Iqtisodiyot
Jahongir Ortiqxo‘jayev 7 ta kompaniyasini sotganini ma’lum qildi. Hozir ular kimga tegishli?
Toshkent shahrining sobiq hokimi va tadbirkor Jahongir Ortiqxo‘jayev o‘zining 7 ta kompaniyasi, jumladan, Magic City parki va Mediapark texnika do‘konlari tarmog‘ini sotganini aytdi. “Gazeta.uz” ochiq ma’lumotlarga asoslanib, ayni paytda ushbu kompaniyalar kimga tegishli ekanini o‘rganib chiqdi.
Buxorodagi turistik markaz avval qayerda rejalashtirilgan bo‘lsa, o‘sha yerda quriladi. Loyiha haqida nimalar ma’lum?
Buxoro shahri markazida o‘nlab davlat obyektlari, jumladan, hokimlik binolari va stadion joylashgan 32,6 gektar maydonda etnografik turizm markazi barpo etiladi. Viloyat hokimi Botir Zaripov o‘tgan yili fuqarolarning noroziligidan so‘ng to‘xtatilgan loyiha tafsilotlari haqida gapirdi.
O‘zbekistonda yanvar oyida inflyatsiya 0,64 foizni tashkil etdi
O‘zbekistonda yanvar oyida oziq-ovqat mahsulotlari narxi 0,7 foizga, nooziq-ovqat mahsulotlari 0,4 foizga, xizmatlar 0,9 foizga qimmatlashdi. Oziq-ovqat mahsulotlari inflyatsiyasida meva-sabzavotlarining narxi oshishi asosiy omilga aylandi. Shuningdek, chiqindi xizmati, benzin va propan narxlari oshdi.
“Tashabbusli budjet”ning “Bir fuqaro — bir ovoz” tizimi qanday ishlaydi? Vazirlik javobi
Endi “Tashabbusli budjet”dagi loyihalarda “Bir fuqaro — bir ovoz” tizimi amal qiladi. Ya’ni bir fuqaroda bir necha telefon raqami bo‘lsa ham, u faqat bittasidan ovoz bera oladi. Moliya vazirligiga ko‘ra, “SIM kartani kim ishlatayotgani ahamiyatsiz, u kimning nomidaligi muhim”. Batafsil.
Tadbirkorlar reytingi qanday tuziladi? Mezonlar
O‘zbekistonda tadbirkorlarning barqarorlik reytingini hisoblash uchun 23 ta mezon, jumladan, 9 ta jarima va 4 ta rag‘batlantirish qo‘llanadi. Bu kompaniyaning faoliyat davri, rentabellik darajasi, ko‘chmas mulk yoki yer uchastkasining mavjudligi, xodimlar ish haqi va boshqalarni o‘z ichiga oladi.
O‘zbekistonda 2024-yilda 450 ming dona yengil avtomobil ishlab chiqarish maqsad qilinmoqda
O‘zbekistondagi mahalliy avtomobilsozlik korxonalari tomonidan 2024-yilda 450 ming dona yengil avtomobillar ishlab chiqarishga erishish va ADM Jizzakh korxonasi negizida Koreyaning KIA brendi ostida avtomobillarni to‘liq siklda ishlab chiqarish maqsad qilinmoqda. Bu 2024-yilga oid davlat dasturiga kiritilgan.
O‘zbekistonda sement zavodlari qurilishiga moratoriy e’lon qilinadi — ekologiya vaziri
O‘zbekistonda sement zavodlari qurilishiga taqiq qo‘yilishi rejalashtirilmoqda, dedi ekologiya vaziri Aziz Abduhakimov. Unga ko‘ra, qurilgan 47 ta zavoddan 23 tasi faoliyatini to‘xtatgan. O‘rganishlarga ko‘ra, 25 ta sement ishlab chiqaruvchi korxonaning 90 foizi ekologik talablarni buzayotgani ma’lum bo‘lgan.
“Markaziy Osiyo Yevropa va Osiyo o‘rtasidagi tamal toshidir” — Jozep Borrel
Yevropa diplomatiyasi rahbari Jozep Borrel Markaziy Osiyo-Yevropa Ittifoqi Investorlar forumida “o‘tmishdagi qaramlikni yengib o‘tish hamda energiya va ta’minot zanjirlarida muqobil variantlarni topish uchun” mintaqalar o‘rtasidagi amaliy aloqalarga ko‘proq sarmoya kiritish kerakligini aytdi.
“Toshkentda yangi kvartiralar narxi kv. m uchun 25 mln so‘mga yetyapti”. Prezident — quruvchilar uchun qimmat kreditlar haqida
Toshkentda yangi kvartiralar narxi 1 kv. metrga 25 mln so‘mga yetdi va kadastri yo‘q uyga ipoteka berilmaydi, — dedi Shavkat Mirziyoyev. Prezident Ipotekani qo‘llab-quvvatlash jamg‘armasini tashkil etish va aholining uy-joy qurilishida ulushdor sifatida ishtirokini tartibga solish bo‘yicha topshiriq berdi.
JICA O‘zbekistonda chorvachilikni rivojlantirishga 200 mln dollar ajratadi
Yaponiya xalqaro hamkorlik agentligi (JICA) O‘zbekistonda chorvachilikni rivojlantirish loyihasi uchun 200 mln dollar ajratadi. Uning 40 mln dollari terini qayta ishlash va tayyor mahsulotlar ishlab chiqarish yo‘nalishda faoliyat yuritmoqchi bo‘lgan tadbirkorlarga imtiyozli kredit shaklida beriladi.
YIB O‘zbekiston, Qozog‘iston va Qirg‘izistonga transportni rivojlantirish uchun deyarli 1,5 mlrd yevro ajratadi
Yevropa investitsiya banki O‘zbekiston, Qozog‘iston va Qirg‘izistondagi transport loyihalarini 1,5 mlrd yevroga moliyalashtiradi.
Yevroittifoq va Markaziy Osiyo o‘rtasidagi transport aloqasiga 10 mlrd yevro sarmoya kiritiladi
Yevropa va xalqaro moliya institutlari Yevroittifoq va Markaziy Osiyo o‘rtasidagi barqaror transport aloqalari uchun 10 mlrd yevro ajratadi. Investitsiyalar Transkaspiy transport yo‘lagini rivojlantirishga yo‘naltiriladi, shunda yuklar u orqali 15 kun ichida o‘tishiga erishiladi.
Qurilish ishlarida “resurs usuli”dan “hajm usuli”ga o‘tiladi — prezident
Prezident qurilish loyihasi, tender, obyektni qabul qilishda korrupsiya uchrab turgani, ayrim quruvchi tadbirkorlar yashirin ishlashga majbur bo‘layotganini aytdi. Endi qurilish ishlarida “resurs usuli”dan voz kechilib, “hajm usuli”ga o‘tiladi. Unda pudratchidan yakuniy natija so‘raladi.
“Tashabbusli budjet”ning yangi mavsumi 1-fevraldan boshlanadi
Iqtisodiyot va moliya vazirligi “Tashabbusli budjet”ning 2024-yilgi ilk mavsumi 1-fevraldan boshlanishini e’lon qildi. Bu mavsum uchun 3 trln so‘mdan ortiq mablag‘ yo‘naltiriladi.
O‘zbekiston qanday qilib gazning sof importchisiga aylanib qoldi?
2023-yilda O‘zbekiston eksport qilganidan ko‘ra ko‘proq gaz importini amalga oshirdi. Yetkazib berish orasidagi farq 165 mln dollardan oshdi. “Gazeta.uz” mamlakat ichida ulkan gaz zaxiralari bo‘lishiga qaramay, bu holat yuzaga kelishiga sabab bo‘lgan omillarni o‘rganishga harakat qildi.
Soliq ilovasi yuklama ortgani sababli uzilishlar bilan ishlamoqda
Davlat soliq qo‘mitasining Soliq mobil ilovasi ma’lumotlar markazida yuklama ortib ketgani sababli uzilishlar bilan ishlamoqda. Qo‘mitaning “Gazeta.uz”ga ma’lum qilishicha, so‘nggi paytlarda ro‘yxatdan o‘tkazilayotgan cheklar soni ko‘payib, amaldagi serverning quvvati yetmay qolishni boshlagan.
Markaziy bank raisi — jarimaga tortilayotgan banklar nomi nega ochiqlanmayotgani haqida
Markaziy bank raisi Mamarizo Nurmuratov regulyator tomonidan jarimaga tortilayotgan banklar nomi nega ochiqlanmayotganini izohladi. “Aholida noto‘g‘ri tushuncha shakllanmasligi uchun bankning ichki faoliyati bilan bog‘liq holatlarda chora ko‘rilgan banklar nomini e’lon qilmaslikka qaror qildik”, — dedi u.
YTTB O‘zbekiston uchun yangi besh yillik strategiyani tasdiqladi
YTTB O‘zbekiston uchun yangi besh yillik strategiyani tasdiqladi. Undagi asosiy ustuvorliklarga dekarbonizatsiya, suvni tejash va qayta tiklanadigan energiya manbalarini qo‘llab-quvvatlash, xususiy sektorni rivojlantirish, iqtisodiy boshqaruv va ishbilarmonlik muhitini yaxshilash kiradi.
Xitoyning SANY kompaniyasi Qoraqalpog‘istonda shamol elektr stansiyasi qurishni rejalashtirmoqda
Prezident SANY kompaniyasining Qoraqalpog‘istonda shamol elektr stansiyasi qurish bo‘yicha rejalarini qo‘llab-quvvatladi. Shuningdek, u CSG rahbariyati bilan energetik xavfsizlikni ta’minlash va energiya tarmoqlarida yo‘qotishlarni kamaytirish standartlarini joriy etish masalalarini muhokama qildi.
Shavkat Mirziyoyev Jizzaxda BYD elektromobillarini ishlab chiqarishga start berdi
Shavkat Mirziyoyev va BYD kompaniyasi prezidenti Van Chuanfu Jizzax viloyatida yiliga 50 ming dona gibrid va elektr avtomobillarni yig‘ish bo‘yicha loyihani ishga tushirishga bag‘ishlangan marosimda ishtirok etdi. Kompaniya Shavkat Mirziyoyevga YANGWANG U8 avtomobilini hadya qildi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting