Toshkent viloyatida Ekologiya boshqarmasi va IIB xodimlari reyd tadbiri o‘tkazib, 8 nafar fuqaro 60 dona sa’vani to‘r yordamida noqonuniy ovlayotganini aniqladi. Ularning har biriga 3 mln so‘m jarima qo‘llandi. Qushlar tabiatga uchirib yuborildi.
Prezident Administratsiyasi rahbari Sardor Umurzakov ham tadbirkorlar bilan uchrashdi. Yakunda 2022−2023 yillarda hech bir issiqxonachi gazdan uzilmasligi, 28 oktabr kuni hamma issiqxonalar gazga ulanishi aytildi. Qaysi viloyatda issiqxonachilarga gaz berilmasa, tegishli Hududgaz rahbari ishdan bo‘shatiladi.
Markaziy bank 28-oktabr uchun dollar kursini 11 171,33 so‘m etib belgilagandan so‘ng, tijorat banklari ham o‘z takliflarini o‘zgartirdi.
Shavkat Mirziyoyev Sardor Umurzakovga issiqxonalar gazdan uzilgan holatni zudlik bilan ko‘rib chiqishni buyurdi. Payshanba kuni Energetika vazirligi shu kunning o‘zidayoq gaz ta’minoti tiklanganini ma’lum qilgandi, keyinchalik bu xabar o‘chirildi. Endi esa issiqxonalarda 1 kun ichida gaz tiklanishi aytilmoqda.
Samarqandda MDH Parlamentlararo assambleyasi Kengashining yalpi majlisi bo‘lib o‘tdi. U birinchi marta Rossiyadan tashqarida o‘tkazilmoqda. Majlisda parlament a’zolari saylov, referendum va ularni kuzatish to‘g‘risidagi namunaviy qonunlarni ko‘rib chiqdi.
Prezident kelgusi o‘quv yilidan Qashqadaryodagi 48 ta maktabda Finlyandiya ta’lim tizimini joriy etish bo‘yicha topshiriq berdi. «Gazeta.uz» Finlyandiya ta’lim tizimining muvaffaqiyat sirlari, fin va o‘zbek maktablarida o‘quv jarayonining o‘xshash va farqli jihatlari haqida tahliliy material tayyorladi.
Ayrim banklar $1000 dan ortiq valyutani yechib olishda ularning kelib chiqish manbalarini so‘ray boshladi. MB raisi buni naqd valyuta yetkazib beruvchi Nyu-York bankining talabi bilan izohladi. Shuningdek u, o‘tkazmalarning 60 foizi nega $10 ming yoki undan ko‘proq qiymatdagi tranzaksiyalar ekanini tushuntirdi.
O‘zbekistonda Eron dronlari ishlab chiqarilishi haqidagi bayonotlar rad etilgani, «xatolar» uchun ogohlantirilgan Ikkichi, Moskvada texnik xatolar tufayli o‘zbekistonliklarga chaqiruv qog‘ozlari kelgani, yosh bolani urib ketgani aytilgan Namangan hokimligi mashinasi va boshqalar — «Gazeta.uz»ning kun dayjestida.
Payshanba kuni uch nafar vazir gazdan uzilgan issiqxona egalari bilan salkam 3 soatlik uchrashuv o‘tkazdi. Tadbirkorlar muammosiga «Gazeta.uz» e’tibor qaratgach, issiqxonalar gazdan uzilmaydigan bo‘ldi. Tez kunlarda sohaga qator imtiyozlar berishni nazarda tutuvchi prezident qarori ham qabul qilinadi.
Shavkat Mirziyoyev «Markaziy Osiyo — Yevropa Ittifoqi» sammitida davlatlarni «yashil» taraqqiyot sohasidagi hamkorlikni faollashtirishga, «aqlli» qishloq xo‘jaligini rivojlantirishga chaqirdi. Prezident mamlakatlarning barqaror taraqqiyoti yo‘lida sammit formatidagi ochiq muloqot tarafdori ekanini ta’kidladi.
O‘zbekiston TIV mamlakat Eron bilan harbiy-texnik sohada hamkorlik qilmasligi va harbiy dronlar ishlab chiqarmayotganini qayd etdi. Vazirlik Ukraina rasmiylariga murojaat qilib, O‘zbekiston to‘g‘risida OAVlarda asossiz ayblovlar tarqatilishiga yo‘l qo‘ymaslikni so‘radi.
Ostonada o‘tkazilayotgan «Markaziy Osiyo — Yevropa Ittifoqi» sammitida O‘zbekiston prezidenti YeI bozorlariga chiqish uchun samarali transport-logistika koridorlarini yaratish zarurligini ta’kidladi. Mamlakat Yevropa investitsiya bankining mintaqaviy ofisini ochish uchun tayyorligini bildirdi.
Mudofaa sanoati davlat qo‘mitasi ukrainalik jurnalist Dmitriy Gordon va uning mehmoni Leonid Nevzlin O‘zbekistonda Eron dronlari yig‘ilishi haqida aytgan fikrlarini rad etdi. Bu kabi xabarlar O‘zbekistonning boshqa davlatlar bilan munosabatlariga salbiy ta’sir qilishi mumkin, dedi qo‘mita.
Yakkasaroy hokimligi peshlavhasidagi matn ataylab xatolar bilan yozilgan Ikkichi do‘konini «Davlat tili to‘g‘risida»gi qonunni buzgani uchun ogohlantirdi. Brend asoschisi Pahlavon Turdiyev «Gazeta.uz»ga bergan intervyusida Ikkichi nomidan: «Bugn oqutuv4m kankretniy ikki q6ydi dnevnigimga», deya izoh berdi.
Toshkentdan Dubayga uchayotgan Fly Dubai aviakompaniyasining samolyoti favqulodda Eronning Sheroz shahriga qo‘ndi. Bunga ekipaj a’zolaridan birining ahvoli yomonlashgani sabab bo‘lgan. Hozirda samolyot parvozga hozirlik ko‘rmoqda.
O‘zbekistonning Moskvadagi elchixonasi 26 nafar o‘zbekistonlik chaqiruv qog‘ozini olganini tasdiqladi. Dipmissiya o‘zbekistonliklar chaqiruv qog‘ozi olayotgan shu va boshqa holatlarni «texnik xatolik» deb atadi va hujjatlar tekshiruvidan so‘ng safarbarlik uchun chaqiruv bekor qilinayotganini qayd etdi.
Samarqandda IIO xodimlari mahbusni kaltaklagani aytilgan xabarlar rad etildi. Viloyat boshqarmasi mahbus qo‘lga olingan vaqtda jarohati bo‘lganini ma’lum qildi. IIV matbuot kotibi Shohruh G‘iyosov Ombudsman axborot xizmatini huquqiy baho berilmagan murojaatni bir tomonlama yoritganini ta’kidladi.
Prezident imzolagan yangi qonun bilan endi I va II guruh nogironlik pensiyasi tayinlanganidan keyingi ishlangan vaqt ish stajiga qo‘shib hisoblanadi. Maxsus ish staji kamida 25 yil bo‘lgan tibbiy xodimlari belgilangan yoshni 5 yilga qisqartirilgan holda pensiya olish huquqiga ega bo‘ladi.
Markaziy bank tomonidan o‘tkazilgan matbuot anjumanida 2022 yil yakuniga ko‘ra inflyatsiya darajasi 12−12,5% atrofida bo‘lishi, 2023 yilda esa 8,5−9,5% gacha pasayishi prognoz qilindi. Mos ravishda YAIM 5,2−5,8%, 2023 yilda 4,5−5% bo‘lishi kutilmoqda.
Elektromobil haydovchilari uchun Qamchiq dovonida qulay va xavfsiz quvvatlantirish imkoniyati paydo bo‘ldi. TOK BOR kompaniyasi Xitoy va Yevropa modellari uchun mo‘ljallangan quvvati 80 kVt bo‘lgan tezkor stansiyani o‘rnatdi.
Qo‘shimcha imkoniyatlarga ega bulish uchun saytda ro‘yxatdan o‘ting