Iqtisodiyot
Respublika bo‘ylab 60 dan ortiq bozor va majmualarning xususiylashtirilishi kutilmoqda
Davlat aktivlarini boshqarish agentligi 60 dan ortiq bozor va savdo majmualarida davlat ulushlarini sotish bo‘yicha hukumat qarori loyihasini e’lon qildi. Ular orasida Toshkentdagi Mirobod, Farhod, O‘rikzor va Oloy dehqon bozorlari, «Ippodrom» va «Bek to‘pi» savdo komplekslari mavjud. Qarorga ko‘ra, hokimlar boshchiligida hududiy komissiyalar tashkil etilib, bozorlardagi davlat ulushi hokimliklarga o‘tkazilishi kutilmoqda. Iqtisodchi Otabek Bakirov ushbu qaror loyihasini tanqid qildi.
Qozog‘iston 9 oy ichida UzAuto Motors eksportining 96 foizini oldi
O‘zbekiston 9 oy ichida xorijiy davlatlarga qiymati $242,5 mlnga teng bo‘lgan 25 ming 171 ta yengil avtomobillar eksport qildi. Eksportning deyarli 96% qismi Qozog‘istonga to‘g‘ri kelmoqda.
Raqamli “Bank Apelsin"ga litsenziya berildi
Toshkent shahrida yangi raqamli bank — “Bank Apelsin” ro‘yxatdan o‘tkazildi. U Kapitalbak tomonidan 2019 yilda ishga tushirilgan Apelsin ilovasidan kelib chiqdi.
oktabr oyida inflyatsiya 1,3 foizni tashkil qildi
oktabr oyida inflyatsiya 1,3 foizni tashkil etdi. Oy davomida oziq-ovqat mahsulotlari o‘rtacha 1,9 foizga, nooziq-ovqat mahsulotlari 1,1 foizga, pullik xizmatlar 0,5 foizga qimmatlashdi.
Dollarning rasmiy kursi ko‘tarildi
Dollarning so‘mga nisbatan rasmiy kursi 15,87 so‘mga ko‘tarilib, 10 690,08 so‘m etib belgilandi. Shuningdek, yevro va rubl kurslari esa pasaydi.
Yanvar-sentabr oylarida jismoniy shaxslarning muammoli kreditlari hajmi 5,4 barobarga o‘sdi
Markaziy bank tahlillariga ko‘ra, 2021 yilning 9 oyida jismoniy shaxslarning muammoli kreditlari (NPL) hajmi 5,4 barobar o‘sib, 5,2 trillion so‘mga yetgan. Shu bilan birga, keyingi oylarda banklarning kredit portfelining sifati bosqichma-bosqich yaxshilanmoqda.
Lacetti va Labo avtomobillarini yetkazib berish muddati 2 oyga uzaytirildi
UzAuto Motors’ning xabar berishicha, mikrochiplar yetishmasligi sababli kompaniya joriy yilning oktabr-noyabr oylarida xaridorlarga topshirilishi kutilayotgan Lacetti va Labo avtomobillarini yetkazib berish muddatini ikki oyga uzaytirishga majbur.
Joriy yilning 9 oyida davlat organlarida 728,8 mlrd so‘mlik qonunbuzarliklar aniqlangan
Moliya vazirligi huzuridagi Davlat moliyaviy nazorati departamenti tomonidan joriy yilning 9 oyi davomida 728,8 mlrd so‘mlik budjet mablag‘larining sarflanishida moliyaviy qoidabuzarliklar aniqlandi. Bu o‘tgan yilning shu davriga nisbatan qariyb 6 barobarga ko‘proq. Budjet intizomining buzilish holatlari asosan xalq ta’limi, sog‘liqni saqlash, maktabgacha ta’lim tizimlari, shuningdek, avtomobil yo‘llari qo‘mitasida yuz bergan.
Bizga shunchaki o‘sish emas, balki inklyuziv iqtisodiy o‘sish kerak — Timur Ishmetov
O‘tgan yillardagi iqtisodiy o‘sish «aholining juda kichik qismini xursand qildi», chunki o‘sish inklyuziv emas edi, dedi moliya vaziri Timur Ishmetov. Uning so‘zlariga ko‘ra, hukumat unumdorlik, samaradorlik ustida ishlashi, raqobat muhitini yaratishi va yoshlar biznes talablariga javob beradigan asosiy ko‘nikmalarga ega bo‘lishi uchun inson kapitaliga sarmoya kiritishi kerak.
«O‘zbekneftgaz» Jizzakh Petroleum kompaniyasi ta’sischilari safidan chiqdi
«O‘zbekneftgaz» Jizzakh Petroleum kompaniyasi ta’sischilari safidan butunlay chiqdi. Bungacha qo‘shma korxonaning 49 foiz ulushi «O‘zbekneftgaz»ga tegishli edi.
Moliya vazirligi — parlament va prezident xarajatlarni tasdiqlaguncha COVID bilan kurashishga sarflangan pul haqida
Senat koronavirusga qarshi kurashish uchun qo‘shimcha 1,3 trln so‘m ajratishni ma’qulladi, biroq ushbu mablag‘ning 800 mlrd so‘mi allaqachon sarflab bo‘lingan. Bu senatorlar va prezident davlat budjetiga o‘zgartishlar kiritish to‘g‘risidagi qonunni tasdiqlaguncha sodir bo‘ldi. Mazkur holatni budjet qonunchiligi prezident va hukumat qarorlari doirasida jami budjet xarajatlarining ko‘pi bilan 3 foizidan foydalanishga imkon beradi, deya tushuntirdi Moliya vazirligi.
Ikkilamchi avtomobil bozorida narxlar nima uchun ko‘tarildi
Ikkilamchi bozorda ko‘pgina avtomobil modellarining narxi sezilarli darajada oshdi. Narxlarning keskin o‘sishi yangi mahalliy avtomobillarni ishlab chiqarishning sekinlashishi bilan bog‘liq bo‘lishi mumkin. Ushbu holat «ikkinchi qo‘l» avtomobillariga bo‘lgan talabni oshirib yubordi.
O‘zbekiston energetika sohasiga Rossiya sarmoyasini jalb qilishi mumkin
O‘zbekistonda Rossiya texnologiyalaridan foydalangan holda avtomobil va qishloq xo‘jaligi texnikasi ishlab chiqarish hajmini oshirish rejalashtirilmoqda. Bundan tashqari, O‘zbekistondagi energiya ishlab chiqarish quvvatlarini modernizatsiya qilish va muqobil energetika sohasidagi loyihalarga Rossiya sarmoyalarini jalb qilish imkoniyatlari ko‘rib chiqilmoqda. Bu haqda Moskvadagi hukumatlararo komissiya yig‘ilishida so‘z bordi.
«Gazprom» bilan yangi strategik hamkorlik shartnomasini imzolash rejalashtirilmoqda
O‘zbekiston Energetika vazirligi, Davlat geologiya qo‘mitasi va «Gazprom» o‘rtasida strategik sheriklik to‘g‘risidagi shartnoma imzolanishi rejalashtirilmoqda.
Ip kalava eksportiga vaqtinchalik qo‘shimcha to‘lov amaliyoti joriy etilishi mumkin
«O‘zto‘qimachiliksanoat» uyushmasi xabar berishicha, sentabr oyidan ichki bozorda ip-kalava uchun «asossiz ajiotaj» kuzatilmoqda. Uyushma noyabr oyida ip kalava eksportiga vaqtinchalik qo‘shimcha to‘lov amaliyoti joriy etilishini ma’lum qildi. Iqtisodchi Otabek Bakirov bu «yomon oqibatlar»ga olib kelishini ta’kidlamoqda.
Dollarning rasmiy kursi ko‘tarildi
1 AQSh dollarining so‘mga nisbatan rasmiy kursi 7 so‘mga ko‘tarilib, 10 683 so‘m etib belgilandi. Bundan tashqari, yevro va rubl kurslari ham oshdi.
Sardor Umurzoqov JST vakillari bilan tashkilotga a’zo bo‘lish masalalarini muhokama qildi
Investitsiyalar va tashqi savdo vaziri Sardor Umurzoqov JST bosh direktori o‘rinbosari Syanchen Chjan bilan uchrashib, tashkilotga a’zo bo‘lish bo‘yicha muzokaralarning holatini muhokama qildi. Yil oxirigacha JSTga a’zo bo‘lish bo‘yicha ishchi guruhning 5-yig‘ilishi o‘tkaziladi.
O‘zbekistonda 9 oyda elektromobil importi qariyb 7 baravarga oshdi
Yanvar-sentabr oylarida O‘zbekistonga 558 ta elektromobil import qilinib, import hajmi qariyb 7 baravarga oshdi. Ular asosan Xitoydan olib kelinmoqda.
Klaster va fermerlarga bug‘doyni bozor narxida to‘liq erkin sotish huquqi beriladi
Kelgusi yildan g‘allachilik klasterlari va fermerlarga yetishtirgan bug‘doyni bozor narxida to‘liq erkin sotish huquqi beriladi. Bunda ular 3 yil davomida har yilgi hosildan gektariga 2,5 tonna g‘allani birja savdolariga erkin narxlarda chiqaradi. «O‘zdonmahsulot» tarkibidagi donni qayta ishlash zavodlari ochiq savdolarga chiqariladi.
Shavkat Mirziyoyev saylovdan keyingi ilk yig‘ilishni o‘tkazib, qishloq xo‘jaligidagi islohotlarni ma’lum qildi
Shavkat Mirziyoyev saylovdan keyingi birinchi majlisda qishloq xo‘jaligidagi islohotlar va klasterlar faoliyatidagi muammolarni muhokama qildi. Paxta-to‘qimachilik klasterlari yanada ko‘proq imtiyozli kreditlar, davlat grantlari, mustaqillik va boshqalar beriladi.
Eng ko‘p o‘qilgan xabarlar | So‘nggi yangiliklar
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- So‘m beshinchi sessiyadirki dollarga nisbatan mustahkamlanmoqda. Sababi nima?
- Xitoy ilk bor O‘zbekistondagi korxonalar soni bo‘yicha Rossiyani ortda qoldirdi
- Nima uchun banklar nomingizdagi kartalar haqida SMS jo‘natmoqda?
Qo‘shimcha imkoniyatlardan foydalanish uchun saytda ro‘yxatdan o‘ting