Arxiv
Andijonda tez yordam inspektori pora olishi ortidan filial direktori ishdan bo‘shatildi
Respublika tez tibbiy yordam markazi Andijon filiali kadrlar bo‘limi inspektori fuqarodan 400 dollar pora olganda ushlandi. Muassasa xodimlari orasida yetarlicha tushuntirish ishlarini olib bormagani uchun filial direktori va kadrlar bo‘limi boshlig‘i lavozimidan ozod etildi. Tergov harakatlari olib borilmoqda.
Prezident hokimliklarga yo‘llarni tozalash ishlarini topshirdi
Shavkat Mirziyoyev barcha darajadagi hokimlarga noqulay ob-havo davomida yo‘llarni tozalash ishlari va transport vositalarining xavfsiz harakatini tashkil etishni topshirdi. Hukumatga har bir viloyat, tuman va shahardagi ahvol bo‘yicha kunlik nazorat o‘rnatish va muammolarni tezkor bartaraf etish vazifasi qo‘yildi.
«Aytish va qaytish». Ijtimoiy tarmoqlarda kutilmagan vaqtda o‘qish boshlanishi muhokamalarga sabab bo‘ldi
Anomal sovuq sabab ta’tili cho‘zilgan o‘quvchi-talabalar aynan sovuq kunlarda yana qayta o‘qishga chaqirib olindi. Ijtimoiy tarmoq faollari orasida bu qaror keng muhokamalarga, xususan, tushunmovchiliklarga sabab bo‘ldi. «Gazeta.uz» holatga bildirilgan munosabatlarni bir yerga jamladi.
Toshkentda «Ippodrom» bozori hududidagi soyabonlar qulab tushdi
«Chilonzor buyum savdo kompleksi»dagi soyabonlar qalin qorni ko‘tara olmay qulab tushdi. Hududdagi fuqarolar va tadbirkorlar evakuatsiya qilindi. Savdo do‘konlari vaqtinchalik yopildi. Qolaversa, «Bek baraka» savdo kompleksi ham noqulay ob-havo tufayli 3 kunga o‘z faoliyatini to‘xtatdi.
Marion Biotech kompaniyasi litsenziyasi to‘xtatildi. Uning dorisi O‘zbekistonda bolalar o‘limiga sabab bo‘lgan
Hindistonda O‘zbekistonda bolalarning ommaviy o‘limiga aloqador yo‘tal siropini ishlab chiqargan kompaniya — Marion Biotech litsenziyasi to‘xtatildi. Hozirgacha «Dok-1 Maks» siropidan O‘zbekistonda 20 dan ortiq bola vafot etgan.
Toshkent viloyatida bolasiga ilon tutqazgan ota tushuntirish xati yozdi
Tarmoqlarda yosh bolaning hovlida ilon ushlab, uni o‘ynab yurgani va bu harakatni amalga oshirishga uning otasi undayotgani aks etgan video tarqaldi. Toshkent viloyati hokimligi holat Ohangaronda sodir bo‘lganini va bolaning otasiga tushuntirish xati yozdirilganini ma’lum qildi.
O‘qish jarayonlarini keyingi haftadan boshlash masalasini ko‘rib chiqishga chaqiramiz — «Yuksalish» harakati raisi
«Yuksalish» umummilliy harakati raisi Bobur Bekmurodov mas’ullarni o‘qish jarayonlarini keyingi haftadan boshlash masalasini ko‘rib chiqishga chaqirdi. «Qarorni nafaqat ta’lim muassasalari ma’muriyati, balki ota-onalar va pedagogik tarkib bilan maslahatlashgan holda qabul qilinishi lozim», — dedi u.
O‘zbekiston oliy o‘quv yurtlari, kollej va litseylarida o‘qish bosqichma-bosqich boshlanadi
Oliy ta’lim vazirligining ma’lum qilishicha, oliy o‘quv yurtlari, texnikum, kollej, kasb-hunar maktablari va akademik litseylarda o‘qish mahalliy hokimiyat organlari bilan kelishilgan holda 11 yanvardan bosqichma-bosqich boshlanadi. 20 yanvarga qadar yakuniy nazorat ishlari tashkil etilmaydi.
Foto: Qorga burkangan Toshkent
O‘zbekiston poytaxti yana oppoq bo‘ldi — 9 yanvar oqshomida boshlangan qor salkam 15 soatdan beri to‘xtagani yo‘q. Bu safar rasmiylar ham, aholi ham qor bo‘roniga oldindan nisbatan yaxshiroq tayyorgarlik ko‘rishga ulgurdi. «Gazeta.uz» muxbirlari Toshkentning qor bo‘ronidagi manzaralarini fotosuratlarga muhrladi
Andijon va Xorazmda 11 yanvardan o‘quv jarayonlari boshlanadi
Andijon va Xorazm viloyatlaridagi ta’lim muassasalarida 11 yanvardan o‘quv jarayonlari boshlanishi ma’lum qilindi. Samarqanddagi muassasalarning esa sharoiti o‘rganilmoqda. Avvalroq O‘zbekistondagi ta’lim tashkilotlarida anomal sovuq sabab qishki ta’til 18 yanvargacha uzaytirilgandi.
11 yanvardan hafta oxirigacha yog‘ingarchiliksiz ob-havo kuzatiladi
11 yanvardan hafta oxirigacha O‘zbekistonning barcha hududlarida, asosan, yog‘ingarchiliksiz ob-havo bo‘lishi kutilmoqda. Harorat kechalari −12…−20 darajacha, kunduzi −5…−12 darajagacha pasayadi. Eng kuchli sovuq — Ustyurtda va Navoiy viloyatining cho‘l hududlarida −30 darajagacha bo‘lishi kutilmoqda.
Saudiya Arabistoni Haj ziyoratiga qo‘yilgan koronavirus cheklovlarini bekor qildi
Saudiya Arabistoni Haj va umra ishlari vazirining ma’lum qilishicha, koronavirus sabab qo‘yilgan cheklovlar bekor qilindi. «Haj ziyoratiga keluvchilar soni pandemiyagacha bo‘lgan darajaga qaytadi, yosh cheklovlari bo‘lmaydi», — dedi vazir.
Toshkentda mast erkak tanishini shisha idish bilan urib o‘ldirdi
Shayxontohur tumanida mast erkak uyiga kelgan tanishini shisha idish bilan urib jarohatladi. Oqibatda u voqea joyida vafot etdi. Aniqlanishicha, mezbon tanishining turmush o‘rtog‘i to‘g‘risida aytgan gaplaridan jahli chiqqan.
Surxondaryoda shifokor kaltaklandi
Boysun tumanida tibbiyot birlashmasi shifokori 2 kishi tomonidan kaltaklandi. Shifokor yengil jarohat olgan. Kaltaklaganlarga nisbatan jinoyat ishi qo‘zg‘atilib, tergov harakatlari o‘tkazilmoqda.
Samarqand aeroportidagi «yashil» yo‘lakdan pnevmatik to‘pponcha olib o‘tmoqchi bo‘lgan shaxs ushlandi
«Samarqand aeroporti» chegara bojxona posti xodimlari tomonidan pnevmatik to‘pponcha olib o‘tmoqchi bo‘lgan fuqaro qo‘lga olindi. Undan olingan 1 dona kalibri 4,5 mm bo‘lgan pnevmatik to‘poncha hamda ushbu to‘pponchaga tegishli 4 dona siqilgan havo balonchalari va 89 dona o‘qlari tegishli tartibda yo‘q qilindi.
Asialuxe Travel Shri-Lanka orolida dam olishni taklif qiladi
Milliy turoperator plyajlar, zamonaviy mehmonxonalar va ko‘plab diqqatga sazovor joylarga ega issiq Shri-Lankada ta’til o‘tkazish uchun 10 ta sababi haqida so‘zlab berdi.
O‘zbekiston aeroportlarida bir qator reyslar bekor qilindi
Noqulay ob-havo sharoiti tufayli O‘zbekistonning ayrim aeroportlarida parvozlar bekor qilindi, ba’zi reyslar kechiktirildi yoki boshqa aeroportlarga yo‘naltirildi.
Qozog‘iston va Rossiyada bo‘lib turgan o‘zbekistonliklar noqulay ob-havo tufayli ogohlantirildi
Tashqi mehnat migratsiyasi agentligi Rossiya va Qozog‘istonda bo‘lib turgan o‘zbekistonliklarni noqulay ob-havo tufayli yo‘llarda kuzatilayotgan noqulayliklardan ogohlantirdi. Ushbu davlatlarda bo‘lib turgan fuqarolardan barcha xavfsizlik qoidalariga qat’iy rioya qilish so‘raldi.
Anomal sovuq kunlarda uylardagi issiq haroratni qanday saqlash mumkin?
Iste’molchilar huquqlarini himoya qilish agentligi anomal sovuq kunlarda uylarda qulay haroratni saqlagan holda isitish xarajatlarini qanday tejash mumkinligi bo‘yicha tavsiya berdi. Jumladan, isitish radiatorlarida kiyimlarni quritmaslik, mebelni radiatorlardan uzoqroq joylash kerakligi aytilgan.
Banklarda dollar kursi tushdi
Tijorat banklari 10 yanvar kuni aholidan 1 AQSh dollarini 11 250 — 11 310 so‘mdan sotib olmoqda, sotish kursi esa 11 340 so‘m.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting