Prezident Bo‘stonliqdagi “Chorvoq darvozasi” loyihasi bilan tanishdi
Shavkat Mirziyoyev Bo‘stonliq tumaniga tashrif buyurib, “Chorvoq darvozasi” loyihasi bilan tanishdi. 25 gektar maydondagi sayyohlik majmuasida 16 ta ko‘p qavatli uy, 3 ta mehmonxona, 2 ta supermarket, shuningdek, Chirchiq daryosi ustidan shishali ko‘prik qurish reja qilinmoqda.
“O‘zavtosanoat” rahbari — mahalliylashtirish, millionta ish o‘rni yaratish va rivojlanish strategiyasi haqida
“O‘zavtosanoat” rahbari 2030-yilga borib mahalliylashtirish hisobiga importni 500 mln dollarga qisqartirish va milliondan ortiq ish o‘rni yaratishni reja qilayotganini ma’lum qildi. “Shuncha yildan beri davlat qo‘llab kelmoqda, uning rivojida salmog‘imizni ko‘paytirish bo‘yicha vazifalar qo‘yilgan”, — dedi u.
Toshkent va Xo‘jakent oralig‘idagi temiryo‘lga tutash maydonlar 2025-yilgi renovatsiya dasturiga kiritiladi
Prezident yangi elektropoyezdda Toshkentdan Xo‘jakentga safar qilib, temiryo‘lga tutash maydonlarni 2025-yilgi renovatsiya dasturiga kiritish bo‘yicha topshiriq berdi. U yo‘nalishdagi egri qismlarni to‘g‘ri qilib qayta qurish orqali kunlik ekspress poyezdlar qatnovini ko‘paytirish kerakligini ta’kidladi.
Ombudsmanga mahkumlardan 10 oy davomida tazyiq holatlari yuzasidan 158 ta shikoyat kelib tushgan
10 oy davomida ombudsmanga ozodlikdan mahrum etish joylarida huquq-tartibot idoralari tomonidan turli tazyiqlar yuzasidan 158 ta shikoyat kelib tushgan. 14 ta shikoyat bo‘yicha tergovga qadar tekshiruv tayinlangan, 3 tasi bo‘yicha jinoyat ishlari qo‘zg‘atilgan va 10 nafar xodim intizomiy javobgarlikka tortilgan.
Dam olish kunlari ayrim joylarda qor yog‘adi
Shanba va yakshanba kunlari O‘zbekistonning ayrim hududlarida qor yog‘adi. Havo harorati kechasi va kunduzi 0…-10 daraja atrofida bo‘ladi. Ba’zi joylarga tuman tushadi.
Buxoro viloyatida 23 yoshli talaba qiz uksus ichib, o‘z joniga qasd qildi
Buxoro viloyatining Muhandislik institutida 4-bosqich talabasi oliygoh yotoqxonasida uksus ichib, o‘z joniga qasd qildi. Holat bo‘yicha Buxoro shahar prokuraturasi surishtiruv o‘tkazmoqda.
Chirchiq daryosidagi orolchada qolib ketgan erkak qutqarib olindi
Toshkent viloyati Qibray tumanida daryo o‘rtasidagi orolchada qolib ketgan erkak FVB xodimlari tomonidan qutqarildi. U otga minib, daryodan o‘tayotganda, jonivorning oyog‘i toyib, suvga yiqilgan.
Shavkat Mirziyoyev Toshkent viloyatiga tashrif buyuradi
Juma kuni Shavkat Mirziyoyev Toshkent viloyatiga tashrif buyuradi. Tashrif davomida prezident transport, energetika va turizm sohalarida amalga oshirilayotgan ishlar bilan tanishadi.
Onix kottejlarini 10% boshlang‘ich to‘lov bilan imtiyozli ipoteka xizmati asosida taqdim etmoqda
Onix turar joy majmuasi tayyor kadastrga ega zamonaviy kottejlarini “Yangi yil” aksiyasida xarid qilishni taklif qilmoqda.
Toshkent shahar sog‘liqni saqlash bosh boshqarmasi va Endokrinologiya markaziga yangi rahbarlar tayinlandi
Toshkent shahar sog‘liqni saqlash bosh boshqarmasi boshlig‘i bo‘lgan Anvar Alimov Respublika endokrinologiya markazi direktori vazifasini bajaruvchi etib tayinlandi. Bosh boshqarmaga esa Botirbek Isabekov rahbar v.b. bo‘ldi.
Toshkentda Matiz yonib ketdi
Yunusobod tumanida Matiz beton to‘siqqa urilganidan so‘ng butunlay yonib ketdi. Hodisa oqibatida tan jarohat olganlar yo‘q.
Navoiyda sifatsiz ishlar sabab bolalar bog‘chasi qurilishi to‘xtatildi
Navoiy viloyati Karmana tumanida qurilish jarayonidagi ishlar sifatsiz ekani va talabga javob bermasligi sabab 120 o‘rinli bolalar bog‘chasi qurilishi to‘xtatildi. Qoidabuzarliklar bilan bajarilgan ishlar buzildi.
Noyabrda O‘zbekiston bo‘ylab jami 97 mlrd so‘mlik gazdan noqonuniy foydalanish holatlari aniqlandi
“Energetika xavfsizligi oyligi” doirasidagi tadbirlarda 2,9 mingta holatda tabiiy gazdan noqonuniy foydalanilgani aniqlandi. Ularda 97,1 mlrd so‘mlik gaz qayta hisob-kitob qilindi. “Hududgazta'minot” xodimlari, shuningdek, 23 ta gaz ballonlari “bunker"i faoliyatiga chek qo‘ydi.
Toshkentda mualliflik qo‘g‘irchoqlari va o‘yinchoqlarining “Qo‘g‘irchoqlar uyi” qishki festivali o‘tkaziladi
7−8-dekabrda Toshkentdagi Xamar san’at galereyasida kolleksiya qo‘g‘irchoqlari va mualliflik o‘yinchoqlarining qishki festivali bo‘lib o‘tadi. Ustalar “Karnaval” mavzusidagi 500 dan ortiq qo‘lbola qo‘g‘irchoqlarni taqdim etadi. Dasturda Venetsiya niqoblari va zanjabilli pryaniklar bo‘yash mahorat darslari ham mavjud.
Samarqandda mayning ferma qariyb 30 mlrd so‘mlik elektrdan noqonuniy foydalangani aniqlandi
Samarqandning Ishtixon tumanida yerto‘lada joylashgan 89 ta mayning qurilmasi elektr tarmog‘iga noqonuniy ulanishi oqibatida qariyb 30 mlrd so‘m zarar yetkazildi.
Kuz mavsumi odatdagidan biroz iliqroq bo‘ldi — O‘zgidromet
O‘tgan noyabr oyi odatdagidan issiqroq, lekin avvalgi yilning noyabridan sovuqroq bo‘ldi. Oy davomida yomg‘ir kam, ammo jadal yog‘di. Umuman olganda, 2024-yilning kuz fasli normadan biroz iliqroq bo‘ldi, deya qayd etdi O‘zgidromet.
Muzaffar Komilov yana Islom akademiyasiga rahbar bo‘ldi
Prezidentning sobiq maslahatchisi Muzaffar Komilov yana O‘zbekiston xalqaro islom akademiyasi rektori etib tayinlandi.
Termizda qalin tuman tufayli ikkita reys bekor qilindi
Termiz xalqaro aeroporti hududidagi noqulay ob-havo va qalin tuman sababli Toshkent — Termiz va Termiz — Sankt-Peterburg reyslari bekor qilindi. Uzbekistan Airways holat juma kuni ham davom etishi mumkinligini ta’kidladi.
BYD elektromobillari detallarini mahalliylashtirish hisobiga tannarxni pasaytirish rejalashtirilmoqda
Prezidentga avtomobil sanoatining 2025-yilgi rejalari taqdim qilindi. Unda BYD avtomobillarining 60 ta detalini mahalliylashtirish hisobiga elektromobil tannarxini pasaytirish mumkinligi qayd etildi.
Deputatlar tashqi qarzlar limitini oshirishni ma’qulladi, hukumat yana xarajatlar chegarasidan chiqib ketdi
O‘zbekiston hukumati yana xarajatlar chegarasiga amal qilolmadi, shuning uchun Qonunchilik palatasi tashqi qarz limitini ko‘tardi. Yil boshida qonun bilan davlat kafolati ostida 5 mlrd dollardan ortiq mablag‘ jalb qilish taqiqlangan bo‘lsa, endi bu chegara 7,3 mlrd dollargacha oshirildi.
Qo‘shimcha imkoniyatlardan foydalanish uchun saytda ro‘yxatdan o‘ting