Iqtisodiyot
Ai-80 benziniga aksiz solig‘i bekor qilingani sababli budjet 100 mln dollar yo‘qotdi. Aholi esa bu imtiyozdan foyda ko‘rmadi
O‘tgan yilda Ai-80 benziniga aksiz solig‘i vaqtincha bekor qilingani sababli davlat budjetiga 100 mln dollar kamomad yetdi, shunga qaramay, O‘zbekiston aholisi bu imtiyozdan deyarli naf ko‘rmadi. Energetika vazirligi bundan asosan tadbirkorlar foyda ko‘rganini tasdiqladi.
IT-Park rezidentlarining faoliyat turlari kengaytirildi
Multimedia va dizayn xizmatlarini ko‘rsatuvchi, shuningdek, kibersport, venchur moliyalashtirish va multiplikatsiya sohasidagi kompaniyalar ham endi O‘zbekistondagi IT-Park rezidenti bo‘lishi mumkin.
IT-Med tugatilmoqda, Raqamli sog‘liqni saqlash platformasi bilan UZINFOCOM shug‘ullanadi
Sog‘liqni saqlash sohasini raqamlashtirish bilan shug‘ullangan IT-Med davlat muassasasi tugatilmoqda, uning Raqamli sog‘liqni saqlash platformasini yaratish bo‘yicha majburiyatlari UZINFOCOM yagona integratoriga o‘tkazilmoqda. Sohaga oid asosiy axborot tizimlarini ishga tushirish 2024−2025-yillarga mo‘ljallanmoqda.
Ai-80 benzini bahorda qimmatlaydi. 1-apreldan benzin, dizel yonilg‘isi va gazga nisbatan aksiz solig‘i oshiriladi
O‘zbekistonda 1-apreldan Ai-80 benziniga nisbatan aksiz solig‘i stavkasi 12 foizga, Ai-91 va undan yuqori benzin uchun o‘zgarishsiz qoladi. Qaror zararli gazlarning aholi salomatligiga salbiy ta’sirini kamaytirish bilan izohlandi, biroq aksiz solig‘i ekologik toza yonilg‘i turlariga nisbatan ham oshiriladi.
Toshkent hokimiyati Fitch agentligi reytingini qaytarmoqchi
Toshkent hokimiyati Fitch xalqaro reyting agentligining shahar reytingini aniqlash jarayonidagi ishtirokini tiklash to‘g‘risida qaror qabul qildi. Avvalroq Fitch shahar reytingini qaytarib olgandi.
2023-yilda inflyatsiya 8,77 foizni tashkil qildi. O‘zbekistonda o‘tgan yil davomida narxlar qanday o‘zgardi?
2023-yil yakuniga ko‘ra O‘zbekistonda 8,77 foizli inflyatsiya qayd etildi, bu 2016-yildan beri eng past ko‘rsatkich sanaladi. Yil davomida guruch 38,7%, go‘sht 9,3%, sut 13,3%, tuxum 11,7%, shakar 11% ga qimmatladi. Benzin narxi 19,1%, propan narxi esa 29,4% ga oshdi.
Ai-80 benzini uchun aksiz solig‘ini “nol” stavkada qo‘llash yakunlandi. Yangi narxlar
31-dekabrda Ai-80 benziniga joriy etilgan aksiz solig‘ini “nol” stavka qo‘llash yakuniga yetdi. Endi UNG Petro yonilg‘i quyish shoxobchalarida ushbu markadagi benzin narxi 6800 so‘mdan sotilmoqda (bungacha 6050 edi), xususiy shoxobchalarda esa qimmatroq.
2024-yil uchun Toshkent budjeti: xarajatlar qanday o‘zgarmoqda?
Toshkent shahri budjetining 2024-yilgi xarajatlari 8,07 trln so‘m miqdorida tasdiqlandi. Issiqlik energiyasi uchun subsidiyalar qariyb 2 trln so‘mgacha (barcha xarajatlarning to‘rtdan bir qismi) oshadi, tashqi qarz, O‘TTJ oldidagi kreditni qaytarish va chet el kreditlarini qoplash kabi xarajatlar paydo bo‘ladi.
Toshkent shahrining 2024-yilgi budjeti tasdiqlandi. Daromadlar qanday oshadi?
Toshkent shahri kengashi 2024-yilgi budjetni tasdiqladi. Bu yil ham jamoatchilik muhokamasi va jonli efir bo‘lmadi. YAHM o‘sishi tezlashishi kutilmoqda. Aholidan olinadigan daromad solig‘i, davlat tashkilotlari foydasidan olinadigan daromadlar keskin oshishi hisobiga budjet 8 trln so‘mni tashkil etadi.
Endi har qanday yoshdagi farzandining kontraktini to‘lagan ota-onalar daromad solig‘idan ozod qilinadi
Prezident imzolagan qonun bilan endi har qaysi yoshdagi farzandining kontrakt pullarini to‘lagan ota-onalar daromad solig‘i to‘lamaydi. Ilgari bu faqat 26 yoshgacha bo‘lgan farzandlar uchun taalluqli edi. Soliq huquqbuzarligi sodir etilganda aybdor 3 yil ichida jazolanishi kerak.
O‘zbekistonda avtomobillar va elektromobillar importini cheklash rejalashtirilmoqda
O‘zbekistonda avtomobillar va elektromobillarni olib kirish qoidalarini qat’iylashtirish rejalashtirilmoqda. 2024-yildan boshlab jismoniy shaxslarga tijorat maqsadlarida avtomobil importi taqiqlanishi mumkin. Yangi xorijiy avtomobillarni faqat rasmiy dilerlar orqali sotish tartibiga qaytish taklif qilinmoqda.
Samarqand shahri uchun Xitoydan 10 ta avtobus olib kelindi
Xitoyning CRRC kompaniyasidan Samarqand shahri jamoat transporti uchun 10 ta avtobus keltirildi. Yana 20 ta shunday avtobus olib kelinishi reja qilinmoqda.
Oilaviy tadbirkorlarga 5 nafargacha ishchi yollashga ruxsat berildi
O‘zbekistonda yuridik shaxs tashkil etmagan oilaviy tadbirkorlik subyektlari besh nafargacha doimiy ishchi yollashi mumkin bo‘ldi. Ilgari bu raqam uchtani tashkil etardi.
O‘zbekistonda yuk mashinalariga yo‘l yig‘imi joriy etiladi
O‘zbekistonda 2024-yildan yuk ko‘tarish quvvati 10 tonnadan ortiq bo‘lgan yuk mashinalari va tirkamalariga yo‘ldan foydalanganlik uchun yig‘im joriy etiladi. Mablag‘lar avtomobil yo‘llarini rivojlantirish maqsadli jamg‘armasiga yo‘naltiriladi.
Uzbekistan Airways yil boshidan buyon 5 mln yo‘lovchini tashidi
28-dekabr kuni Uzbekistan Airways yil boshidan beri 5 millioninchi yo‘lovchisini ro‘yxatga oldi. Bu tashuvchi uchun yillik rekord ko‘rsatkichdir. 2022-yilda bu raqamlar 4,2 mln ni tashkil etgan.
Prezident ayrim tovarlar uchun bojxona bojining nol stavkalari muddatini uzaytirdi
Prezident farmoni bilan bir qator oziq-ovqat mahsulotlariga import bojxona bojining nol stavkasini qo‘llash muddati 2025-yil 1-yanvarga qadar uzaytirildi. Qarordan ichki bozorda narxlar barqarorligini ta’minlash va inflyatsiyani jilovlash maqsad qilingan.
2024-yildan jismoniy shaxslar uchun ijara haqining yangi minimal stavkalari belgilandi
O‘zbekistonda 2024-yil 1-yanvardan bino yoki avtomashinani ijaraga beradigan jismoniy shaxslar uchun eng kam ijara haqi stavkasi oshiriladi. Iqtisodiyot va moliya vazirligi stavkalar Toshkent shahrida deyarli 50 foizga oshayotganiga izoh berdi.
UzAuto Motors 25−27-dekabr kunlari tuzilgan shartnomalar bo‘yicha to‘lov muddatini 10-yanvargacha uzaytirdi
UzAuto Motors 2023-yilning 25−27-dekabr kunlari tuzilgan shartnomalar bo‘yicha to‘lov muddati bayram kunlari munosabati bilan 2024-yilning 10-yanvar kuniga qadar uzaytirilganini ma’lum qildi.
Yangi Toshkent direksiyasi rahbari ta’sischisi uning qarindoshi bo‘lishi mumkin bo‘lgan bosh pudratchi bilan 350 mlrd so‘mlik shartnoma tuzdi
Yangi Toshkent direksiyasi rahbari Davronjon Adilov Gold Step Invest kompaniyasi bilan poytaxt va Yangi Toshkent o‘rtasida transport kesishmasini tashkil etish bo‘yicha to‘g‘ridan-to‘g‘ri shartnoma tuzdi. Kompaniyaning hammuassisi uning qarindoshi bo‘lishi mumkin. Loyiha qiymati 350 mlrd so‘mga baholanmoqda.
UzAuto Motors xaridorlar “sotuvga” joylayotgan shartnomalarni monitoring qilayotganini bildirdi
UzAuto Motors kompaniyasi xaridorlar tomonidan “sotuvga” joylanayotgan shartnomalar monitoringini olib borayotgani va ularning maxsus ma’lumotlar bazasini shakllantirilishini ma’lum qildi. Kompaniya xaridorlardan uchinchi shaxslardan to‘lov qilinmagan avtomobil shartnomalarini “sotib olmasliklikni” so‘radi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting