Guljahon Yo‘ldoshevaning qo‘lga olinishiga reanimatolog Farrux Rustamovning o‘limi sabab bo‘lgan
Toshkent viloyat yuqumli kasalliklar shifoxonasi bosh shifokori Guljahon Yo‘ldoshevaning hibsga olinishiga reanimatolog Farrux Rustamovning koronavirusdan vafot etgani sabab bo‘lgani ma’lum qilindi. Marhum vafotidan so‘ng «Jasorat» medali bilan taqdirlangan.
O‘zbekistonda iqtisodiy o‘sish yanada pasayishi kutilmoqda — OTB
Osiyo taraqqiyot banki 2020 yilda O‘zbekiston YAIM hajmi o‘sishi bo‘yicha prognozini 0,5%gacha pasaytirdi. Tashkilotning yangi hisobotiga ko‘ra, bunga COVID-19 pandemiyasi, talabning sustligi, sanoat ishlab chiqarishi va xizmatlar sohasidagi pasayish sabab bo‘lmoqda. Biroq, 2021 yilda YAIM 6,5% gacha ko‘tarilishi kutilmoqda.
Fuqarolarning diniy huquq va erkinliklari kengaytirilmoqda
Oliy Majlis Qonunchilik palatasi «Vijdon erkinligi va diniy tashkilotlar to‘g‘risida"gi qonunga o‘zgartish va qo‘shimchalar kiritish haqidagi qonunni qabul qildi. Unga ko‘ra, ota-onalarga farzandlariga uy sharoitida din asoslarini o‘qitishga ruxsat berilmoqda. Shuningdek, fuqarolarning jamoat joylarida ibodat liboslarida yurishlariga yo‘l qo‘ymaslik talabi bekor qilinadi.
OTMlarga kirish imtihonlari o‘tkazilishiga doir yakuniy ma’lumotlar e’lon qilindi
O‘zbekistonda OTMlarga kirish imtihonlari yakunlari e’lon qilindi. Imtihonlarda 1,2 mln nafar (95,1%) abituriyent qatnashdi. 63 ming nafari esa kelmagan, 1187 nafari esa test sinovlaridan chetlashtirilgan. 90 nafar abituriyentda tana harorati 37 darajadan yuqori ekanligi aniqlangan.
Suma Chakrabarti Shavkat Mirziyoyevning maslahatchisi etib tayinlandi
Yevropa tiklanish va taraqqiyot bankining sobiq rahbari Suma Chakrabarti Shavkat Mirziyoyevning iqtisodiy rivojlanish, samarali boshqaruv va xalqaro hamkorlik masalalari bo‘yicha maslahatchisi etib tayinlandi.
Koronavirus holatlari soni 48 mingtaga yaqinlashdi
14 sentyabr kuni O‘zbekistonda 572 ta koronavirus holati qayd etildi. Jami aniqlangan COVID-19 holatlari soni 48 mingtaga yaqinlashdi.
UNG kompaniyasi Ai-92 benzini narxini arzonlashtirmoqda
15 sentyabrdan boshlab UNG AYOQSHlarida import va mahalliy Ai-92 benzini narxi 5500 so‘mga qadar arzonlashtiriladi.
IIO xodimlarining havo sharlari sotuvchilaridan ularni tortib olib, uchirib yuborganiga izoh berildi
Ijtimoiy tarmoqlarda Toshkent IIBB xodimlarining ko‘cha sotuvchilaridan havo sharlarini tortib olib, ularni osmonga uchirib yuborayotgani aks etgan video tarqaldi. Poytaxt IIBB buni sharlarning yonuvchi gaz bilan to‘ldirilgani, ular portlagan taqdirda, atrofdagilarga zarar yetkazishi mumkinligi bilan izohladi.
Xavfsiz, tartibli va qonuniy mehnat migratsiyasi tizimining asosiy yo‘nalishlari belgilandi
Xavfsiz, tartibli va qonuniy mehnat migratsiyasi tizimining 6 ta asosiy yo‘nalishi belgilandi. Xususan, xorijdagi vatandoshlar tashkilotlari va o‘zbek diasporalari bilan aloqalarni mustahkamlanadi, mehnat migrantlari moliyaviy va ijtimoiy qo‘llab-quvvatlanadi, ularning hayoti va sog‘lig‘ini sug‘urtalash amaliyoti kengaytiriladi.
Xorijga ishlashga ketayotgan kam ta’minlangan oilalar a’zolariga 10 mln so‘mgacha mikroqarz beriladi
Xorijga ishga ketayotgan kam ta’minlangan oilalar a’zolariga bir yil muddatga 10 mln so‘mgacha miqdorda mikroqarzlar beriladi. Mikroqarz foiz stavkasining 14 foizli punktidan yuqori bo‘lgan qismi, lekin 21 foizdan oshmagan miqdori Bandlikka ko‘maklashish davlat jamg‘armasi mablag‘lari hisobidan kompensatsiya qilinadi. Shuningdek, 446 ming so‘m (40 doll) bir martalik moddiy yordam ko‘rsatiladi hamda ushbu maqsadlarga 4,1 mlrd so‘m mablag‘ ajratiladi.
Tashkiliy ravishda xorijda ishlashga ketayotganlar majburiy kasb-hunarga o‘qitiladi
1 yanvardan boshlab tashkillashtirilgan mehnat migratsiyasi yo‘li bilan xorijga chiqib ketayotgan shaxslarni, ishga yuborishdan oldin majburiy tartibda kasb-hunarga o‘qitish tizimi joriy qilinmoqda.
Elektr va gaz iste’moli hisobini yuritish va nazorat qilish bo‘yicha onlayn tizim yaratiladi
O‘zbekistonda elektr energiyasi va tabiiy gazni hisobga olish va nazorat qilish bo‘yicha yaxlit onlayn tizim yaratiladi. Bu maqsadlar uchun qariyb 1,2 milliard dollar mablag‘ yo‘naltirilmoqda. «Bu mablag‘larning natijadorligi va qaytimi faqatgina hisoblagichlarni o‘rnatish bilan hal bo‘lib qolmaydi. Iste’molchi sarf qilgan energiya resursi hajmini bilish bilan tizimdagi yo‘qotishlar va o‘g‘irliklarga chek qo‘yib bo‘lmaydi», — deya ta’kidladi prezident Shavkat Mirziyoyev.
Sud Korean and Migrations bandlik agentligi ishi bo‘yicha sudlanuvchilarga hukm chiqardi
Korean and Migrations mansabdorlari, shuningdek, xususiy bandlik agentligi faoliyati bilan aloqador boshqa shaxslar firibgarlik va qalbakilashtirishda aybdor deb topildi. Agentlik direktori va Namangan viloyat filiali boshlig‘iga 9 yildan ozodlikdan mahrum etish jazosi tayinlandi.
Jahon yangiliklari dayjesti
Jahon neft iste’molining keskin kamayishi, Rossiyada chet ellik fuqarolar uchun yangi talablar, Isroilda yangi karantin choralari va boshqa yangiliklar — «Gazeta.uz»ning jahon yangiliklari dayjestida.
Bir kunda sodir bo‘lgan beshta YTHda to‘qqiz kishi vafot etdi
YHXBB 13 sentyabr kuni beshta yo‘l-transport hodisasi sodir bo‘lgani haqida xabar berdi. Baxtsiz hodisalar natijasida to‘qqiz kishi halok bo‘ldi, uch kishi jarohatlandi.
Mutaxassis maktab o‘quvchilari immuniteti kuchsizlanishining sabablari to‘g‘risida
Maktab o‘quvchilarining immuniteti zaif bo‘lishining sabablari nimada, bolalar uchun sog‘lom uyqu va ovqatlanish ratsioni qay tartibda bo‘lishi kerak? Sog‘liqni saqlash vazirligining o‘quv-tarbiya muassasalari bo‘yicha bosh mutaxassisi, tibbiyot fanlari doktori Inobat Ahmedovaning tavsiyalari.
Respublika narkologiya markaziga direktor tayinlandi
Saidaxon Mirrahimova Respublika ixtisoslashtirilgan narkologiya ilmiy-amaliy tibbiyot markazi direktori lavozimiga tayinlandi. Bunga qadar u Samarqand viloyat ko‘z kasalliklari shifoxonasi bosh shifokori lavozimida ishlab kelayotgan edi.
Yosixide Suga Yaponiya yangi bosh vaziri bo‘lishi ma’lum bo‘ldi
Yaponiyaning yaqinda iste’foga chiqqan bosh vaziri Sindzo Abening o‘rniga uning yaqin sheriklaridan biri, hukumat bosh kotibi Yosixide Suga ushbu lavozimni egallashi ma’lum bo‘ldi. Yosixide Suga deputatlar tomonidan mamlakatda hukmron Liberal-demokratik partiyasining rahbari etib saylandi.
FVVning ikki xodimi koronavirus asoratlaridan vafot etdi
Favqulodda vaziyatlar vazirligi tizimidagi ikki nafar xodim koronavirus asoratlaridan vafot etdi. Qo‘shko‘pir tumani Favqulodda vaziyatlar bo‘limi boshlig‘i mayor D.Jabbarov 12 sentyabr kuni, Qo‘ng‘irot tumani Favqulodda vaziyatlar bo‘limi boshlig‘i podpolkovnik K.Akimov 14 sentyabr kuni olamdan o‘tgan.
Dunyoda har 40 soniyada bir kishi o‘z joniga qasd qiladi — JSST
Har yili dunyoda 800 ming kishi o‘z joniga qasd qiladi — bu har 40 soniyada bitta holat degani. Deyarli 80% holatlar daromad darajasi kam va o‘rtacha bo‘lgan mamlakatlarga to‘g‘ri keladi. JSST Butunjahon o‘z joniga qasd qilishning oldini olish kuni munosabati bilan bu borada mamlakatlarga berilgan tavsiyalarni eslatib o‘tdi.
Qo‘shimcha imkoniyatlardan foydalanish uchun saytda ro‘yxatdan o‘ting