Urgut tumanidagi «Dehqonobod dehqon bozori» yaqinida 29 yoshli fuqaro qo‘shnisining bosh va bo‘yni sohasiga temir bolta bilan urib, o‘ldirib qo‘ygani aytilmoqda. Gumondor protsessual tartibda ushlangan va unga nisbatan jinoyat ishi qo‘zg‘atilgan.
«Xorijdagi o‘zbekistonliklar» loyihasining navbatdagi mehmoni — Ilon Mask asos solgan Yevropadagi Tesla gigazavodida ishlovchi Muzaffar Hamroyev. Biz undan nega o‘qishni Germaniyada davom ettirgani, u yerdagi ta’lim sifati, Tesla`ga ishga kirishi qanday bo‘lgani, Ilon Mask uchun o‘tkazgan taqdimoti qanday natija bergani, xorijdagi qiyinchiliklar va O‘zbekistondagi yoshlarga beradigan maslahatlari haqida so‘radik.
KXSHT Kollektiv xavfsizlik kengashi Qozog‘iston prezidenti murojaatidan so‘ng, mamlakatdagi vaziyatni barqarorlashtirish maqsadida «Kollektiv tinchlikparvar kuchlarni vaqtinchalik missiya bilan yuborishga» qaror qildi.
Qozog‘iston prezidenti mamlakatdagi tartibsizliklarni xalqaro terroristik agressiv harakat deb atadi va KXSHTga a’zo davlatlar rahbarlaridan yordam so‘radi. U aksilterror operatsiya boshlanganini ma’lum qildi va Olmaotada aeroport qo‘lga olinganini tasdiqladi. Uning so‘zlariga ko‘ra, shahar yaqinida Mudofaa vazirligining havo-desant bo‘linmalari bilan jang ketmoqda.
Qisqa ta’tilga chiqqan Shavkat Mirziyoyev, umra safarlariga tayyorgarlikning boshlanishi, xorijga chiqish pasportini berishni boshlagan DXM, Buxoroda ishga tushgan IES, imtihon xarajatlarini qaytarib olgan yoshlar statistikasi va boshqa xabarlar — «Gazeta.uz» ning 5 yanvardagi eng muhim xabarlari dayjestida.
«Uzbekistan Airways» 6 yanvarga mo‘ljallangan Nukusdan Aktobega va Toshkentdan Olmaotaga aviareyslarni bekor qildi. Parvozlar qachon tiklanishi hozircha ma’lum emas.
Uzbekistan Airways kompaniyasi talabalarga qulaylik yaratish uchun 7−9 yanvar kunlari Urganch, Buxoro, Namangan, Qarshi va Nukus shaharlaridan Toshkentga qo‘shimcha reyslar tashkillashtiradi.
O‘zbekiston musulmonlari idorasi 2022 yilgi umra sayohati mavsumiga tayyorgarlik boshlanganini ma’lum qildi. Muftiy Nuriddin Xoliqnazarov Saudiya Arabistonidagi «Abu Sarhad» hamkor shirkati bilan bu haqda shartnoma imzoladi. Navbat asosida belgilangan to‘lovlarni amalga oshirgan, tegishli vaksinani olgan va Saudiya Arabistonining karantin talablarini bajargan fuqarolar tartib bilan safarga jo‘natiladi.
Latviyaning koronavirus sababli favqulodda holat rejimini martgacha uzaytirayotgani, Buyuk Britaniya, Gretsiya, Italiya, Fransiya va Shveysariyada kunlik COVID-19 holatlari soni bo‘yicha rekordlar yangilangani, AQShda qor bo‘roni tufayli besh kishining halok bo‘lgani, Qozog‘istondagi so‘nggi vaziyat va boshqa yangiliklar — «Gazeta.uz»ning jahon yangiliklari dayjestida.
O‘zbekiston Qozog‘iston xalqi va rahbariyatining mamlakat barqarorligi hamda ravnaqi yo‘lidagi sa’y-harakatlarini qo‘llab-quvvatlaydi va Qozog‘iston xalqi beqarorlik avj olishining oldini olishga, zo‘ravonlik va insonlar orasida qurbonlar yuzaga kelishiga yo‘l qo‘ymaslikning uddasidan chiqishiga ishonadi, deyiladi TIV bayonotida.
Qozog‘iston prezidenti Qasim-Jomart Toqayev mamlakat Xavfsizlik kengashiga raislik qilishni boshladi, Nursulton Nazarboyev ushbu lavozimga bir umrga tayinlangan edi. Toqayev kengash raisi sifatida iloji boricha qattiqqo‘llik bilan harakat qilishini ma’lum qildi. «Bu menga o‘zlari va oilalarining hayotlarini himoya qilishni so‘rab murojaat qilayotgan fuqarolarimizning xavfsizligi masalasi», — dedi u. Prezident poytaxtda qolib, tez orada Qozog‘istonni siyosiy transformatsiya qilish bo‘yicha yangi takliflarni taqdim qilishini ta’kidladi.
Dollarning so‘mga nisbatan rasmiy kursi 7,67 so‘mga pasayib, 10 812 so‘m etib belgilandi. Shuningdek, yevro va rubl kurslari ham pasaydi.
2022-yil 1-yanvardan boshlab binolar yoki avtomashinani ijaraga beruvchi jismoniy shaxslar uchun ijara to‘lovining eng kam stavkalari oshirildi. Xalq deputatlari Kengashlari stavkalariga oshirish koeffitsiyentlarini qo‘llash huquqini saqlab qoldi.
Endilikda ichki ishlar bo‘limlaridan tashqari, ayrim davlat xizmatlari markazlarida ham xorijga chiqish biometrik pasportini olish mumkin. Yil oxiriga kelib, bunday imkoniyat barcha DXMlarda paydo bo‘ladi.
1-maydan beri 2848 nafar yoshlarga xalqaro imtihonlar uchun xarajatlari kompensatsiya qilindi. Bunda jami 5 mlrd 218 mln so‘mdan ortiq xarajat qoplab berilgan. Kompensatsiya olganlarning qariyb 92% IELTS imtihonini topshirgan. Hududlar bo‘yicha eng ko‘p kompensatsiya Toshkent shahri yoshlariga to‘langan.
Buxoro viloyatida yangi 270 MVt quvvatga ega gaz porshenli IESning birinchi energiya bloki ishga tushirildi. IES Turkiyaning Aksa Enerji kompaniyasi tomonidan DXSH asosida qurilgan.
«Tolibon» harakatining muvaqqat hukumati avvalgi tuzum qulashi chog‘ida O‘zbekiston va Tojikistonga olib ketilgan vertolyotlarni qaytarish bo‘yicha muzokaralarni boshladi. Sobiq afg‘on uchuvchilari va rasmiylari qo‘shni davlatlarga 40 dan ortiq vertolyotni olib qochganligi aytilmoqda.
2021-yilning yanvar-noyabr oylarida O‘zbekistonga 308,4 mln litr avtomobil benzini import qilingan. Ushbu ko‘rsatkich 2020-yilning mos davriga nisbatan 112 mln litrga yoki 36,3 foizga oshgan.
«Uzbekistan Airways» kompaniyasi Oqtovga parvozlar bekor qilinganini ma’lum qildi. Bu Oqtov xalqaro aeroportining xalqaro parvozlarni qabul qilishni va amalga oshirishni yopganligi bilan bog‘liq.
Taraqqiyot strategiyasi loyihasiga asosan, tekshirish uchun fuqaroni ichki ishlar bo‘limiga olib borish tartibi bekor qilinishi kutilmoqda. Unga ko‘ra, aprel oyigacha “Ye-patrul” tizimi joriy etilib, barcha ma’lumotlar joyida tekshirilishi ko‘zlangan. Strategiya loyihasida jinoyat va ma’muriy huquqbuzarliklar haqida xabar berish va ro‘yxatga olish uchun “Ye-huquqbuzarlik” yagona axborot tizimini tashkil etish ham taklif etilgan.
Qo‘shimcha imkoniyatlarga ega bulish uchun saytda ro‘yxatdan o‘ting