Arxiv
Xonadonlarda baliq yetishtiruvchilarga 81 mln so‘mgacha kredit ajratiladi
Baliq yetishtirish bo‘yicha Jizzax tajribasi har bir viloyatda joriy etiladi. 1 fevraldan xonadonida baliq yetishtiruvchilar o‘zini o‘zi band qilgan shaxs sifatida ro‘yxatga olinadi, ularga ajratiladigan kredit BHMning 300 baravari — 81 mln so‘mgacha oshiriladi. Qolaversa, ularning yer hamda mol-mulk solig‘i 50 foizga qisqartiriladi. Shu asosda 2022 yilda butun respublika bo‘yicha 700 ming tonna baliq yetishtirish maqsad qilingan.
COVID-19: Ketma-ket oltinchi kun koronavirusga chalinganlar soni ko‘paymoqda
Koronavirus bo‘yicha kunlik holatlar ketma-ket oltinchi kun o‘sishda davom etayapti — payshanba kuni yana 824 kishida virus aniqlandi. Birgina poytaxtning o‘zida 434 ta holat qayd etildi. 3 kishi esa COVID-19 oqibatida vafot etdi.
Dam olish kunlari shamol va yomg‘ir kuchayishi kutilmoqda
15, 16 va 18 yanvar kunlari O‘zbekistonning ayrim hududlarida shamol kuchayishi, vaqti-vaqti bilan yomg‘ir yog‘ishi, ayrim hududlarda esa kuchli yog‘ingarchilik bo‘lishi kutilmoqda.
Sog‘liqni saqlash vaziri yarim tunda «tez yordam» holatini o‘rgandi
Sog‘liqni saqlash vaziri Behzod Musayev bugun 03:00 larda Toshkent shahar tez yordam stansiyasiga borib, «tez yordam» holatini tekshirdi. Uning topshirig‘i bilan qo‘shimcha 40 ta tez tibbiy yordam mashinasi xizmatga biriktiriladigan bo‘ldi. Vazir shuningdek, Toshkentning 12 ta tumanida kasallik klinik belgilarsiz va yengil shaklda kechayotgan bemorlar salomatligini nazorat qilish uchun COVID-poliklinikalar faoliyatini yo‘lga qo‘yish topshirig‘ini berdi.
Harbiy texnikalar ko‘rgazmasidagi mashinalardan biri yonib ketdi
Poytaxtdagi Xalqlar do‘stligi maydonida bo‘lib o‘tayotgan harbiy texnikalar ko‘rgazmasida harbiy mashinalardan biri yonib ketdi. Jabrlanganlar yo‘q.
Foto: Toshkentda Vatan himoyachilari kuniga bag‘ishlangan parad o‘tkazildi
Toshkentda O‘zbekiston Qurolli Kuchlari tashkil etilganining 30 yilligi va Vatan himoyachilari kuni munosabati bilan tantanali harbiy yurish bo‘lib o‘tdi. Harbiy xizmatchilardan iborat bo‘linmalar «Turkiston» san’at saroyidan — harbiy texnikalar ko‘rgazmasi bo‘lib o‘tayotgan Xalqlar do‘stligi maydoniga qadar harakatlandi.
Shavkat Mirziyoyev Aleksandr Lukashenkoning so‘zlariga munosabat bildirdi
Prezident Shavkat Mirziyoyev Xavfsizlik kengashi yig‘ilishida Aleksandr Lukashenkoning Qozog‘istondagi voqealar ortidan O‘zbekiston saboq olishi kerakligi haqidagi gaplariga munosabat bildirdi. U mazkur bayonotni «asossiz» deb atadi. «Har qanday tahdidga nisbatan munosib javob qaytarish va zarba berish uchun biz yetarli kuch va salohiyatga egamiz», — dedi davlat rahbari.
13 yanvar kuni O‘zbekistonda sodir bo‘lgan eng muhim xabarlar dayjesti
Aleksandr Lukashenkoning so‘zlariga javob qaytargan Shavkat Mirziyoyev, Mudofaani boshqarish milliy markazi ochilgani, qurol yordamida to‘xtatilgan Malibu bo‘yicha qo‘shimcha ma’lumot, poytaxtda portlatilgan «o‘t o‘chirgich» bo‘yicha 13 kishiga qo‘yilgan ayblov, Marokash shartnomasiga qo‘shilgan O‘zbekiston, hokimlarning kengash raisi maqomi bekor qilinmaganiga izoh bergan Senat va boshqa xabarlar «Gazeta.uz» ning 13 yanvardagi eng muhim xabarlari dayjestida.
Mudofaani boshqarish milliy markazi ochildi
Prezident Shavkat Mirziyoyev Mudofaani boshqarish milliy markazi ochilishida ishtirok etdi. Mazkur markaz mamlakatdagi barcha kuch tuzilmalari faoliyatini muvofiqlashtirishga ixtisoslashgan.
O‘zbekiston Qozog‘iston bilan chegarani kesib o‘tishga cheklovlar joriy etadi
O‘zbekiston «omikron» tarqalayotgani munosabati bilan 15 yanvardan Qozog‘iston bilan chegarani kesib o‘tishga vaqtinchalik cheklov joriy etmoqda. Cheklovlar avialoqalarga hamda vatanga qaytayotgan fuqarolarga taalluqli emas.
Chimyon hududida qor ko‘chkisi xavfi e’lon qilindi
13−14 yanvar kunlari Chimyon hududida qor ko‘chishi xavfi e’lon qilindi. FVV shu kunlarda fuqarolardan «Qor ko‘chishi xavfi mavjud» belgisi bo‘lgan joylarga kirmaslikni so‘radi.
Toshkent viloyatida quloqchin taqib mol boqayotgan fuqaroni poyezd urib ketdi
O‘rtachirchiq tumanida «To‘ytepa-Ozodlik» yo‘nalishida harakatlanib kelayotgan yuk poyezdi urib ketishi oqibatida 26 yoshli fuqaro vafot etdi. Guvohlarning so‘zlariga ko‘ra, u quloqchin taqib, mol boqayotgan bo‘lgan.
AQShga uchmoqchi bo‘lganlar 15 kun oldin to‘liq emlanganlik guvohnomasiga ega bo‘lishlari kerak
AQShga kirish uchun yangi qoidalar e’lon qilindi. Unga ko‘ra, yo‘lovchilar parvozdan kamida 24 soat oldin PZR-test hamda kamida 15 kun oldin COVID-19ga qarshi to‘liq emlanganliklarini tasdiqlaydigan guvohnomaga ega bo‘lishlari kerak. Boshqa talablar ham bor.
«Qozog‘istonda sodir bo‘lgan voqealar hammamizni jiddiy tashvishga soldi» — Shavkat Mirziyoyev
Shavkat Mirziyoyev Xavfsizlik kengashining kengaytirilgan yig‘ilishida Qozog‘istondagi vaziyatga to‘xtalib o‘tdi. «Biz uchun yaqin qo‘shni va qardosh Qozog‘istonda sodir bo‘lgan voqealar hammamizni jiddiy tashvishga soldi», — dedi u. Prezident qo‘shni mamlakatdagi vaziyat asta-sekin o‘z iziga tushib borayotgani hamda odamlar osoyishta hayotga qaytayotganini ta’kidladi.
O‘zbekiston va Rossiya prezidentlari Markaziy Osiyodagi vaziyatni muhokama qildi
Shavkat Mirziyoyev va Vladimir Putin telefon orqali muloqot davomida O‘zbekiston-Rossiya strategik sheriklik va ittifoqchilik munosabatlaridan tashqari, Qozog‘istonda ro‘y bergan voqealar nuqtai nazaridan Markaziy Osiyodagi vaziyat yuzasidan ham fikr almashdi.
O‘zbekiston ko‘zi ojizlar to‘g‘risidagi Marokash shartnomasiga qo‘shildi
O‘zbekiston ko‘zi ojiz, ko‘rishda nuqsoni bo‘lgan va bosma axborotni idrok etishda boshqa jihatdan qobiliyati cheklangan shaxslarning nashr etilgan asarlardan foydalanishini yengillashtirish to‘g‘risidagi Marokash shartnomasiga qo‘shildi. Hozirda mamlakatda 72 mingdan ortiq ko‘zi ojiz insonlar istiqomat qiladi.
«Samarqand darvoza»da portlatilgan «o‘t o‘chirgich» bo‘yicha 13 kishiga ayblov qo‘yildi
«Samarqand darvoza»da «o‘t o‘chirgich» portlatilishi bo‘yicha tergov doirasida 13 kishiga ayblov e’lon qilindi. 5 nafari 3−5 yilgacha ozodlikdan mahrum qilinishi mumkin. Shuningdek, tergovda mazkur vositani yasashni yoshlarga yangiyo‘llik traktorchi o‘rgatgani aniqlangan.
Hududlarni strategik rivojlantirish bo‘yicha «yo‘l xaritasi» ishlab chiqish kerak — prezident
Shavkat Mirziyoyev hudud va tarmoqlarni strategik rivojlantirish bo‘yicha «yo‘l xaritasi» ishlab chiqish zarurligini ta’kidladi. Buning uchun esa xorijdan malakali mutaxassis va maslahatchilarni ham jalb qilinishi ta’kidlandi.
O‘zbekiston iqtisodiyoti 2021-yilda 6,2 foizga o‘sdi — Jahon banki
Jahon banki 2021-yilda O‘zbekiston YAIM o‘sishini 6,2 foizga baholadi. 2022−2023-yillarda iqtisodiy o‘sish mos ravishda 5,6 foiz va 5,8 foiz bo‘lishi kutilmoqda.
«Aroq ichibman, keyin „o‘chib“ qolibman». Yunusobodda qurol yordamida to‘xtatilgan Malibu haydovchisi
Yunusobodda YPX inspektori talabini bajarmagach, o‘qotar qurol bilan to‘xtatilgan Malibu haydovchisi o‘sha kuni spirtli ichimlik iste’mol qilganini aytdi. «Ayb menda, bo‘ynimga olaman. Aroq, pivo ichibman, keyin „o‘chib“ qolibman», — dedi u. Qolaversa, bu uning transportdan foydalanish qoidasini birinchi marta buzishi emasligi ma’lum qilindi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting