Londondagi Britaniya muzeyida 26-sentabrdan “Ipak yo‘llari” ko‘rgazmasi o‘z ishini boshlaydi. Unda O‘zbekistonning muzey kolleksiyalariga mansub 14 ta eksponat, jumladan, shatranj donalarining ko‘hna to‘plamlaridan biri va 6 metrlik “Elchilar xonasi” devoriy surati namoyish etiladi.
Perfectum e& Group bilan O‘zbekiston telekommunikatsiya ekotizimini raqamlashtirish va transformatsiya qilish uchun hamkorlik qiladi.
“Dok-1 Maks” ishi bo‘yicha apellyatsiya sudi muzokaraga kirishdi. Bir necha advokat himoyasi ostidagi sudlanuvchilarga oqlov so‘radi. 20 nafar jabrlanuvchi tovon puli to‘lansa, da’vosidan voz kechish hamda Sardor Kariyev va boshqa sudlanuvchilarning ozod etilishiga qarshi emasligini bildirdi. “Gazeta.uz” stenogrammasi.
“Baxti Tashkentskiy” va 36 nafar ayblanuvchi bo‘yicha boshlangan sud majlisini yoritayotgan “Daryo” jurnalisti Otabek Qo‘ldoshev IIBga chaqirildi. Jurnalist shikoyat arizasi bilan tanishtirilmay, tushuntirish xati yozdirib olingan. Uning ustidan sudga raislik qilayotgan sudya shikoyat qilgani aytilmoqda.
Mo‘g‘uliston prezidenti Uxnaagiyn Xurelsux rafiqasi Luvsandorj Bolorsetseg hamrohligida Toshkentga yetib keldi. Ularni aeroportda bosh vazir Abdulla Aripov kutib oldi.
Futbol bo‘yicha Yevro-2024 o‘yinlarida guruh bosqichi ikkinchi turidan so‘ng pley-offning ilk ishtirokchilari nomi ma’lum — Germaniya, Ispaniya va Portugaliya. Shu bilan birga, turli kutilmagan natijalar, “syurpriz” bo‘layotgan terma jamoalar mavjud. “Taktika” jamoasi yakuniy tur oldidan guruhlarga nazar soldi.
Urganch xalqaro aeroporti 20-iyuldan 8-avgustgacha yopiladi. Bu paytda uchish-qo‘nish yo‘lagini kapital ta’mirlash ishlari olib boriladi. Rejalashtirilgan reyslar Nukus xalqaro aeroportiga yo‘naltiriladi, yo‘lovchilar transfer bilan ta’minlanadi.
Farg‘onada kriminal avtoritet bo‘lishga uringan Abdullo Egamberdiyev qo‘lga olindi. Viloyat IIBga ko‘ra, u “Baxti Tashkentskiy” va “Salimboyvachcha” bilan yaqin aloqada bo‘lib, jinoyat olamida yetakchilikka intilib kelgan. Egamberdiyev firibgarlik va pora berish kabi jinoyatlarda ayblanmoqda.
Qarshi davlat universitetida yigit talaba qiz bilan o‘zaro janjallashib, unga 8 marta pichoq sanchdi. Shundan so‘ng o‘zining qorin bo‘shlig‘iga ham jarohat yetkazdi. Qashqadaryo viloyati prokuraturasi holat bo‘yicha jinoyat ishi qo‘zg‘atilib, gumonlanuvchi ushlanganini bildirdi.
Zangiota tumanida temiryo‘lni velosipedda kesib o‘tmoqchi bo‘lgan 10 yoshli bolani poyezd urib yubordi. Oqibatda u voqea joyida vafot etdi.
O‘zbekiston uglerod emissiyalarini 500 ming tonnaga kamaytirishga muvaffaq bo‘ldi. Buning uchun Jahon banki mamlakatga 7,5 mln dollar grant ajratdi. Mablag‘ning bir qismi elektr energiyasi va gaz tariflari oshishidan eng ko‘p zarar ko‘rgan oilalarga moddiy yordam ko‘rsatishga yo‘naltiriladi.
O‘tgan yili ochilgan Zomin aeroportiga magistral samolyotlar ucha boshlaydi. Shanba kuni Uzbekistan Airways bu yo‘nalishda Airbus A320neo samolyotida texnik parvozni amalga oshirdi.
O‘zbekistonda davlat xizmatchilari (o‘qish ular uchun majburiy bo‘ladi) va aholining boshqa toifalari uchun mo‘ljallangan Korrupsiyaga qarshi kurashish virtual akademiyasi ishga tushiriladi. Bazaviy kurslarda o‘qitish bepul, maxsus kurslarda malaka oshirish pulli bo‘ladi.
G‘allaorol tumanidagi bog‘chada bolalarning turli joylariga oyoq kiyim bilan urgan tarbiyachiga nisbatan qiynash moddasiga ko‘ra jinoyat ishi qo‘zg‘atildi. U avvalroq ishdan olingandi.
DXX Buxoroda xaritalar tuzish bilan shug‘ullanuvchi MCHJ direktorini 12,5 ming dollar olganida ushladi. Shuningdek, shu ish doirasida 5000 dollar olgan qurilish bosh boshqarmasi bo‘lim boshlig‘i ham qo‘lga tushdi. Samarqand, Buxoro viloyatlarida sud boshqaruvchilari, Jizzaxda esa advokatlik byurosi rahbari ushlandi.
Mo‘g‘ulistonning O‘zbekistondagi ilk elchisi, lavozimiga qayta tayinlangan bosh prokuror, PISA tadqiqotidagi past ko‘rsatkichlar, logotipini yangilagan Uzbekistan Airways va boshqalar — “Gazeta.uz"ning kunlik dayjestida.
Javlonbek Umarxodjayev Uzbekistan Airports boshqaruvi raisi etib tasdiqlandi. U o‘tgan yilning avgust oyidan buyon kompaniyaning vaqtinchalik rahbari sifatida ishlab kelayotgandi.
Uzbekistan Airways yangilangan logotipini namoyish etdi. Kompaniya uni tubdan o‘zgartirmadi, balki zamonaviy tendensiyalarga muvofiq yangiladi. Tashuvchi, shuningdek, livreyasi — samolyotlar tashqi ko‘rinishini ham saqlab qolishga qaror qildi. Bundan tashqari, yangi shior — “Markaziy Osiyo qanotlari” taqdim etildi.
Chernogoriya, Bosniya, Albaniya hamda Xorvatiyaning Adriatika dengizi qirg‘oqlaridagi katta qismida keng masshtabli blekaut yuz berdi. OAV to‘rt mamlakatning barcha qismlarida elektr uzilishlari haqida yozmoqda.
Senatorlar bank sohasidagi bir qator qonunlarga kiberxavfsizlikni kuchaytirishga doir tuzatishlarni ma’qulladi. Ushbu tuzatishlar, xususan, Markaziy bankka kredit va to‘lov tashkilotlari, to‘lov tizimlari operatorlari va valyuta birjalari tomonidan kiberxavfsizlik tahdidlarini aniqlash vakolatini beradi.
Qo‘shimcha imkoniyatlarga ega bulish uchun saytda ro‘yxatdan o‘ting