Arxiv
O‘zbekiston Rossiyaga tabiiy gaz eksportini qayta tiklashni rejalashtirmayapti — Energetika vazirligi
O‘zbekiston COVID-19 pandemiyasi boshidan beri to‘xtatilgan Rossiyaga tabiiy gaz eksportini qayta tiklashni reja qilmayapti. Hozircha gaz Xitoyga yetkazib berilmoqda. Avvalroq, 2025 yilga borib tabiiy gaz eksporti to‘liq to‘xtatilishi ma’lum qilingandi.
6 yanvar kuni O‘zbekistonda sodir bo‘lgan eng muhim xabarlar dayjesti
Qozog‘iston prezidenti bilan muloqot qilgan Shavkat Mirziyoyev, OTM, kollej va litsey talabalari uchun uzaytirilgan qishki ta’til, chigit ishi sabab Qashqadaryo hokimligini ogohlantirgan Biznes-ombudsman, Qozog‘istondagi o‘zbekistonliklarni ogohlikka chaqirgan TIV, Navoiyda qum bosib qolgan 5 nafar buxorolik oltin qazuvchi, YPX ko‘z oldida uchta yo‘l qoidasini buzgan Qashqadaryo hokimligi haydovchisi va boshqa xabarlar — «Gazeta.uz» ning 6 yanvardagi eng muhim xabarlari dayjestida.
O‘zbekistondan tuxum eksporti to‘xtatilgani aytildi, Veterinariya qo‘mitasi buni rad etmoqda
Hukumat oziq-ovqat xavfsizligini ta’minlash maqsadida 1 aprelga qadar tovuq tuxumi eksportiga taqiq o‘rnatdi. Ayrim tadbirkorlar ishlab chiqarish hajmini qisqartirishga, ayrimlari esa mahsulotni tannarxida sotishiga to‘g‘ri kelmoqda. Veterinariya va chorvachilikni rivojlantirish davlat qo‘mitasi O‘zbekistonda tuxum eksportiga taqiq joriy qilinmaganini ta’kidlamoqda.
O‘zbekiston va Turkiya prezidentlari Qozog‘istondagi vaziyatni muhokama qildilar
O‘zbekiston va Turkiya prezidentlari telefon orqali muloqotda Qozog‘istondagi vaziyatni tinch yo‘l bilan tartibga solishga chaqirib, zo‘ravonlik va keskinlashuvning oldini olish muhimligini ta’kidladilar.
Bir qator tovarlar, jumladan, go‘sht, sariyog‘ va un importi bo‘yicha bojlar bekor qilindi
Prezident qarori bilan besh turdagi tovarlar, jumladan, go‘sht, yog‘, un, sovun va boshqalarni olib kirish uchun bojxona to‘lovlari stavkalari bekor qilindi. Hozirda ushbu tovarlar uchun stavkalar 5% dan 20% gachani tashkil etadi.
Qozog‘istondagi ikkihokimlikning intihosi va ODKB debyuti
Tinch namoyishlarning ommaviy tartibsizliklarga aylanishi dialog tuza olmagan jamiyat va hokimiyat o‘rtasida chuqur jarlik mavjudligini anglatadi. Xalqaro munosabatlar sohasi mutaxassisi Yuriy Saruxanyan Qozog‘istondagi siyosiy inqiroz haqida.
Sportchi Elbek Rahimovning o‘limi bilan bog‘liq jinoyat ishida 26 kishi sud qilinmoqda
Qarshi shahrida sport ustasi Elbek Rahimovning o‘ldirib ketilganiga oid jinoyat ishini sudda ko‘rish boshlandi. Jami 26 kishi — qasddan odam o‘ldirish, qasddan badanga o‘rtacha og‘ir va yengil tan jarohatlari yetkazish, voyaga yetmagan shaxsni g‘ayriijtimoiy xatti-harakatlarga jalb qilish, odam o‘g‘irlash, pora olish va berish, aybsiz kishini javobgarlikka tortish, yolg‘on guvohlik berish, jinoyatni hisobga olishdan qasddan yashirish, bezorilik moddalari bilan sudlanmoqda.
Uzbekistan Airways 13 yanvargacha Qozog‘iston shaharlariga parvozlarni bekor qildi
Uzbekistan Airways kompaniyasi 8−13 yanvar kunlari Qozog‘iston shaharlariga uchishi rejalashtirilgan reyslarni bekor qildi.
O‘zbekistonda milliy ijtimoiy tarmoq va messenjerlar yaratish rejalashtirilmoqda
O‘zbekistonda «fuqarolarning shaxsiy ma’lumotlarini himoya qilish» maqsadida milliy ijtimoiy tarmoq va messenjerlar tashkil etilishi rejalashtirilmoqda. 2018 yil dekabrida prezident qarori bilan «kriptografik himoyalangan birinchi milliy UzChat messenjeri»ni joriy etish belgilangan edi.
Hunarmandlarga 225 mln so‘mgacha imtiyozli kreditlar ajratiladi
2022 yilda hunarmandchilik loyihalarini moliyalashtirishga 500 mlrd so‘m yo‘naltiriladi. Shundan kelib chiqib, hunarmandlarga oilaviy tadbirkorlikni rivojlantirish dasturlari doirasida 6 oygacha imtiyozli davr bilan 225 mln so‘mgacha kredit beriladi. Ular mablag‘larni naqd pul ko‘rinishida olishi ham mumkin.
Maktablarda qishki ta’til odatdagidek davom etadi
XTVning “Gazeta.uz"ga aniqlik kiritishicha, maktablarda qishki ta’til odatdagidek davom etadi, 11 yanvardan uchinchi chorak boshlanadi. Qishki ta’til uzaytirilishi faqat oliy va professional ta’lim muassasalari, akademik litsey talaba-o‘quvchilariga taalluqli.
Qozog‘istondagi vaziyat ortidan bitkoin kursi 43 ming dollardan tushib ketdi
Qozog‘istondagi namoyishlar va tartibsizliklar fonida bitkoin narxi 43 ming dollardan tushib ketdi. Qozog‘iston bitkoin mayningi bo‘yicha dunyoda AQShdan keyin ikkinchi o‘rinda turadi, mamlakat 18% kriptovalyuta mayningini ta’minlaydi. Hozirda mamlakatdagi maynerlar ishida cheklovlar kuzatilmoqda.
Chigit ishi: Biznes-ombudsman Qashqadaryo hokimligini ogohlantirdi
Biznes-ombudsman Qashqadaryodan samarqandlik tadbirkorning 100 tonna chigit mahsuloti chiqarilmayotgani holati yuzasidan viloyat hokimligini «tadbirkorlarning huquqlariga rioya etilishiga doir qonun hujjatlarining buzilishiga yo‘l qo‘yilgan taqdirda tegishli chora ko‘rish bo‘yicha ogohlantirdi». Kompaniya vakili hujjatlarida muammo yo‘qligiga va chigit og‘zaki topshiriq bilan ushlab turilganiga ishontirmoqda.
Shavkat Mirziyoyev va Emomali Rahmon Qozog‘istondagi vaziyatni muhokama qildi
O‘zbekiston va Tojikiston prezidentlari telefon orqali muloqotda Qozog‘istondagi vaziyatni muhokama qilishdi hamda tomonlarni vazminlikka va vujudga kelgan masalalarni tinch yo‘l bilan hal qilishga chaqirishdi.
Navoiyda oltin qazib olayotgan 5 nafar fuqaroni qum bosib qoldi
Konimex tumanida noqonuniy tarzda oltin qazib olayotgan 5 nafar buxorolik qum bosib qolishi oqibatida vafot etgan. Ta’kidlanishicha, ular qum ostida 10 kundan ko‘proq qolib ketishgan.
OTM, kollej va litsey talabalari uchun qishki ta’til 24 yanvargacha uzaytirildi
OTM, kollej va akademik litsey talaba-o‘quvchilari uchun qishqi ta’til 24 yanvargacha uzaytirildi. Avia va temir yo‘l chiptalariga 50 foizlik chegirma muddati ham uzaytiriladi, xarid qilingan chiptalar esa bepul tarzda boshqa sanaga almashtirib beriladi.
O‘zbekistonning Qozog‘istondagi diplomatik vakolatxonalari vatandoshlar bilan doimiy aloqada — TIV
O‘zbekiston TIV Qozog‘istonning Nur-Sultondagi elchixona, Olma-ota va Aqtaudagi Bosh konsulxonalar odatdagi tartibda faoliyat yuritayotgani hamda o‘zbekistonliklar, shu jumladan, talabalar bilan doimiy muloqot o‘rnatilganini ma’lum qildi. Qo‘shni davlatdagi vatandoshlardan joriy etilgan cheklovlarga amal qilish so‘raldi. Nur-Sulton, Olmaota va Aktaudagi diplomatik vakolatxonalarning telefon raqamlari e’lon qilindi.
Qashqadaryo hokimligi haydovchisi yo‘l qoidalarini qo‘pol tarzda buzdi
Qashqadaryo viloyati hokimining birinchi o‘rinbosari xizmat mashinasi ekanligi aytilayotgan Trailblazer haydovchisi YPX xodimlari ko‘z o‘ngida uchta yo‘l harakati qoidasini buzdi. Video internetda e’lon qilinganidan so‘ng, avtomobil jarima maydonchasiga qo‘yilgan. Mashina oynalari ham ruxsatsiz qoraytirilgani ma’lum bo‘ldi.
O‘zbekiston va Qozog‘iston prezidentlari telefon orqali muloqot qildi
Shavkat Mirziyoyev hamkasbi Qasim-Jomart Toqayev bilan telefon orqali muloqot davomida Qozog‘istonning barqarorligi va farovonligini ta’minlash yo‘lidagi sa’y-harakatlarida doimo qo‘llab-quvvatlashini ma’lum qildi.
Bo‘stonliq va Zominda o‘rmon yong‘inlariga qarshi otryadlar tashkil etilishi mumkin
Taraqqiyot strategiyasi loyihasiga ko‘ra, Bo‘stonliq va Zomin tumanlarida FVVning o‘rmon yong‘inlarini bartaraf etishga ixtisoslashgan otryadlari tashkil etiladi. Qolaversa, 2022 yilda vazirlikning aviatsiya xizmati faoliyati ham yo‘lga qo‘yiladi. Ëng‘in-texnik vositalarini ishlab chiqarishga esa xususiy sektor jalb etiladi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting