Arxiv
Samarqand viloyatida ayol kishi «samosud» qilindi
Samarqandda dala maydonida ona-bola birgalikda boshqa bir ayolni «samosud» qilgani aytilmoqda. Videoda yigit tokqaychi ushlab olgani, ayol esa jabrlanuvchining bosh qismiga urayotganini ko‘rish mumkin. Samarqand viloyat IIB hodisa yuzasidan jinoyat ishi qo‘zg‘atilganini ma’lum qildi.
O‘zbekiston 8 GVt quvvatga ega qayta tiklanuvchi energiya ishlab chiqarishni rejalashtirayapti
O‘zbekiston yaqin yillarda umumiy quvvati 8 GVt dan ortiq qayta tiklanadigan energiya manbalarini ishlab chiqarishni yo‘lga qo‘yadi. Biroq, «yashil» o‘tish rivojlanayotgan iqtisodiyot va aholining ijtimoiy zaif qatlamlari uchun shok holatini yaratmasligi kerak, deya ta’kidladi bosh vazir Abdulla Aripov.
OTMlarga kirishdagi imtiyozlar qayta ko‘rib chiqiladi — oliy ta’lim vaziri
Oliy ta’lim vaziri Abduqodir Toshqulov OTMlarga kirishda beriladigan barcha imtiyozlar qayta ko‘rib chiqilib, inventarizatsiyadan o‘tkazilishini ma’lum qildi. «Juda ko‘p va xo‘p imtiyozlarimiz bor. Keyingi o‘quv yilidan shu imtiyozlarning vaqtini yashab bo‘lganlaridan voz kechamiz», — dedi u.
«Bank tizimidagi korrupsiya xalq ishonchiga putur yetkazmoqda» — Akmal Burxonov
Bank tizimi ta’lim sohasidan keyin eng korrupsiyalashgan tarmoq hisoblanadi, dedi Antikorrupsiya agentligi rahbari. Ikki yilda 676 nafar bank xodimi 354,2 mlrd so‘mni talon-toroj qilgan. «Bu raqamlar islohotlarga soya solmoqda va xalq ishonchiga putur yetishiga sabab bo‘lmoqda», — dedi Akmal Burxonov.
Toshkent-Volgograd o‘rtasida poyezd qatnovi 25 iyundan boshlanadi
25 iyundan boshlab «Toshkent-Volgograd-Toshkent» yo‘nalishidagi yo‘lovchi poyezdi qatnay boshlaydi. Kupe va platskartdagi joylar uchun chiptalar narxi belgilandi.
Abdulaziz Kamilov prezidentning maxsus vakili bo‘ldi
Prezident huzuridagi Xavfsizlik kengashi kotibi o‘rinbosari Abdulaziz Kamilov davlat rahbarining tashqi siyosat masalalari bo‘yicha maxsus vakili etib tayinlandi.
Kelin-kuyov mojarosidan keyin Senat ayollarga nisbatan zo‘ravonlik uchun jazoni kuchaytirmoqchi
Surxondaryoda kuyov to‘yda kelinni urgan voqeadan keyin Senatda maxsus Ishchi guruh tuzildi. Senatorlar xotin-qizlarga nisbatan zo‘ravonlik uchun jazoni kuchaytirishni rejalashtirmoqda. Qolaversa, yigit va qizlarni to‘ydan oldin Oila markazlaridagi mashg‘ulot va davra suhbatlariga jalb etish taklifi bildirildi.
Yangi o‘quv yilidan magistraturaga qabul yilda ikki marta o‘tkaziladi
Prezident qarori bilan 2022/2023 o‘quv yilidan boshlab davlat oliy ta’lim muassasalari magistraturasiga qabul yilda ikki marta — avgust va yanvar oylarida amalga oshiriladi. Kontrakt miqdori esa OTM tomonidan mustaqil belgilanadi.
OTMlarga kirish uchun qabul kvotalari tasdiqlandi
Prezident 2022/2023 o‘quv yilida davlat oliy ta’lim muassasalariga qabul qilish uchun davlat buyurtmasi parametrlarini tasdiqladi.
Davlat OTMlariga onlayn-qabul 20 iyundan boshlanadi
Davlat OTMlarga kirish uchun abituriyentlarni onlayn-qabul 20 iyundan 20 iyulgacha davom etadi. Chet tilidan ijodiy imtihon o‘tkaziladigan yo‘nalishlar uchun esa qabul 10 iyulga qadar amalga oshiriladi. Abituriyentlar 5 tagacha yo‘nalish bilan birga ta’lim shaklini ham tanlash imkoniyati berilmoqda.
Kuyov kelinni urgan to‘y tafsilotlari ma’lum qilindi
Oila va xotin-qizlar qo‘mitasining «Gazeta.uz»ga ma’lum qilishicha, ijtimoy tarmoqlarda keng tarqalgan kuyov kelinni urgan to‘y shu yilning 6 iyunida Surxondaryoda bo‘lgan. Kuyovga mayda bezorilik bo‘yicha ma’muriy ish qo‘zg‘atildi. Er-xotin va ularning ota-onalari bilan «profilaktik suhbat» o‘tkazilgani aytildi.
Osiyo kubogi U23: O‘zbekiston Yaponiyani yengib, finalga chiqdi
Futbol bo‘yicha O‘zbekiston olimpiyachilari Yaponiyani mag‘lub etib, U23 Osiyo kubogi finaliga yo‘l oldi (video, foto, statistika).
Olmaliqdagi zavodda portlash yuz berdi, jabrlanganlar bor
Olmaliq shahridagi «Maxam-O‘zbekiston» qo‘shma korxonasi sexlaridan birida portlash sodir bo‘lib, bino konstruksiyalari buzildi. Yaqin atrofda bo‘lgan yuk mashinasi haydovchisi jarohatlangan.
15 iyun kuni O‘zbekistonda sodir bo‘lgan eng muhim xabarlar dayjesti
Texnikumdan oliygohga imtihonsiz kirish bekor qilinishi, Toshkentning mamlakatdagi eng korrupsiyalashgan hududlardan biri ekani, dual ta’lim tizimi joriy qilinadigan kasb-hunar maktablari va texnikumlar, yozdagi yong‘in sababchilari va boshqalar — «Gazeta.uz» ning 15 iyundagi eng muhim xabarlari dayjestida.
«Toshkent — mamlakatdagi eng korrupsiyalashgan hududlardan biri» — Antikorrupsiya agentligi direktori
Antikorrupsiya agentligi rahbari Toshkent O‘zbekistondagi eng korrupsiyalashgan hududlardan biri ekanini aytdi. Poytaxtda korrupsiyaga oid jinoyatlar soni yil davomida uch barobarga oshgan. Bundan tashqari, internetda korrupsiyaga oid huquqbuzarliklar haqidagi xabarlarning yarmi poytaxt hissasiga to‘g‘ri keladi.
Prevyu. O‘zbekiston olimpiyachilari Osiyo kubogi yarim finalida Yaponiya bilan o‘ynaydi
Chorshanba kuni O‘zbekiston olimpiya jamoasi Osiyo kubogi yarim finalida Yaponiyaga qarshi bahs olib boradi. Jamoalar 2018 yilda ham to‘qnash kelishgan va unda o‘zbekistonliklar yirik hisobda g‘alaba qozongandi. Biroq bu safar Yaponiya U23 jamoasi bellashuvga o‘zgacha yondashuv bilan kelmoqda.
Kasb-hunar maktablari va texnikumlarda ham dual ta’lim tizimi joriy qilinadi
Prezident 57 ta professional ta’lim muassasasida joriy etilgan dual ta’lim shakli o‘z samarasini bergani — pedagogika kolleji o‘quvchilari 2 kun o‘qib, 4 kun bog‘chada amaliyot o‘tagani va oylik olganini ta’kidladi. Uning so‘zlariga ko‘ra, ushbu tajriba kasb-hunar maktablari va texnikumlarda ham yo‘lga qo‘yiladi.
Qozog‘iston elektron sigaretlarni butunlay taqiqlashni rejalashtirayapti
Qozog‘iston veyp — elektron sigaretlarni sotish va ulardan foydalanishni butunlay taqiqlashni rejalashtirmoqda. O‘zbekistonda esa sotuvda markasiz, tarkibi va undan foydalanish xavfi haqida ma’lumot ko‘rsatilmagan ko‘plab veyplarni uchratish mumkin.
Muxlislardan O‘zbekiston-Yaponiya o‘yinini tomosha qilish uchun stadionga kelmaslik so‘raldi
IIV O‘zbekiston va Yaponiya yoshlar TJ o‘rtasidagi Osiyo kubogi yarim finali uchrashuvi o‘tadigan «Milliy» stadioni OFK sanksiyalari tufayli mahalliy muxlislar uchun yopilganini eslatib o‘tdi. Muxlislarga o‘yinni uyda tomosha qilish tavsiya etildi. Stadion atrofidagi yo‘llar esa ta’mirlanishi sababli vaqtincha yopiladi.
Kelgusi yildan texnikumdan oliygohga imtihonsiz kirish mexanizmi bekor qilinadi
Prezident 2023 yildan boshlab texnikumdan oliygohga imtihonsiz kirish mexanizmi bekor qilinishini ta’kidladi. OTMlardagi kamida 60 ta yo‘nalish texnikumlarga o‘tkaziladi. Shuningdek, 1 yanvardan ilmiy darajasi bor texnikum o‘qituvchilarining ish haqi oliygoh pedagoglarinikiga tenglashtiriladi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting