Chorvoq bo‘yidagi Sea Breeze Uzbekistan turizm markazi 10 mlrd dollarga baholanmoqda
O‘zbekiston Chorvoq suv ombori qirg‘og‘ida 10 mlrd dollarga Sea Breeze Uzbekistan turizm markazini qurishga rozi bo‘ldi. Avvalroq ozarbayjonlik tadbirkor Emin Agalarov ushbu loyihani davlat rahbariga taqdim etgandi. Loyiha xorijiy investorlar tomonidan moliyalashtiriladi.
O‘zbekiston banklari tadbirkorlikni qo‘llab-quvvatlash uchun davlat kafolatisiz 6 mlrd dollar jalb qilmoqchi
2025-yilda O‘zbekiston banklari tadbirkorlar ehtiyojlarini moliyalashtirish uchun davlat kafolatisiz 6 mlrd dollar jalb qilishni rejalashtirmoqda, dedi prezident. Davlat rahbari kichik biznes uchun kreditlar ulushi 28 foizdan 40 foizga oshishini ta’kidladi.
Farg‘onadagi portlashdan so‘ng viloyatdagi barcha zapravkalar o‘rganib chiqiladi
Farg‘onadagi portlashdan so‘ng viloyatda joylashgan barcha yoqilg‘i quyish shoxobchalarini o‘rganib chiqish uchun ishchi guruh tuzildi. Ular stansiyalarning sanoat, yong‘in, ekologik xavfsizligi talablariga muvofiqligi va qonunchilikdagi boshqa me’yorlarni o‘rganadi. Zapravkalar xodimlari FVB o‘quv markazida o‘qitiladi.
Yigirmaga yaqin bola uchta Damas`da Andijondan Qoraqalpog‘istonga olib ketilayotgani aniqlandi
Andijon viloyati Olimpiya va paralimpiya sport turlariga tayyorlash markazi tarbiyalanuvchilari Damas mashinalarida Qoraqalpog‘istonga olib ketilayotgani aniqlandi. Avtomobillar Buxoro hududida to‘xtatib qolingan.
O‘zbekistonda 2025-yilda 43 mlrd dollarlik investitsiyalarni o‘zlashtirish rejalashtirilmoqda
2025-yilda O‘zbekiston 43 mlrd dollarlik investitsiya o‘zlashtirishni rejalashtirmoqda. Investitsiyalar vaziri asosiy e’tibor importni qisqartirish va mahalliylashtirish darajasini oshirishga qaratilishini ta’kidladi.
“Kiyev osmonida duel, 3 yillik urushdan keyingi o‘zgarishlar”. Putinning jonli efir muloqoti tafsilotlari
Rossiya prezidenti yil yakunlarini jonli efirdagi matbuot anjumanida sarhisob qildi. Putin mamlakat iqtisodiyoti, “Oreshnik” quroli, Tramp bilan muloqotga tayyorligi, Suriyadagi vaziyat, Kiyev bilan muzokaralar va boshqalarga to‘xtaldi. Asosiy ma’lumotlar.
“O‘zbekneftgaz” 2025-yilda gaz qazib olish hajmi 26,5 mlrd kub metrgacha qisqarishini prognoz qilmoqda
O‘zbekistondagi eng yirik gaz qazib oluvchi “O‘zbekneftgaz” 2025-yilda qazib olish hajmi 26,5 mlrd kub metrgacha qisqarib borishini prognoz qilmoqda. Bu 2024-yil uchun prognozdan 2,8 mlrd, 2022-yilgi qazib olingandan 5,7 mlrd kub metrga kam. Avvalgi prognozlardan esa 7,6 mlrd kub metrga kamroq.
Dam olish kunlarida yog‘ingarchilik kutilmaydi
O‘zbekistonda dam olish kunlari yog‘ingarchiliksiz ob-havo bo‘lishi kutilmoqda. Harorat kechalari −5…−10, kunduz kunlari −2…+3 daraja atrofida bo‘ladi. Kechasi va ertalab tuman tushishi mumkin.
Qishloq xo‘jaligi vaziriga yangi o‘rinbosar tayinlandi
Jamshidjon Abduzuxurov qishloq xo‘jaligi vazirining o‘rinbosari vazifasini bajaruvchi etib tayinlandi. U bunga qadar Qishloq xo‘jaligi mahsulotlari yetishtirish departamenti boshlig‘i bo‘lib ishlagan.
IIV Buxoroda kriptovalyuta aylanmasida ayblangan yigitni “oddiy virtual valyutchik” deb atadi
Ichki ishlar vazirligi buxorolik 17 yoshli yigit kriptovalyutada 2,64 mln dollar ishlab topgani haqidagi ma’lumotni rad etdi. Vazirlik u birja operatsiyalarida noqonuniy vositachilik bilan shug‘ullangani va buning uchun haq olganini aytdi.
Namanganda xizmat xonasida qimor o‘yini tashkil qilgan maktab direktori ishdan olindi
Chortoq tumanidagi 8-maktab direktori xizmat xonasida sheriklari bilan qimor o‘ynagani aniqlandi. Viloyat Maktabgacha va maktab ta’limi boshqarmasi u bilan tuzilgan mehnat shartnomasi bekor qilinganini bildirdi.
“Kengashlardan o‘zlariga berilgan vakolatlardan haqiqatan foydalanishini iltimos qilamiz” — bosh vazir o‘rinbosari
O‘zbekistonda “juda kam” kengashlar ayrim soliqlar bo‘yicha oshiruvchi va pasaytiruvchi koeffitsiyentlarni qo‘llash vakolatlaridan amalda foydalanmoqda, dedi bosh vazir o‘rinbosari Jamshid Qo‘chqorov. U kengashlarni Toshkentdan ko‘rsatma kutmasdan, faol bo‘lishga chaqirdi.
Prezident gaz qazib olishni ko‘paytirish va geologiya-qidiruv ishlarini kengaytirish masalasini muhokama qildi
Prezident yig‘ilishida gaz zaxiralarini ko‘paytirish uchun istiqbolli hududlarda geologiya-qidiruv ishlarini boshlash va seysmik qidiruv maydonini kengaytirish reja qilingani aytildi. “O‘zbekneftgaz” loyihalari uchun 2 mlrd dollar xorijiy kredit jalb qilmoqchi. Korxonaga tannarxni 8 foizga kamaytirish topshirildi.
Shavkat Mirziyoyev Rossiya generali o‘limi yuzasidan Vladimir Putinga hamdardlik bildirdi
Shavkat Mirziyoyev telefon orqali muloqotda bir necha kun avval Rossiya QK generali Igor Kirillov o‘ldirib ketilgani yuzasidan Vladimir Putinga hamdardlik bildirdi va mamlakat “ushbu jirkanch terrorchilik harakatini keskin qoralashini” ta’kidladi. General o‘limida O‘zbekiston fuqarosi gumon qilinmoqda.
Xususiy sektordagilar uchun “dekret” budjeti yana 2,5 baravar qisqartiriladi
2025-yilda biznesdagi ayollarga budjet hisobidan to‘lanadigan “dekret” miqdorini yana 2,5 baravar — 40 mlrd so‘mgacha qisqartirish rejalashtirilmoqda (2024-yilda 3 baravar edi). Senator buni mablag‘lar past darajada o‘zlashtirilgani bilan izohladi va bu sur’atda dastur 3−4 yilda yakunlanishi mumkinligini aytdi.
Janubiy Koreyadagi siyosiy inqiroz uning ittifoqchilarini hayratda qoldirdi — Reuters
Janubiy Koreyaning prezident Yun Sok Yol tashqi siyosatini olqishlagan va mamlakat ichidagi siyosiy kelishmovchiliklarga unchalik ahamiyat bermagan ittifoqchilari uning harbiy holat joriy etish haqidagi qaroridan hayratda qoldi, deb yozdi Reuters.
Isroilning G‘azodagi aholini suvdan mahrum etishi genotsiddir — HRW
Human Rights Watch tashkilotining ta’kidlashicha, Isroilning G‘azo aholisini suvdan mahrum etishi genotsid va qirg‘in aktlariga teng keladi. Hisobotda G‘azodagi falastinliklarning suv bilan ta’minlangani yashab qolish uchun zarur bo‘lgan 15 litrlik chegaradan ancha past ekani aytiladi. Isroil ayblovlarni rad etdi.
Duyshonkul Chotonov Qirg‘izistonning O‘zbekistondagi elchisi etib tayinlandi
Sadir Japarov Duyshonkul Chotonovni Qirg‘izistonning O‘zbekistondagi favqulodda va muxtor elchisi etib tayinladi. Chotonov ilgari Koreya va Vetnamda ham elchi bo‘lgan.
“Suriya tinchlikka tahdid solmaydi” — Suriya isyonchilari yetakchisi
Suriya isyonchilari yetakchisi va mamlakatning amaldagi rahbari Ahmad al-Sharaa Suriya o‘z qo‘shnilari yoki G‘arb uchun xavf tug‘dirmasligini aytdi. U urushdan tinkasi qurigan mamlakatga qarshi sanksiyalarni bekor qilishga chaqirdi va Suriya navbatdagi Afg‘onistonga aylanishi mumkinligi ehtimolini rad etdi.
Imtiyozlarni uzaytirish, mahalliylashtirish, jamg‘arma yaratish. Prezidentning farmatsevtika kompaniyalari bilan uchrashuvidan asosiy ma’lumotlar
O‘zbekiston prezidenti farmatsevtika korxonalari rahbarlari bilan uchrashuvda bojxona imtiyozlari 2028-yilgacha uzaytirilishi, 100 mln dollarlik kapitalga ega Ilg‘or loyihalar investitsiya jamg‘armasi tashkil etilishini ma’lum qildi.
Qo‘shimcha imkoniyatlardan foydalanish uchun saytda ro‘yxatdan o‘ting