Iqtisodiyot
Chirchiqdagi qishloq xo‘jaligi mashinasozligi klasteri traktor ishlab chiqarishni boshladi
Chirchiqdagi qishloq xo‘jaligi mashinasozligi klasteri traktorlar ishlab chiqarishni boshladi, mahalliylashtirish darajasi 25 foizni tashkil etmoqda. Zavod yiliga 15 mingta traktor, tirkama va boshqa texnikalarni ishlab chiqarish quvvatiga ega.
Raqobat qo‘mitasi ZoodPay`ga qarshi ish ochdi
Raqobatni rivojlantirish qo‘mitasi ZoodPay platformasiga qarshi tashkilotning 99 foiz aksiyasi BAAdagi Zooduz kompaniyasiga sotilgani sababli ish qo‘zg‘atdi. Qo‘mita kompaniyaga nisbatan Ma’muriy javobgarlik to‘g‘risidagi kodeksda belgilangan javobgarlikni qo‘llash choralarini ko‘radi.
PowerChina kompaniyasi Andijonda 400 mln dollarlik quyosh fotoelektr stansiyasi quradi
Xitoyning PowerChina kompaniyasi Andijonda qiymati 400 mln dollarlik 400 MVt quvvatga ega quyosh fotoelektr stansiyasi quradi. Kompaniya Energetika vazirligi bilan tendersiz shartnoma imzoladi. Energetika vaziri loyihalar nima sababdan bevosita muzokaralar orqali amalga oshirilayotganini tushuntirdi.
Markaziy bank regulyator nomidan odamlarni aldashga urinish holati kuzatilayotganidan ogohlantirdi
Markaziy bank Telegram`da regulyator nomidan soxta kanal ochib, fuqarolarni aldashga urinish holatlari kuzatilayotganini ma’lum qildi. “Markaziy bank tijorat faoliyati bilan shug‘ullanmaydi, shu jumladan, jismoniy shaxslarga kredit ajratmaydi yoki moliyaviy yordam ko‘rsatmaydi”, deyiladi regulyator xabarida.
Freedom Payments davlat idoralari tomonidan tekshiruv o‘tkazilganiga izoh berdi
“Gazeta.uz” kecha xabar bergan Freedom Payments kompaniyasi xodimlarining tekshiruvdan o‘tkazilishi bo‘yicha holat “mamlakatdan kapital olib chiqib ketilishining oldini olish bo‘yicha standart jarayon bilan bog‘liq”, deya xabar berdi kompaniya. Bunday tekshiruvlar bir qator boshqa to‘lov tashkilotlarida ham o‘tkaziladi.
Banklarda dollar kursi 11 680−11 710 so‘m etib belgilandi
Tijorat banklari 4-avgust kuni aholidan 1 AQSh dollarini 11 590−11 650 so‘mdan sotib olmoqda, sotuv kursi esa 11 680−11 710 so‘m.
Freedom Payments ofisiga niqobli odamlar kelgani aytilmoqda
Toshkentdagi Freedom Payments (Freedom Pay) xorijiy kompaniyasi ofisiga niqob taqqan shaxslar kelgani aytilmoqda. Bir necha xodim hibsga olingan. Sabablari hozircha noma’lum.
Toshkent jamoat transportida yo‘lkira narxlari oshishi kutilmoqda
Yaqin kunlarda poytaxt jamoat transportidan foydalanish uchun yo‘lkira narxlari oshishi kutilmoqda. Transport kartasidan to‘lov 1600 so‘m, naqd pul va bank kartasidan to‘lov esa 2000 so‘mgacha oshadi. Shuningdek, yo‘lovchilarga kunlik, oylik va yillik moslashuvchan tarif rejalari taklif etiladi.
Markaziy bank raisi — aholini kreditlash hajmining o‘sishi va iqtisodiyotdagi qarz yuki haqida
Aholiga kredit berish hajmi ularning daromadlaridan tezroq o‘sib bormoqda, bu esa iqtisodiyotdagi qarz yuki ortayotganidan dalolat beradi, dedi Markaziy bank raisi. Uning aytishicha, chakana kreditlashda “qizib ketish”ning oldini olish uchun tartibga soluvchi chora-tadbirlarni ko‘rish boshlangan.
Sherzod Kudbiyev yana Soliq qo‘mitasiga rais etib tayinlandi
Iqtisodiyot va moliya vaziri Sherzod Kudbiyev ma’muriy islohotdan 7 oy o‘tib yana Soliq qo‘mitasi raisi lavozimiga qaytdi. Bir kun avval prezident davlat budjeti daromadlari yetarli emasligini aytib, soliq idoralari xodimlari ishini tanqid qilgandi.
Yil oxirigacha 200 mingga yaqin oilani kambag‘allikdan chiqarish mumkin — prezident
Shavkat Mirziyoyev 2023-yil yakuniga qadar kambag‘allik darajasini 14 foizdan 12 foizga tushirib, 200 mingga yaqin oilani kambag‘allikdan chiqarish mumkinligini ta’kidladi. Davlat rahbari aholi bandligini ta’minlash va imtiyozli resurslarning yetib borishini osonlashtirish bo‘yicha chora-tadbirlarni e’lon qildi.
Banklarda dollar kursi 11 715 so‘mgacha ko‘tarildi
Tijorat banklari 3-avgust kuni aholidan 1 AQSh dollarini 11 580−11 660 so‘mdan sotib olmoqda, sotuv kursi esa 11 700−11 715 so‘m.
“Bu faqat bizning xohishimizga bog‘liq emas”. Markaziy bank rahbari — davlat banklarini xususiylashtirish haqida
Markaziy bank rahbari davlat banklarini xususiylashtirish nega kechiktirilayotgani haqida gapirib, “bu nafaqat bizning xohishimizga, balki xorijiy investorlarning ishonchiga ham bog‘liq”, deb ta’kidladi. O‘tgan yilgi geosiyosiy inqiroz investorlarning postsovet mamlakatlari bozoriga kirishini qiyinlashtirgan.
Har bir tadbirkorga alohida soliqchi biriktiriladi — prezident
O‘zbekistonda har bir tadbirkorga muammolarni hal qilishga yordam beradigan soliq xodimi biriktiriladi, deya ma’lum qildi prezident. 1-sentabrdan boshlab tadbirkorlar yer va mol-mulk solig‘i bo‘yicha hisobotlarni taqdim etmaydi, 2024-yildan esa kichik biznes subyektlari elektron hisobot tizimiga o‘tadi.
O‘zbekistonda banklarni xususiylashtirish kechroq muddatga qoldirildi
O‘zbekiston prezidenti “Qishloq qurilish bank”, “Asakabank”, “Aloqabank”, “Agrobank” va boshqalarni xususiylashtirish hamda aksiyalari IPO`sini kechroq muddatga qoldirdi. To‘liq xususiylashtirish rejalashtirilgan “O‘zsanoatqurilishbank”dagi davlat ulushi 2024-yil oxirigacha 50 foizga kamaytiriladi.
Qoraqalpog‘istonda arzon, Toshkentda qimmat — hududlarda uy-joy narxlari qanday?
MHTI ekspertlarining uy-joy narxlari bo‘yicha o‘tkazgan tahlil natijalariga ko‘ra, har bir kvadrat metr uchun eng arzon uy Qoraqalpog‘istonda ($390,1), eng qimmati esa Toshkent shahrida ($1251) qayd etildi. Bir yil ichida yangi uy narxi o‘rtacha 44 foizga, ikkilamchi bozordagi esa o‘rtacha 33 foizga qimmatlashdi.
O‘zbekistonda 6 oyda o‘rtacha oylik ish haqi 4,3 mln so‘mni tashkil etdi — Statistika agentligi
Statistika agentligining hisobotiga ko‘ra, O‘zbekistonda yanvar-iyun oylarida o‘rtacha oylik ish haqi 4,3 mln so‘mni tashkil etgan. Ish haqining eng yuqori ko‘rsatkichlari Toshkent shahri (7 million so‘m), Navoiy viloyati (5,6 million so‘m) va Toshkent viloyatida (4,3 million so‘m) kuzatilgan.
Banklarda dollar kursi 11 690 so‘mga yetdi
Tijorat banklari 2-avgust kuni aholidan 1 AQSh dollarini 11 575−11 630 so‘mdan sotib olmoqda, sotuv kursi esa 11 670−11 690 so‘m.
UNG Petro shoxobchalarida Ai-92 benzini narxi oshdi
“O‘zbekneftgaz” AJga qarashli UNG Petro yonilg‘i quyish shoxobchalarida Ai-92 benziniga chegirmalar yakunlandi. Uning bir litri endi 7500 so‘m emas, 8600 so‘mni tashkil etmoqda.
Energetika vazirligi O‘zbekistonda elektr energiyasi uzilishi sabablarini sanab o‘tdi
O‘zbekiston yoqilg‘i-energetika kompleksidagi “og‘ir vaziyat” tufayli deyarli barcha hududlarda kunning ma’lum vaqtlarida elektr energiyasini uzishga to‘g‘ri kelmoqda, deyab xabar qildi Energetika vazirligi. Cheklovlar ta’mirlash ishlari, yirik avariyalarning oldini olish va boshqa omillar bilan izohlandi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting