Toshkentda Aziya Invest Favorit qurilish kompaniyasi bilan bog‘liq muammo hukumat komissiyasi tomonidan o‘rganiladi
Bosh vazir o‘rinbosari Ochilbay Ramatov boshchiligidagi hukumat komissiyasi Aziya Invest Favorit`dan kvartira sotib olgan 1000 dan ortiq fuqarolar muammosini ko‘rib chiqadi. U qurilishni yakunlash, bankka garov uchun qo‘yilgan kvartiralarni quruvchining boshqa mulklariga almashtirish imkoniyatlari kabilarni o‘rganadi.
P️rezident bayroqdan foydalanish imkoniyatlarini kengaytiruvchi qonunni imzoladi
O‘zbekistonning davlat bayrog‘idan foydalanishdagi cheklovlarni yumshatuvchi qonun prezident tomonidan imzolandi. Hujjat bilan bayroqdan foydalanish imkoniyatlari kengaytirilgan va hurmatsizlik deb baholanuvchi holatlar aniq belgilandi.
Aziya Invest Favorit ishi. 1000 kishi 300 mlrd so‘mni yo‘qotishi va uysiz qolishi mumkin
Bir guruh toshkentliklar 8 ta uy qurayotgan Aziya Invest Favorit ustidan prezidentga murojaat yo‘lladi. Unga ko‘ra, kompaniya kredit olish maqsadida sotilgan kvartiralarni garovga qo‘ygan, banklar esa kredit to‘lanmangani uchun uy-joylarni olib qo‘ygan. 1000 kishi ko‘rgan zarar 300 mlrd so‘mdan oshishi mumkin.
Qirg‘izistonda prezident Sadir Japarovning jiyani korrupsiyada gumonlanib hibsga olindi
Qirg‘iziston rahbari Sadir Japarovning jiyani Bishkekda bojxonadagi jinoiy sxemalarda ishtirok etganlikda gumonlanib qo‘lga olindi. Japarovning matbuot xizmati hibsga olingan shaxs prezident bilan qarindosh ekanini tasdiqlab, “korrupsiyaga qarshi kurashda istisno yo‘qligini” ta’kidladi.
Nima tayyorlaymiz: Quyuq taomlar
Dimlangan mayin tovuq filesi, temari-sushi, klassik lazanya, kartoshkadan pishloqli toblatma, meksikancha burrito va boshqalar — Zira.uz to‘yimli va mazali quyuq taomlar ro‘yxatini taqdim etadi.
7-iyul kuni O‘zbekistonda sodir bo‘lgan eng muhim voqealar dayjesti
May oyida oltin sotish bo‘yicha dunyoda 2-o‘rinni egallagan O‘zbekiston, Chilonzorda rejalashtirilgan loyihalar, diniy materiallarni tarqatgani uchun ozodligi 4 yilga cheklangan toshkentlik yigit, avtomobilda xalqaro tashuv uchun ruxsatnoma berish tartibi va boshqalar — “Gazeta.uz”ning kun dayjestida.
Forbes: Doniyor Komilov Ural KMKning benefitsiar egasiga aylandi
O‘zbekiston sobiq tashqi ishlar vazirining o‘g‘li Doniyor Komilov Rossiyadagi Ural kon-metallurgiya kompaniyasining yangi benefitsiar egasi bo‘ldi, deya xabar bermoqda Forbes.
“Davlat kompaniyaning majburiyatlari bo‘yicha javobgar emas”. TMZ — o‘zining moliyaviy ahvoli haqida
“Toshkent metallurgiya zavodi” “Gazeta.uz” maqolasiga javoban korxonaning qarzlari tijoriy faoliyat orqali to‘lanishini ma’lum qildi. “Davlat kompaniyaning majburiyatlari bo‘yicha javobgar emas”, deya ta’kidladi TMZ. Avvalroq, O‘zTTJ sud jarayonida zavodning bankrot bo‘lish xavfi borligini bildirgandi.
Click: ilovada identifikatsiyadan o‘tib, akkauntni yuz bilan himoyalash mumkin
Endilikda Click-akkauntni firibgarlardan himoyalash uchun selfi qilishning o‘zi yetarli bo‘ladi.
Yaqin oylarda qator ekstremal ob-havo hodisalari kutilmoqda — JSST
JSST yaqin oylarda butun dunyo bo‘ylab ekstremal ob-havo hodisalari, jumladan, qurg‘oqchilik, suv toshqini va anomal issiq kutilayotgani va ular inson salomatligiga tahdid solishini bildirdi. Avvalroq Butunjahon meteorologiya tashkiloti ham anomal issiqdan ogohlantirgandi.
Qorako‘lda IT klaster tashkil etiladi
Buxoro viloyatining Qorako‘l tumanida IT klaster tashkil etish rejalashtirilmoqda. Unda universitet, masofaviy IT xizmatlarini eksport qilish markazi, tadqiqot markazlari va axborot texnologiyalari bilan bog‘liq boshqa obyektlar ochiladi.
O‘zbekiston IIV inspektorlar uchun Litva kompaniyasidan 3,6 mln yevroga 7000 dona planshet sotib oladi
Litvaning Start Group kompaniyasi O‘zbekiston IIV xodimlari uchun 7000 ta planshet yetkazish bo‘yicha tenderda g‘olib chiqdi va lot uchun 3,61 mln yevro taklif qildi. Bir planshet narxi taxminan 6,38 mln so‘m. Qurilma profilaktika inspektorlari, PPX xodimlari va boshqa xizmatlar ishini yaxshilashga yordam berishi kerak.
Avtomobilda xalqaro tashuv uchun ruxsatnoma berish tartibi belgilandi
Hukumat qarori bilan Avtomobilda yuk va yo‘lovchilarni xalqaro tashishga ruxsatnomalarni ayirboshlash kvotasini belgilash, taqsimlash, berish va ulardan foydalanish tartibi to‘g‘risida nizom qabul qilindi.
Germaniya, Litva, Lyuksemburg bilan o‘zbekistonliklarni vaqtinchalik ishga joylashtirish bo‘yicha memorandumlar imzolandi
Tashqi mehnat migratsiyasi agentligi Germaniya, Litva va Lyuksemburgning oltita ish beruvchi kompaniyasi bilan hamkorlik to‘g‘risidagi memorandumlarni imzoladi. Jumladan, Germaniyada avtomobilsozlik, elektronika, hamshiralik ishi va parvarishi (keksalarga qarash) mutaxassislari vaqtinchalik ish bilan ta’minlanadi.
O‘zbekistonda harorat 11−13-iyul kunlari +45 darajagacha ko‘tariladi
9−10-iyul kunlari O‘zbekistonga Erondan issiq havo kirib keladi, uning cho‘qqisi 11−13-iyul kunlari kuzatiladi: +43…+45 daraja. Keyinroq Kavkazdan salqinroq havo kirib kelishi hisobiga harorat 3−5 darajaga pasayadi. Iyul oyida anomal issiq kutilmaydi.
O‘zbekiston may oyida oltin sotish bo‘yicha dunyoda ikkinchi o‘rinni egalladi
May oyida O‘zbekiston xorijga 11 tonna oltin sotib, dunyoda oltin sotish bo‘yicha ikkinchi o‘ringa chiqdi. Turkiya 63 tonna ko‘rsatkich bilan qimmatbaho metall savdosi bo‘yicha yana mutlaq yetakchiga aylandi.
O‘zbekistonda dam olish kunlarida o‘rtacha issiq havo saqlanib turadi
Dam olish kunlari O‘zbekistonda havo biroz bulutli bo‘lib, yog‘ingarchilik kutilmaydi. Harorat biroz ko‘tariladi, ammo aksariyat hududlarda +33…+38 daraja kuzatiladi. Bu iyul oyi uchun maqbul qiymatlar sanaladi.
Jizzaxda 3 tup daraxtni noqonuniy kesgan shaxs 27,4 mln so‘m to‘laydigan bo‘ldi
Zafarobod tumanida 3 tup ignabargli daraxtlarni noqonuniy kesgan shaxsga 1 650 000 so‘m miqdorida jarima tayinlandi. Shuningdek, huquqbuzar o‘simlik dunyosiga yetkazilgan 25 million 740 ming so‘m zararni ham to‘laydi.
Sanoat zonasi, gastronomik ko‘cha, xiyobonlar. Chilonzorda rejalashtirilgan loyihalar
Prezident Toshkent shahrining Chilonzor tumanida 320 gektar maydonda kichik sanoat zonasi tashkil etish, “Bo‘rijar” kanali qirg‘oqlarini obodonlashtirish va u bo‘ylab gastronomik ko‘cha hamda xiyobon qurish, shuningdek, transformatorlarni o‘rnatish kabi qator loyihalarni tasdiqladi.
Toshkent viloyatida diniy materiallarni tarqatib kelgan yigitning ozodligi 4 yilga cheklandi
Toshkent viloyatida Telegram orqali aqidaparastlik g‘oyalari bilan yo‘g‘rilgan materiallarni tarqatib kelgan yigitning ozodligi 4 yilga cheklandi.
Qo‘shimcha imkoniyatlardan foydalanish uchun saytda ro‘yxatdan o‘ting