Arxiv
Iyun oyida ob-havo qanday bo‘ladi?
O‘zbekistonda iyun oyining birinchi besh kunligi yog‘ingarchiliksiz o‘tishi kutilmoqda. Oy davomida harorat kunduzi +28…+40, kechalari +14…+20 daraja atrofida bo‘ladi. Sinoptiklarga ko‘ra, oyning ikkinchi o‘n kunligida qisqa muddatli yomg‘irlar yog‘ishi ehtimoli katta.
Yaponiyada o‘tgan para yengil atletika bo‘yicha jahon chempionatida O‘zbekiston 3-o‘rinni oldi
Yaponiyaning Kobe shahrida o‘tgan para yengil atletika bo‘yicha jahon chempionatida o‘zbekistonlik sportchilar tarixiy natija qayd etdi. 7 ta oltin, 4 ta kumush va 2 ta bronza, jami 13 ta medal olgan jamoa Xitoy va Braziliyadan so‘ng 3-o‘rinni egalladi.
Surxondaryoda ikki ming yillik tarixga ega shahar qoldiqlari topildi
O‘zbekiston-Xitoy qo‘shma arxeologik ekspeditsiya a’zolari Uzun tumanida 4 ming yillik tarixga ega qabrlar va 2 ming yillik shahar qoldiqlarini topdi. Dastlabki xulosalarga ko‘ra, topilmalar miloddan avvalgi II — milodiy III asrlarga tegishli ekani aytilmoqda.
Rossiya O‘zbekiston ko‘llarida ikkita gidro to‘plash elektr stansiyasi qurmoqchi
Rossiya prezidenti Vladimir Putin kun tartibida O‘zbekiston ko‘llarida quvvati 1 GVt bo‘lgan gidro to‘plash elektr stansiyalarini (GTES) qurish bo‘yicha ikkita yirik loyiha turganini ma’lum qildi.
Rossiya O‘zbekistonga gaz yetkazib berishni sezilarli darajada oshirmoqchi
2025-yilda Qozog‘iston orqali O‘zbekistonga Rossiya gazi yetkazib berish hajmini 11 mlrd kub metrgacha oshirish rejalashtirilmoqda, dedi Rossiya prezidenti Vladimir Putin Toshkentda. Rossiya energetika vazirining so‘zlariga ko‘ra, nafaqat gaz, balki elektr yetkazib berish masalasi ham muhokama qilinmoqda.
Yevropa Ittifoqi birinchi marta Isroilga qarshi sanksiyalarni “jiddiy muhokama qildi”
Yevropa Ittifoqi tashqi ishlar vazirlarining yig‘ilishida Isroilga qarshi sanksiyalar va ularning oqibatlari birinchi marta “jiddiy muhokama qilindi”, dedi Irlandiya tashqi ishlar vaziri. Avvalroq Isroilning Rafahga hujumi oqibatida 45 kishi halok bo‘lgani xabar qilingandi.
Aprelda “O‘ztransgaz”ning soliq tushumlari 6,6 baravarga kamaydi
O‘zbekistonning eng yirik soliq to‘lovchilaridan bo‘lgan “O‘ztransgaz” kompaniyasining soliq tushumlari aprelda 6,6 baravarga kamaydi. Kompaniya martda 127 mlrd so‘m soliq to‘lagan bo‘lsa, aprelda tushumlar 19 mlrd so‘mgacha pasaydi. Shuningdek, 2024-yil 1-choragidagi tushum kutilganidan 87 mlrd so‘m kam bo‘ldi.
Toshkentdagi International mehmonxonasini xususiylashtirish boshlandi
Davaktiv Toshkentdagi International mehmonxonasini xususiylashtirish boshlanganini e’lon qildi. Mehmonxona “ochiq muzokaralarga ommaviy ravishda taklif qilish” usulida sotilishi rejalashtirilmoqda. Prezident qarorida esa davlat ulushi xalqaro bozorda ommaviy savdolarga chiqarilishi belgilangandi.
Faollarda O‘zbekistonda Rossiya ishtirokida qurilajak AES bo‘yicha savollar bor
2024-yil yozida Jizzax viloyatida Rossiya texnologiyasi asosida kam quvvatli atom elektr stansiyasi (AES) qurilishi boshlanishi kutilmoqda. O‘zbekistonlik faollar loyiha jamoatchilikka taqdim etilishi kerakligini ta’kidlab, hukumatdan barcha ma’lumotlarni ochiqlashini so‘ramoqda.
Isroilning Rafahga hujumi oqibatida 45 kishi halok bo‘ldi
Isroilning Rafahdagi chodirlar lageriga havo hujumi oqibatda kamida 45 kishi halok bo‘ldi, yuzlab odamlar jarohat oldi. Hujum BMT va Yevropa Ittifoqi tomonidan qoralandi. Netanyaxu zarbani “fojiali baxtsiz hodisa” deb atadi, lekin maqsadlarga erishilmaguncha urushni tugatish niyatida emasligini ma’lum qildi.
2023-yilda davlat tashkilotlari jami 6,6 mlrd so‘mlik 3400 dan ortiq smartfon sotib oldi
O‘zbekistonda 2023-yilda davlat tashkilotlari jami 6,6 mlrd so‘mlik 3400 dan ortiq smartfon sotib oldi. Ular orasida eng so‘nggi rusumdagi iPhone 15 Pro Max smartfonlari ham bor. budjet tashkilotlarining bu xaridlari bosh vazirning 2023-yil 5-yanvardagi topshirig‘iga zid ravishda ro‘y bergan.
Prezident Rossiya bilan hududlararo hamkorlikning ustuvor yo‘nalishlarini belgilab berdi
Toshkentda prezidentlar raisligida O‘zbekiston va RF hududlari kengashining birinchi majlisi bo‘lib o‘tdi. Shavkat Mirziyoyev “hududlar o‘rtasidagi hamkorlik salohiyati va imkoniyatlarining yarmidan ham foydalanilmayotganini” qayd etib, hududlararo hamkorlikning oltita ustuvor yo‘nalishini belgilab berdi.
27-may kuni e’lon qilingan eng muhim yangiliklar dayjesti
Jizzaxda quriladigan “hayotiy ahamiyatga ega” kichik AES, O‘zbekistonda ochiladigan ikkita Rossiya oliygohi filiali, mehnat migratsiyasini tartibga keltirish kerakligini aytgan prezident, ta’lim krediti ajratishning yangicha tizimi va boshqalar — “Gazeta.uz"ning kunlik dayjestida.
Samarqandda magistral quvurdagi nosozlik tufayli ko‘chalarni suv bosdi (+video)
Samarqandda o‘tgan asr 80 yillarida qurilgan markaziy suv quvuri teshilishi oqibatida ko‘chalarni suv bosdi. Nosozlik tufayli 20 ta ko‘cha va ularga tutash mahallalar ichimlik suvisiz qoldi. Video.
Yozda Jizzaxda kichik AES qurilishi boshlanadi
Yozda Jizzax viloyatida Rossiya loyihasi bo‘yicha kam quvvatli (330 MVt) AES qurilishi boshlanadi. “Rosatom” uchun bu shu turdagi stansiya qurish bo‘yicha birinchi eksport shartnomasi hisoblanadi. “Tanlangan maydon allaqachon tekshirilgan, yaroqliligi va xavfsizligi tasdiqlangan”, — deyiladi rasmiy xabarda.
Endi ta’lim krediti faqat kunduzgi ta’limdagi talabalarga ajratiladi
Prezident budjet mablag‘lari hisobidan ta’lim krediti ajratish tartibini takomillashtirishga doir farmonni imzoladi. Hujjatga ko‘ra, 2024/2025 o‘quv yilidan kredit faqat kunduzgi ta’lim shaklida o‘qiyotganlarga beriladi. Baholari “3” dan past bo‘lgan yuqori kurs talabalariga kredit miqdori kamaytiriladi.
“Biz hali bu masalada zaruriy tartibni yo‘lga qo‘yamiz”. Shavkat Mirziyoyev — mehnat migratsiyasi haqida
O‘zbekiston va Rossiya prezidentlari mehnat migratsiyasi masalasini muhokama qildi. “Vladimir Vladimirovich ushbu nozik masala bo‘yicha takliflarimni qo‘llab-quvvatlaganidan juda mamnunman. O‘ylaymanki, biz hali bu masalada har ikki tomondan zaruriy tartibni yo‘lga qo‘yamiz”, — dedi Shavkat Mirziyoyev.
“Biz uchun bu loyiha hayotiy ahamiyatga ega”. Shavkat Mirziyoyev — O‘zbekistonda kichik AES qurish haqida
Prezident kichik AES qurish loyihasini “hayotiy ahamiyatga ega” deb atadi. “Agar biz O‘zbekistonning yangi taraqqiyot bosqichiga chiqish istiqbollari haqida o‘ylasak, katta miqdordagi uran zaxiralariga ega va uni uchinchi davlatlarga eksport qilayotgan mamlakatimiz uchun bu loyiha hayotiy ahamiyatga ega”, — dedi u.
O‘zbekiston va Rossiya o‘rtasida 27 ta hujjat imzolandi
O‘zbekiston va Rossiya delegatsiyalari o‘rtasida 27 ta hujjat, jumladan, kichik atom stansiyalari qurish, Moskva texnika universiteti va Butunrossiya tashqi savdo akademiyasi filiallarini ochish bo‘yicha shartnomalar imzolandi.
Bo‘stonliqda Gentra qisqa tutashuv sabab yonib ketdi. Jabrlanganlar yo‘q
Toshkent viloyatida ichida 22 yoshli haydovchi va ikki yo‘lovchi bo‘lgan Gentra qisqa tutashuv sabab to‘liq yonib ketdi. Voqea joyida bo‘lganlar avtomobildan tushib qolgan, ularning sog‘lig‘iga zarar yetmagan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting