Mansabdor shaxslar davlatga 172,2 mlrd so‘m zarar yetkazgani aniqlandi
2020 yili Bosh prokuratura tomonidan qo‘zg‘atilgan jami 327 ta jinoyat ishi bo‘yicha 459 nafar mansabdor shaxs javobgarlikka tortildi. Ular mamlakatga 172,2 mlrd so‘m miqdorida moddiy zarar yetkazgan. Eng ko‘p jinoyatlar tuman (shahar) darajasidagi xodimlar tomonidan sodir etilgan.
Xitoy AQSHning Gonkong to‘g‘risidagi qonunga qarshi sanksiyalariga javob qaytaradi
Donald Tramp Gonkongda milliy xavfsizlikni ta’minlash to‘g‘risidagi qonunni ishlab chiqish va qabul qilishda qatnashgan kompaniyalar va shaxslarga nisbatan cheklovlar joriy etish to‘g‘risidagi qonunni imzoladi. Shundan so‘ng Xitoy AQSHga qarshi javob sanksiyalarini qo‘llashi mumkinligi bilan ogohlantirdi.
Chirchiqda shifokorlarning yoppasiga ish tashlagani haqidagi xabarlar inkor etildi
Ijtimoiy tarmoqlarda tarqalgan Chirchiqdagi Toshkent viloyati yuqumli kasalliklar shifoxonasi tibbiy xodimlarining yoppasiga ish tashlagani va muassasaning yopilgani haqidagi xabarlar inkor etildi.
Jarqo‘rg‘onda sud xodimlari bilan bog‘liq holat yuzasidan jinoyat ishi qo‘zg‘atildi
Jarqo‘rg‘onda sudyalarning obro‘sizlantirilishi va sud xodimlarining kaltaklanishi yuzasidan jinoyat ishi qo‘zg‘atilib, tergov harakatlari olib borilmoqda.
Guliston shahriga kirish blok-postida sudyaga nisbatan kuch ishlatilgan
Guliston shahriga kirishdagi blok-postlardan birida IIB va Milliy gvardiya xodimlari sudyaga nisbatan kuch ishlatib, tan jarohati yetkazishgan. IIB xodimlarining xatti-harakatlari yuzasidan xizmat tekshiruvi tayinlangan.
Vafot etgan ikki nafar IIV xodimining koronavirus bilan kasallangani tasdiqlandi
Vafot etgan ikki nafar IIV xodimlarida koronavirus infeksiyasi aniqlanganini vazirlik matbuot kotibi Shohruh G‘iyosov «Gazeta.uz» ga tasdiqladi.
AQSHda onlayn ta’lim olayotgan chet ellik talabalar deport qilinmaydigan bo‘ldi
AQSH hukumati pandemiya sababli onlayn ta’limga o‘tgan chet ellik talabalar uchun vizalarni bekor qilish rejalaridan voz kechdi. Oldinroq, Garvard universiteti va Massachusets texnologiya instituti, shuningdek 17 shtat va Kolumbiya okrugi rasmiylari Tramp ma’muriyatining ushbu qarori bo‘yicha sudga murojaat qilishgan edi.
Jismoniy shaxslar tomonidan xorijiy valyuta sotib olish 3 barobarga oshdi
2020 yili birinchi yarmida jismoniy shaxslar 2,2 mlrd AQSH dollariga teng chet el valyutasini sotgan. Bu ko‘rsatkich o‘tgan yilga nisbatan 57 foizga oshgan. Shu bilan birga, jismoniy shaxslar 2019 yilning mos davriga nisbatan 3 barobar ko‘proq chet el valyutasini sotib olishgan (2019 yili — $557 mln, 2020 yili — $1,7 mlrd).
Shavkat Mirziyoyev 1 mln dollarlik venchur fondi tashkil etilishini e’lon qildi
Prezident Tadbirkorlikni qo‘llab-quvvatlash davlat fondi qoshida venchur fond tashkil etish to‘g‘risida ko‘rsatma berdi. Dastlab uning hajmi 1 mln dollarni tashkil etadi. Har bir viloyatdagi eng yaxshi startap loyihalariga 50 mlndan 200 mln so‘mgacha miqdorda grantlar ajratiladi.
Akmal Burhonov Korrupsiyaga qarshi kurashish agentligi direktori etib tayinlandi
«Yuksalish» umummilliy harakati raisi va Qonunchilik palatasi deputati Akmal Burhonov yangi tashkil etilgan Korrupsiyaga qarshi kurashish agentligi direktori etib tayinlandi. «Gazeta.uz» ning hukumatdagi manbasi xabar berishicha, u «Yuksalish» umummilliy harakati raisi lavozimini tark etadi.
Turizmni rivojlantirish qo‘mitasining sobiq rahbari vafot etdi
Turizmni rivojlantirish davlat qo‘mitasining birinchi raisi va prezident maslahatchisining birinchi o‘rinbosari lavozimida xizmat qilgan Anvar Sharapov vafot etdi.
6G texnologiyasi 2028 yilda paydo bo‘lishi mumkin — Samsung
Samsung kompaniyasi 6G aloqa texnologiyasi 2028 yilda paydo bo‘lishi va 2030 yilga kelib ommalashishini taxmin qilmoqda. Yangi aloqa texnologiyasining maksimal tezligi — 1 000 Gigabit/s gacha chiqishi mumkin.
Yana bir nafar koronavirus bemori vafot etdi
Koronavirus infeksiyasiga chalingan 66 yoshli toshkentlik bemor (erkak kishi) o‘tkir nafas, surunkali buyrak hamda o‘pka-yurak yetishmovchiligidan vafot etdi. COVID-19 asoratlaridan vafot etganlar soni 68 nafarga yetdi.
Koronavirus holatlari 14,3 mingga yaqinlashdi
Koronavirus bemorlari soni 208 nafarga ortib, jami 14293 kishini tashkil etmoqda. Yangi holatlar Karantin markazida (75), Toshkent shahrida (71) va Andijon viloyatida (62) qayd etildi.
Toshkentda koronavirusga chalingan er-xotin vafot etdi (66−67)
Toshkentda koronavirusga chalingan er-xotin hayotdan ko‘z yumdi. Kun davomida 4, umumiy 67 kishi ushbu infeksiya qurboniga aylandi.
Kun davomida qariyb 500 ta koronavirus holati aniqlandi
14 iyul kuni O‘zbekistonda qariyb 500 ta koronavirus holati aniqlanib, umumiy ko‘rsatkich 14 mingdan oshdi. Yangi holatlarning 191 tasi aholi orasida qayd etildi.
Shavkat Mirziyoyev dori vositalarining uch oylik zaxirasini yaratishga topshiriq berdi
Prezident topshirig‘i bilan viloyatlarda dori vositalarining uch oylik zaxirasi yaratilishi lozim: “Dori vositalari qimmatlashsa, odamlarimizning noroziligiga olib keladi”. U hokimlarga ertalab va kechqurun ijtimoiy tarmoqlarda fuqarolarning savollariga javob berishni ham topshirdi.
Maktablarda kasbga o‘qitish tizimi joriy etiladi
O‘zbekistonda maktablarda kasbga o‘qitish tizimini joriy etish rejalashtirilmoqda. 2020−2021 o‘quv yilidan boshlab maktab direktori va o‘qituvchilarga o‘quvchilarning oliy ta’limga kirishi, kasb egallab, o‘z ishini topishi darajasiga qarab oshirilgan ish haqi to‘lanadi.
O‘zbekiston elektron hukumatlar reytingida 87-o‘rinni egalladi
O‘zbekiston BMTning elektron hukumatlar rivojlanish darajasi bo‘yicha reytingida 6 o‘ringa pastladi va 193 mamlakat orasida 87-o‘rinni egalladi.
AQSHda 17 yil ichida ilk bor federal jinoyatlarda ayblangan mahkum qatl etildi
AQSHda so‘nggi 17 yil ichida ilk bor federal darajadagi jinoyatda ayblangan mahkum qatl etildi. Uch kishilik oilani o‘ldirganlikda ayblangan 47 yoshli mahkumning tanasiga o‘lim in’eksiyasi yuborildi. Mamlakatda iyul-avgust oylarida yana uch kishi qatl etiladi.
Qo‘shimcha imkoniyatlardan foydalanish uchun saytda ro‘yxatdan o‘ting