IFC O‘zbekistonga investitsiya qonunchiligini takomillashtirishga yordam beradi
Xalqaro moliya korporatsiyasi Yaponiya hukumati bilan hamkorlikda O‘zbekiston hukumatiga yangi investitsiya qonunchiligini tayyorlashda yordam beradi. Bunda to‘g‘ridan-to‘g‘ri xorijiy investitsiyalarni ko‘proq jalb qilish va iqtisodiy o‘sishni rag‘batlantirish maqsad qilingan.
Toshkentda yangi avtobus yo‘nalishlari, shuningdek, ekspress yo‘nalishlar tashkil etildi
Dushanbadan Toshkentda yettita yangi avtobus yo‘nalishi va eng tig‘iz vaqtlarda ishlovchi uchta vaqtincha ekspress yo‘nalish tashkil etildi. Avgust oyi oxirida uchta yo‘nalish harakati qisqartirildi.
Toshkent viloyatida tezlikni nazorat qiluvchi 11 ta radar ish boshladi
Toshkent viloyatida 4-sentabrdan boshlab tezlikni nazorat qiluvchi 11 ta mobil radarlar ish boshladi. Ro‘yxat.
Qurilish vaziriga o‘rinbosar tayinlandi
Prezident qarori bilan Toir Alimatov qurilish va uy-joy kommunal xo‘jaligi vaziri o‘rinbosari etib tayinlandi.
Asosiy dori vositalarining yangilangan ro‘yxati tasdiqlandi
O‘zbekistonda yangilangan asosiy dori vositalari ro‘yxati (ADVR) tasdiqlandi. Undan 65 guruhga mansub dorilar o‘rin egallagan. Ro‘yxatdan tibbiyot muassasalari ehtiyojini tahlil etish, bunday dorilar mavjudligini monitoring qilish, narxini shakllantirish va boshqa maqsadlarda foydalaniladi.
Energetika vazirligi “zapravka”lar uchun kunlik gaz limiti belgilanganiga munosabat bildirdi
Tarmoqlarda “zapravka”lar uchun kunlik gaz limiti kiritilayotgani haqida xabar tarqaldi. Energetika vazirligi shartnomalarda “soatlik, kunlik, oylik va yillik” hajm belgilanishi mumkinligi ko‘rsatilganini bildirdi. Iste’molchilar qo‘shimcha gaz so‘rab murojaat qilishi mumkin, deydi vazirlik.
O‘zbekistonlik o‘quvchilar ilk bor Xalqaro informatika olimpiadasida medalli bo‘ldi
Vengriyada bo‘lib o‘tgan 35-Xalqaro informatika olimpiadasida Dilyorbek Valijonov va Dilshodbek Xo‘jayev bronza medallarini qo‘lga kiritdi. Bu O‘zbekiston uchun ushbu fan bo‘yicha olimpiadadagi ilk medallar bo‘ldi.
Ulug‘bek Rashitov taekvondo bo‘yicha yana Gran-pri chempioni bo‘ldi
Parijda o‘tgan taekvondo WT bo‘yicha Gran-pri musobaqasida Ulug‘bek Rashitov oltin medalni qo‘lga kiritdi. U iyun oyida ham Rimda o‘tgan ushbu musobaqada chempion bo‘lgandi.
Namangan aeroportida rekonstruksiyadan so‘ng uchib kelish terminali ochildi
Namangan shahrida aeroportning rekonstruksiya qilingan uchib kelish terminali ochildi. Yo‘lovchilarga xizmat ko‘rsatish maydoni 720 kv. metrdan 1756 kv. metrga yetdi. O‘tkazuvchanlik esa 3 barobar oshdi. Jo‘nab ketish terminalini rekonstruksiya qilish sentabr oyida boshlanadi. Foto.
Foto: Prezident Islom Karimov qabrini ziyorat qildi
Shavkat Mirziyoyev 2-sentabr kuni Samarqand shahridagi Hazrati Xizr majmuasiga tashrif buyurib, Islom Karimov maqbarasini ziyorat qildi.
Andijondagi 2 ta o‘zbek-qirg‘iz chegara posti ochildi. Foto
2009-yildan buyon yopiq bo‘lgan Andijon viloyatidagi “Mingtepa” va “Xonobod” o‘zbek-qirg‘iz chegara bojxona postlari ochildi. Ularning birinchisi kunduzgi vaqtlarda, ikkinchisi esa uzluksiz faoliyat olib boradi. Avvalroq O‘zbekiston va Qirg‘iziston fuqarolariga chegaradan ID karta orqali o‘tishga ruxsat berilgandi.
Urbanist bolalar kutubxonasi yonidagi chorrahani rekonstruksiya qilish bo‘yicha taklif berdi
Urbanist Iskandar Soliyev Respublika bolalar kutubxonasi yonidagi chorrahani rekonstruksiya qilish konseptini taklif etdi. “Avval piyodalarga, keyin velosiped va samokatlar, so‘ngra avtomobillarga ustuvorlik beriladi. Aslida ham shunday bo‘lishi kerak”, — dedi u. Hozir chorrahada mashinalar gavjum.
Zominda aeroport ochildi
Jizzax viloyatining Zomin tumanida aeroport ochildi. Terminal 30 yo‘lovchiga mo‘ljallangan. 1-sentabr kuni u LET L-410 va Pilatus PC-24 samolyotlarini qabul qildi.
Surxondaryoda maktab direktorini kaltaklagan shaxs qamoqqa olindi
Surxondaryoning Sariosiyo tumanidagi maktab direktorini kaltaklashda gumon qilingan shaxs ushlanib, qamoqqa olindi. Jabrlanuvchiga himoya orderi berildi, u tumandagi shifoxonadan viloyat kasalxonasiga o‘tkazildi.
Qozog‘iston prezidenti AES qurilishi bo‘yicha referendum o‘tkazishni taklif qildi
Prezident Qasim-Jomart Toqayev “mamlakat kelajagi bilan bog‘liq o‘ta muhim masala” bo‘lgani uchun Qozog‘istonda atom elektr stansiyasi qurilishi bo‘yicha umumxalq referendumi o‘tkazishni taklif qildi.
Odilbek Isakov iqtisodiyot va moliya vaziriga konsultant-maslahatchi bo‘ldi
Sobiq moliya vazirining o‘rinbosari Odilbek Isakov O‘zbekiston iqtisodiyot va moliya vazirining konsultant-maslahatchisi lavozimiga jalb qilindi.
Jetour Uzbekistan bayramga bayramona chegirma e’lon qildi
Auto Motors Asia MCHJ tarkibiga kiruvchi Jetour Uzbekistan kompaniyasi Mustaqillik bayrami munosabati bilan avtomobillarga chegirma e’lon qildi.
Toshkent aeroportining mahalliy terminaliga avtomobillar kirishiga ruxsat berildi
Toshkent aeroportining mahalliy terminali oldidagi hudud rekonstruksiyadan so‘ng qayta ochildi. Ilk bor barcha avtomobillarga qisqa muddat — 10 daqiqagacha — terminal hududiga kirishga ruxsat berildi. Kutib oluvchilarga sharoit yaratilishi yoki yo‘qligi va rekonstruksiyaga muhtoj avtoturargoh taqdiri ochiqlanmadi.
“Adolatli qonunlar bo‘yicha vijdonan yashash”. Prezident tabrigida nimalarga to‘xtaldi?
Prezident O‘zbekiston mustaqilligining 32 yilligi bilan tabriklab, ekologiya, kuchli fuqarolik jamiyati va OAVning ahamiyati, ayollarga teng imkoniyatlar yaratish, bag‘rikenglik, nizolarni tinch yo‘l bilan hal etish kabi masalalarga to‘xtaldi. “Davlatning vazifasi insonlarni baxtli qilishdir”, — deya eslab o‘tdi u.
Surxondaryoda maktab direktori kaltaklandi. Hokim holatni nazoratga oldi
Surxondaryo hokimi bilan mojarodan so‘ng omma e’tiboriga tushgan Sariosiyo tumanidagi 28-maktab direktori Umida Tursunova o‘qituvchilardan birining turmush o‘rtog‘i tomonidan ayovsiz kaltaklandi. Viloyat hokimi jabrlanuvchining oldiga borib, vaziyatni nazoratga olganini bildirdi.
Qo‘shimcha imkoniyatlardan foydalanish uchun saytda ro‘yxatdan o‘ting