Arxiv
Ukraina va Rossiya muzokaralari birinchi raundi. Natijalar
Ukraina va Rossiya o‘rtasidagi muzokaralar davomida tomonlar «qator ustuvor mavzularni aniqlab oldilar, ular bo‘yicha muayyan qarorlar aniqlab olindi», dedi Ukraina prezidenti ofisi rahbari maslahatchisi Mixail Podolyak. U muzokaralarni «og‘ir» deb atadi, ammo «ular qandaydir majburiy ultimatumlarsiz o‘tganini» ta’kidladi. Rossiya delegatsiyasi a’zosi Leonid Slutskiy esa «muzokaralarning asosiy natijasi, ushbu muzokaralar bo‘lib o‘tganida va tomonlar bir-birini eshita olganida», dedi.
Yerni rasmiylashtirib berish uchun $200 ming so‘ragan davlat xizmatchisi ushlandi
Namangan viloyatida yerni rasmiylashtirib berish uchun 200 ming dollar so‘ragan davlat xizmatchisi qo‘lga olindi. Samarqand viloyatida Milliya gvardiya xodimi 6 gektar yerni 157 ming dollarga sotmoqchi bo‘lganligi aniqlangan. DXX boshqa hududlarda ham noqonuniy yer sotilishi holatlarini aniqladi.
Yana 258 nafar Ukrainadan evakuatsiya qilingan o‘zbekistonliklar vatanga qaytarildi
1 mart kuni ertalab Uzbekistan Airways`ning ikkinchi maxsus reysi Ukrainadan evakuatsiya qilingan 258 nafar O‘zbekiston fuqarosini Polshadan olib keldi.
Alisher Usmonov Yevropa Ittifoqi sanksiyalariga uchradi
Yevropa Ittifoqi Rossiyaning Ukrainadagi harbiy operatsiyalariga aloqador deya hisoblagan rossiyalik milliarder Alisher Usmonov, boshqa eng boy rossiyaliklar va Rossiya kompaniyalari rahbarlariga sanksiyalar kiritdi.
241 nafar o‘zbekistonlik Ukrainadan Toshkentga yetib keldi
28 fevral kuni soat 23:00da Toshkent aeroportiga Ukrainadan evakuatsiya qilingan o‘zbekistonliklarning birinchi reysi qo‘ndi.
FIFA va UEFA Rossiyaning barcha klublari va milliy terma jamoasini musobaqalardan chetlashtirdi
FIFA va UEFA Rossiyadagi mahalliy klublar va mamlakat milliy terma jamoasini barcha musobaqalardan chetlatdi. Bu sanksiyalar Rossiya erkaklar terma jamoasi kelasi oy Jahon chempionati pley-off o‘yinlaridan va ayollar jamoasi bu yil yozgi Yevropa chempionatidan chetlatilganini nazarda tutadi. Shuningdek, «Spartak» klubi ham Yevropa ligasidan chetlatildi, UEFA esa Rossiyaning energetika giganti «Gazprom» homiyligidan voz kechdi.
Jahon yangiliklari dayjesti
Vladimir Zelenskiy Ukrainaning YeIga a’zo bo‘lishi uchun arizani imzolagani, Ukraina va Rossiya muzokaralari boshlangani, dunyodagi eng yirik samolyot Rossiya harbiylari tomonidan yo‘q qilingani, Avstraliyada suv toshqinlari oqibatida sakkiz kishining halok bo‘lgani va boshqa yangiliklar — «Gazeta.uz»ning jahon yangiliklari dayjestida.
Vladimir Zelenskiy Ukrainaning YeIga a’zo bo‘lishi uchun arizani imzoladi
Ukraina prezidenti Vladimir Zelenskiy Yevroittifoqqa a’zo bo‘lish uchun arizani imzoladi. «Buning haqiqat ekaniga ishonchim komil», — dedi u.
Katovitse shahridan evakuatsiya parvozlari bepul — Transport vazirligi
Transport vazirligi ijtimoiy tarmoqlarda Ukrainadan evakuatsiya qilinayotgan O‘zbekiston fuqarolarini mamlakatga olib kelish uchun tashkil etilayotgan maxsus aviareyslar uchun chiptalar sotilayotganligi haqidagi ma’lumotni rad etdi. Polshaning Katovitse shahridan maxsus reyslar O‘zbekiston hukumati tomonidan bepul tashkil etilayotgani aytildi.
Qaysi davlatlar Rossiya uchun o‘z havo hududlarini yopdi?
Rossiyaning Ukrainaga bostirib kirishi oqibatida turli davlatlar o‘z havo hududini Rossiya fuqaro aviatsiyasi uchun yopishni boshladi. Hozirgi vaqtda Yevropa Ittifoqining barcha 27 ta a’zo-davlati rus samolyotlari uchun o‘z havo hududini yopgan. Shuningdek, Kanada Yevropa hududidan tashqarida joylashgan davlatlar orasida parvozlarni cheklagan ilk mamlakat bo‘ldi.
O‘zbekistonning Ukrainadagi elchixonasi mikroavtobusiga snaryad parchasi kelib urilgan
O‘zbekistonning Ukrainadagi elchisi Alisher Kurmanov elchixona mikroavtobusining old oyna va yon tomonni ko‘rsatuvchi oynalariga snaryad parchasi zarar yetkazganini ma’lum qildi. «Shrapnel tushgan deyishdi», — dedi u.
«Velosipedda oyog‘im bitta ekanini unutaman». Bir sportchi hikoyasi
2010 yilda 11 yoshli Abror Artikovni poyezd urib yubordi. Bolaning oyog‘ini son qismidan kesib tashlashdi. U yangi reallikni qabul qilishga harakat qilardi va bir marta velosipedga minib ko‘rdi. Bir necha marotaba yiqilib, ko‘karib, muvozanatini maromiga keltirdi. Abror uchib ketdi. Ko‘p o‘tmay u velosport bo‘yicha murabbiy bilan tanishib, professional tarzda shug‘ullana boshladi. Bu hikoya O‘zbekiston terma jamoasi parasportchilaridan birining yengilmas ruhiyati haqida. Abrorning ustozi bu unga Parij-2024 Paralimpiya o‘yinlari shohsupasiga ko‘tarilishiga yordam berishiga ishonadi.
Ukrainadan evakuatsiya qilingan o‘zbekistonliklarning birinchi reysi Toshkentga uchib ketdi
Uzbekistan Airways kompaniyasining Ukrainadan evakuatsiya qilingan o‘zbekistonliklar chiqqan maxsus borti Polshaning Katovitse shahridan Toshkentga qarab uchib ketdi. Bugun yana bitta maxsus reys amalga oshirilishi rejalashtirilgan, ikkinchi bort allaqachon Toshkentdan uchib ketdi.
Rublning rasmiy kursi sezilarli darajada pasaydi
Rublning so‘mga nisbatan rasmiy kursi 21,46 so‘mga pasayib, 108,60 so‘mni tashkil qildi. Dollar va yevro kurslari esa ko‘tarildi. 2022 yilning ikki oyida rubl kursi so‘mga nisbatan 26,1 foizga arzonlashgan.
Xarkov shahri «Grad»dan o‘qqa tutildi
Ukrainaning aholi soni bo‘yicha ikkinchi yirik shahri Xarkov «Grad» zalp bilan o‘t ochish tizimlaridan o‘qqa tutildi. Ukraina ichki ishlar vaziri maslahatchisi Anton Geraenko o‘nlab qurbonlar va yuzlab jabrlanganlar borligi haqida bayonot bergan.
«Urush Rossiya xalqi uchun qimmatga tushmoqda» — rossiyalik iqtisodchi Sergey Guriyev
Iqtisodchi Sergey Guriyev Rossiya Markaziy bankining YeI, AQSh va Kanadadagi aktivlari muzlatilishini «mutlaqo kutilmagan, muhim yangilik» deb atadi — «bu rubl uchun ulkan zarba» bo‘ladi. Uning fikricha, Rossiyaning neft eksportiga embargo joriy etilishi ham ehtimoldan holi emas. Yuqori texnologiyalar eksporti bilan bog‘liq sanksiyalar esa Rossiyada texnologiyalar rivojlanishini to‘xtatib qo‘yishi mumkin.
1-iyuldan o‘lim haqida tibbiy guvohnoma berish tartibi bekor qilinadi, tizim elektronlashtiriladi
Hukumat qarori bilan 1-apreldan Toshkent shahrida, 1-iyuldan esa respublika bo‘ylab tibbiyot muassasalari tomonidan o‘lim haqida tibbiy guvohnoma berish tartibi bekor qilinadi. Uning o‘rniga, elektron tizim orqali tibbiy ma’lumotnoma shakllantirish tartibi joriy etiladi. O‘limni qayd qilish bilan bog‘liq kompozit davlat xizmatlarini ko‘rsatish yo‘lga qo‘yiladi.
Navoiyda shifokor bemorning onasini jinsiy aloqaga majburlagani ortidan tibbiyot markazi rahbari ishdan bo‘shatildi
Navoiy viloyati bolalar ko‘p tarmoqli tibbiyot markazi Nevrologiya bo‘limi mudiri bemor bolaning onasini kasallik varaqasini berish evaziga jinsiy aloqa qilishga majburlab kelganlikda gumonlanib, hibsga olingandi. Mazkur voqea ortidan xodimlari ustidan yetarli nazorat o‘rnatmagani uchun tibbiyot markazi direktori ishdan bo‘shatildi.
Yevrokomissiya rahbari: «Ukraina YeIga a’zo bo‘lishi kerak, biz uni Yevropa oilasida ko‘rishni istaymiz»
«Ukraina vaqt o‘tib, YeIga a’zo bo‘lishi kerak, bu mamlakat — bizlarning bittamiz, biz uni Yevropa oilasida ko‘rishni istaymiz», — dedi Yevropa komissiyasi rahbari Ursula fon der Lyayen. U Ukraina Yevropa qadriyatlarini tushunishini va tinch demokratik sharoitda yashashni istashini ta’kidladi. Germaniya kansleri Bundestag qarshisida chiqish qilar ekan, Ukrainaga amalga oshirilgan bosqin uchun butun boshli rus xalqi emas, balki Vladimir Putinning shaxsan o‘zi javobgarligini aytdi.
Ukraina va Rossiya muzokaralari boshlandi
Ukraina va Belarus chegarasida Ukraina va Rossiya delegatsiyalari o‘rtasida muzokaralar boshlandi. Ukraina delegatsiyasi muzokara uchun belgilangan hududga Gomel orqali to‘g‘ridan-to‘g‘ri yo‘l bilan emas, balki aylanma hudud — Polsha orqali kelgan. Muhokamalarning asosiy mavzusi — o‘t ochishni zudlik bilan to‘xtatish va Ukraina hududidan qo‘shinlarni olib chiqib ketish ekanligi aytilmoqda.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting