Arxiv
Yuridik universitetning mas’ul rahbari ma’muriy javobgarlikka tortildi
Toshkent davlat yuridik universiteti rektori oliygoh binosida noqonuniy qurilish qilgani uchun ma’muriy javobgarlikka tortildi. U ko‘p asrlik madaniy meros obyekti bo‘lgan universitet binosiga ruxsatsiz o‘zgartirish kiritgan.
Xalqaro valyuta jamg‘armasi O‘zbekistonda iqtisodiy o‘sish prognozlarini 3−4 foizgacha pasaytirdi
XVJ Ukrainadagi urushning salbiy oqibatlari ta’sirini hisobga olgan holda, 2022 yilda O‘zbekistonda iqtisodiy o‘sish prognozlarini 6 foizdan 3−4 foizgacha pasaytirganini ma’lum qildi. Shuningdek, joriy operatsiyalar hisobi defitsiti YAIMga nisbatan 9,5 foizgacha o‘sishi, inflyatsiya ko‘rsatkichi 12 foiz darajasida saqlanib qolishi prognoz qilinmoqda.
13 aprel kuni O‘zbekistonda sodir bo‘lgan eng muhim xabarlar dayjesti
Yangi yo‘l harakati qoidalarini jamoatchilik muhokamasisiz tasdiqlagan hukumat, O‘zbekistonning Ukraina mojarosidagi pozitsiyasi haqida gapirgan AQSh elchisi, yana sotuvga qo‘yilgan «Sijjak», old o‘rindiqdagi yo‘lovchilarning xavfsizlik kamarini taqishlari shart bo‘lgani, narxi oshib borayotgan oq qog‘oz va boshqalar — «Gazeta.uz» ning 13 apreldagi eng muhim xabarlari dayjestida.
Buyuk Britaniya sanksiyalar ro‘yxatiga kelib chiqishi o‘zbekistonlik bo‘lgan uch ayolni kiritdi
Buyuk Britaniyaning yangi sanksiyalar ro‘yxatiga kelib chiqishi o‘zbekistonlik bo‘lgan uch ayol, jumladan Alisher Usmonovning ikki singlisi ham kiritildi. Ularning aktivlari muzlatiladi.
O‘zbekiston Yamanda sulh va o‘t ochishni to‘xtatish e’lon qilinganini olqishlaydi — TIV
O‘zbekiston Yamanda ikki oylik sulh va o‘t ochishni to‘xtatish e’lon qilinganini olqishlaydi. Tashqi ishlar vazirligi tegishli bayonot bilan chiqdi.
Daun sindromi bo‘lgan bolalar o‘qiy oladi va mehnat qilish huquqiga ham ega!
Tibbiy-ijtimoiy xizmatlarni rivojlantirish agentligining direktori Alisher Inakov matbuot anjumanida Daun sindromi bo‘lgan bolalar «o‘qiy olmasligini» aytdi. Bunday so‘zlar ota-onalar va jamoatchilik faollari noroziliga sabab bo‘lib, agentlikni ular bilan uchrashuv tashkil qilishiga undadi. «Gazeta.uz» kolumnisti Dilmurod Yusupov mazkur vaziyat yuzasidan bolalarning o‘qishga huquqi va amaldorlar so‘zining kuchi yuzasidan shaxsiy fikrini bildirdi.
Buyuk Britaniyaning Toshkentdagi elchisi bergan intervyu Rossiya OAVlariga yoqmadi
Buyuk Britaniyaning Toshkentdagi elchisi Alter Ego loyihasiga bergan intervyusida, uning ta’biri bilan aytganda, «urushda qurol sifatida foydalanilayotgan» Rossiya ommaviy axborot vositalari faoliyatining cheklanishi, shuningdek, Vladimir Putin va uning atrofidagilarga qarshi kiritilgan sanksiyalardan ko‘zlangan maqsad xususida so‘z yuritdi. Rossiya ommaviy axborot vositalari va elchixonasi diplomatni tanqid qilib, mazkur intervyuni «yo‘q joydan shovqin ko‘tarish» deb atadi.
Qozog‘istonda 7 va 9 may kunlari harbiy paradlar o‘tkazilmaydi
Bu yil ham Qozog‘istonda 7-may — Vatan himoyachilari hamda 9-may — G‘alaba kunlarida harbiy paradlar o‘tkazilmaydi. Lekin butun mamlakat bo‘ylab 50 ga yaqin harbiy-vatanparvarlik tadbirlari tashkillashtiriladi.
Haydovchilik guvohnomasi va «texpasport»ni almashtirish muddati 1 yilga uzaytirildi
Hukumatning 12 apreldagi qarori bilan eski haydovchilik guvohnomasi va «texpasport»ni almashtirish muddati 1 yilga uzaytirildi. Uning muddati haydovchilik guvohnomasi va ro‘yxatga olish guvohnomasi berilgan yilga bog‘liq. Agar ular 2010 yilgacha berilgan bo‘lsa, 2023 yil 31 martgacha almashtirilishi kerak.
Yangi yo‘l harakati qoidalarida yo‘llarga ruxsatsiz sun’iy to‘siqlar o‘rnatish taqiqlandi
O‘zbekistonning yangi Yo‘l harakati qoidalarida yo‘llarga ruxsatsiz sun’iy to‘siqlar o‘rnatish taqiqlandi. Odatda ularni fuqarolar va kompaniyalarning o‘zlari o‘rnatardi. Chunki mas’ul organlar piyodalarni himoya qilish uchun buni bajarishmaydi.
«Sijjak» dam olish maskani yana sotuvga qo‘yildi
Toshkent viloyatining Bo‘stonlik tumanidagi «Sijjak» dam olish maskani yana sotuvga qo‘yildi. Xaridor oromgohda sayyohlik infratuzilmasini rivojlantirishi kerak.
Hukumat yangi yo‘l harakati qoidalarini nega jamoatchilik muhokamasisiz tasdiqladi?
Vazirlar Mahkamasi yangi tahrirdagi Yo‘l harakati qoidalarini jamoatchilik muhokamasisiz tasdiqladi. Bunga prezidentning 17 martdagi farmoni bilan muhokamaga qo‘yiladigan hujjatlar tasnifiga kiritilgan o‘zgartirish sabab bo‘lgan bo‘lishi mumkin. Unga ko‘ra, endi faqatgina muhim hujjatlar loyihalari jamoatchilik muhokamasiga qo‘yiladi. Oldingi tartibga ko‘ra, barcha hujjatlar loyihalari muhokamaga qo‘yilishi shart edi.
Haydovchilar YPX xodimining dislokatsiya ko‘chirmasi bilan joyida tanishish huquqidan mahrum bo‘ldi
Hukumat qarori bilan endilikda haydovchi YPX xodimining dislokatsiya ko‘chirmasi bilan o‘sha joyning o‘zida tanisha olmaydi. Buning o‘rniga haydovchi saf bo‘limidan yozma ma’lumot talab qilishi mumkin. Shuningdek, body camera`si bor YPX xodimi haydovchining mastlik holatini alkotester yordamida hodisa joyida o‘zi aniqlashi va bayonnoma rasmiylashtirishi mumkin.
«O‘zbekiston muvozanatli yo‘l tutishga majbur». AQSh elchisi O‘zbekistonning Ukraina mojarosidagi pozitsiyasi haqida
AQSh elchisi Deniyel Rozenblyum O‘zbekistonning Ukraina mojarosidagi pozitsiyasini tushunishini ma’lum qildi. «Rossiya bilan ham, Ukraina bilan ham chuqur tarixiy va muhim rishtalarga ega. Manfaatlar bois O‘zbekiston muvozanatli yo‘l tutishga majbur… O‘zbekiston birontasining yonini olmayapti», — dedi u.
Boris Jonson karantin qoidalarini buzganligi uchun jarima to‘ladi
Buyuk Britaniya bosh vaziri Boris Jonson 2020-yilda karantin qoidalarini buzganligi uchun jarimaga tortildi. U mamlakat tarixida qoidabuzarlik uchun jazolangan birinchi bosh vazirga aylandi. Shuningdek, bosh vazirning rafiqasi va g‘aznachilik kansleri ham ushbu ish yuzasidan jarima to‘lagan.
Aleksey Xen Toshkent shahar hokimi o‘rinbosari bo‘ldi
Aleksey Xen Toshkent hokimining axborot texnologiyalarini joriy etish bo‘yicha o‘rinbosari etib tayinlandi. U o‘zi ishlab kelayotgan Raqamli rivojlanish departamentiga rahbar bo‘ldi.
Qirg‘iz-tojik chegarasida otishma yuz berdi
12 aprel kuni kechqurun Qirg‘iziston va Tojikiston chegarasida chegarachilar o‘rtasida otishma sodir bo‘ldi. Tojikiston tomoni bir kishi, qirg‘izistonlik ikki nafar yarador haqida xabar berdi. Kechasi tomonlar kelishuv bo‘yicha kelishib olishgan, hozirda vaziyat barqaror.
Innovatsiya vazirligi hukumatda Sardor Umurzakov tizimiga biriktirildi
Innovatsion rivojlanish vazirligi hukumatda bosh vazir o‘rinbosari — investitsiyalar va tashqi savdo vaziri Sardor Umurzakov rahbarlik qilayotgan tizimga o‘tkazildi. Bunga qadar vazirlik bosh vazir Abdulla Aripov to‘g‘ridan-to‘g‘ri rahbarlik qilgan kompleksda edi.
Ukrainada Putinga yaqin deb hisoblangan oligarx Viktor Medvedchuk qo‘lga olindi
Ukraina xavfsizlik xizmati Putinga yaqin deb hisoblangan oligarx, Rossiyaparast “Muxolifat platformasi — Hayot uchun” partiyasi rahbari Viktor Medvechukni qo‘lga oldi. U mamlakatdan chiqib ketishga uringan vaqtda ushlangan. Vladimir Zelenskiy Rossiyaga uni ukrain asirlariga almashtirishni taklif qildi.
Old o‘rindiqdagi yo‘lovchilar xavfsizlik kamarini taqishlari shart bo‘ladi
1 maydan boshlab avtomobilning old o‘rindig‘ida o‘tirgan yo‘lovchilar xavfsizlik kamarini taqib olishlari shart bo‘ladi. Orqa o‘rindiqlarda xavfsizlik kamarini taqish va maxsus bolalar o‘rindig‘idan foydalanish tavsiya sifatida qolmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting