaning Cengiz Enerji kompaniyasi Toshkent viloyatida yangi issiqlik elektr stansiyasini ishga tushirdi hamda Sirdaryo viloyatida yana bir IES qurilishini boshladi. Turkiya va O‘zbekiston prezidentlari ramziy tugmani bosib, Qibray tumanidagi IESni ishga tushirdi va Xovos tumanidagi IES qurilishini boshlab berdilar.
O‘zbekiston va Turkiya o‘zaro munosabatlar maqomini «keng qamrovli strategik sheriklik» bosqichiga olib chiqadi
O‘zbekiston va Turkiya prezidentlari ikki davlat o‘rtasidagi munosabatlar maqomini «keng qamrovli strategik sheriklik» bosqichiga ko‘tarishga kelishib oldi. Muzokaralar yakunida 10 ta hujjat, shu jumladan, imtiyozli savdo, mudofaa sohasida hamkorlik va mahkumlarni topshirish to‘g‘risidagi bitimlar imzolandi. Shuningdek, Rejep Tayyip Erdog‘an Shavkat Mirziyoyevni Turkiyaga taklif qildi (foto).
MB rahbari o‘rinbosari — tashqi risklar va shoklar O‘zbekiston iqtisodiyotiga qanday ta’sir qilishi haqida
Markaziy bank rahbari o‘rinbosari Behzod Hamrayev dunyoda ro‘y berayotgan so‘nggi voqealar O‘zbekiston iqtisodiyotiga uchta kanal: valyuta kursi, inflyatsiya va moliyaviy barqarorlik orqali salbiy ta’sir ko‘rsatishini ta’kidladi. U valyuta kursi va narxlarni barqarorlashtirish maqsadida regulyator qanday chora-tadbirlar ko‘rayotgani xususida ma’lumot berdi. Bundan tashqari, Markaziy bank YAIM o‘sishi, inflyatsiya va investitsiyalar oqimi bo‘yicha prognozlarini qayta ko‘rib chiqishni rejalashtirmoqda.
Navruz Cup-2022: O‘zbekiston terma jamoasi musobaqa g‘olibi bo‘ldi
O‘zbekiston terma jamoasi «Navruz Cup-2022» finalida Uganda terma jamoasini 4:2 hisobida yengib, musobaqa g‘olibi bo‘ldi. Eldor Shomurodov o‘yinda xet-trikka erishdi. Yana bir golga Jaloliddin Masharipov mualliflik qildi. Musobaqada 3-o‘rin Tojikiston MTJga nasib etdi.
29 mart kuni O‘zbekistonda sodir bo‘lgan eng muhim xabarlar dayjesti
Toshkentda mozaikalarni saqlab qolish uchun maxsus material bilan qoplanayotganini aytgan poytaxt hokimligi, xorijda davolanayotgan Abdulaziz Kamilov, qizini ayiq qafasiga tashlagan ayolning ishi sudga oshirilgani, Bosh prokuratura ishda vafot etgan xodimi uchun to‘laydigan 951 mln so‘m nafaqa puli, iqtisodiyotga davlat qarzi yuki o‘sgani, Turkiya prezidentining Toshkentga tashrifi va boshqalar — «Gazeta.uz» ning 29 martdagi eng muhim xabarlari dayjestida.
Turkiya prezidenti Rejep Tayyip Erdog‘an rafiqasi bilan birga O‘zbekistonga keldi
Shavkat Mirziyoyevning taklifiga binoan Turkiya Prezidenti Rejep Tayyip Erdog‘an rafiqasi bilan birga Toshkentga keldi. Toshkent xalqaro aeroportida ularni Shavkat Mirziyoyev va uning rafiqasi kutib oldi. Turkiya yetakchisi O‘zbekiston prezidenti hamrohligida «Yangi O‘zbekiston» bog‘iga tashrif buyurdi.
Rossiya Kiyev va Chernigov yo‘nalishlarida harbiy faolligini keskin qisqartiradi. Turkiyada bo‘lib o‘tgan Rossiya-Ukraina muzokaralari natijasi
Istanbulda Rossiya va Ukraina delegatsiyalari o‘rtasida navbatdagi muzokaralar bo‘lib o‘tdi. Ukraina xalqaro xavfsizlik kafolatlari masalasida o‘z takliflarini taqdim etdi. Unga ko‘ra, Rossiya Ukrainani Yevropa Ittifoqiga qo‘shilishiga qarshilik qilmaydi, mamlakat xavfsizligi BMT Xavfsizlik kengashining doimiy a’zolari tomonidan kafolatlanadi. Ayni vaqtda Kiyev harbiy ittifoqlarga qo‘shilishdan bosh tortishga va’da berdi. Rossiya esa Kiyev va Chernigov yo‘nalishlarida harbiy faollik keskin qisqartirilishini ma’lum qildi.
Sirdaryoda quvvati 1,6 GVt bo‘lgan IES qurish bo‘yicha kelishuv imzolandi
O‘zbekiston EDF, Nebras Power, Sojitz Corporation va Kyuden International konsorsiumi bilan Sirdaryo viloyatida 1,6 GVt quvvatga ega issiqlik elektr stansiyasini qurish bo‘yicha davlat-xususiy sheriklik shartnomasini imzoladi.
Markaziy bank iqtisodiyotga qarz yukining o‘sganligini ma’lum qildi
Markaziy bank tahlillari qarz yuki bo‘yicha O‘zbekiston moliya tizimiga ta’sir ko‘rsatishi va tizimli moliyaviy zaifliklarga olib kelishi mumkin bo‘lgan bir qator xatarlar mavjudligini ko‘rsatdi. Ular bir qarz oluvchiga to‘g‘ri keladigan kredit shartnomalari sonining ortishi, tovar va xizmatlarni muddatli to‘lov asosida xarid qilish, muammoli kreditlar va boshqa omillar bilan bog‘liq.
O‘zbekistonliklarga Tojikistonda ro‘yxatdan o‘tmasdan yurish muddati uzaytirilishi mumkin
Tojikiston parlamentining quyi palatasi o‘zbekistonliklarni ro‘yxatdan o‘tmasdan mamlakatda bo‘lish muddatini 10 kungacha uzaytirish to‘g‘risida qonun hujjatlariga o‘zgartishlar kiritishni qabul qildi.
Kadastr agentligiga direktor tayinlandi
«O‘zdonmahsulot» kompaniyasi boshqaruvi raisi lavozimida ishlab kelgan Farrux Pulatov Davlat soliq qo‘mitasi huzuridagi Kadastr agentligiga direktor etib tayinlandi.
Toshkent shahar hokimligi: «Mozaikalar bo‘yalayotgani yo‘q, aksincha, yangilanmoqda»
Toshkent hokimligi shahardagi mozaikali tasvirlar bo‘yab tashlanmayotgani, aksincha, saqlab qolish uchun maxsus material bilan qoplanmoqda. Hokimiyat shuningdek, hissiyotlarga berilib, Mahalliy kengashni jim turishda ayblagan blogerni tanqid qildi.
Dollarning rasmiy kursi yana pasaydi
Dollarning so‘mga nisbatan rasmiy kursi 31,63 so‘mga pasayib, 11 442,67 so‘mni tashkil etdi. Yevro va rubl kurslari esa ko‘tarildi.
YeTTB O‘zbekistonga chiqindilarni boshqarish tizimini takomillashtirish uchun ikkita kredit ajratadi
YeTTB Qoraqalpog‘iston va Xorazm viloyatida yangi sanitariya poligonlarini qurish hamda qattiq maishiy chiqindilarni yig‘adigan maxsus uskunalar xarid qilish uchun umumiy qiymati 120 mln dollar miqdorida kredit ajratmoqda.
Mart oyida yog‘ingarchilik odatdagidan 2−3 marta, ba’zi joylarda 4,5 marta ko‘proq kuzatildi
O‘zbekistonda mart oyida yog‘ingarchilik odatdagidan 2−3 marta, ba’zi joylarda 4,5 marta ko‘proq kuzatildi. Toshkent, Jizzax, Sirdaryo, Andijon, Farg‘ona, Namangan viloyatlarining ayrim tumanlarida martdagi yog‘ingarchilik butun meteorologik kuzatuvlar bo‘yicha rekord darajada sodir bo‘ldi. Poytaxtda 186 mmlik yog‘ingarchilik qayd etildi, bu mart oyining 1969 yildagi rekordini yangiladi. O‘zgidromet aprel oyida kutilayotgan ob-havo ma’lumotini ham e’lon qildi.
Talabani zo‘rlashga uringanlikda ayblanayotgan TDPU sobiq dekan o‘rinbosarining ishi sudga oshirildi
Prokuratura TDPU kasbiy ta’lim fakultetining sobiq dekan o‘rinbosari Bog‘abek Yuldashevga nisbatan jinoyat ishini sudga yubordi. Unga talabani zo‘rlashga urinish va badanga og‘ir shikast yetkazish aybi qo‘yilgan.
O‘zbekistonning tashqi qarzi $40 milliardga yaqinlashdi
O‘zbekistonning tashqi qarzi hajmi 2021 yilda 16% ga oshib, 40 mlrd dollarga yaqinlashdi. Bu YAIMning 57 foizini tashkil etadi. Xususan, 2021 yilda davlat tashqi qarzi 11% ga oshib, 23,7 mlrd dollarga yetgan. Xususiy tashqi qarz 2021 yilning boshiga nisbatan 24 foizga o‘sib, 15,8 mlrd dollarni tashkil etgan.
Bosh prokuratura ishda vafot etgan xodimi uchun 951 mln so‘m nafaqa puli to‘laydi
2021 yilda Bosh prokuratura xodimi Samir Rahmonov 33 yoshida yurak xurujidan vafot etganidan so‘ng uning otasi boquvchisini yo‘qotganlik nafaqasini olish maqsadida Bosh prokuraturani sudga bergandi. Marhumning otasi ham vafot etgani sababli sud Samirning turmush o‘rtog‘i foydasiga Bosh prokuraturadan 951,2 mln so‘m bir yo‘la to‘lanadigan nafaqa puli va 20 mln so‘m ma’naviy zararni undirish to‘g‘risida qaror qabul qildi. Shuningdek, javobgar 76,6 mln so‘mlik davlat bojini ham to‘laydi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting