Arxiv
O‘zbekistonda nashriyot va matbaa korxonalari 5 yilga soliqlardan ozod qilinadi
Prezident nashriyot va matbaa korxonalari 5 yilga soliqlardan ozod qilinishi va imtiyozli kreditlar berilishini ma’lum qildi. 2024-yili O‘zbekistonda Xalqaro bolalar adabiyoti ko‘rgazmasi tashkil etiladi. Tarjimonlar uchun Ogahiy nomidagi xalqaro mukofotni ta’sis etish ham rejalashtirilmoqda.
Milliy sertifikat olgan o‘zbek tili va adabiyoti fani o‘qituvchilariga 50 foiz ustama to‘lanadi
2024/2025 o‘quv yilidan boshlab milliy sertifikatga ega bo‘lgan o‘zbek tili va adabiyoti fani o‘qituvchilariga 50 foiz ustama to‘lanadi. Shuningdek, o‘zbek tili bo‘yicha xalqaro fan olimpiadasi o‘tkaziladi. G‘oliblar o‘zbek tili filologiyasi yo‘nalishi bo‘yicha davlat granti asosida o‘qishga qabul qilinadi.
“Biz gaz “zapravka”larini yopmadik” — energetika vaziri
Energetika vaziri Jo‘rabek Mirzamahmudovning aytishicha, vazirlik O‘zbekistondagi gaz “zapravka”larini yopmagan, faqat ish vaqtini cheklagan. Avvalroq 630 dan ortiq gaz to‘ldirish shoxobchalari sovuq havo tufayli o‘z faoliyatini to‘xtatgani xabar qilingan edi.
Prezident — korrupsiya va boshqa jinoyatlar uchun hibsga olish holatlari haqida
Shavkat Mirziyoyev korrupsiya jinoyatlari uchun mansabdor shaxslarning hibsga olinishi va jinoiy guruhlar vakillariga qarshi o‘tkazilayotgan reydlar bo‘yicha izoh berdi. “Biz bunga hech qachon jim qarab turolmaymiz”, — dedi u.
O‘zbekiston fuqarolari AQShga kirishda “xavfsiz va qonuniy” yo‘ldan foydalanishga chaqirildi
AQSh elchixonasi O‘zbekiston fuqarolarini Qo‘shma Shtatlarga sayohat qilishda “xavfsiz va qonuniy” yo‘ldan foydalanishga chaqirdi, shuningdek, jinoiy kontrabandachilarning yolg‘onlari qurboni bo‘lib qolmaslikdan ogohlantirdi.
Markaziy bank regulyator nomidan foydalanib, firibgarlik qilish holatlari kuzatilayotganidan ogohlantirdi
Markaziy bank Telegram`da regulyator nomidan soxta kanal ochilib, fuqarolarga kredit taklif etilayotgani va bank kartalariga oid ma’lumotlarni olish orqali pullar o‘zlashtirilayotganidan ogohlantirdi. Shuningdek, o‘zini MB xodimi sifatida tanishtirish holatlari ham kuzatilgan.
Dunyodagi qudratli markazlar endi ochiqchasiga bosim o‘tkazish yo‘liga o‘tmoqda — Shavkat Mirziyoyev
“Ilgari manfaatlarini diplomatiya bilan himoya qilgan qudratli markazlar endi ochiqchasiga bosim o‘tkazish yo‘liga o‘tyapti. Bunday jarayon ta’siri mamlakatimizni ham chetlab o‘tmayapti”, — dedi Shavkat Mirziyoyev. Unga ko‘ra, bu vaziyatda “milliy manfaatlarga javob beradigan to‘g‘ri yo‘lni topish oson bo‘lmayapti”.
O‘zbekistonda dam olish kunlari havo isiydi
O‘zbekiston hududiga 23−24-dekabr kunlari iliq havo kirib kelishi davom etadi va harorat ko‘tariladi.
Raqobat qo‘mitasi chegirmalar haqidagi ishonchsiz reklamalar bo‘yicha shikoyat qilishga chaqirdi
Raqobat qo‘mitasi ba’zi yirik savdo tarmoqlari tovarlar narxini keskin ko‘tarib, so‘ngra biror bayram munosabati bilan ularni eski narxiga qaytargan holda chegirma e’lon qilishi, bu esa “xarid illyuziyasi”ni keltirib chiqarishidan ogohlantirdi. Qo‘mita ishonchsiz reklamalar bo‘yicha shikoyat qilishga chaqirdi.
Izboskan tumani sobiq hokimi Serobiddin Ismoilov qamoqqa olindi
2018-yildan 2023-yilning 10-dekabrigacha Andijon viloyati Izboskan tumaniga hokimlik qilgan Serobiddin Ismoilov qamoqqa olindi. U mansab vakolatini suiiste’mol qilish va yer berish tartibini buzishda ayblanmoqda.
“Toshkentda „otalar choyxonasi“ va gullar uchun pul bor, lekin hospis uchun yo‘q”. Shifokorlar — hospis qurilishini yakunlash kechiktirilgani haqida
Onkologlar Toshkent budjetida saratonga chalinganlar bilan ishlash tajribasidan butun mamlakat bo‘ylab foydalaniladigan hospis qurilishi uchun “pul yo‘qligi”dan norozi. Parlamentda hokimlik vakili pul yetishmasligini aytdi. Deputatlar chora ko‘rish va aprelga qadar qilingan ishlar yuzasidan hisobot berishni so‘radi.
Rossiyadan O‘zbekistonga pul o‘tkazmalari bosqichma-bosqich kamaymoqda — Jahon banki
Rossiyadan O‘zbekistonga pul o‘tkazmalari hajmi bosqichma-bosqich kamayishi kuzatilmoqda, deyiladi Jahon banki hisobotida. O‘tkazmalar miqdoridagi kamayish Rossiyadagi o‘zbekistonlik mehnat muhojirlari soni qisqargani, so‘m kursining rublga nisbatan mustahkamlangani va rubl inflyatsiyasi bilan izohlangan.
Gaz, neft va gaz kondensatini qazib olish pasayishda davom etmoqda
O‘zbekiston gaz, neft va gaz kondensatini qazib olishni qisqartirishda davom etmoqda. Noyabr oyida bu hajm 3,79 mlrd kub metrni tashkil etdi (2022-yil noyabriga nisbatan 10,2 foizga kam), yil boshidan buyon esa pasayish 4,5 mlrd kub metrdan oshdi. O‘tgan oyda benzin ishlab chiqarish ham kamaygan.
Toshkentda Tracker ikki bolani urib yubordi
Yunusobod tumanida Tracker haydovchisi 8 va 10 yoshli ikki bolani urib yubordi. YTH oqibatida bolalar jarohatlandi.
Elektr hisoblagich xarid qilish xarajatlarini aholi va tadbirkorlik subyektlariga o‘tkazish taklif qilinmoqda
Elektr hisoblagichlar xarid qilishni tadbirkorlik subyektlari va aholi mablag‘lari hisobidan moliyalashtirish taklif qilinmoqda. Bunga moliyaviy imkoniyatlar yetishmayotgani sabab qilib ko‘rsatildi. 2024-yildan biznes uchun gaz va elektrga 100 foiz oldindan to‘lov tizimini qaytarish ham reja qilinmoqda.
UzAuto Motors Cobalt, Damas va Labo uchun kontraktatsiyani ochadi
UzAuto Motors Chevrolet Cobalt, Damas va Labo avtomobillari uchun kontraktatsiyani 22-dekabr kuni soat 12:00 da ochadi. Shartnoma faqat onlayn tarzda rasmiylashtiriladi va shu kunlarda barcha dilerlik markazlari savdo tizimidan o‘chirilib, avtosalonlarning barchasi yopiq bo‘ladi.
Moldova 2024-yil oxirigacha MDHdan chiqmoqchi
Kelasi yil oxirigacha Moldova MDHdan chiqish jarayonini yakunlashni rejalashtirmoqda. Mamlakat allaqachon tashkilot doirasidagi o‘nlab kelishuvlarni denonsatsiya qilgan. Kishinyov Yevropa Ittifoqiga kirishga hozirlik ko‘rmoqda.
O‘zbekistonning sakkizta viloyatida benzin sotishdagi qonunbuzarliklar aniqlandi
Raqobat qo‘mitasi tomonidan viloyatlardagi yonilg‘i quyish shoxobchalarida benzin mahsulotlarining nazorat xaridlari o‘tkazildi. Natijada benzin sifati talabga javob bermagan 20 dan ortiq holat aniqlandi. Ma’lumotlarga ko‘ra, iste’molchilarga 300 mln so‘mga yaqin zarar yetkazilgan.
Mariya Zaxarova — rossiyalik siyosatchining O‘zbekistonni Rossiyaga qo‘shib olish bo‘yicha bergan taklifi haqida
Rossiya TIV rasmiysi Mariya Zaxarova rossiyalik siyosatchi Zaxar Prilepinning O‘zbekistonni Rossiyaga qo‘shib olish bo‘yicha taklifiga munosabat bildirib, suverenitetni hurmat qilish o‘zaro majburiyat ekanini ta’kidladi. Uning taklifi Rossiyaning rasmiy pozitsiyasidan ancha uzoqda, dedi Zaxarova.
Mudofaa vazirligi: O‘zbekiston o‘z xavfsizligini ta’minlashda yetarli Qurolli Kuchlarga ega
Mudofaa vazirligi Konstitutsiyaning 153-moddasidan iqtibos keltirib, O‘zbekiston o‘z xavfsizligini ta’minlash uchun yetarli Qurolli Kuchlarga ega ekanini eslatdi. Bu rossiyalik siyosatchi O‘zbekistonni Rossiyaga qo‘shib olish haqidagi bayonotidan so‘ng TIV Rossiya elchisini vazirlikka taklif etgani fonida yuz berdi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting