Senatning navbatdagi yalpi majlisi 28-aprel kuni chaqiriladi
Senatning 25-yalpi majlisini 28-aprel kuni chaqiriladi. Unda 9 ta qonun, shu jumladan, pochta aloqasi, ichimlik suvi ta’minoti, qo‘riqlash faoliyati, xalqaro tijorat arbitraji to‘g‘risidagi qonunlar muhokama qilinadi. Qolaversa, Vazirlar Mahkmasi, Hisob palatasi, Markaziy bank, bosh prokuror va adliya vazirining hisobotlari tinglanadi.
Afg‘onistondan narkotik moddalarning kontrabandasi hajmi oshdi — Giyohvand moddalarni nazorat qilish markazi
Giyohvand moddalarni nazorat qilish milliy axborot-tahlil markazi rahbari Olim Narzullayevning aytishicha, Afg‘onistondan «Shimoliy yo‘nalish» orqali narkotik moddalarni olib o‘tish holatlari ko‘paygan. Bunda ko‘p kuzatilgan narkotik moddalarni olib o‘tishga urinish O‘zbekiston transport infratuzilmasi orqali bajarilgan.
Haydovchilar nima sababdan joyning o‘zida dislokatsiya ko‘chirmasi bilan tanisha olmasligiga izoh berilmadi
Dislokatsiya ko‘chirmasi bilan tanishish murakkablashganiga qaramay, YPX inspektorlari «nazoratsiz qolmaydi», — dedi YHXX boshlig‘i o‘rinbosari Erali Bozorov. Lekin u nima sababdan xaydovchilar dislokatsiya ko‘chirmasi bilan joyida tanishish huquqidan mahrum qilinganiga izoh bermadi.
Mahkumlar ishlagan muddatni ish stajiga qo‘shish taklif etilmoqda
Jazoni ijro etish muassasalarida jazo muddatini o‘tash davrida bajarilgan har qanday ish, agar ushbu ish uchun ijtimoiy soliq to‘langan bo‘lsa, ish stajiga qo‘shib hisoblanishi mumkin. Shuningdek, jazoni o‘tab bo‘lgan shaxslarga «Dastlabki ijtimoiy-moddiy yordam paketi» berish taklif qilinmoqda. Shuningdek, ozodlikka chiqqan shaxslarni aholining ehtiyojmand toifasiga kiritish rejalashtirilmoqda.
«Avtoturargohlarni kamaytirib, jamoat transportidan foydalanish jozibadorligini oshiramiz» — Transport vazirligi
Poytaxtda avtoturargohlar sonini qisqartirish va jamoat transporti rivojlanishi uchun ko‘proq sharoit yaratish rejalashtirilayapti, deb ma’lum qildi Transport vazirligi vakili Murod Obidov. Uning so‘zlariga ko‘ra, Toshkentda avtoturargohlarni kengaytirish uchun yer yo‘q, ularda avtomobillarni ertalabdan kechgacha saqlab turish esa yer resurslaridan foydalanishning eng samarasiz usuli hisoblanadi.
Soxta aviachipta tayyorlovchilar ushlandi
Buxoro viloyatida fuqarolarga qalbaki aviachiptalarni rasmiylashtirgan korxona rahbari va uning sherigi qo‘lga olindi. Yanvar-fevral oylarida ular soxta chiptalarni Buxoro-Domodedovo reysi bo‘yicha 27 nafar fuqaroga sotishgan.
«Yandeks Taksi» kompaniyasiga IT-park rezidenti bo‘lish taklif qilindi
Axborot texnologiyalari va kommunikatsiyalarini rivojlantirish vaziri Sherzod Shermatov «Yandeks taksi» kompaniyasining MDH davlatlari bo‘yicha boshqaruvchi direktori Kirill Svinsov bilan uchrashuv o‘tkazdi va unda kompaniyaga O‘zbekiston IT-parkining rezidenti maqomini olishni taklif qildi.
AQSh O‘zbekiston DXX Chegara qo‘shinlariga 50 dona Toyota Hilux va Fortuner avtomobillarini topshirdi
AQSh O‘zbekiston DXX Chegara qo‘shinlariga qiymati 2,5 mln dollarlik 50 dona Toyota Hilux va Fortuner avtomobillarini topshirdi. Avtomashinalar Yadro qurollarini tarqatmaslik va qurolsizlanish jamg‘armasi doirasida taqdim etildi.
Prezident 21−22 aprel kunlari Qashqadaryo viloyatiga safar qiladi
Prezident Shavkat Mirziyoyev 21−22 aprel kunlari Qashqadaryo viloyatiga safar qiladi.
AKT vazirligi Microsoft kompaniyasiga O‘zbekistonda ofis ochishni taklif qildi
Microsoft bilan hamkorlikning istiqbolli yo‘nalishlari bo‘yicha onlayn uchrashuvda AKT vazirligi kompaniyaga O‘zbekistonda ofis ochishni taklif qildi.
Kichik tadbirkorlar uchun yillik 14 foiz stavkada 5 mlrd so‘mgacha kredit ajratiladi
Kichik tadbirkorlik subyektlarini moliyalashtirish uchun banklarga 300 mln dollar ekvivalentida kredit liniyasi ajratiladi. Mablag‘larining kamida 70 foizi shaharlardan tashqari hududlarda faoliyat ko‘rsatayotgan tadbirkorlarga ajratiladi. Kreditlar yillik 14 foiz stavkada, 5 mlrd so‘mgacha miqdorda ajratiladi.
SSV sher bolasi tishlab olgan bolaning ahvoli haqida ma’lumot berdi
Sog‘liqni saqlash vazirligi sher bolasi tishlab olgan bolaning ahvoli qoniqarli ekani, u poytaxtdagi 2-bolalar poliklinikasida davolanayotganini ma’lum qildi. Bolaning ahvolini travmatologiya va neyroxirurgiya bo‘limi mudiri hamda O‘zbekiston bosh rabiologi nazorat qilmoqda.
Utkirjon Qodirov Qashqadaryo hokimiga o‘rinbosar bo‘ldi
Davlat bojxona qo‘mitasi raisi o‘rinbosari Utkirjon Qodirov Qashqadaryo viloyati hokimining o‘rinbosari — viloyat investitsiyalar va tashqi savdo boshqarmasi boshlig‘i etib tayinlandi. U ushbu lavozimda Baxrom Yusupovning o‘rnini egalladi.
Nukusda DXSH asosidagi ilk dializ markazi ish boshladi
Nukusda O‘zbekistondagi davlat-xususiy sheriklik loyihasi asosida ilk dializ markazi ish boshladi.May oyidan Urganch va Bog‘ot tumanida ham shunday klinikalar ish boshlaydi, yil oxirigacha esa Toshkentda eng yirik klinika ishga tushadi.
Kobuldagi ikkita maktabda sodir bo‘lgan portlashlar oqibatida kamida 6 kishi halok bo‘ldi
Kobuldagi ikkita maktabda ro‘y bergan uchta portlash natijasida kamida olti kishi halok bo‘ldi, 20 ga yaqin kishi jarohatlandi. BMT hujumni qoraladi, tashkilotchilar hozircha o‘zlarini e’lon qilmadi.
19 aprel kuni O‘zbekistonda sodir bo‘lgan eng muhim xabarlar dayjesti
Ayrim hokim yordamchilarining ta’magirligi haqida gapirgan Shavkat Mirziyoyev, o‘quvchi qizlarga tegajog‘likda gumonlanayotgan maktab psixologi, Afg‘oniston bilan chegarada vaziyat barqarorligini aytgan Sherzod Asadov, auksionga qo‘yilgan AKT vazirligi binosi, Ortiqxo‘jayevni qat’iy ogohlantirgan prezident va boshqalar — «Gazeta.uz» ning 19 apreldagi eng muhim xabarlari dayjestida.
Yo‘lovchi xavfsizlik kamarini taqmasa, jarimani kim to‘laydi?
Old o‘rindiqda xavfsizlik kamarini taqmagani uchun jarimani yo‘lovchining o‘zi to‘laydi, deya ma’lum qildi IIV. Jarima miqdori BHMning yarmini (135 ming so‘m) tashkil qiladi. Biroq, MJTKga hali yo‘lovchilar javobgarligi bo‘yicha o‘zgartirishlar kiritilmagan.
Yil yakuniga qadar mahallalarda bo‘sh bino qolishi kerak emas — prezident
Mahallalardagi hokim yordamchilari mamlakat bo‘yicha 5 mingga yaqin bo‘sh bino borligini aniqladi. Shavkat Mirziyoyev bo‘sh bino-inshootlarni sotish, ijaraga berishdan tushgan mablag‘larni ushbu mahallaning infratuzilmasini rivojlantirishga sarflashni buyurdi. «Yil yakuniga qadar bo‘sh bino qolishi kerak emas», — dedi u.
«Ayrim hokim yordamchilari ta’magirlik qilayotgani juda achinarli holat» — Shavkat Mirziyoyev
Prezident To‘raqo‘rg‘on tumani «Sharq» mahallasidagi hokim yordamchisi pora olgani uchun 5 yilga qamalganini ma’lum qildi. «Joylardagi ayrim hokim yordamchilari „kredit, subsidiya, yer olib beraman“, deb ta’magirlik qilayotgani ham juda achinarli holat», — dedi Shavkat Mirziyoyev. Barcha viloyat, tuman va shahar hokimlari qat’iy ogohlantirildi.
«O‘zbekneftgaz» raisi o‘rinbosari lavozimidan ozod etildi
«O‘zbekneftgaz» boshqaruvi raisi Mehriddin Abdullayev o‘zining o‘rinbosarlari faoliyatini tanqid qildi. Uning iqtisodiyot va moliya masalalari bo‘yicha o‘rinbosari Ulug‘bek Ashurov o‘z arizasiga ko‘ra egallab turgan lavozimidan ozod etildi.
Qo‘shimcha imkoniyatlarga ega bulish uchun saytda ro‘yxatdan o‘ting