Iqtisodiyot
Markaziy bank asosiy stavkani 14 foiz darajasida qoldirdi
Markaziy bank asosiy stavkani 14 foiz darajasida o‘zgarishsiz qoldirishga qaror qildi. O‘zbekistonda 2024-yilda umumiy inflyatsiya 8−9 foiz, YAIMning real o‘sishi 5,5−6 foiz atrofida bo‘lishi kutilmoqda.
O‘zbekiston va Xitoy munosabatlarini barcha sharoitda har tomonlama strategik sheriklik darajasiga olib chiqmoqda — prezident
Shenchjen shahridagi Investitsiya forumida Shavkat Mirziyoyev Xitoy bilan hamkorlikning ustuvor yo‘nalishi sifatida xomashyoni chuqur qayta ishlash, qishloq xo‘jaligiga ilg‘or texnologiyalari joriy etish va yerlarni qayta tiklash bo‘yicha loyihalarga mablag‘ jalb etishni sanab o‘tdi.
Antikorrupsiya agentligi SSVning 435 mln so‘mlik tenderida qonun talablari buzilganini aniqladi
Korrupsiyaga qarshi kurashish agentligi Sog‘liqni saqlash vazirligining 435 mln so‘mlik tenderida qonun talablari buzilganini aniqladi. Avvalroq “Gazeta.uz” mazkur tender bir korxona ta’sischilari ishtirokida o‘tkazilgani haqida yozgandi.
“Ular buni suiiste’mol qilishga o‘tib oldi”. Prezident yerlar to‘liq o‘zlashtirilmaguncha hokimlarga sanoat zonalarini kengaytirishni taqiqladi
Prezident hokimlarga iqtisodiy zonalardagi yerlar to‘liq o‘zlashtirilmagunicha ularning maydonini kengaytirishni man qildi. O‘tgan yili Namangan va Buxoro viloyatlari hokimlari sanoat zonalarida bo‘sh yerlar ko‘p bo‘lishiga qaramay, kengaytirgan. Auksiondagi savdolarda 59 foizga yaqin yer nominal qiymatda sotilgan.
Korean Air aviakompaniyasi Seul va Toshkent o‘rtasidagi parvozlarni to‘xtatadi
Janubiy Koreyaning Korean Air aviakompaniyasi 1-martdan Seul — Toshkent — Seul yo‘nalishi bo‘yicha reyslarni to‘xtatadi. Parvozlar 2008-yilda boshlangandi. Kompaniya vakolatxonasining xabar berishicha, bunga yo‘lovchilar oqimining kamligi sabab bo‘lgan.
Xitoy Eksimbanki Toshkentda mintaqaviy ofis ochishni rejalashtirmoqda
Shavkat Mirziyoyev va Xitoy Eksport-import banki raisi o‘rtasidagi uchrashuvda bankning Toshkent shahrida mintaqaviy ofis ochish va boshqa rejalari ko‘rib chiqildi. Bu bank O‘zbekistonga qarz bergan eng yirik kreditorlardan biri hisoblanadi.
O‘zbek-qirg‘iz avtozavodining ishga tushirilishi yana ortga surilmoqda
O‘zbek-qirg‘iz qo‘shma avtomobil zavodini ishga tushirish yana ortga surildi. Qirg‘iziston iqtisodiyot va savdo vazirining so‘zlariga ko‘ra, bunga ob-havo sharoiti sabab bo‘lmoqda. Ishga tushirishning yangi muddati 2024-yilning birinchi yarmi bo‘lishi mumkin.
O‘zbekiston Xitoyning CNPC korporatsiyasini yerosti gaz saqlash sig‘imlarini barpo etishga jalb qilishi mumkin
Prezident Xitoyning CNPC neft-gaz korporatsiyasi raisi bilan O‘zbekistonda yerosti gaz saqlash sig‘imlarini barpo etish va gaz yetkazish tizimlarini modernizatsiya qilish, zamonaviy burg‘ilash texnologiyalarini joriy qilish kabi masalalarni muhokama qildi.
O‘zbekiston strategik xomashyoni qayta ishlash loyihalarida OIIBdan ko‘mak kutmoqda
Shavkat Mirziyoyev Osiyo infratuzilmaviy investitsiyalar banki rahbari bilan uchrashuvda strategik xomashyoni chuqur qayta ishlash loyihalari va ijtimoiy ahamiyatga molik dasturlarni moliyalashtirish hajmini oshirish muhimligini qayd etdi.
Tadbirkorlarning barqarorlik reytingi 1-fevraldan joriy etiladi
Qonunchilikka amal qilib ishlayotgan tadbirkorlarni aniqlash va rag‘batlantirishni nazarda tutuvchi Tadbirkorlik subyektlarining barqarorlik reytingi 1-martdan emas, 1-fevraldan joriy etilishi belgilandi. Tadbirkorlar reyting doirasida 4 ta toifaga ajratiladi va shunga mos ravishda rag‘batlantiriladi.
Markaziy bank — mehnat bozoridagi tendensiyalar haqida
Mehnat bozoridagi vaziyat barqarorligicha qolmoqda: ishsizlik darajasi 8,1 foizgacha pasaygan, joriy yil ko‘rsatkich 7,5−8 foizgacha tushishi prognoz qilinmoqda. Mehnat migratsiyasida geografik diversifikatsiya kuzatilmoqda, Rossiyadan pul o‘tkazmalari ulushi 87 foizdan 78 foizga kamaydi.
2023-yilda gaz qazib olish 5 mlrd kub metrga qisqardi, benzin ishlab chiqarish va ko‘mir qazib olish oshdi
2023-yil oxirida O‘zbekistonda gaz qazib olish qariyb 5 mlrd kub metrga kamaydi. Neft va gaz kondensati ishlab chiqarish ham qisqardi. Shu bilan birga, ko‘mir qazib olish 15,5 foizga — 6,2 mln tonnagacha ko‘paydi. Elektr energiyasi, benzin va dizel ishlab chiqarish ham oshdi.
2023-yilda aholi jon boshiga umumiy daromadlarning real o‘sishi sekinlashib, 102,4 foiz bo‘ldi
2023-yilda aholi jon boshiga umumiy daromadlarning real o‘sishi 102,4 foizni tashkil etdi (2022-yilda 107,3 foiz). Mamlakat bo‘yicha jon boshiga umumiy daromadlar 20 mln so‘mni tashkil etdi, eng yuqori ko‘rsatkich Toshkentda (44,4 mln so‘m), eng quyi ko‘rsatkich esa Qoraqalpog‘istonda (14,5 mln so‘m) qayd etildi.
O‘zbekiston 2023-yilda nimalar bilan savdo qildi?
O‘zbekistonning tovar aylanmasi 2023-yilda 23,8 foizga oshib, 62,6 mlrd dollarni tashkil etdi. Savdo taqchilligi rekord daraja — 13,7 mlrd dollarga yetdi. Eksportning uchdan bir qismini rekord darajada sotilgan oltin tashkil etdi. Oziq-ovqat, neft va gaz importi keskin oshdi.
O‘zbekiston 2023-yilda Xitoyga 563,53 mln dollarlik tabiiy gaz eksport qildi
2023-yilning yanvar-dekabr oylarida O‘zbekistondan Xitoyga 563,53 mln dollarlik tabiiy gaz eksport qilindi. Bu — 2022-yilgi ko‘rsatkich (1,07 mlrd dollar)dan salkam ikki baravar kam.
621 ming so‘m — O‘zbekistonda kambag‘allik chegarasi yangilandi
O‘zbekistonda minimal iste’mol xarajatlari miqdori 568 ming so‘mdan 621 ming so‘mgacha oshirildi. Ko‘rsatkich mamlakatda kambag‘allik chegarasini aniqlash uchun ishlatiladi.
Uzcard faoliyatida uzilishlar kuzatilmoqda
Mobil ilovalarda Uzcard orqali to‘lovni amalga oshirib bo‘lmayapti, kartadagi mablag‘ qoldig‘i esa noto‘g‘ri ko‘rsatilmoqda. Kompaniya soat 10:00 ga qadar davom etadigan texnik va profilaktik ishlar olib borilayotganini ma’lum qildi (dastlab bu ishlarni 3:30 gacha, keyinchalik 9:00 gacha yakunlash rejalashtirilgandi).
“Ekspertiza vaqtida maishiy texnikalar ro‘yxati bo‘lmagan”. Adliya vazirligi — maishiy texnikalar importiga qo‘yiladigan yangi talablar haqida
Adliya vazirligi maishiy texnikalar va boshqa jihozlarni olib kirishda ishlab chiqaruvchining dileri bo‘lishi shartligi belgilangan prezident qarori loyihasi ekspertizadan o‘tkazilganda tovarlar ro‘yxati bo‘lmaganini bildirdi. Cheklovga Raqobat qo‘mitasi va “O‘zeltexsanoat” ham munosabat bildirdi.
O‘zbekiston yalpi ichki mahsuloti 2023-yilda 1,07 kvadrillion so‘mga yetdi
O‘zbekiston iqtisodiyoti 2023-yilda 6 foizga o‘sib, 1,07 kvadrillion so‘mni (90,8 milliard dollarga yaqin) tashkil etdi. Aholi jon boshiga yalpi ichki mahsulot hajmi 28,98 million so‘mga (2468 dollar) o‘sdi, deya xabar bermoqda Statistika agentligi.
O‘zbekistonda qishloq xo‘jaligi yerlarini ijaraga berish huquqini boshqa shaxslarga o‘tkazishga ruxsat etiladi
O‘zbekistonda qishloq xo‘jaligi yerlari ijarachilari o‘z huquq va majburiyatlarini yer uchastkasidan foydalanish maqsadini o‘zgartirmagan holda boshqa shaxsga o‘tkazishi mumkin bo‘ladi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting