“Xiyonat qilganga o‘rin yo‘q”. Prezident — “Avtoyo‘l”, “Temir yo‘llar” rahbarlari va boshqalar ishdan olinishi haqida
Prezident “Avtoyo‘l”, “Temir yo‘llar” va “O‘zsuvta’minot” rahbarlari, suv xo‘jaligi va transport vazirlari o‘rinbosarlari ishdan olinganini e’lon qilar ekan, “Xiyonat qilganga o‘rin yo‘q”, dedi. “O‘zto‘qimachiliksanoat”, “IES” va “O‘zsanoatqurilishbank” rahbarlariga berilgan ogohlantirish “so‘nggisi” ekanini aytdi.
Raqobat qo‘mitasi endi prezident va Senatga hisobdor bo‘ladi
Raqobatni rivojlantirish va iste’molchilar huquqlarini himoya qilish qo‘mitasi o‘z faoliyatida bevosita prezidentga va Senatga hisobdor etib belgilandi. Qo‘mita har yili iqtisodiyotda raqobat muhiti va iste’molchilar huquqlarining himoya qilinishi holati to‘g‘risida hisobot berib boradi.
Milliy gvardiya va ichki ishlar organlariga ekologik huquqbuzarlik uchun aybdorlarni javobgarlikka tortish vakolati berildi
Prezident imzolagan qonun bilan Ma’muriy javobgarlik to‘g‘risidagi kodeksga ekologiya va atrof-muhitni muhofaza qilish sohasida huquqbuzarliklar sodir etgan shaxslarni ma’muriy javobgarlikka tortish bo‘yicha Milliy gvardiya va ichki ishlar organlariga vakolatlar berishni nazarda tutuvchi o‘zgartishlar kiritildi.
Bahodir Abdikarimov Madaniy meros agentligiga direktor etib tayinlandi
Madaniy meros agentligi Turizm va madaniy meros vazirligidan ajratilgandan keyin Bahodir Abdikarimov unga qayta rahbar bo‘ldi.
Banklarda dollarning sotuv kursi 11 635 so‘mgacha ko‘tarildi
Tijorat banklari 12-iyul kuni aholidan 1 AQSh dollarini 11 515−11 570 so‘mdan sotib olmoqda, sotuv kursi esa 11 620−11 635 so‘m.
Xalqaro matematika olimpiadasida o‘zbekistonlik o‘quvchilar 3 ta bronza medalini qo‘lga kiritdi
Yaponiyada bo‘lib o‘tgan 64-Xalqaro matematika olimpiadasida o‘zbekistonlik o‘quvchilar 3 ta bronza medalini oldi. Ularga 66 mln so‘mdan pul mukofoti beriladi.
11-iyul kuni O‘zbekistonda sodir bo‘lgan eng muhim voqealar dayjesti
Mirziyoyevning dasturini qo‘llagan AQSh, ishdan olingan “Temir yo‘l”, “Avtoyo‘l”, “Suvta’minot” rahbarlari va boshqa amaldorlar, Uzum va Click birlashishi haqidagi gaplarga Raqobat qo‘mitasi raisining munosabati, uy balkonidan o‘zini tashlab vafot etgan yosh yigit va boshqalar — “Gazeta.uz”ning kun dayjestidp.
Qozog‘istonda blogerlarga reklamadan soliq to‘lash majburiyati yuklanib, soxta xabarlar uchun jarima joriy qilinmoqda
Qozog‘iston prezidenti blogerlarni reklama yorlig‘ini qo‘yish va daromadlaridan soliq to‘lash majburiyatini yuklovchi qonunni imzoladi. Shuningdek, ular soxta xabarlar tarqatgani uchun jarimaga tortiladi.
Sobiq mehnat vaziri va boshqa amaldorlar Kompromatuzb ishida jabrlanuvchi va da’vogar sifatida qatnashadi
Sud Telegram-kanaliga aloqadorlikda gumon qilinayotgan jurnalistlarga nisbatan jinoyat ishini ko‘rib chiqishni 18-iyul kuniga tayinladi. Jabrlanganlar va da’vogarlar orasida Mehnat vazirligining sobiq rahbari Nozim Husanov, Tashqi mehnat migratsiyasi agentligining hibsdagi sobiq rahbari va boshqalar bor.
“Surxon” qo‘riqxonasida morxo‘rlar, jayra va tog‘ suvsari fotoqopqonga tushdi
Ekologiya vazirligi “Surxon” qo‘riqxonasiga o‘rnatilgan fotoqopqonga tushgan morxo‘rlar, jayra va tog‘ suvsari tasvirlarini e’lon qildi. Ushbu hayvonlar Qizil kitobga kiritilgan.
YeI O‘zbekistonni demokratik islohotlarda qo‘llab-quvvatlashini e’lon qildi
Yevropa Ittifoqi O‘zbekistonda bo‘lib o‘tgan prezidentlik saylovi yakunlari bo‘yicha e’lon qilgan bayonotida mamlakatni demokratik islohotlarni amalga oshirishda qo‘llab-quvvatlashda davom etishini hamda YeXHT DIIHB kuzatuvchilar missiyasi xulosalarini “e’tiborga olishi”ni ta’kidladi.
Qutqaruvchilar, harbiylar va ekologlar Chotqol qo‘riqxonasidagi yong‘inga qarshi kurashmoqda
Toshkent viloyatidagi Chotqol davlat biosfera rezervati hududida Favqulodda vaziyatlar, Mudofaa va Ekologiya vazirliklari tomonidan yong‘in o‘chirilmoqda. Dastlabki ma’lumotlarga ko‘ra, yong‘in maydoni 10 gektardan 20 gektargacha o‘rmonni tashkil etadi.
O‘zbekistonda har bir yangi investorga yordam berish uchun “investitsiya menejeri” lavozimi joriy etiladi
O‘zbekiston Investitsiya vazirligida har bir yangi investorga hamrohlik qilish uchun “investitsiya menejeri” lavozimi joriy etiladi. Ular bevosita vazirga bo‘ysunadi va xorijiy investorlar bilan doimiy aloqada bo‘lib, yuzaga kelgan masalalarni hal qilib boradi.
“Xalq ishonchini oqlash uchun jonimni fido qilishga tayyorman” — Shavkat Mirziyoyev
Shavkat Mirziyoyev O‘zbekiston prezidenti etib qayta saylanganidan keyingi ilk nutqida xalqning yuksak ishonchini oqlash uchun bor bilim, tajriba va kuchini sarflashini, kerak bo‘lsa, buning uchun jonini ham berishga tayyorligini ta’kidladi.
Shavkat Mirziyoyev “Temir yo‘l”, “Avtoyo‘l”, “Suvta’minot” rahbarlari va boshqa amaldorlarni ishdan oldi
Prezident videoselektor yig‘ilishida sustkashlikka yo‘l qo‘yganliklari uchun suv xo‘jaligi vaziri o‘rinbosari, transport vaziri o‘rinbosari, “Suvta’minot” rahbari Sohib Saifnazarov, “Temir yo‘l” rahbari Husnutdin Xosilov va “Avtoyo‘l” rahbari Abdurahmon Abduvaliyevni lavozimidan ozod etdi.
12 nafar hokim ishdan bo‘shatildi, Bosh prokuratura ularning faoliyatini tekshiradi
Shavkat Mirziyoyev 10 ta tuman va 2 ta shahar hokimini investitsiya ko‘rsatkichi qoniqarsizligi uchun ishdan bo‘shatish bo‘yicha topshiriq berdi. Bosh prokuratura va Hisob palatasiga ularning faoliyatini o‘rganib, qonun ustuvorligini ta’minlash vazifasi yuklatildi.
Markaziy saylov komissiyasi prezident saylovlari natijalarini tasdiqladi. Shavkat Mirziyoyev 87,05% ovoz bilan g‘alaba qozondi
O‘zbekiston prezidentining muddatidan oldin o‘tkazilgan saylovida ovoz berishning yakuniy natijalariga ko‘ra, Shavkat Mirziyoyev 87,05% ovoz bilan g‘alaba qozondi. Robaxon Mahmudova 4,43%, Ulug‘bek Inoyatov 4,02%, Abdushukur Hamzayev 3,74% ovoz to‘pladi. Buni Markaziy saylov komissiyasi tasdiqladi.
48,7% dan 96,5% gacha. Toshkentda Shavkat Mirziyoyevga qanday ovoz berishdi? (47 ta uchastka misolida)
“Gazeta.uz” Toshkent shahridagi 47 ta (ular jami 822 ta) saylov uchastkasi ma’lumotlarini tahlil qildi. G‘olib Shavkat Mirziyoyev ularda 48,7 foizdan 96,5 foizgacha ovoz to‘pladi. Ayrim uchastkalarda haqiqiy emas deb topilgan byulletenlar ulushi qolgan uchta nomzodning umumiy foizlaridan ham yuqori bo‘lgan.
“Bizning ruxsatimizsiz birlashsa, jazoga tortiladi”. Raqobat qo‘mitasi raisi — Uzum va Click birlashishi haqida
Raqobat qo‘mitasi raisi Shohruh Shorahmedov Uzum va Click kompaniyalari qo‘mita ruxsatisiz birlashsa, jazoga tortilishini ma’lum qildi. Avvalroq kompaniyalar o‘zaro birlashgani to‘g‘risida qo‘shma bayonot bergan, keyinroq esa qo‘mita hali birlashuv bo‘yicha rasmiy bitim tuzilmaganini bildirgandi.
Surxondaryodagi bankda amaliyot o‘tagan talabalar o‘zganing kartasidan 75 mln so‘mdan ortiq pulni yechib oldi
Surxondaryodagi banklardan birida amaliyot o‘tayotgan ikki nafar talaba o‘zganing kartasidan 75,7 million so‘m o‘zlashtirib, so‘ng shahardagi bir nechta bankomatlarda yuzlarini yashirgan holda pul yechib olgan. Ularning ikkisi ham ozodlikdan mahrum etildi.
Qo‘shimcha imkoniyatlardan foydalanish uchun saytda ro‘yxatdan o‘ting