Arxiv
Hafta davomida yog‘ingarchilik bo‘lishi kutilmoqda
Hafta davomida Kaspiy dengizining janubidan nam havo massalari kirib kelishi hisobiga respublika bo‘yicha yomg‘ir, shimoliy hududlarda esa qor yog‘ishi kutilmoqda. Harorat esa +11…+16 daraja iliq atrofida bo‘ladi.
O‘zbekistonda 2026-yilgacha kambag‘allikni 2 baravarga qisqartirish kutilmoqda
5 yillik Taraqqiyot strategiyasi loyihasiga ko‘ra, 2026 yilga kelib O‘zbekistonda kambag‘allik darajasi 2 baravarga qisqartiriladi. Buning uchun 2,5 mln norasmiy ishchining bandligi legallashtiriladi, 700 mingdan ortiq ishsiz xotin-qizlar davlat hisobidan kasb-hunarga o‘qitiladi, imkoniyati cheklanganlarning bandligi 3 baravarga oshiriladi. Qolaversa, Ijtimoiy kodeksni qabul qilish ham rejalashtirilgan.
Qashqadaryodagi avariyada 5 kishi halok bo‘ldi
1 yanvar kuni soat 13:00 larda Dehqonobod tumani hududidan o‘tuvchi M-39 «Termiz-Toshkent» avtomobil yo‘lida Cobalt mashinasi beton to‘siqqa urilgan. YTH oqibatida haydovchi va to‘rt nafar yo‘lovchi vafot etgan.
Nodirbek Abdusattorovga «Mard o‘g‘lon» davlat mukofoti topshirildi
Shahmatning rapid yo‘nalishi bo‘yicha jahon chempioni Nodirbek Abdusattorovga «Mard o‘g‘lon» davlat mukofoti, ikki xonali uy kaliti va 250 mln so‘m pul mablag‘i topshirildi. Uning murabbiylari Jahongir Vohidov hamda marhum Dmitriy Qayumovning oilasiga 100 mln so‘mdan berildi. Nodirbekning otasi jahon chempionini tadbirma-tadbir ovora qilmaslikni so‘rab, u hali ko‘p mehnat qilishi kerakligini aytdi.
Quyuq tuman tufayli Urganch va Nukusga parvozlar kechikmoqda
Quyuq tuman sababli Urganch va Nukus aeroportlari yakshanba kunidan buyon parvozlarni qabul qilmayapti. Yo‘lovchilarga parvoz vaqtini aloqa markazidan yoki onlayn jadval orqali aniqlashtirish tavsiya etildi.
Kelgusi 5 yilda O‘zbekistonda jamoat transporti qanday isloh qilinadi?
2022−2026 yillarda respublika bo‘yicha yagona transport tizimini rivojlantirish, Toshkent va yirik shaharlarga uzog‘i bilan 6−7 soatda borib-kelish imkoniyatini yaratish taklif etilayapti. Buning uchun 2022 yilda poytaxt jamoat transporti uchun 673 ta elektrobus va 14 ta metro poyezdini xarid qilish maqsad qilingan. 60 ta shaharlararo avtobus yo‘nalishini tashkil etish, mahalliy aviaqatnovlar soni esa haftasiga 48 tadan 80 taga yetkazish ko‘zda tutilgan.
2023-yilgacha xususiy sektorga beriladigan davlat funksiyalari 3 baravarga oshirilishi mumkin
Taraqqiyot strategiyasi loyihasiga asosan 2023-yilgacha davlat boshqaruvida ma’muriy apparatni ixchamlashtirish maqsadida xususiy sektorga beriladigan davlat funksiyalari soni 3 baravarga oshiriladi. Jumladan, yong‘in xavfsizligini ta’minlash, ta’lim sifatini nazorat qilish, dori vositalarini sertifikatlashtirish sohalarida davlat nazoratini xususiy sektorga o‘tkazish reja qilingan.
5 yilda maktabgacha ta’lim qamrovini 80 foizga yetkazish kutilmoqda
Taraqqiyot strategiyasi loyihasiga ko‘ra, kelgusi 5 yilda maktabgacha ta’limdagi qamrov darajasini 62 foizdan 80 foizga yetkazish rejalashtirilmoqda. 2026-yilga kelib esa 6 yoshli bolalarni 100 foiz maktabgacha tayyorlov tizimi bilan qamrab olish kutilmoqda. Buning uchun esa 7 mingdan ortiq nodavlat muassasalarni qurish, 160 mingdan ko‘proq kadrlar malakasini oshirish maqsad qilingan.
Messi koronavirusga chalindi
«PSJ» ning to‘rt nafar futbolchisi — Lionel Messi, Xuan Bernat, Serxio Riko va Natan Bityumazala koronavirusga chalindi. Ular navbatdagi bir nechta uchrashuvlarni o‘tkazib yuboradi.
1960−1990-yillarda O‘zbekistonda Yangi yil qanday nishonlangan?
Bolalar bog‘chasi va bolalar uylaridagi bazmlar, san’atkorlarning televideniyedagi chiqishlari, Prezident archasi. «Gazeta.uz» so‘roviga binoan Kinofotofonohujjatlar milliy arxivi tahririyatga 1960−1990-yillarda mamlakatda Yangi yil qanday nishonlangani aks etgan suratlarni taqdim etdi.
2022-yilda Ekologik kodeks ishlab chiqiladi
Prezident qarori bilan Davlat ekologiya qo‘mitasi 1-dekabrgacha jamoatchilik, ilmiy-tadqiqot institutlari va OAV vakillarini jalb etgan holda Ekologik kodeks loyihasini ishlab chiqadi. Bundan tashqari, barcha hokimlarning qurilish masalalari bo‘yicha o‘rinbosalariga ekologiya va ko‘kalamzorlashtirish vazifalari ham yuklatiladi.
O‘zbekistonda 1-yanvar kuni 2316 nafar chaqaloq tug‘ildi
2022-yilning birinchi sutkasida 2316 nafar chaqaloq, shundan 13 holatda egizaklar dunyoga keldi. Chaqaloqlarning 1118 nafari qiz, 1198 nafari esa o‘g‘il bola bo‘lib, eng ko‘p chaqaloq Samarqand viloyatida (270 nafar) tug‘ilgan. Bu so‘nggi besh yildagi eng yuqori ko‘rsatkich.
IIV Jamoat xavfsizligi departamenti boshlig‘iga o‘rinbosarlar tayinlandi
YHXBB rahbari Olim Saidov hamda Huquqbuzarliklar profilaktikasi bosh boshqarmasi rahbari Baxtiyor Berdialiyev va uning o‘rinbosari Davron Azizov vazirlikning bir qancha bo‘linmalarini birlashtirgan IIV Jamoat xavfsizligi departamenti boshlig‘iga o‘rinbosar etib tayinlandi.
Kelgusi 5 yilga mo‘ljallangan makroiqtisodiy rejalar ma’lum qilindi
O‘zbekistonning 2022−2026 yillarga mo‘ljallangan Taraqqiyot strategiyasi loyihasi jamoatchilik muhokamasiga qo‘yildi. Unda bir qancha ustuvor maqsadlar qatoridan — 5 yil ichida aholi jon boshiga YAIMni 1,6 baravarga oshirish, inflyatsiya darajasini 9,9 foizdan 5 foizgacha pasaytirish, davlat budjeti taqchilligi 3 foizdan oshib ketmasligini ta’minlash, davlat qarzini yiliga $4,5 mlrddan oshirmaslik, eksport hajmini $30 mlrdga yetkazish o‘rin olgan.
Poytaxtda o‘t o‘chirgich yoqib yuborilgan holat bo‘yicha jinoyat ishi qo‘zg‘atildi
Toshkent shahar IIBB o‘t o‘chirgich yoqib yuborilgan holat yuzasidan 4 kishiga nisbatan jinoyat ishi ochilganini ma’lum qildi.
Noqonuniy daraxt kesish holatlarini suratga olib yuborganlarga pul to‘lanadi
1 apreldan boshlab daraxtlarni noqonuniy tarzda kesish holatlari tasvirlangan foto va videolarni birinchi bo‘lib yuborgan shaxslarga BHMning bir baravari (270 ming so‘m) miqdorida pul mukofoti to‘lab beriladi. Huquqbuzarlik haqida xabar berganlarning ma’lumotlari oshkor qilinmaydi.
Tasdiqlanmagan xabarni «repost» qilgani uchun hibsga olingan jamoatchilik faoli ozodlikka chiqarildi
Tasdiqlanmagan xabarni «repost» qilgani uchun hibsga olingan jamoatchilik faoli Ruslan Xairnurov ozodlikka chiqarildi. Apellyatsiya sudi — birinchi instansiya sudi gumondorga nisbatan «qamoqqa olish» ehtiyot chorasini qo‘llab xatolikka yo‘l qo‘yganini tan olib, uni «uy qamog‘i»ga almashtirdi. Jamoatchilik faoliga aloqa vositalari hamda internetdan foydalanmaslik bo‘yicha majburiyatlar ham yuklatildi.
Bekobod shahar hokimligi bosh mutaxassisi $128 ming pora bilan qo‘lga tushdi
DXX Bekobod shahar hokimligining bosh mutaxassisini maktabgacha ta’lim muassasasi binosini xususiylashtirish va shahar hududidan 1 gektar yer maydoni olib berish evaziga 128 ming dollar olgan vaqtida ushladi. Samarqand va Jizzax viloyatlarida ham noqonuniy yer sotish holatlari aniqlandi.
Toshkentda o‘t o‘chirish moslamasi portlatildi, uch kishi jarohatlandi
Poytaxtda Yangi yilni nishonlash vaqtida noma’lum shaxslar o‘t o‘chirish moslamasini yoqib yuborishdi. Natijada u portlab ketgan va buni tasvirga tushirayotgan 3 kishi jiddiy tan jarohatlarini olgan.
Nima tayyorlaymiz: sovuq kunlar uchun issiq sho‘rvalar
Frikadelkali, qarsildoq tovuq solingan pishloqli, fransuzcha, xamir bo‘lakchalari solib pishirilgan hamda dudlangan tovuqli sho‘rvalar — Zira.uz sovuq kunlar uchun issiq sho‘rvalar retseptlari ro‘yxatini taqdim etadi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting