Arxiv
Qozog‘iston va boshqa davlatlar banklari “Мир” kartalariga xizmat ko‘rsatishni cheklamoqda
Qozog‘iston, Armaniston, Turkiya va Vetnamdagi ayrim banklar AQSh Moliya vazirligining ikkilamchi sanksiyalar xavfi haqidagi ogohlantirishi ortidan Rossiyaning “Мир” to‘lov tizimi kartalariga xizmat ko‘rsatishni cheklamoqda. O‘zbekiston Markaziy banki hozircha vaziyatga izoh bermadi.
Fuqarodan 8 ming dollar pora olgan ikki advokat ushlandi
Fuqarodan ko‘rilayotgan jinoyat ishni yuqori lavozimda ishlovchi tanishlari orqali ijobiy hal qilib berish evaziga 8 ming AQSh dollari talab qilgan advokatlar qo‘lga olindi. Ularga nisbatan jinoyat ishi qo‘zg‘atilib, noqonuniy faoliyatiga chek qo‘yildi.
Qishloqlarda chet tillarini o‘rgatuvchi markazlarga 50 mln so‘mgacha subsidiya beriladi
Hukumat qarori bilan qishloq hududlarida xorijiy tillarni o‘qitish faoliyatini tashkil etish uchun tadbirkorlarga 50 mln so‘mgacha bir martalik subsidiya ajratiladi. Talabgor subsidiya olish uchun elektron tartibda murojaat yo‘llaydi. Mazkur yangilik 1 oktabrdan amalga kiritiladi.
Toshkentda 7 qavatli turar-joy tomiga qo‘shimcha qavat qurilayotgani aniqlandi
Toshkent shahrining Olmazor tumanida fuqarolar yetti qavatli uyning tomiga qo‘shimcha qavat qurilayotgani yuzasidan norozilik bildirdi. Kompaniya mansarda qavat va tom qismiga o‘zboshimchalik bilan o‘zgartirish kiritgan, shu bois tegishli da’vo arizasi sudga yuboriladi, deya ma’lum qildi Qurilish vazirligi.
Tijorat banklari 21-sentabr kungi dollar kursini yangiladi
Markaziy bank 21-sentabr kungi o‘zbek so‘mining AQSh dollariga nisbatan rasmiy kursini 10 950,46 so‘m etib belgiladi. Ushbu qiymatdan kelib chiqib tijorat banklari ham o‘z takliflarini yangiladi.
Rossiyada qisman safarbarlik holati e’lon qilindi
Rossiyada qisman safarbarlik e’lon qilindi, u 21 sentabrdan boshlanadi. Zaxirada turgan 50 yoshgacha bo‘lgan fuqarolar safarbarlikka jalb etiladi.
Sirdaryoda 4,5 gektar yerni $240 mingga sotishda gumonlangan shaxslar ushlandi
Sirdaryo viloyatida daryo qirg‘og‘idagi 4,5 gektar yerni 240 ming dollarga sotishga uringan shaxslar kelishilgan pulning 13 ming dollarini olayotgan vaqtda ushlandi. Holat yuzasidan jinoyat ishi qo‘zg‘atildi.
Tadbirkorlarga xodimning homiladorlik nafaqasini davlat qanday to‘lab berishi tushuntirildi
Hukumat qarori bilan xususiy tashkilot xodimlariga homiladorlik nafaqasini davlat tomonidan to‘lash tartibi belgilandi. Nafaqa farzand tug‘ilgunigacha 1 992 000 so‘mga yaqin miqdorda beriladi. Plastik karta orqali oyning 10-sanasigacha, naqd ko‘rinishda esa 27-sanasigacha taqdim etiladi.
FlyDubai aviakompaniyasi Dubaydan Samarqandga muntazam qatnovlarni yo‘lga qo‘ydi
21 sentabr kuni Samarqand xalqaro aeroportida FlyDubai aviakompaniyasining Dubay — Samarqand yo‘nalishidagi ilk havo kemasi kutib olinadi. Aviakompaniya tomonidan yangi yo‘nalishdagi parvozlar haftaning chorshanba va shanba kunlari amalga oshiriladi.
O‘ktam To‘rayev Termiz shahriga hokim etib tayinlandi
Qurilish vaziri o‘rinbosari lavozimida ishlagan O‘ktam To‘rayev Termiz shahriga hokim etib tayinlandi.
«Yashil makon» millionlab daraxt ekishgina emas, balki to‘g‘ri joyga ekish va parvarish qilish hamdir — Matilda Dimovska
BMT Taraqqiyot dasturi ko‘magida «Yashil Makon» tashabbusi doirasida Orolbo‘yi va Surxondaryoni o‘rmonzorlashtirish, ularning qum va chang bo‘ronlariga chidamliligini oshirish hamda O‘zbekiston shaharlarini ko‘kalamzorlashtirish bosh rejasini ishlab chiqish loyihasi boshlandi.
Rossiya armiyada xizmat qilish uchun shartnoma imzolagan xorijliklar uchun fuqarolikni olishni osonlashtiradi
Rossiya Davlat Dumasi RF armiyasida shartnoma bo‘yicha xizmat qiladigan chet elliklar mamlakat fuqaroligini soddalashtirilgan tartibda olishlari mumkinligi to‘g‘risidagi o‘zgartishlarni ma’qulladi. Moskvadagi «Saxarova» migratsiya markazida xorijliklarni harbiy xizmatga qabul qilish uchun infratuzilma yaratiladi.
20 sentabr kuni O‘zbekistonda sodir bo‘lgan eng muhim xabarlar dayjesti
Onlayn maktab shahodatnomasi, Toshkent xalqaro aeroportida ishga tushgan MIB bo‘limi, tojik-qirg‘iz chegarasidagi vaziyatni ikki davlat prezidentlari bilan muhokama qilgan Shavkat Mirziyoyev, AQSh kelishuv evaziga O‘zbekistonga afg‘on samolyotlarini berishi mumkinligi va boshqalar — «Gazeta.uz»da kun dayjesti.
Rossiya qonunchiligiga «safarbarlik» tushunchasi kiritilmoqda
Rossiya Davlat dumasi harbiy xizmatga qarshi jinoyatlarni og‘irlashtiruvchi o‘zgartirishlarni qabul qildi. Unga ko‘ra, xizmat davri safarbarlik yoki harbiy holat hisoblanib, bunda buyruqlarni bajarmaganlik, dezertirlik va xizmatdan bo‘yin tovlaganlik uchun javobgarlik kuchaytiriladi.
Ijtimoiy tarmoqda «samosud»ni yoqlab keskin chiqish qilgan imom noib ishdan bo‘shatildi
Toshkentdagi «Aziz ota» jome masjidi imom noibi ijtimoiy tarmoq orqali «samosud»ni yoqlab chiqish qilgani uchun ishdan olindi. Musulmonlar idorasi amaldagi qonunlarga zid ravishda zo‘ravonlikka chaqiruvchi bu kabi chiqishlarni qoraladi.
Qish yaqin: Yevropa qishga qanday tayyorgarlik ko‘rmoqda? Yevropaliklarni qanday qiyinchiliklar kutmoqda?
«Gazprom» «Shimoliy oqim-1» gaz quvuri orqali gaz ta’minoti noma’lum muddatga to‘xtatilganini e’lon qildi. Yevropa qishga Rossiya gazisiz tayyorgarlik ko‘rmoqda va hozirda Yevropa gaz omborlari 82 foizga to‘ldirilgan. Ammo qish mavsumidan qiyinchiliklarsiz chiqish uchun bu yetarlimi? Vaziyatni ko‘rib chiqamiz.
«Urushning tugashida Rossiyaning qadami juda muhim» — Erdog‘an Ukraina bilan bog‘liq vaziyat haqida
Turkiya prezidenti Pbs nashriga bergan intervyusi SHHT sammiti doirasida RF rahbari bilan bo‘lgan suhbatning taassurotlari haqida so‘z yuritdi. Shuningdek, u Rossiya va Ukraina o‘rtasidagi holat muammoli tus olayotgani, o‘zaro manfaatli kelishuv doirasida urushga tezroq barham berish kerakligini ta’kidladi.
Shavkat Mirziyoyev va Sadir Japarov tojik-qirg‘iz chegarasidagi vaziyat yuzasidan fikr almashdi
O‘zbekiston va Qirg‘iziston prezidentlari telefon orqali muloqot qildi. Ular Qirg‘iziston-Tojikiston chegarasida yaqinda yuz bergan fojiali voqealarni muhokama qildi. Shavkat Mirziyoyev qurbon bo‘lganlarning oilalari va yaqinlariga chuqur hamdardlik bildirdi va ikki tomonlama kelishuvlarga erishilganini olqishladi.
«O‘zbekiston BMTning ko‘p tomonlama kun tartibini ilgari surishda yetakchi o‘rinni egallaydi» — Antoniu Guterrish
Tashqi ishlar vaziri Vladimir Norov BMTning Nyu-Yorkda tashkilot bosh kotibi Antoniu Guterrish bilan uchrashdi. Bosh kotib O‘zbekiston va BMT o‘rtasida kengayib borayotgan hamkorlikni olqishladi. Guterrish O‘zbekiston tinchlik, xavfsizlik, inson huquqlari va iqlim kabi sohalarda ishonchli hamkor ekanini qayd etdi.
Sirdaryo va Buxoroda institut diplomini olib berish va texnikumiga o‘qishga kiritib qo‘yishni va’da qilgan fuqarolar aniqlandi
Sirdaryoda ikki shaxs fuqaroni mansabdor tanishlari orqali Irrigatsiya institutining Qarshi filialini tugatganlik to‘g‘risida diplom olib berishiga ishontirgan. Buxoroda ham turizm va madaniy meros texnikumiga o‘qishga kiritish evaziga fuqarolardan pul olgan shaxslar aniqlandi. Ularga nisbatan jinoyat ishi ochildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting