Arxiv
Shamsiddin Turdaliyev Oltiariq tumaniga hokim bo‘ldi
Farg‘ona viloyatining Rishton tumani prokurori Shamsiddin Turdaliyev Oltiariq tumani hokimi etib tayinlandi. U mazkur lavozimda fevral boshida Toshkent viloyati hokimiga birinchi o‘rinbosar bo‘lgan Xolmirza Niyozovning o‘rnini egalladi.
Shavkat Mirziyoyev Turkiya prezidentini tug‘ilgan kuni bilan tabrikladi
Shavkat Mirziyoyev turkiyalik hamkasbi Rejep Tayyip Erdog‘an bilan telefon orqali muloqoti davomida uni tug‘ilgan kuni bilan tabrikladi. Qolaversa, prezidentlar Toshkentda o‘tadigan Strategik hamkorlik bo‘yicha oliy darajadagi kengashning navbatdagi yig‘ilishiga tayyorgarlik ko‘rish masalalarini ham muhokama qildi.
Ukrainaning markaziy viloyatlaridagi o‘zbekistonliklarni Lvovga xavfsiz yetkazishni vaqtincha iloji bo‘lmayapti — TIV
O‘zbekiston TIV rasmiy vakili Yusup Kabuljanov Ukrainaning sharqiy va markaziy viloyatlaridagi o‘zbekistonliklar Polsha bilan chegaradosh Lvov shahriga xavfsiz yetkazishni vaqtincha iloji bo‘lmayotganini ma’lum qildi. Bunga shaharlar o‘rtasida avtomobil va temir yo‘l aloqalari to‘xtatilgani sabab bo‘lmoqda. Ta’kidlanishicha, talabalar masalalari elchixona va Ukrainadagi diaspora vakillari hamkorligida hal etilmoqda.
«O‘zbekiston bu masala bo‘yicha vazmin, neytral pozitsiyada» — Sherzod Asadov Ukrainadagi holat haqida
Prezident matbuot kotibi Sherzod Asadov Rossiyaning Ukrainada amalga oshirayotgan harbiy harakatlari bo‘yicha O‘zbekistonning pozitsiyasi qanday ekanligiga oydinlik kiritdi. «O‘zbekiston bu masala bo‘yicha vazmin, neytral pozitsiyada. Biz keng mintaqamizda tinchlik, barqarorlik va izchil taraqqiyot bo‘lishidan manfaatdormiz. Barcha bahs va kelishmovchiliklar faqatgina xalqaro huquq normalari asosida hal qilinishi lozim», — deya ta’kidladi u.
«Uzauto Motors narxlarni oshirishdan oldin qariyb $1 mlrdlik yig‘imlarni to‘laganini isbotlashi kerak»
Uzauto Motors kompaniyasi agar avtomobillari narxini oshirmoqchi bo‘lsa, unda oldin 10,7 trln so‘mlik (taxminan $993,5 mln) yangi avtomobil sotib olganlik uchun yig‘im va utilizatsiya yig‘imini to‘langanligini isbotlashi kerak, degan fikrda deputat Rasul Kusherbayev va iqtisodchi Otabek Bakirov. Davlat organlari yig‘imlar to‘lovlari haqida to‘liq ma’lumotni oshkor qilmayapti yoki taqdim etmayapti. Shunga qaramasdan «Gazeta.uz» 8 oy mobaynida beshta ishlab chiqaruvchi 3,3 trln so‘mdan ko‘proq utilizatsiya yig‘imini to‘laganligini aniqlashtira oldi.
Toshkent va Boku o‘rtasidagi aviaparvozlar qayta tiklanadi
Mart oyidan boshlab Toshkent Ozarbayjonning Boku shahri bilan aviaparvozlarni qayta tiklaydi. Aviareyslar haftada bir marta — seshanba kunlari amalga oshiriladi.
O‘zbekiston hamda Pokiston o‘rtasida tranzit savdo to‘g‘risidagi bitim tasdiqlandi
Prezident qarori bilan O‘zbekiston hamda Pokiston hukumatlari o‘rtasida tranzit savdo to‘g‘risidagi bitim tasdiqlandi. Mazkur hujjat 2021 yilning 15 iyulida Pokiston bosh vaziri Imron Xonning Toshkentga tashrifi doirasida imzolangandi.
Nima tayyorlaymiz: quymoqlar
Sutda pishirilgan klassik hamda «nuqta"li quymoqlar, kefir va qaynagan suvda tayyorlangan quymoqlar, «Krep syuzett», pishloq va ko‘katli — Zira.uz quymoqlar retseptlari ro‘yxatini taqdim etadi.
Jo Bayden Ukrainaga 600 mln dollar yordam ajratishni topshirdi
AQSh prezidenti Jo Bayden Davlat departamentiga Ukraina uchun 600 mln dollarlik yordam ajratishni topshirdi. Ushbu mablag‘larning 350 mln dollar mudofaa sohasiga yo‘naltiriladi.
O‘zbekiston qahramoni Ibrohim Fayzullayev vafot etdi
O‘zbekiston qahramoni, O‘zbekistonda xizmat ko‘rsatgan qishloq xo‘jaligi xodimi, agronom, Ibrohim Fayzullayev 89 yoshida vafot etdi. Prezident Shavkat Mirziyoyev uning oila a’zolari va yaqinlariga ta’ziya bildirdi.
Ilonlar qornidagi tangachalarni sanayman
Sizni zaharli ilon chaqib olsa, nima qilish kerak, echkemarlar go‘shti saraton va jigar sirrozini davolaydimi, boshni nam salfetkalar bilan qanday qilib yuvish mumkin? Ushbu savollarga javoblarni gerpetologlar — sudraluvchilar va amfibiyalarni o‘rganadigan mutaxassislar bilishadi. Hozirgi kunda O‘zbekistonda sanoqli gerpetologlar bor. «Gazeta.uz» muxbiri Yekaterina Soy ulardan biri Timur Abduraupovdan ekspeditsiyalar, toshbaqalarni eksport qiluvchi tadbirkorlar bilan kurash, uydagi kaltakesak va ilonlar kolleksiyasi hamda maoshlari haqida so‘radi.
Juma kuni 138 kishida kovid aniqlandi
Juma kuni O‘zbekistonda 138 kishining kovidga topshirgan PZR-testi musbat natijani qayd etdi, bu bir kun oldingi (156 ta) holatdan kamroq. Kun davomida ikki bemor vafot etdi, 21 kishida esa pnevmoniya aniqlandi.
«Vatanparvar» tashkiloti Xalqaro kinologiya ittifoqiga a’zo bo‘ldi
O‘zbekiston mudofaasiga ko‘maklashuvchi «Vatanparvar» tashkiloti Xalqaro kinologiya ittifoqiga a’zo bo‘ldi. Fevral o‘rtalarida tashkilot Rossiyada bo‘lib o‘tgan xalqaro ko‘rgazmada svergshnautser, veo, biver-yorkshir terer, pudel toy zotiga mansub itlari bilan qatnashgandi.
Birgalikda ibodat qilish uchun diniy tashkilot tashkil etish talab qilinadi — Din ishlari qo‘mitasi
Din ishlari qo‘mitasi toshkentlik tadbirkor ishchi va mijozlar uchun namozxona tashkil etgani uchun jarimaga tortilgani haqidagi xabarlarga munosabat bildirdi. Unda aytilishicha, fuqarolar birgalikda ibodat qilishlari uchun diniy tashkilot tashkil etish talab qilinadi.
Jahon yangiliklari dayjesti
Vladimir Putinning Ukraina harbiylariga hokimiyatni o‘z qo‘llariga olishni taklif qilgani, Rossiyaning Yevropa Kengashidagi a’zoligi to‘xtatilgani, Burkina-Fasoda oltin konidagi portlash oqibatida 60 kishining vafot etgani, Tayvan o‘z hududidagi havo hujumidan mudofaa zonasida Xitoy samolyotlari kirganini bildirgani va boshqa yangiliklar — «Gazeta.uz»ning jahon yangiliklari dayjestida.
Ukrainaning Toshkentdagi elchixonasiga gullar va yozuvlar olib kelinmoqda
Toshkentliklar ukrain xalqini qo‘llab-quvvatlab, urushga qarshi ekanliklarini bildirish uchun poytaxtdagi Ukraina elchixonasi binosiga gullar, yumshoq o‘yinchoqlar va yozuvlar olib kelishmoqda.
2021-yilda OO‘MTV tizimidagi ta’lim muassasalarida 16,4 mlrd so‘mlik moliyaviy kamchiliklar aniqlandi
2021-yilda Oliy va o‘rta maxsus ta’lim vazirligi tizimidagi 302 ta ta’lim muassasacida 16,4 mlrd so‘mlik moliyaviy xatolarga yo‘l qo‘yilgan. 12 ta ta’lim muassasasidagi 2,7 mlrd so‘mlik kamchiliklarda esa jinoyat alomatlari mavjudligi aniqlanib, huquqiy baho berish uchun tegishli organlarga yuborilgan.
25 fevral kuni O‘zbekistonda sodir bo‘lgan eng muhim xabarlar dayjesti
Qoraqalpog‘istonga tashrifini kutilganidan avval yakunlagan prezident, Polsha orqali evakuatsiya qilinadigan Ukrainadagi o‘zbekistonliklar, Navoiyda noqonuniy oltin qazishga uringan 54 fuqaro, O‘zbekiston Yevroosiyo taraqqiyot bankiga a’zo bo‘lishga tayyorlanayotganini aytgan bosh vazir, Vladimir Putin bilan telefon orqali muloqot qilgan Shavkat Mirziyoyev va boshqalar — «Gazeta.uz» ning 25 fevraldagi eng muhim xabarlari dayjestida.
Vladimir Putin Ukraina harbiylariga hokimiyatni o‘z qo‘llariga olishni taklif qildi
Rossiya prezidenti Vladimir Putin Ukraina harbiylariga hokimiyatni o‘z qo‘llariga olishni taklif qildi. «Sizlar bilan kelishuvga erishishimiz osonroq ko‘rinadi», — dedi u.
Sanksiya ostidagi «Sovkombank» mijozlari valyuta ayirboshlash imkoniyatidan mahrum bo‘ldi
Yaqinda O‘zbekistonning «O‘zagroeksportbank» bankini sotib olgan va sanksiyalar ostida qolgan Rossiyaning «Sovkombank» banki valyuta ayirboshlash, xorijiy valyutadagi depozitlarni qabul qilish va valyuta o‘tkazmalarini amalga oshirishni to‘xtatdi. Bundan tashqari, ushbu bank kartalaridan Apple Pay va Google Pay to‘lov xizmatlarida foydalanib bo‘lmaydi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting