Arxiv
Fuqaroni pul evaziga Shvetsiyaga ishga yuborishni va’da qilgan korxona rahbari ushlandi
Poytaxtning Chilonzor tumanida korxona rahbari fuqaroni 4 ming dollar evaziga Shvetsiya davlatiga ishga yuborishni va’da qilib, undan so‘ralgan summaning 2 mingini olgan vaqtida ushlandi.
Mahalliy turistlar O‘zbekiston bo‘ylab sayohatlari uchun keshbekni qanday olishi mumkin?
O‘zbekiston bo‘ylab sayohat qilgan mahalliy turistlar uchun keshbek Turizm vazirligining elektron platformasi orqali to‘lab beriladi. Bunda turistlardan safar davomida avia, temir yo‘l yoki avtomobil transporti va turar joy xizmatlaridan foydalanish, qolaversa, madaniyat tashkilotlariga tashrif buyurish talab etiladi.
5-may kuni Toshkent-Andijon-Toshkent yo‘nalishida poyezd yurmaydi
Chorshanba kuni Qamchiq dovonida kuzatilgan sel oqibatida tog‘ o‘pirilib tushdi. Buning oqibatida 5-may kuniga mo‘ljallangan Toshkent-Andijon-Toshkent yo‘nalishidagi poyezd harakati vaqtincha to‘xtatildi. Farg‘ona va Namanganga qo‘shimcha aviareyslar yo‘lga qo‘yildi.
7-may — shanba barcha uchun ish kuni etib belgilandi
7-may, shanba haftasiga necha kun ishlashidan qat’iy nazar barcha xodimlar uchun ish kuni hisoblanadi. 14-may esa dam olish kuni sifatida belgilandi. Qolaversa, o‘zbekistonliklar 8−9-may kunlari ketma-ket ikki kun dam oladi.
«Liverpul» Chempionlar ligasi finalida «Real Madrid»ga qarshi o‘ynaydi
UEFA Chempionlar ligasi finalida Angliyaning «Liverpul» klubi Ispaniyaning «Real Madrid» klubiga qarshi maydonga tushadi. Final o‘yini 28 may kuni Parijdagi «Stad-de-Frans» stadionida bo‘lib o‘tadi.
5−11 may kunlari Farg‘ona viloyatida ommaviy qabullar o‘tkaziladi
May-iyul oylarida O‘zbekistonning barcha hududlarida fuqarolar muammolari bilan ishlash uchun sayyor qabullar tashkil etiladi. 20 dan ortiq vazirlik va idoralar rahbarlari ishtirok etadigan qabullar Farg‘ona viloyatidan boshlanadi. Qabul kunlari va manzillar.
Samarqandda 1,5 mln rublni noqonuniy olib chiqmoqchi bo‘lgan shaxs ushlandi
DXX va bojxona xodimlari «Samarqand» xalqaro aeroportida 1,5 mln rublni rasmiylashtirmasdan O‘zbekistondan olib chiqmoqchi bo‘lgan fuqaroni qo‘lga olishdi.
Jizzaxda FVV qutqaruvchilari selda oqib ketayotgan 20 yoshli fuqaroni qutqarib oldi
4 may kuni kuchli yog‘ingarchilik oqibatida Jizzax viloyati Zomin tumanidagi ayrim uylar va yo‘llarni suv bosdi. FVV qutqaruvchilari suvda oqib kelayotgan 20 yoshli fuqaroni qutqarib qolishgan. Hozirda uning ahvoli yaxshi.
Toshkentda 6−8 may kunlari gullar festivali bo‘lib o‘tadi
6−8 may kunlari Alisher Navoiy nomidagi milliy kutubxonaning orqa maydonida Tashkent Flower Fest gullar festivali bo‘lib o‘tadi. Uni bezatish uchun 2 milliondan ortiq gullardan foydalaniladi.
Umida Omonova blits bo‘yicha ham yoshlar o‘rtasida jahon chempioni bo‘ldi
Umida Omonova Gretsiyadagi shaxmat bo‘yicha yoshlar o‘rtasidagi jahon chempionatida ham rapid, ham blits bo‘yicha g‘alaba qozonib, musobaqani ikkita oltin bilan tugatdi. Humoyun Bekmurodov esa «Open12» guruhida ikkala yo‘nalishda ham kumush medali sohibi bo‘ldi.
Rossiya o‘zbekistonliklarning ro‘yxatdan o‘tish muddatini 15 kungacha uzaytirish bo‘yicha qarorni ratifikatsiya qildi
Prezident Vladimir Putin O‘zbekiston fuqarolarining Rossiyaga kirgandan so‘ng ro‘yxatdan o‘tish muddatini 7 kundan 15 kungacha uzaytirish bo‘yicha qarorni ratifikatsiya qildi. Xuddi shunday tartib O‘zbekistonga tashrif buyuruvchi rossiyaliklar uchun ham nazarda tutilgan.
«Yurak amri» xayriya fondi vaqtincha faoliyatini yakunladi
Pandemiya davrida ochilgan Sardor Rahimxon boshchiligidagi «Yurak amri» xayriya fondi vaqtincha yopildi. Tashkilotchi qaror ortidan xatolarni isloh qilib, rasmiy faoliyatga tayyorgarlik ko‘rish maqsad qilinganini ta’kidladi.
Belarusning birinchi rahbari Stanislav Shushkevich vafot etdi
Belarusning birinchi rahbari Stanislav Shushkevich 88-yoshida vafot etdi. U 1991 yilda SSSR tugatilishi va MDH tashkil etilishi bo‘yicha Belovej kelishuvlarida Belarus vakili sifatida ishtirok etgan edi.
TIV O‘zbekiston-Afg‘oniston chegarasida otishma bo‘lgani haqidagi xabarlarni rad etdi
O‘zbekiston-Afg‘oniston chegarasida o‘zbek chegarachilarining o‘limiga sabab bo‘lgani aytilayotgan otishma haqidagi ma’lumotlar haqiqatga to‘g‘ri kelmaydi, deya xabar bermoqda TIV. «Chegaradagi vaziyat tinchligicha qolmoqda, janubiy chegaralarni himoya qilish odatdagi rejimda olib borilmoqda», — deyiladi xabarda.
Moskvada ikki o‘zbekistonlik yong‘in tufayli halok bo‘ldi
Seshanba kuni Rossiyaning Moskva viloyatidagi Mitishi shahrida 2 o‘zbekistonlik va uy egasi ko‘p qavatli binoda chiqqan yong‘in tufayli vafot etdi. Yong‘inga sigareta qoldig‘i o‘chirilmagani sabab bo‘lgani aytildi.
Toshkentda yangi yo‘l va ko‘prik ochildi (Foto)
Prezident Sergeli tumanidagi Qipchoq ko‘chasini Yakkasaroy tumanidagi Cho‘ponota va Shota Rustaveli ko‘chalari bilan bog‘laydigan yangi yo‘l va ko‘prikning ochilishida ishtirok etdi. Qurilish ishlari 2020 yilning yozidan beri olib borilayotgan edi.
FIDE o‘smirlar jahon chempionatida o‘zbekistonlik shaxmatchilar oltin va kumush medalga ega chiqishdi
Shaxmatning rapid yo‘nalishi bo‘yicha FIDE o‘smirlar jahon chempionatida o‘zbekistonlik Umida Omonova (16 yosh) jahon chempioni bo‘ldi, Humoyun Bekmurodov (12 yosh) esa kumush medali sohibiga aylandi.
O‘zbekiston matbuot erkinligi reytingida ko‘tarildi, biroq vaziyat «murakkab"ligicha qolmoqda
O‘zbekiston «Chegarasiz reportyorlar» tashkilotining matbuot erkinligi reytingida 24 pog‘onaga ko‘tarilib, 133-o‘rinni egalladi. Bunday keskin o‘zgarish reyting metodologiyasining yangilangani bilan bog‘liq. Mamlakatda so‘z erkinligi bilan bog‘liq vaziyat oldingidek «murakkab» deya baholanmoqda.
OTMga kirish imtiyozlari qayta ko‘rib chiqilishi kutilmoqda
OTMga o‘qishga kirish uchun berilgan imtiyozlar xatlovdan o‘tkazilib, ularning qat’iy ro‘yxati yagona hujjatda shakllantirilishi mumkin. Tegishli prezident qarori loyihasida ushbu imtiyozlarni umumiy kvotaga kiritmaslik to‘g‘risidagi qoidani o‘rnatish ham nazarda tutilgan. Shuningdek, o‘qishni ko‘chirish jarayoni raqamlashtirilishi mumkin.
4 may kuni O‘zbekiston bo‘ylab yomg‘ir yog‘ishi kutilmoqda
O‘zgidromet prognoziga ko‘ra, 4 may kuni O‘zbekistonning aksariyat hududlarida yomg‘ir yog‘ishi va momaqaldiroq bo‘lishi kutilmoqda. Qoraqalpog‘istonda va Xorazm viloyatida yog‘ingarchilik kutilmayapti.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting