1-apreldan retseptsiz beriladigan dorilar uchun cheklangan savdo ustamalari tatbiq etilmaydi
O‘zbekistonda 2025-yil 1-apreldan cheklangan savdo ustamalari faqat retsept bilan beriladigan dori vositalari toifasiga nisbatan tatbiq etiladi. Bu distribyutorlar uchun cheklangan ustama bazaviy narxning 15 foizini, dorixonalar uchun xarid narxining 20 foizini tashkil etardi.
Elektron do‘konlarga oid shikoyatlarning aksariyati maishiy texnikaning nuqsonli ekani bilan bog‘liq — Raqobat qo‘mitasi
Raqobat qo‘mitasiga 2024-yilda elektron tijorat sohasiga oid 1328 ta murojaat kelib tushgan. Ularning 81,9 foizi ijobiy hal etilgan. Muammolarning aksariyati maishiy texnikaning nuqsonli ekani bilan bog‘liq.
Toshkentda avtobus yo‘lni ajratib turuvchi beton to‘siqqa urildi
Mirobod tumanida avtobus haydovchisi rul boshqaruvini yo‘qotib, yo‘lni ajratib turuvchi beton to‘siqqa urildi. YTH oqibatida tan jarohat olganlar yo‘q.
Saudiya Arabistonidagi Islom san’ati biyennalesida O‘zbekiston muzey artefaktlari namoyish etildi
O‘zbekiston Jidda shahrida (Saudiya Arabistoni) ochilgan ikkinchi Islom san’ati biyennalesida ishtirok etmoqda. Mamlakat noyob muzey ashyolari, jumladan, VIII asrga oid Kattalangar Qur’oni, XVI asrga oid “Zij-i Ulug‘bek"ning astronomik jadvallari va boshqa artefaktlarni namoyish qilmoqda.
“Belni mahkam bog‘lash va imkoniyatga yarasha yashash vaqti keldi”. Toqayev — Qozog‘iston hukumatiga
Qozog‘iston rahbari Qosim-Jomart Toqayev hukumatdan hozirgi dunyo voqeligi kontekstida “belni mahkam bog‘lab, imkoniyatga yarasha yashashni” talab qildi. Shuningdek, u Qozog‘iston eng yaqin qo‘shnilari, jumladan, Markaziy Osiyo davlatlari bilan hamkorlikni “yangi bosqichga” ko‘tarishi zarurligini ta’kidladi.
O‘rtacha ish haqi 5,36 mln so‘mgacha oshdi. Bu so‘nggi yillardagi eng past o‘sish sur’ati
2024-yilda O‘zbekistonda o‘rtacha nominal ish haqi 5,3 mln so‘mdan oshdi, bu 2023-yilga nisbatan 17,4% ko‘p. Bu, shuningdek, so‘nggi yetti yildagi eng past o‘sish sur’ati (pandemiyali 2020-yildan tashqari). Toshkentda ko‘rsatkich 9 mln so‘mdan ortdi (+21,4%). O‘qituvchi va shifokorlarning maoshi sekinroq o‘smoqda.
Smogmi yo tuman? Toshkentliklar yana rasmiylardan javob ololmadi
Seshanba kuni Toshkent havosi yil boshidan beri eng iflos darajaga yetdi. Aholi kun bo‘yi ijtimoiy tarmoqlarda bu havodan nafas olish xavfsizmi, kabi savollarni berdi. Ammo doimgidek na javob, na maslahat, na biror tavsiya taqdim qilindi.
O‘zbekistonda endi quyosh panellari va suv isitgichlari o‘rnatilishini prokuratura nazorat qiladi
2025-yilda O‘zbekistonda aholi xonadonlari, kichik biznes va ijtimoiy soha obyektlari energiya iste’molining kamida 40 foizi muqobil energiya manbalari — quyosh panellari va quyosh kollektorlarini o‘rnatish hisobiga qoplanadi. “Bu vazifaning bajarilishi so‘zsiz ta’minlanadi”, — dedi bosh prokuror o‘rinbosari.
Bandlik bo‘limi aralashuvidan so‘ng Enter Engineering xodimiga ish haqi to‘lab berildi
Farg‘ona neftni qayta ishlash zavodini modernizatsiya qilish bo‘yicha loyiha menejeri, rossiyalik Ilya Puts olti oydan beri ish haqi to‘lamagani uchun Enter Engineering ustidan shikoyat qildi. Chilonzor tumani bandlik bo‘limi yordami bilan unga 57 ming dollar to‘lab berildi.
O‘zbekistonda yangi elektr stansiyalari va energiya omborlarini tizimga ulash uchun 7000 km magistral tarmoq quriladi
Tarmoqqa yangi elektr stansiyalari va energiya saqlash quvvatlarini ulash uchun O‘zbekistonda 7000 km magistral tarmoq quriladi, bu esa hududlarda energiya balansini ta’minlaydi — bir viloyatda yetishmovchilik bo‘lsa, boshqa joyda qo‘shimcha quvvatlar joriy etiladi. Bu uchun 4 mlrd dollar investitsiya jalb qilinadi.
Andijon hokimiga yangi o‘rinbosar tayinlandi
Davronbek Sattarov Andijon viloyati hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari etib tayinlandi.
Uzbekistan Airways`ning Nyu-Yorkka uchayotgan samolyotida chaqaloq tug‘ildi
Uzbekistan Airways`ning Toshkentdan Nyu-Yorkka uchgan reysida o‘g‘il chaqaloq tug‘ildi. Jarayonga yo‘lovchilar orasida bo‘lgan shifokor-akusher va jarroh o‘z yordamini ko‘rsatdi. Shu sababli ekipaj Islandiyaning Keflavik shahridagi zaxira aerodromiga majburiy qo‘ndi.
O‘zbekistonda nogironligi bo‘lgan bolalar uchun DXSH asosida kunduzgi parvarish xizmati yo‘lga qo‘yiladi
O‘zbekistonda 3−18 yoshdagi nogironligi bo‘lgan bolalar uchun davlat-xususiy sheriklik asosida kunduzgi parvarish xizmatini yo‘lga qo‘yish ko‘zda tutilmoqda. Yil yakunigacha xizmatlar bilan 2 mingga yaqin nogironligi bo‘lgan bolalar qamrab olinadi. Bu ularning onalari uchun ishlash va ta’lim olish imkoniyatini yaratadi.
Uzbekistan Airways 2025-yilda 7 mln yo‘lovchi tashishni reja qilmoqda
Uzbekistan Airways bu yil 7 mln yo‘lovchi tashishni rejalashtirmoqda, deya ma’lum qildi kompaniya rahbari Shuxrat Xo‘doyqulov. So‘nggi yillarda bu ko‘rsatkich har yili taxminan 1 millionga oshmoqda. O‘sayotgan talabni qondirish uchun aviakompaniya 2025-yil to‘rtta yirik samolyot sotib olish masalasini ko‘rib chiqmoqda.
“Energiya manbalari yetarli bo‘lmasa, iqtisodiy o‘sish ham bo‘lmaydi” — Shavkat Mirziyoyev
Prezident 2025-yilda iqtisodiy o‘sish sur’atini kamida 6 foiz darajasida saqlab qolish va YAIM hajmini 125 mlrd dollardan oshirish vazifasini qo‘ydi. Rahbarlarga energiya samaradorligi hisobiga xarajatlarni 15−20 foizgacha qisqartirish va qo‘shilgan qiymatni ko‘paytirish bo‘yicha dastur ishlab chiqish topshirildi.
Binance rasman O‘zbekistonda ish boshladi
Binance kriptobirjasi O‘zbekistonda rasman ish boshladi. Platformada bank kartalari va mahalliy to‘lov tizimlari orqali milliy valyutadagi mablag‘larni to‘ldirish va yechib olish imkoni yaratildi.
Uzbekistan Airways Rossiyani aylanib o‘tish uchun Yevropaga parvozlar marshrutini o‘zgartirdi
Uzbekistan Airways Yevropa aviatsiya xavfsizligi agentligi (EASA) hisobotidan so‘ng Yevropaga parvoz yo‘nalishlarini o‘zgartirdi. Endi kompaniya samolyotlari Ozarbayjon va Turkiya orqali Rossiyani chetlab o‘tmoqda. Parvoz vaqti 30−40 daqiqaga uzaygan bo‘lsada, kompaniya tariflarni oshirmagan.
“Resurs tejamkor iqtisodiyot modeliga o‘tish vaqti keldi” — prezident
O‘zbekistonda jami quvvatlardagi “yashil” energiyaning ulushini 16 foizdan 26 foizga oshirish rejalashtirilmoqda. Kam uglerodli loyihalarni qo‘llab-quvvatlash uchun 300 mln dollar jalb qilinadi. Prezident resurs tejaydigan iqtisodiyot modelga o‘tish vaqti kelganini aytdi.
O‘zbekistonda xonadonlar tomining kamida 50 foizini quyosh panellari bilan qoplash rejalashtirilmoqda
O‘zbekistonda 2 yil ichida aholi va xo‘jalik subyektlarini kamida 50 foiz tomlarini quyosh panellari bilan qoplash rejalashtirilmoqda. Bundan tashqari, 2 yil ichida 3 mingga yaqin kichik gidroelektrostansiyalar qurish ko‘zda tutilgan.
Haydovchilarni tayyorlash va imtihonlarni o‘tkazish tartibini buzish jinoiy javobgarlikka tortiladi
Senatorlar haydovchilarni tayyorlash, imtihonlar o‘tkazish va guvohnomani berish tartibini buzganlik uchun jinoiy javobgarlikni nazarda tutuvchi qonunni ma’qulladi. Avtoraqamlarni qonunga xilof ravishda tayyorlash, berish, ulardan foydalanish yoki qalbakilashtirish ham jinoiy javobgarlikka tortiladi.
Qo‘shimcha imkoniyatlardan foydalanish uchun saytda ro‘yxatdan o‘ting