CNN: O‘zbekistonlik bir guruh migrantlar IShID bilan aloqadorlikda gumonlangan kontrabandachi yordamida AQShga kirgan
IShIDga aloqadorlikda gumon qilingan kontrabandachi o‘zbekistonlik bir guruh muhojirlarga Meksika orqali AQShga kirishga yordam bergan. Bu ma’lum bo‘lgach, FQB ularni butun mamlakat bo‘ylab “qidirishga shoshildi”, — deb yozadi CNN. 15 nafar o‘zbekistonlikning manzili hali aniqlanmagan.
O‘zbekiston prezidenti yangi elchilarni qabul qildi
O‘zbekiston prezidenti Xitoy, Malayziya, Buyuk Britaniya, Turkmaniston va Bangladeshning yangi elchilaridan ishonch yorliqlarini qabul qildi.
Toshkentdagi “Yangi O‘zbekiston” ko‘chasi ikki kun kechki soatlarda yopiladi
31-avgust va 1-sentabr kunlari kechki soatlarda Toshkentdagi Yangi O‘zbekiston ko‘chasi transport harakati uchun yopiladi.
“Holat yaxshilangan, ammo qurilish dilni xira qilyapti”. AQSh delegatsiyasi — Toshkentdagi “Sietl” bog‘i haqida
Qardosh shahar aloqalari o‘rnatilganiga 50 yil to‘lishi munosabati bilan Toshkentga Amerikaning Sietl shahri delegatsiyasi tashrif buyurdi. Delegatsiya vakillari ramziy bog‘larning holati haqida suhbatlashdi. AQShning O‘zbekistondagi elchisi Toshkentdagi “Sietl” bog‘i hududi qayta tiklanishiga umid bildirdi.
Stereotiplar ayollarning maoshini pasaytiradi — Jahon banki tadqiqoti
Jahon banki iqtisodchisi ayollar va erkaklar maoshi bo‘yicha tadqiqoti doirasida O‘zbekiston, Qozog‘iston va Qirg‘izistonda tajriba o‘tkazdi. Tadqiqot xulosasida maosh to‘lashda jinslar o‘rtasidagi farq saqlanib qolayotganiga asosan ayollarga nisbatan shakllangan stereotiplar sababchi ekani aytilgan.
Toshkent metropolitenining yangilangan xaritasi e’lon qilindi
Transport vazirligi Toshkent metropolitenining yangilangan xaritasini e’lon qildi. Ijtimoiy tarmoqlarda xaritaning boshqa norasmiy variantlari ham tarqaldi.
O‘zbekistonning 20 ta muzey eksponati Xitoydagi ko‘rgazmada namoyish etiladi
2-sentabrdan Xitoyning Xanchjou shahridagi Milliy ipak muzeyida an’anaviy o‘zbek so‘zanalari, chopon va zargarlik buyumlarini o‘z ichiga olgan 20 ta eksponat namoyish etiladi. “Rang-barang Osiyo: Osiyo liboslari ko‘rgazmasi”da mintaqa mamlakatlarining 150 ga yaqin libosi ham taqdim etiladi.
O‘zbekiston CS:GO bo‘yicha jahon chempionati yarimfinaliga yo‘l oldi
O‘zbekistonlik kibersportchilar CS:GO bo‘yicha jahon chempionati (IESF World Esports Championship 2023) yarimfinaliga chiqdi. Jamoa guruh bosqichini mag‘lubiyatsiz yakunladi, chorak finalda esa Vengriyani mag‘lub etdi.
Uzbekistan Airways navbatdagi A320neo samolyotini qabul qilib oldi
Uzbekistan Airways Xitoyning CALC kompaniyasidan 168 o‘ringa mo‘ljallangan navbatdagi A320neo samolyotini sotib oldi. Karbonat angidrid chiqarishi 50 foizga kamaytirilgan “ekologik toza” havo kemasidan mahalliy aviaqatnovlar uchun foydalanish rejalashtirilmoqda.
Qirg‘iziston Madaniyat vazirligi TikTok’ni bloklashga qaror qildi
Qirg‘iziston Madaniyat vazirligi bolalar ruhiy rivojlanishi va salomatligiga zarari sababli TikTok ijtimoiy tarmog‘ini bloklashga qaror qildi.
YOII va MDH davlatlari ulushi kamayishi va YI bilan savdoning kengayishi. O‘zbekiston tashqi savdo aylanmasi qanday o‘zgarmoqda?
Tovar aylanmasining o‘sish tempi pasayishi ortidan Rossiya O‘zbekistonning asosiy savdo sherigi maqomini yo‘qotmoqda. Xitoy O‘zbekiston bozoriga eksport hajmini keskin oshirdi va yana 1-o‘ringa ko‘tarilib oldi. O‘zbekistonning YOII va MDHga bog‘liqligi kamayib, Yevropa Ittifoqi bilan savdo aloqalari kengaydi.
Toshkent viloyatida bedarak yo‘qolgan 2 yoshli bola quduqdan o‘lik holda topildi
Zangiota tumanida bir kun avval bedarak yo‘qolgan 2 yoshli bola ko‘ngillilar yordamida qidirib topildi. Kechasi bolaning jasadi uy yaqinidagi quduqdan topilgan. Tuman prokuraturasi tergov olib bormoqda.
“Oq-qovoq GES-10” yangilanish ishlaridan so‘ng qayta ishga tushirildi
29-avgust kuni “Oq-qovoq GES-10” stansiyasi modernizatsiyadan so‘ng yana ishga tushirildi va uning quvvati 39,7 MVtga yetkazildi. Loyiha qiymati 18,5 mln AQSh dollarini tashkil qildi.
Jizzax va Qashqadaryoga 50 dona Volkswagen Caddy tez yordam mashinasi tarqatildi
Jizzakh Auto tomonidan 50 ta Volkswagen Caddy tez yordam avtomashinasini Qashqadaryo va Xorazm viloyatlari uchun yetkazib berish boshlandi.
“Menga emas, xalqqa ko‘rsatish kerak”. Prezident Toshkentdagi yangi tibbiyot markazlariga bordi
Shavkat Mirziyoyev “mamlakatdagi birinchi shunday imkoniyatga ega bo‘lgan” Milliy tibbiyot markazi, shuningdek, otorinolaringologiya va bosh-bo‘yin kasalliklari markazidagi sharoitlar bilan tanishdi. U muassasalardagi jihoz va sharoitlarni prezidentga emas, balki xalqqa ko‘rsatish kerakligini ta’kidladi.
O‘zbekistonda yosh rahbarlarning yillik TOP-40 reytingi e’lon qilindi
“Yuksalish” umummilliy harakati O‘zbekistondagi 40 yoshgacha bo‘lgan istiqbolli yosh rahbarlar ro‘yxatini tuzdi. Bu yilgi reytingda rahbarlar ro‘yxatiga nodavlat sektor vakillari ham kiritildi.
Xitoy O‘zbekistonga yangi temiryo‘l yo‘nalishi bo‘yicha eksportni yo‘lga qo‘ydi
Xitoyning China Railway Beijing Group kompaniyasi O‘zbekistonga yangi temiryo‘l yo‘nalishi bo‘yicha eksportni yo‘lga qo‘ydi. Tovarlarning birinchi partiyasi mamlakat shimolidagi Chjanjiaku shahridan Toshkentga 15 kun ichida yetib kelishi kutilmoqda.
Fransiya maktablarida musulmon abayyasini kiyish taqiqlanmoqda
Fransiya maktablarida yangi o‘quv yilidan musulmonlar libosi — abayya kiyish taqiqlanadi. Mamlakat ta’lim vazirining fikricha, o‘quvchilarning tashqi ko‘rinishi ularning dinini bildirib turmasligi kerak. Mamlakatda 2004-yildan beri maktablarga diniy ramzlar yoki kiyimlarda kelish mumkin emas.
G‘ijduvon shashligini tayyorlash uchun ruxsat olish va to‘lov qilish shart emas — Adliya vazirligi
Buxoroning G‘ijduvon shashligi geografik ko‘rsatkich sifatida ro‘yxatdan o‘tdi (patentlandi). Tuman hokimi endi kim bu nomdagi shashlikni pishirmoqchi bo‘lsa, hokimiyatdan ruxsat olib, to‘lov qilishi kerakligini aytdi. Adliya vazirligi “Gazeta.uz”ga buning uchun hech qanday ruxsat va to‘lov shart emasligini bildirdi.
Interpol qidiruvidagi erkak Nikaraguadan O‘zbekistonga ekstraditsiya qilindi
Noqonuniy migratsiya, firibgarlik kabi jinoyatlarni sodir etishda gumonlangan shaxs Nikaraguadan O‘zbekistonga ekstraditsiya qilindi. Uni qo‘lga olish AQSh, Rossiya, Meksika, Turkiya va Panama davlatlari organlari yordamida amalga oshirildi.
Qo‘shimcha imkoniyatlardan foydalanish uchun saytda ro‘yxatdan o‘ting