Qozog‘iston prezidenti Qasim-Jomart Toqayev Shavkat Mirziyoyevni O‘zbekiston prezidenti lavozimiga qayta saylangani bilan iliq tabrikladi.
Shavkat Mirziyoyev saylovchilarning 80,1% foiz ovozi bilan ikkinchi muddatga qayta saylandi, deya xabar berdi MSK rahbari Zayniddin Nizomxo‘jayev. U saylovda nomzodlar o‘rtasida xalqaro standaortlarga mos haqiqiy raqobat bo‘lganligini ta’kidladi.
Dushanba kuni O‘zbekiston AQShdan 273 ming 780 doza Pfizer-BionNTech vaksinasini qabul qildi.
Belarus prezidenti Aleksandr Lukashenko Shavkat Mirziyoyev bilan telefonda muloqot qilib, uni prezidentlik saylovlaridagi «ishonchli g‘alabasi» bilan tabrikladi.
Rossiyada COVID-19 ga chalinish holatlari ko‘paymoqda. Kuniga infeksiya aniqlanganlar soni 37 ming 930 taga oshdi, bu pandemiya boshlanganidan beri yangi maksimal ko‘rsatkich.
Rossiya prezidenti Vladimir Putin Shavkat Mirziyoyevni prezidentlik saylovidagi «ishonchli g‘alabasi» bilan tabrikladi.
2022 yildan 1 iyuldan sug‘urtaning barcha turlari elektron shaklda amalga oshirilsa, 2023 yildan majburiy sug‘urtaning barcha turlarini qog‘oz blankalarda rasmiylashtirish amaliyoti bekor qilinadi. 2022 yil 1 iyuldan esa inflyatsiyaga bog‘langan davlat qimmatli qog‘ozlari chiqariladi.
«Gazeta.uz» muxbiri «Milliy tiklanish» partiyasidan nomzod Alisher Qodirov ovoz bergan Toshkentning Mirobod tumanida joylashgan 83-maktabdagi 116-saylov uchastkasida ovozlarni sanash jarayonini kuzatdi. O‘zLiDeP nomzodi Shavkat Mirziyoyev ushbu uchastkada 88% ovoz to‘pladi.
Bugun va ertaga O‘zbekistonda quruq va iliq ob-havo saqlanib turadi. Hafta o‘rtasida ob-havo o‘zgarib, yog‘ingarchilik bo‘lishi kutilmoqda. Havo harorati kechalari +4…+9, kunduz kunlari +7…+12 daraja iliqgacha pasayadi.
O‘zbekiston qamoqxonalardagi mahkumlarning umumiy soni bo‘yicha reytingda 62-o‘rinni egalladi, hozir muassasalarda 22 867 nafar shaxs jazo o‘tamoqda. Mamlakatda har 100 ming kishiga 68 nafar mahkum to‘g‘ri keladi va bu boradagi reytingda esa O‘zbekiston 179-o‘ringa loyiq ko‘rildi.
«Tolibon» Afg‘onistonning O‘zbekistondan elektr energiyasi importi bo‘yicha barcha qarzlarini to‘liq to‘lab berish majburiyatini o‘z zimmasiga oldi. Investitsiyalar va tashqi savdo vaziri Sardor Umurzoqov O‘zbekiston Kobulga elektr energiyasi yetkazib berishni «bir soatga ham» to‘xtatmaganini qayd etgan.
Prezident Shavkat Mirziyoyev farmoniga asosan Ichki ishlar vazirligining o‘ttiz yilligi munosabati bilan bir qator IIO xodimlari orden va medallar bilan mukofotlandi.
Oliy ta’lim vazirligi talabalarning 25 oktabrdan 3 haftalik ta’tilga chiqishi haqidagi xabarlarning asossizligini ta’kidlab, ularga ishonmaslikka chaqirdi.
Saylov uchastkalarida pirometriya davomida 53 kishida tana haroratining ko‘tarilishi aniqlandi, deya xabar qildi SES rahbari Bahodir Yusupaliyev. Ushbu saylovchilar alohida xonaga ajratildi, ularga tegishli tibbiy yordam ko‘rsatildi va bir vaqtning o‘zida yashirin ovoz berishlari tashkil etildi.
Soat 20:00ga qadar prezident saylovida ovoz berganlar 80,8%dan oshdi. Dastlabki natijalar ertaga e’lon qilinadi.
O‘zbekistonda prezident saylovida ovoz berish yakunlandi. Dastlabki natijalar ertaga e’lon qilinadi.
MSK raisi o‘rinbosari Bahrom Qo‘chqorovning ma’lum qilishicha, ayrim saylov uchastkalarida «oilaviy» ovoz berish holatlari uchramoqda. 519-saylov uchastkasida olingan videolavha ham tahlil qilingan. O‘rganish natijalari prokuraturaga yuborilgan.
Soat 17:00ga qadar prezident saylovida ovoz berganlar 71,8%dan oshdi. Qator davlatlardagi vakolatxonalarda ovoz berish tugadi. Vashington va Nyu-Yorkda saylov uchastkalari ochildi.
15:00 holatiga ko‘ra, O‘zbekiston prezidenti saylovlarida ro‘yxatga olingan saylovchilardan 12 mln 748 ming 549 kishi, ya’ni ularning 64,2 foizi ovoz berdi.
Buyuk britaniyalik xalqaro kuzatuvchi O‘zbekistonda kelgusiisaylovlarda dunyoning istalgan nuqtasidan ovoz berish, tashkiliy xarajatlarni qisqartirish va saylov komissiyasi faoliyatini yanada samarali qilish imkoniyatini taqdim etuvchi onlayn ovoz berish tizimi joriy etilishiga umid bildirdi.
Qo‘shimcha imkoniyatlardan foydalanish uchun saytda ro‘yxatdan o‘ting