Arxiv
Qozog‘iston neftni Ozarbayjon orqali tashish haqidagi xabarlarni rad etadi
Qozog‘iston energetika vaziri Bolat Akchulakov Qozog‘istonning kuzdan boshlab Baku-Tbilisi-Jayhan yo‘nalishi bo‘yicha neft tashish niyati haqidagi ma’lumotni rad etdi. Avvalroq Reuters Qozog‘iston hukumati neftning bir qismini Rossiyani chetlab o‘tib eksport qilmoqchi ekani haqida xabar bergan edi.
Andijonda fuqaroni $1500 evaziga ishga kiritishga uringan shaxs ushlandi
Andijonda fuqaroni tanishlari orqali hamshira lavozimiga ishga kiritishga uringanlikda gumonlangan shaxs 1500 dollar olganida ushlandi. Farg‘onada esa boshqa bir shaxs Janubiy Koreyaga ishga jo‘natish evaziga olgan 5400 dollardan 1000 dollarini qaytargan vaqtida qo‘lga olindi.
Hafta oxiriga kelib havo harorati pasayishi kutilmoqda — O‘zgidromet
Hafta boshida +39 darajagacha bo‘lgan quruq va biroz issiq ob-havo saqlanib qoladi. Hafta o‘rtalaridan respublikaga Ural hududlaridan salqin havo kirib kela boshlaydi, harorat kechalari +20 darajagacha, kunduz kunlari +33 darajagacha pasayadi.
Prezidentning tadbirkorlar bilan muloqoti 22 avgust kuni bo‘lib o‘tadi
Shavkat Mirziyoyevning tadbirkorlar bilan ochiq muloqoti 20 avgustda emas, balki 22 avgust kuni bo‘lib o‘tadi. Muloqot arafasida 8500 dan ortiq murojaat kelib tushgani, shundan 72 foizi allaqachon hal etilgani aytilmoqda.
Yerevandagi portlash oqibatida kamida 6 kishi halok bo‘ldi
Yakshanba kuni Yerevandagi «Surmalu» savdo majmuasida yirik portlash yuz berdi. Buning oqibatida kamida 6 kishi halok bo‘ldi. Yana 60 dan ortiq kishi jarohatlangani aytilmoqda, 17 kishi esa bedarak yo‘qolgan deb hisoblanmoqda.
Xodimlarga ekologik huquqbuzarlik bo‘yicha undirilgan jarimaning 30 foizi to‘lab beriladi
Profilaktika inspektori, PPX va Milliy gvardiya xodimlariga ekologik huquqbuzarlik sodir etgan shaxslarga nisbatan qo‘llanilgan jarimaning 30 foizi miqdorida mukofot puli to‘lanadi. Shuningdek, «Ekologik patrul» ishlash tizimi yanada kengaytiriladi.
«Asossiz xabarlar». Ekologiya qo‘mitasi rahbari to‘rtta xizmat mashinasidan foydalanishiga munosabat bildirildi
Davlat ekologiya qo‘mitasi rahbari to‘rtta — «Mercedes», «Toyota 200», «E-bora» va «Volkswagen ID-6» xizmat mashinasidan foydalanishi rad etildi. Qo‘mita matbuot xizmati ushbu «xabar asossizligi», avtomobillarning faqat ikkitasi Narzulla Oblomurodovga biriktirilganini ma’lum qildi.
1 noyabrdan chiqindi xizmati uchun to‘lov qilmaganlarning xorijga chiqishi taqiqlanishi mumkin
Prezident farmoni bilan maishiy chiqindi xizmati uchun to‘lov qilmaganlarning xorijga chiqishi taqiqlanishi mumkin. 1 noyabrgacha tizim «Elektron hukumat» va «Xorijga chiqish pasporti» platformalari bilan bog‘lanadi. Qolaversa, 2023 yildan yangi ko‘p qavatli uylarni chiqindi to‘plash joylarisiz qurish taqiqlanadi.
Sanitar tozalash korxonalariga qo‘shimcha imtiyozlar taqdim etiladi
Prezident farmoni bilan 2026 yilgacha sanitar tozalash korxonalaridan foyda va ijtimoiy soliq stavkasi 1 foiz miqdorida undiriladi. Shuningdek, investitsiya loyihalarini amalga oshirish uchun 2,5 mlrd so‘mdan oshmagan miqdorda kreditlar ajratiladi.
Shavkat Mirziyoyev Saudiya Arabistoniga tashrif buyuradi
17−18 avgust kunlari Shavkat Mirziyoyev Podshoh Salmon bin Abdulaziz Ol Saudning taklifi bilan Saudiya Arabistoniga boradi. Bu oxirgi 30 yil ichida O‘zbekiston prezidentining ushbu davlatga ilk tashrifi bo‘ladi. Muzokaralardan tashqari, Makkai Mukarrama va Madinai Munavvarani ziyorat qilish rejalashtirilgan.
«Kogon magistral gaz quvurlari» boshqarmasidagi avariya Farg‘ona vodiysiga ta’sir qilmaydi — «O‘ztransgaz»
Iyun boshlarida Buxorodagi «Kogon magistral gaz quvurlari» boshqarmasida yong‘in sodir bo‘lgandi. Shundan so‘ng, avariya oqibatida Farg‘ona vodiysi qish mavsumida gazsiz qolishi haqida gap-so‘zlar tarqaldi. Boshqarma rahbari buni rad etib, ular faqat Buxoro, Navoiy, Samarqandga gaz yetkazib berishini ma’lum qildi.
Toshkentdagi YTHda «Jiguli» ikkiga bo‘linib ketdi
Toshkentning Sergeli tumanida «VAZ-2106» rusumli avtomashina daraxtga borib urilishi natijasida ikkiga bo‘linib ketdi. Haydovchi kasalxonaga yotqizilgan.
Toshkentdagi Navoiy shoh ko‘chasining bir qismi ta’mirlash uchun yopildi
Toshkentda Navoiy shoh ko‘chasining Abay chorrahasidan Furqat ko‘chasigacha bo‘lgan qismi yo‘l qurilishi ishlari o‘tkazilishi munosabati bilan yopildi.
«O‘zbekneftgaz» o‘z AYOQSHlarida AI-80 benzini taqchil ekanini rad etdi
«O‘zbekneftgaz» kompaniyasi AI-80 benziniga talab ortib borayotganini qayd etdi, biroq AYOQSHlarida ushbu markadagi yoqilg‘i taqchilligi kuzatilayotgani haqidagi xabarlarni inkor etdi.
1 oktabrdan yoshlarning AKT sohasida o‘qishi uchun ta’lim krediti ajratish boshlanadi
1 oktabrdan boshlab nodavlat ta’lim tashkilotlarining o‘quv kurslarida yoshlarning AKT sohasida o‘qishi uchun ta’lim krediti ajratish tizimi yo‘lga qo‘yiladi. Bunda ta’lim kreditlari MBning asosiy stavkasida BHMning 65 baravarigacha 1 yillik imtiyozli davr bilan 4 yil muddatga ajratiladi.
Andijonda fuqaroni $10 ming evaziga o‘qishga kiritmoqchi bo‘lgan shaxs ushlandi
Andijonda fuqaroni 10 ming dollar evaziga o‘qishga kiritmoqchi bo‘lgan shaxs qo‘lga olindi. Toshkentda esa Tojikistondan o‘qishni ko‘chirib berishni va’da qilgan gumonlanuvchi 3 ming dollar olgan vaqtda ashyoviy dalillar bilan ushlandi.
Nima tayyorlaymiz: Tvorogli pishiriqlar
Olcha va shtreyzelli tvorogli pirog, o‘rik qo‘shilgan tvorogli pirog, tvorogli krendellar, tvorogli bulochka «Vengerkalar», tvorog va malinali pirog, tvorogli ponchiklar va bulochkalar, tvorog hamda kokosli pechene va boshqalar — Zira.uz turli xil shirin tvorogli pishiriqlar retseptlari ro‘yxatini taqdim etadi.
Magic City bog‘ hududida pichoqbozlik sodir bo‘lganini rad etdi
Magic City ma’muriyati bog‘ hududida pichoqbozlik sodir bo‘lganini inkor qildi. Milliy gvardiya esa o‘z xabarini yangiladi.
Reuters: Qozog‘iston neftning bir qismini Rossiyani chetlab o‘tib tashish niyatida
Qozog‘iston o‘z neftining bir qismini Rossiya o‘z quvurlarini yopib qo‘yish bilan tahdid qilgani bois muqobil yo‘llar orqali sotishni rejalashtirmoqda, deya xabar qildi Reuters. Buning uchun Ozarbayjonning eng yirik neft quvuridan foydalanishni ham ko‘zlamoqda.
90-moddaga o‘zgartirishlar kiritishni kim taklif qildi? BBC deputat Odiljon Tojiyevdan bu haqda so‘radi
Deputat Odiljon Tojiyev BBC O‘zbek xizmatiga Konstitutsiyaga kiritilgan o‘zgartirishlardan maqsad prezident muddatini yangilash ekanligini inkor qildi. U bu haqdagi o‘zgartirish muallifini oshkor qilmadi, biroq minglab fuqarolar hozirgi davlat rahbari islohotlarni davom ettirishini qo‘llab-quvvatlashini aytdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting