Arxiv
24 mart kuni O‘zbekistonda sodir bo‘lgan eng muhim xabarlar dayjesti
Ro‘zaga oid savol-javoblar, 3 kunlik magnit bo‘roni, «O‘zavtosanoat»ga rahbarlikka qaytgan Ulug‘bek Rozuqulov, O‘zbekistonda gaz qazib olish ikkinchi oy ketma-ket pasaygani, Qoraqalpog‘istonda qulab tushgan yangi qurilayotgan ko‘prik, 2023 yil uchun fidya miqdori va boshqalar — «Gazeta.uz»ning kun dayjestida.
Saida Mirziyoyeva BMTda «Orol madaniyati sammiti» loyihasini taqdim etdi
Prezident Administratsiyasi sho‘’ba mudiri Saida Mirziyoyeva BMTning suv resurslari bo‘yicha konferensiyasida so‘zga chiqib, «Orol madaniyati sammiti» loyihasini taqdim etdi. «San’at, dizayn va madaniyat Orolbo‘yidagi muammolardan xabardorlikni oshirishda hal qiluvchi rol o‘ynashi mumkin», — dedi u.
Toshkent aholisi — zilzilalar haqida
O‘zbekistonda 21 mart kuni 5−6 balli va 23 martga o‘tar kechasi 4−5 balli yer silkinishlari sezildi. Hattoki ko‘p qavatli uylar aholisi aftershokdan havotirlanib, bir necha soat ko‘chada qolishdi. «Gazeta.uz» zilzila vaqtida poytaxt aholisi nimalarni his qilgani va qanday yo‘l tutgani bilan qiziqdi (video).
Asosiy stavkaning tushirilishi O‘zbekiston iqtisodiyotiga qanday ta’sir qiladi?
Iqtisodiy tadqiqotlar va islohotlar markazi hisob-kitoblariga ko‘ra, O‘zbekiston Markaziy bankining asosiy stavkani 1 foiz bandga tushirishi ortidan aholi iste’moli oshishi, kredit hajmi o‘sishi kutilmoqda. Buning natijasida bazaviy ssenariyga nisbatan mamlakat YAIM 0,55 foizga ko‘payadi.
O‘zbekistonda gaz qazib olish ikkinchi oy ketma-ket pasaymoqda
O‘zbekistonda gaz qazib olish ikkinchi oy ketma-ket pasaymoqda. Yanvar-fevral oylarida ishlab chiqarish hajmi o‘tgan yil boshiga nisbatan 8,2 foizga ozaygan. Elektr va issiqlik ishlab chiqarish ham kamaydi.
Ulug‘bek Rozuqulov yana «O‘zavtosanoat» rahbari bo‘ldi
Ulug‘bek Rozuqulov yana «O‘zavtosanoat» kompaniyasi boshqaruvi raisi bo‘ldi. U avval bosh vazir o‘rinbosari va milliy aviakompaniya rahbari lavozimlarida ham faoliyat yuritgan.
2023 yil uchun zakot nisobi, fitr sadaqa va fidya miqdori e’lon qilindi
O‘zbekiston musulmonlari idorasi 2023 yil uchun zakot nisobi, fitr sadaqa va fidya miqdorini e’lon qildi.
IFC O‘zbekistonga Sirdaryoda quvvati 1,6 GVt bo‘lgan IES qurishda yordam beradi
Xalqaro moliya korporatsiyasi Sirdaryoda 1580 MVtli IESni qurish uchun 150 mln dollar ajratdi va 1 mlrd dollardan ortiq xususiy moliyalashtirishni jalb qildi. Stansiya gazda ishlaydi va butun mamlakat bo‘ylab elektr energiyasiga bo‘lgan talabning 17 foizini qondirishi kutilmoqda.
Toshkent metrosining Qo‘yliq-Sergeli yo‘nalishidagi bekatlarda sinov qatnovi boshlandi
Toshkent metrosi Yer usti halqa yo‘lining Qo‘yliq-Sergeli yo‘nalishida qurib bitkazilgan 5 ta bekatda sinov tariqasida poyezdlarning texnik qatnovi boshlandi.
Asaka tumani sobiq hokimiga ozodlikni cheklash jazosi tayinlandi
Andijon viloyati Asaka tumani sobiq hokimi Mansur Alixonovga nisbatan 3 yil 1 oy muddatga ozodlikni cheklash jazosi tayinlandi. Shuningdek, tumanning ikki mansabdoriga ham sud hukmi o‘qildi.
UzAuto: bozor sharoitida daromadli ishlab chiqarish
UzAuto mutaxassislari kompaniyaning iqtisodiy muvaffaqiyatlari haqida gapirib berdi.
Yashash joylaridan tashqaridagi yo‘llarda qoidabuzarlikni aniqlash uchun drondan foydalanilishi mumkin
O‘zbekistonda aholi punktlaridan tashqaridagi yo‘llarda qoidabuzarliklar, qidiruvdagi mashinalarni aniqlash uchun drondan foydalanish va uni saqlash bo‘yicha jahon tajribasini o‘rganish taklif qilindi. IIV va boshqa qator tashkilotlar uni o‘rganib, 1 oktabrgacha Vazirlar Mahkamasiga taklif kiritadi.
Qishloq xo‘jaligi texnikasi importi 3 yilga boj va utilizatsiya yig‘imidan ozod qilinadi
1 apreldan barcha turdagi mahalliy qishloq xo‘jaligi texnikasini xarid qilish uchun 15 foizlik subsidiya beriladi, import qilinadigan texnikalar 3 yil muddatga bojxona va utilizatsiya yig‘imlaridan ozod qilinadi. Uskunalar xarid qilish uchun imtiyozli kreditlar ajratiladi.
O‘qituvchilarni Open budget uchun ovoz yig‘ishga majburlashga yo‘l qo‘yilmaydi — maktab ta’limi vaziri
Surxondaryo viloyati Angor tumanida o‘qituvchilarga «Tashabbusli budjet» uchun ovoz yig‘ishga majburiy topshiriq berilgani aytilmoqda. Hilola Umarova o‘qituvchilarni ovoz yig‘ishga majburlashga yo‘l qo‘yilmasligini ma’lum qildi. Vazirning ta’kidlashicha, holat bo‘yicha o‘rganish ishlari boshlangan.
Jizzaxda 32 yoshli erkak ayolini o‘ldirib, o‘zini jarohatladi
Arnasoy tumanida janjal sabab er ayolini oshxona pichog‘i bilan o‘ldirdi, keyin esa o‘zini jarohatladi. Surishtiruvlarga ko‘ra, janjal rashk sabab sodir bo‘lgan.
Tojikistondagi zilzilalar oqibatida epitsentrdagi qishloqlarning 3 nafar aholisi jarohatlandi
Tojikistonda 23 martga o‘tar kechasi sodir bo‘lgan zilzilalarda 3 kishi yengil jarohat oldi. Yerosti silkinishlari sababli kamida 60 bosh chorva nobud bo‘ldi.
FT: Qozog‘iston Rossiyaga reeksport qilinuvchi tovarlar ustidan nazoratni kuchaytiradi
Qozog‘iston apreldan Rossiyaga reeksport qilish uchun mamlakat orqali o‘tadigan tovarlarni kuzatishni boshlaydi, deb yozadi Financial Times. Bu chora-tadbirlar G‘arbning xorijiy kompaniya va shaxslarning Rossiyaga sanksiyalarni chetlab o‘tishda yordam berishiga yo‘l qo‘ymaslik istagi fonida ko‘rilayotgani ta’kidlandi.
Million sari yo‘l: UzAuto Yangi O‘zbekistonda qanchalik o‘zgardi
«O‘zavtosanoat» vakillari kompaniya Yangi O‘zbekistonda qanday natijalarga erishgani haqida gapirib berdi.
Ravshan Ermatov va Oybek Kasimov OFK qo‘mitalari raislariga o‘rinbosar bo‘ldi
Osiyo futbol konfederatsiyasining yuridik qo‘mitasi raisiga O‘zbekiston MOQ bosh kotibi Oybek Kasimov o‘rinbosar bo‘ldi. O‘FA birinchi vitse-prezidenti Ravshan Ermatov esa hakamlar qo‘mitasi raisiga o‘rinbosar etib tayinlandi.
O‘zbekistonda endi mahkumlarni bir koloniyadan boshqasiga o‘tkazish sud tomonidan hal etiladi
O‘zbekistonda endi mahkumlarni manzil-koloniyadan umumiy tartibli koloniyaga, umumiy, qattiq yoki maxsus tartibli koloniyalardan — turmaga o‘tkazish sud tomonidan hal etiladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting