Moliya vazirligi huzuridagi Davlat moliyaviy nazorati departamenti tomonidan joriy yilning 9 oyi davomida 728,8 mlrd so‘mlik budjet mablag‘larining sarflanishida moliyaviy qoidabuzarliklar aniqlandi. Bu o‘tgan yilning shu davriga nisbatan qariyb 6 barobarga ko‘proq. Budjet intizomining buzilish holatlari asosan xalq ta’limi, sog‘liqni saqlash, maktabgacha ta’lim tizimlari, shuningdek, avtomobil yo‘llari qo‘mitasida yuz bergan.
2 noyabrdan boshlab Toshkent — Qarshi — Toshkent yo‘nalishi bo‘yicha aviaqatnovlar qayta tiklanadi. Parvozlar haftasiga 2 marotaba — seshanba va juma kunlari amalga oshiriladi.
Toshkentning Chilonzor tumanida prezident tashrifi arafasida 55 tup daraxtning tubiga parvarishlangandek ko‘rinishi uchun polietilen plyonka to‘shalib, keramzit sepilgan. Daraxtlarda qurish alomatlari mavjud. Poytaxt Ekologiya boshqarmasi rahbari obodoshlashtirish uslubini «kolxozcha» deb atadi.
Frikadelka va qizil loviyali, makkajo‘xori va shovulli, xamir bo‘lakchali va pishloqli — Zira.uz noodatiy usulda tayyorlanadigan sho‘rvalar retseptlari ro‘yxatini taqdim etadi.
Jo Baydenning Rim papasi bilan uchrashgani, Ilon Masking insoniyatni Marsga o‘z hisobidan olib bormoqchi ekani, AQShning Tramp siyosatidan jabr chekkan migrantlarga 1 mlrd dollardan pul to‘lamoqchiligi, Finlyandiyada gazetaning uch jurnalisti davlat sirlarini oshkor qilishda ayblanayotgani va boshqa yangiliklar — «Gazeta.uz»ning jahon yangiliklari dayjestida.
Yangiyo‘lda qalbaki pul ishlab chiqarishda gumonlangan shaxs qo‘lga olindi. Uning uyidan umumiy qiymati 19,6 mln so‘mlik 196 dona 100 ming so‘mlik qalbaki banknotalar olib qo‘yildi.
2023 yildan normativ-huquqiy hujjatlar loyihalari jumlalarning soddaligi va qisqaligi, ta’riflarning aniqligi, atamalarning to‘g‘ri qo‘llanilganligi va boshqa talablar asosida lingvistik ekspertizadan o‘tkaziladi.
Tashqi ishlar vaziri Abdulaziz Kamilov O‘zbekistonda siyosiy raqiblar manfaatlari to‘qnashuvi ehtimoli haqidagi savolga javob berar ekan, mamlakatni bir tomon tufayli boshqa tomon qabul qilmaydigan pozitsiyani tanlashga majbur bo‘ladigan holatga keltirishlari qabul qilinishi mumkin emasligini ta’kidladi.
O‘tgan yillardagi iqtisodiy o‘sish «aholining juda kichik qismini xursand qildi», chunki o‘sish inklyuziv emas edi, dedi moliya vaziri Timur Ishmetov. Uning so‘zlariga ko‘ra, hukumat unumdorlik, samaradorlik ustida ishlashi, raqobat muhitini yaratishi va yoshlar biznes talablariga javob beradigan asosiy ko‘nikmalarga ega bo‘lishi uchun inson kapitaliga sarmoya kiritishi kerak.
«O‘zbekneftgaz» Jizzakh Petroleum kompaniyasi ta’sischilari safidan butunlay chiqdi. Bungacha qo‘shma korxonaning 49 foiz ulushi «O‘zbekneftgaz»ga tegishli edi.
O‘zbekiston aholisi issiqlik energiyasi uchun 2 trln so‘mdan ortiq pul to‘lamagan, natijada isitish korxonalari gaz, elektr va sovuq suvdan 2,5 trln so‘m qarzdor bo‘lib qolgan. Uy-joy kommunal xizmat ko‘rsatish vaziri o‘rinbosari Qurbon Tursunovning ta’kidlashicha, kelgusida barcha loyihalarda yetkazib berilayotgan issiqlik haroratiga qarab narxni hisoblaydigan elektron hisoblagichlar o‘rnatish ko‘zda tutilgan.
Baliqlarning ommaviy zaharlanishiga sabab bo‘lgan sanoat chiqindilarining «Navoiyazot» korxonasi qudug‘idan Zarafshon daryosiga tashlangani yuzasidan Navoiy viloyati prokuraturasi jinoyat ishi qo‘zg‘atdi.
Respublika maktablarida 4 noyabrdan 10 noyabrgacha kuzgi ta’til e’lon qilindi.
“Unistream” banki MDH davlatlaridan kelgan mehnat muhojirlariga Rossiyada tezda qulay ish topishga yordam beradigan platformani ishga tushirdi.
O‘zbekiston tashqi ishlar vaziri Abdulaziz Kamilov Afg‘oniston muvaqqat hukumati bilan uchrashuvlari haqida gapirdi. Uning so‘zlariga ko‘ra, toliblar voqelikni to‘liq anglamoqda, yangi hukumat xalqaro hamjamiyatga qo‘shilishni istaydi va «ba’zi ijobiy qadamlar» qo‘yishga tayyor. Masalan, uning so‘zlariga ko‘ra, O‘zbekiston delegatsiyasining Kobuldagi tashrifidan so‘ng chegaraga tutash Balh provinsiyasida ertasi kuni barcha qizlar maktabga chiqqan.
O‘zbekiston fuqarolari uchun Rossiyada ro‘yxatdan o‘tmasdan bo‘lib turish muddati 7 kundan 15 kunga uzaytirilishi mumkin. IIV RFda ro‘yxatdan o‘tish jarayoni murakkabligi sababli mehnat muhojirlari qiyinchiliklarga uchrayotganini ma’lum qildi.
Markaziy saylov komissiyasi Shavkat Mirziyoyevni prezident saylovi g‘olibi deb e’lon qildi. U ikkinchi muddatga qayta saylandi va deyarli 13 mln ovoz (80,12%) to‘pladi. Ikkinchi o‘rinni esa 6,63% ovoz bilan Maqsuda Vorisova egalladi.
Serbiyada boks bo‘yicha jahon chempionatida yana uch nafar o‘zbekistonlik sportchi ishtirok etdi. Lazizbek Mullajonov va Asadxo‘ja Mo‘ydinxo‘jayev raqiblarini ishonchli mag‘lubiyatga uchratgan bo‘lsa, Mirazizbek Mirzaxalilov turnirni tark etdi.
O‘zbekistonda juma kuni bulutli va yog‘ingarchiliksiz sovuq ob-havo bo‘lishi kutilmoqda. Dam olish kunlari havo harorati kechasi 0…+3 darajagacha pasayishi va ba’zi hududlarda yog‘incharchiliklar bo‘lishi mumkin.
O‘zbekistonda barqaror rivojlanish maqsadlariga erishish uchun salmoqli hajmdagi moliyalashtirish talab etiladi va so‘nggi ikki yil ichida ushbu ko‘rsatkich COVID-19 sababli yanada oshdi. O‘zbekistonda muomalaga chiqarilgan BRM obligatsiyalari barqaror rivojlanishga yo‘naltirilgan loyihalarni moliyalashtirishga qay tarzda yordam bera olishi haqida BMTTDning O‘zbekistondagi doimiy vakili Matilda Dimoska maqolasida.
Qo‘shimcha imkoniyatlarga ega bulish uchun saytda ro‘yxatdan o‘ting