Arxiv
“Pandemiya davrida ko‘p davlatlar „egoist“ bo‘lib ketdi” — Shavkat Mirziyoyev
Shavkat Mirziyoyev Toshkent shahri saylovchilari bilan uchrashuvda pandemiya davrida eng kuchli davlatlar ham qiyin vaziyatga tushib qolganini aytdi. Uning aytishicha, “ko‘p davlatlar „egoist“ bo‘lib ketdi”. “Qo‘shnilarimiz bilan munosabatlarni kuzatib turibsiz. Afg‘on muammosi bizni jiddiy o‘ylantiradi”, — deydi prezident.
Andijonda mast holda «Tez yordam» shifokorini do‘pposlagan shaxs qamoqqa olindi
Andijon viloyatining Paxtaobod tumanida bemorning o‘g‘li mast holatda «tez yordam» shifokorini do‘pposlab, unga og‘ir tan jarohati yetkazdi. Unga nisbatan jinoyat ishi qo‘zg‘atildi. Zo‘ravon besh yilgacha muddatga qamalishi mumkin.
Ta’lim darajasi yuqori bo‘lmagan maktabga boshqa hududdan o‘qituvchi jalb qilish tartibi belgilandi
Hukumat qaroriga ko‘ra, ta’lim darajasi yuqori bo‘lmagan maktablarga boshqa hududlardan jalb qilingan o‘qituvchi-pedagoglarning bazaviy tarif stavkalariga maxsus ustamalar joriy qilinadi. Shuningdek, pedagogika yo‘nalishlarining 3-kursida tahsil olayotgan talabalarga maktablarda dars berish huquqi berildi.
Dollarning rasmiy kursi ko‘tarildi
Dollarning so‘mga nisbatan rasmiy kursi 1,67 so‘mga ko‘tarilib, 10 702,31 so‘m etib belgilandi. Shuningdek, yevro va rubl kurslari ham ko‘tarildi.
Toshkent havosida chang miqdori me’yoridan ikki baravar ko‘p — prezident
Shavkat Mirziyoyev poytaxt saylovchilari bilan uchrashuvda Toshkent havosidagi chang miqdori belgilangan me’yorlardan 2 barobar ko‘pligini ma’lum qildi. Prezident qurilish maydonlarida changni bostiruvchi zamonaviy usullar va texnologiyalarni joriy qilish zaruriyati haqida ham gapirdi. O‘zLiDeP nomzodi kelgusi yilda har bir tumanda sayilgoh hamda shahar bo‘yicha 25 ta «yashil hudud» va alleyalar tashkil etilishini ta’kidladi.
O‘zLiDeP nomzodi poytaxtdagi tirbandliklarni hal etish bo‘yicha o‘zining takliflarini bildirdi
Prezidentlikka O‘zLiDeP partiyasidan nomzod Shavkat Mirziyoyev Toshkent shahridagi tirbandliklarni bartaraf etish uchun ko‘chalarda 21 ta yo‘l o‘tkazgichlar, 6 ta metro bekati atrofida hamda markaziy ko‘chalarda 80 ta ko‘p qavatli avtoturargohlar qurishni taklif qildi. «Yo‘l harakatini „aqlli tartibga solish“ tizimi joriy etiladi», — dedi u. Ko‘chalarni ta’mirlashga esa 3,2 trln so‘m ajratilishi ta’kidlandi.
Toshkentdagi har bir mahallaga 10 mlrd so‘mdan ajratiladi — Shavkat Mirziyoyev
Prezidentlikka nomzod Shavkat Mirziyoyev Toshkent hokimligi qoshida 575 ta mahallani rivojlantirish jamg‘armasi tashkil etilib, har bir mahallaga 10 mlrd so‘mdan (jami qariyb 600 mln dollar) ajratilishini ta’kidladi. Uning so‘zlariga ko‘ra, mahallalarni obod qilish uchun 2 mlrd so‘m ajratish amaliyoti «o‘z samarasini bergan».
Dekabrda Farg‘onada test rejimida 12 ta elektromobil ishlab chiqariladi
Farg‘ona viloyatida dekabr oyida «Central Asia Motors» korxonasida 4 ta yengil va 8 ta yuk elektromobillari test rejimida ishlab chiqariladi. Korxona to‘la quvvati bilan ishga tushgach, yiliga 10 ming elektromobil ishlab chiqarishi kutilmoqda. Ishlab chiqarilgan mahsulotning 40 foizi eksport qilinadi.
31 dekabrgacha go‘sht va kartoshka importini QQSdan ozod qilish taklif etildi
Deputatlar 10 oktabrdan 31 dekabrgacha bo‘lgan davrda go‘sht, qoramol va parranda, kartoshka hamda muzlatilgan baliqni O‘zbekistonga olib kirish va realizatsiya qilish bo‘yicha aylanmalarni QQSdan ozod qilishga oid qonunni qabul qildi.
Sug‘urta polisini olmaganlik uchun jarima miqdori 2 baravarga kamaytirilmoqda
Deputatlar pasport tizimi qoidalarini buzish, noqonuniy valyuta ayirboshlash, yo‘lovchilarni litsenziyasiz tashish va sug‘urta polisini olmaganlik uchun jarimalarni bir necha baravarga kamaytirish to‘g‘risidagi qonun loyihasini ma’qulladi.
«O‘tkan kunlar» tarjimoni Mark Riz va’da qilingan gonorar 5 oydan beri to‘lanmayotganini ma’lum qildi
Abdulla Qodiriyning «O‘tkan kunlar» romanini ingliz tiliga tarjima qilgan Mark Riz O‘zbekiston tomoni besh oydan beri prezident nomidan va’da qilingan pul mukofotini to‘lamayotganini ma’lum qildi. U, shuningdek, O‘zbekistonning chet eldagi elchixonalari uchun roman tarjimasining 1000 nusxasini sotib olishga va’da berilganini, bu ham bajarilmayotganini ta’kidladi. Davlat tilini rivojlantirish boshqarmasi vakili «masala kun tartibida», deb izoh berdi.
Apple yangi turdagi protsessorlarga ega MacBook Pro kompyuterlarini taqdim etdi
Apple mahsulotlarining ikkinchi kuzgi taqdimotida MacBook Pro noutbuklari, AirPods Pro simsiz quloqchinlari va HomePod mini «aqlli» karnaylari namoyish etildi. Ushbu taqdimotning asosiy yangiligi MacBook Pro uchun ishlab chiqilgan yangi protsessorlar bo‘ldi.
Avtobloger Bobur G‘aniyev YouTube-kanalidagi faoliyatini to‘xtatishga qaror qildi
Avtobloger Bobur G‘aniyev huquq -tartibot idoralari xodimlarini haqorat qilgani va ularning talablarini bajarmagani uchun 15 kunga qamalganidan so‘ng YouTube-kanalidagi faoliyatini to‘xtatishga qaror qildi. U o‘z qarorini tadbirkorlik bilan shug‘ullanishi va kanalni saqlab turishga ulgurmasligi bilan izohladi. Videomurojaat paytida u qo‘lga olinayotganda va hibsdaligida egnida bo‘lgan ustki kiyimini yoqib yubordi.
Maktablarda inklyuziv ta’limni rivojlantirish to‘g‘risidagi nizom tasdiqlandi
Hukumat O‘zbekistonda alohida ta’limga muhtoj bo‘lgan bolalar uchun inklyuziv ta’limni rivojlantirishga qaratilgan hujjatlarni tasdiqladi. Jumladan, umumta’lim maktablarida alohida ta’limga muhtoj bo‘lgan bolalar uchun boshlang‘ich tayanch korreksion sinflarni ochish tartiblari belgilandi.
18 oktabr kuni O‘zbekistonda sodir bo‘lgan eng muhim xabarlar dayjesti
Prezidentning o‘z belgisi va shtandarti bo‘lishi, yangi imzolangan qaror va farmonlar, prezident saylovi tarixida bo‘lib o‘tishi rejalashtirilayotgan birinchi teledebat — “Gazeta.uz"ning 18 oktabrdagi eng muhim xabarlari dayjestida.
Jahon yangiliklari dayjesti
Kelgusi yil dunyo vaksina bozorida BioNTech/Pfizer va Moderna kompaniyalarining yetakchilik qilishi, Eron yadroviy bitimga qaytishi uchun AQShga hech qanday shart qo‘ymagani, NATO`ning Rossiyadagi axborot byurosi faoliyati to‘xtatilishi, Bayden va uning rafiqasining Vashingtonda niqob rejimi qoidalarini buzgani va boshqa yangiliklar — «Gazeta.uz»ning jahon yangiliklari dayjestida.
Ko‘p kvartirali uyning yerto‘lasidan foydalanish tartibi belgilandi
Ko‘p kvartirali uyning yerto‘lasidan foydalanish tartibi to‘g‘risidagi nizom tasdiqlandi. Yerto‘ladad do‘konlar, kioskalar, do‘konchalar va boshqa faoliyat turlarini amalga oshirish mumkin. Yerto‘lalar faqat kvartira egalarining roziligi bilan ajratiladi.
O‘zbekistonning tashqi savdo aylanmasi 28 mlrd dollardan oshdi
Yanvar-sentabr oylarida O‘zbekistonning tashqi savdo aylanmasi 28,2 mlrd dollarga teng bo‘ldi. Tashqi savdo saldosi 7,6 mlrd dollarni tashkil etdi. Uchinchi chorakda import hajmida eksport hajmiga qaraganda jadalroq o‘sish kuzatildi.
AQShning sobiq davlat kotibi Kolin Pauell vafot etdi
AQSh Davlat departamentining sobiq rahbari, prezident Jorj Bush boshqaruvi ostida ishlagan Kolin Pauell 84 yoshida koronavirus asoratlaridan vafot etdi.
Deputat yordamchisi instituti joriy etildi
Deputat yordamchisi institutini joriy etishga oid qonun qabul qilindi. Yordamchi deputatning vakili sifatida saylov okrugida doimiy faoliyat yuritadi va sudlanmagan bo‘lishi lozim. U deputat va saylovchi o‘rtasidagi muntazam aloqani yaxshilashga ko‘maklashadi.
Eng ko‘p o‘qilgan xabarlar | So‘nggi yangiliklar
- Yangi Chery avtomobillarining taqdimoti: narxlar e’lon qilindi
- Toshkentdagi Pushkin haykali atrofida zamonaviy suvtushar bog‘ barpo etiladi (foto)
- Futzal JCH: O‘zbekiston durang bilan boshladi va birinchi kunning boshqa natijalari
- Shaxmat bo‘yicha O‘zbekiston erkaklar jamoasi Olimpiadada ilk mag‘lubiyatga uchradi, qizlar esa g‘alabali yurishni davom ettirmoqda
Qo‘shimcha imkoniyatlarga ega bulish uchun saytda ro‘yxatdan o‘ting