Arxiv
Belarusda ijtimoiy tarmoqdagi kanal asoschilari terroristlar ro‘yxatiga kiritildi
Belarus xavfsizlik xizmati mamlakatning eng mashhur Telegram kanallari Nexta va Nexta Live asoschilarini «terroristik faoliyatga aloqador shaxslar» ro‘yxatiga kiritdi. Ro‘yxatga kiritish uchun asos sifatida Putilo va Protasevichning Belarus Jinoyat kodeksining ommaviy tartibsizliklarni tashkil etish moddasini buzish holatlari ko‘rsatilgan.
Senat nikohlanuvchi yoshlarni tibbiy ko‘rikdan o‘tkazish masalasi bo‘yicha hukumatga so‘rov yubormoqchi
Senat navbatdagi yalpi majlisda nikohlanuvchi yoshlarni tibbiy ko‘rikdan o‘tkazish masalasi bo‘yicha hukumatga so‘rov yubormoqchi. Vazirlar Mahkamasining bu boradagi qarori qabul qilinganiga 17 yil to‘ldi. Senat raisi dispanserlar haqida, — «Hisobda turmasa, kasalmas deb yozib beradi», — degan edi. Tizimni monitoring qiluvchi yagona tashkilotni belgilash taklif etilmoqda.
Klara Jalilova 82 yoshida olamdan o‘tdi
O‘zbekistonda xizmat ko‘rsatgan artist Klara Jalilova 82 yoshida vafot etdi.
O‘zbekiston ilk marotaba so‘mda suveren obligatsiyalar joylashtirdi
Moliya vaziri Timur Ishmetov London fond birjasida O‘zbekiston tomonidan milliy valyutada 2 trln so‘m hajmidagi suveren obligatsiyalar joylashtirilganligini e’lon qildi. Vazirlikning tushuntirishiga ko‘ra, xalqaro obligatsiyalarning milliy valyutada chiqarilishi valyuta xatarlarini kamaytirishi, hamda kelajakda ichki moliya bozoriga, jumladan davlat g‘aznachilik obligatsiyalari bozoriga xalqaro investorlarni jalb qilish uchun zamin yaratadi.
Prokuratura qishloq xo‘jaligidagi qonunbuzilishlarda moliya vaziri o‘rinbosari aloqadorligini tekshirmoqda
Nig‘matilla Yo‘ldoshev bosh vazir o‘rinbosari Jamshid Qo‘chqorovga don yetishtirish xarajatlarini moliyalashtirishda Qishloq xo‘jaligini davlat tomonidan qo‘llab-quvvatlash jamg‘armasidan mablag‘ ajratish va sarflashning qonuniyligini tekshirish to‘g‘risida so‘rov yubordi. Bundan tashqari, Moliya vazirligi mansabdor shaxslari, jumladan, vazir o‘rinbosari Abdimuxtor Ergashevning qonunbuzilish holatlarda aloqadorligini tekshirish kutilmoqda.
Jahon yangiliklari dayjesti
Arktika hududining yuqori tezlikdagi internet bilan ta’minlanishi, YeIning Tog‘li Qorabog‘ aholisiga 3 mln yevro gumanitar yordam ajratishi, Belarus fuqaroligini olish uchun yangi qoidalari va boshqa yangiliklar — «Gazeta.uz»ning jahon yangiliklari dayjestida.
Qozog‘istondan avtomobillarni import qilish 19 barobarga oshdi
2020 yil yanvardan beri O‘zbekiston Qozog‘istondan 67 mln dollarlik miqdorda 3,1 ming dona avtomobil sotib oldi va eng yirik importchiga aylandi. Bu ko‘rsatkich 2019 yilga nisbatan 1872%ga ko‘proq.
Maktabgacha ta’lim muassasalari noyabr oyining oxiriga qadar ochiladi
Maktabgacha ta’lim muassasalari noyabr oyining oxiriga qadar ochiladi. Ish faoliyatini boshlash va bolalarni qabul qilish huquqi faqat SESdan ruxsat olgan MTMlarga beriladi. Lekin, qurilish va rekonstruksiya ishlari olib borilayotgan, xodimlari orasida koronavirus aniqlangan MTMlar faoliyati tiklanmaydi.
«Bolalar har xil bo‘lgani bilan ularning huquqlari teng bo‘lishi lozim» — Ziroat Mirziyoyeva
19 noyabr kuni bo‘lib o‘tgan xalqaro veb-forumda Ziroat Mirziyoyeva nogiron bolalarning ta’limi, ularga inklyuziv muhitni yaratish va bunda paydo bo‘layotgan to‘sqinliklar haqida nutq so‘zladi. «Zamin» Xalqaro fondi Vasiylik kengashi raisi nogironligi bo‘lgan bolalar ta’limi masalasi hanuzgacha juda achinarli ahvolda ekanligini ta’kidlagan.
Qor yog‘gandan keyin qor qoplamining balandligi 6−14 sm ni tashkil qildi
Chorshanba kuni kechqurungacha O‘zbekistonning markaziy va sharqiy hududlaridagi qor qoplamining balandligi 6−14 sm ni tashkil etdi. Shuningdek, yo‘llarni ko‘ra olish imkoniyati kamaydi, yo‘llar muzladi. Kun davomida havo harorati 5−3 darajadan oshmadi. Noyabr oyida bunday sovuq kunlar kamdan-kam uchraydi, deya izoh berdi sinoptiklar.
«O‘zbekistonda xizmat ko‘rsatgan gidrometeorolog» unvoni ta’sis etiladi
«O‘zbekistonda xizmat ko‘rsatgan gidrometeorolog» unvonini ta’sis etish belgilanmoqda. Bundan tashqari, ikkita O‘zgidromet bosh direktori lavozimi joriy qilinadi.
Toshkentda elektrobus sinovdan o‘tkaziladi
SamAuto kompaniyasi 2021−2022 yillarda elektrobuslar ishlab chiqarishni o‘zlashtirishni rejalashtirmoqda. Xitoylik BYD kompaniyasining elektrobusi — pol qismi past bo‘lgan, zinapoyalar va podiumsiz — 51-yo‘nalish bo‘ylab sinovdan o‘tkazish uchun «Toshshaxartransxizmat»ga topshirildi. SamAuto o‘z modelini ishlab chiqish uchun yo‘lovchilar va haydovchilarning fikr-mulohazalarini o‘rganadi.
Temir mahsulotlarini arzon narxda olmoqchi bo‘lgan fuqaro $30 mingga aldandi
Rishton tumanida Qirg‘izistondan arzon temir mahsulotlarini olib kelishi uchun tanishiga $30 ming AQSH dollarini bergan fuqaro aldanib qoldi. Uning ishonchiga kirgan shaxs pullarni o‘z ehtiyojlari uchun sarflab yuborgan.
“Vaqf” xayriya jamoat fondiga yangi rahbar tayinlandi
Toshkent shahri Shayxontohur tumani “Shayx Zayniddin” jome masjidi imom-xatibi Abdurahmonov Yahyo Ubaydullo o‘g‘li “Vaqf” xayriya jamoat fondi boshqaruv kengashi raisi vazifasiga tayinlandi.
Savdo-sanoat palatasi tadbirkorlik sub’ektlari toifasini aniqlashning yangi tartibini taklif qildi
Savdo-sanoat palatasining tadbirkorlik sub’ektlari toifasini aniqlash borasida taklif qilayotgan yangi tartibiga ko‘ra, sub’ektlar kichik, o‘rta va yirik korxonalarga ajratilib, ularning o‘rtacha tushum miqdorlari belgilab qo‘yiladi.
Yevro xalqaro to‘lovlarda eng ko‘p qo‘llanadigan valyutaga aylandi
So‘ngi yetti yil ichida xalqaro to‘lovlarda yevro ulushi eng yuqori ko‘rsatkichni qayd etdi. Statistik ma’lumotlarga ko‘ra, joriy yilning oktyabr oyida transchegaraviy to‘lovlarning 37,8 foizi yevroda, 37,6 foizi dollarda amalga oshirildi.
Xitoy «O‘zbekiston havo yo‘llari»ning Sianga parvozlarini bekor qildi
23 noyabrdan boshlab Toshkentdan Sianga parvozlar to‘xtatilib, 4 hafta davomida reyslar bo‘lmaydi. Parvozlar bekor qilinishining sababi 5 noyabr kuni 11 ta yo‘lovchilarda koronavirus infeksiyasi aniqlanishi bo‘lgan.
O‘zMUda Gidrometeorologiya fakulteti tashkil etiladi
Prezident qarori bilan 2021−2022 o‘quv yilidan O‘zbekiston Milliy universitetida Gidrometeorologiya fakulteti tashkil etiladi. Rossiya va boshqa xorijiy ta’lim muassasalari bilan hamkorlikda qo‘shma ta’lim dasturlari yo‘lga qo‘yiladi.
Global ochlik indeksida O‘zbekiston 30 o‘rinni egalladi
2020 yilda Global ochlik indeksida eng yaxshi deb topilgan mamlakatlar orasida O‘zbekiston o‘tgan yilgi ko‘rsatkichlarini yaxshilab, 30 o‘rinni egalladi. Belarus, Bosniya va Gersegovina, Braziliya davlatlari reytingda eng yuqori pog‘onada bo‘lsa, eng kichik ko‘rsatkichlar Madagaskar, Timor Leste va Chad mamlakatlarida kuzatilmoqda.
Samarqandda 20 nafar yo‘lovchisi bor avtobus yo‘l sirpanchiqligi bois ag‘darilib ketdi
Samarqand viloyati Oqdaryo tumanida 20 nafar yo‘lovchisi bor avtobus yo‘l sirpanchiqligi oqibatida yo‘l-transport hodisasiga uchradi. Ikki nafar yo‘lovchi tan jarohati olib, tibbiyot birlashmasiga murojaat qilgan.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting