Iqtisodiyot
O‘zbekiston va Qozog‘iston savdodagi to‘siqlarni bartaraf etish bo‘yicha ishchi guruh tuzadi
O‘zbekiston va Qozog‘iston o‘zaro savdodagi to‘siqlarni bartaraf etish bo‘yicha qo‘shma ishchi guruh tuzadi. UzKazTrade qo‘shma tashqi savdo kompaniyasi orqali onlayn savdo maydonchasini yaratish rejalashtirilmoqda.
O‘zbekistonning oltin-valyuta zaxiralari 2023-yilda 1,2 mlrd dollarga kamaydi
Dekabrda O‘zbekiston xalqaro zaxiralari ko‘paydi, biroq 2023-yil bo‘yicha mamlakatning “moliyaviy yostiqchasi” 1,2 mlrd dollarga kamayib, 34,56 mlrd dollarni tashkil etdi. Yillik hisobda zaxiralar kamayishi 2018-yildan beri ilk marta kuzatildi. Oltinning fizik hajmi yil davomida deyarli 25 tonnaga kamaydi.
O‘zbekistonda 2024-yilda jismoniy shaxslardan olinadigan mol-mulk solig‘i stavkalari va hisob-kitoblari qanday o‘zgardi?
2024-yildan Soliq kodeksiga kiritilgan o‘zgartirishlar bilan jismoniy shaxslarning mol-mulk solig‘i stavkalari oshirildi va ularni hisoblash tartibi o‘zgardi. Endi jismoniy shaxslar uchun noturar joy obyektlarining soliq bazasini hisoblash tartibi yuridik shaxslar uchun belgilangan tartib bilan bir xil bo‘ladi.
Sariosiyo-Toshkent yo‘nalishida ilk sinov parvozi amalga oshirildi
Toshkent-Termiz-Sariosiyo-Toshkent yo‘nalishida Let L-410 havo kemasi bilan ilk sinov parvozi amalga oshirildi. Doimiy parvozlar yo‘lovchi terminali qurilib, zaruriy infratuzilma yaratilgandan so‘ng ATR-72, Let L-410 va undan kichik samolyotlarda yo‘lga qo‘yiladi.
2024-yilda soliqlar: nima o‘zgardi?
O‘zbekiston Soliq kodeksiga o‘zgartirishlar kiritildi. Spirtli ichimliklar, alkogol va tamaki mahsulotlari, benzin, qurilish materiallariga aksiz solig‘i stavkalari o‘zgarmoqda. Ichimliklar uchun aksiz solig‘i, shuningdek, yangi yig‘imlar joriy etilmoqda. Soliqlar bo‘yicha o‘zgarishlar — “Gazeta.uz” sharhida.
Dekabrda 3 ta bankning ayrim operatsiyalari cheklandi, 2 ta bank jarimaga tortildi
Markaziy bank qo‘mitasi 2023-yil dekabr oyida amaldagi qonunchilik talablariga rioya etmagani uchun 3 ta bankning ayrim operatsiyalarni amalga oshirishiga cheklov o‘rnatdi va 2 ta bankka nisbatan jarima sanksiyasini qo‘lladi.
O‘zbekiston ketma-ket ikkinchi oy dunyoda eng ko‘p oltin sotgan mamlakat bo‘ldi
O‘zbekiston oktabrda kuzatilgani kabi noyabr oyida ham dunyoda eng ko‘p oltin sotgan davlat bo‘ldi. Mamlakatning qimmatbaho metallni sotish hajmi 11 tonnani tashkil etdi, bu ikkinchi o‘rindagi Qozog‘istonning ko‘rsatkichlaridan deyarli 4 baravar ko‘p.
O‘zini o‘zi band qilganlar va kichik biznesni moliyalashtirishda tavakkalchilik darajasi pasaytirilmoqda
Markaziy bank o‘zini o‘zi band qilgan shaxslar hamda kichik tadbirkorlik subyektlariga mikromoliyaviy xizmatlar ko‘rsatishda tavakkalchilik darajasini 100 foizdan 75 foizgacha tushirishni reja qilmoqda.
“O‘zbekiston shampani” zavodidagi davlat ulushi 72 mlrd so‘mga sotildi
“O‘zbekiston shampani” aksiyadorlik jamiyatidagi davlat ulushi 72 milliard so‘mga sotildi. Shampan, gazli va ko‘piklanadigan vinolar ishlab chiqaruvchi zavodning xaridori Euro Pack kompaniyasi bo‘ldi.
“Kredit reytingining tushirilishi biz uchun signal bo‘ldi” — “O‘zbekneftgaz” rahbari
“O‘zbekneftgaz” rahbari Bahodirjon Sidiqov kompaniyaning kredit reytingi pasaygani va S&P xalqaro reyting agentligi prognozi yomonlashgani haqidagi savolga javob berdi. Uning so‘zlariga ko‘ra, bu kompaniyaga “vaziyatni to‘g‘rilash” uchun signal bo‘ldi.
Markaziy bank qarz yuki bo‘yicha talablarni barcha kreditlar kesimida joriy etishni rejalashtirmoqda
Markaziy bank 1-iyuldan qarz yuki hisobini barcha kreditlar kesimida joriy etishni rejalashtirmoqda. Regulyator bu sanadan boshlab ortiqcha qarz yukining oldini olish maqsadida qarz beruvchilarga mijozlarining qarz yuki 60 foizdan oshib ketmasligi bo‘yicha talab qo‘ymoqchi.
Elektr iste’moli bo‘yicha quvvat chegarasining bekor qilinishi avariyalar sonini oshirdi — Energetika vazirligi
Elektr iste’moli (10−15 kVt) uchun quvvat chegarasining bekor qilinishi Toshkent elektr tarmoqlarida avariyalar sonini bir necha barobarga oshirdi, deb xabar qildi Energetika vazirligi. Vazirlik hisoblagichlarning dasturiy ta’minotini takomillashtirmoqda.
O‘zbekistonda 2 yil ichida energetika tizimining barqaror va uzluksiz ishlashiga erishish reja qilinmoqda
Energetika vazirligi ikki yil ichida energetika tizimining barqaror va uzluksiz ishlashiga erishmoqchi. Buning uchun ishlab chiqarish quvvatlarini keskin oshirish, to‘liq raqamlashtirish, uzatish tarmoqlarini boshqarishga xususiy operatorlarni jalb qilish va boshqalar rejalashtirilmoqda.
Soliq majburiyati bo‘yicha da’vo muddati 5 yildan 3 yilga qisqartirildi
Soliq kodeksiga kiritilgan o‘zgartirishlarga ko‘ra, 1-yanvardan soliq organlari tadbirkorlik subyektlarining so‘nggi 5 yil emas, balki 3 yil davomidagi faoliyatini tekshirishi mumkin. Shuningdek, kameral tekshiruv o‘tkazish tartibi ham o‘zgardi.
Elektr energiyasi uchun o‘suvchan koeffitsiyentlarni joriy etish qanday natija berdi?
O‘zbekistonda birgina noyabr oyining o‘zida elektr energiyasi iste’moli uchun o‘suvchan koeffitsiyentlarning joriy etilishi oyiga 1000 kVt/soatdan ortiq iste’mol qiluvchi abonentlardan qo‘shimcha 26 mlrd so‘m undirish imkonini berdi, deya ta’kidladi Energetika vazirligi.
Binance xalqaro kriptobirjasi O‘zbekistonda litsenziyasiz ishlagani uchun jarimaga tortildi
Istiqbolli loyihalar milliy agentligi Binance xalqaro kriptobirjasi bo‘yicha tekshiruv o‘tkazdi. Platforma operatsiyalarni jinoiy faoliyatdan olingan kriptoaktiv hamda mablag‘lar bilan amalga oshirishi aniqlandi. Shuningdek, kriptobirja O‘zbekistonda litsenziyasiz ishlaydi. ILMA Binance`ga jarima soldi.
O‘zbekistonda 1-apreldan gazli va energetik ichimliklarga aksiz solig‘i joriy etiladi
1-apreldan tarkibida shakar bo‘lgan gazlangan ichimliklar litri uchun 500 so‘m, energetik ichimliklar uchun 2000 so‘m miqdorida aksiz solig‘i joriy etiladi. Avvalroq ichimlik ishlab chiqaruvchilar ularning investitsion rejalariga ta’sir qiluvchi bu chora oldindan muhokama qilinmaganiga e’tiroz bildirgandi.
O‘zbekistonda 2025-yildan dalada suv hisoblagich o‘rnatgan fermerlar uchun soliq koeffitsiyenti kamaytiriladi
O‘zbekistonda 2025-yildan boshlab dalada suv hisoblagich o‘rnatgan va tejamkor texnologiyalarni qo‘llaydigan fermerlar uchun soliq koeffitsiyenti kamaytiriladi. Aksincha holatlarda esa oshiriladi. Suv tejovchi texnologiyalarni joriy qilish uchun imtiyozli kredit liniyasi tashkil qilinadi.
O‘zbekiston 2026-yilgacha Ai-80 benzinidan voz kechadi. Bunga qanday erishiladi?
O‘zbekiston hukumati 2026-yilgacha Ai-80 benzin ishlab chiqarishdan voz kechmoqchi. Buni elektromobillarni ommalashtirish va ular uchun infratuzilmani yaratish, Ai-92 benzin ishlab chiqarishni ko‘paytirish, gaz quyish shoxobchalari uchun gaz yetkazib berish va boshqa chora-tadbirlar hisobiga amalga oshirish rejalashtirilgan.
O‘zbekistonda Ai-80 benzinining narxini cheklash rejalashtirilmoqda
O‘zbekistondagi barcha “zapravka”larda Ai-80 benziniga 8 ming so‘mlik yuqori narx chegarasini belgilash rejalashtirilmoqda. Bundan tashqari, raqobatni rivojlantirish uchun “Tatneft”, “Lukoyl”, “Gazpromneft” va Saneg kompaniyalarini 80 dan ortiq “zapravka” qurilishiga jalb etish rejalashtirilgan.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting